جواب الانترفيووووووو

[gadolly]

غريبة جدا جدا

هم يا نصار معاك في المكتب و ممكن تعرف هم ليهم اي مزايا عننا, يعني مثلا لو كانوا تخصص كيمياء او ميكانيكا او اطباء

او ممكن يكونوا معاهم عقد عمل في كيبيك, و لو كانوا متجوزين كنديين بيخلصوا بسرعة

لو زي حالاتنا ممكن تسأل المحامي ايه اللي بيحصل ده, و ايه اللي انا شايفه ده

[Nassarlink]

انا هتاكد من التخصصات ورقم الفايل واعرفك انشاء الله بس اديني فرصه اسبوع

لكن بالنسبه للتاريخ انا متاكد منه

[gadolly]

طيب هم من مصر و معاك في نفس المكتب

[Ebn Sina]

انا اتصلت بمكتب الهجرة اللى ماسك الملف بتاعى عشان اتاكد من موضوع الجوابات اللى ارسلت للانترفيو للى مقدمين فى فبراير 2007وقبلهم.....الراجل اكد لى انهم شغالين فى شهر 8 لعام 2006 ...وان هذه الانباء غير صحيحة بالمرة......كررت سؤالى تانى فرد بحدة وقالى الاخبار دى مش صحيحة والناس اللى بيتبعتلهم جواب الانترفيو دلوقتى هم اللى مقدمين فى اغسطس 2006

مش عارف اقول ايه .........انا احترت

[Ebn Sina]

النهاردة بالليل لقيت المكتب بتاع المحامى اللى ماسك ملفى باعتلى ايميل بيقول ان جالى جواب الانترفيو...بصراحة اما قريت الايميل ما بقتش عارف اضحك ولا اعيط ولا اعمل ايه....طبعا جميل ان المقابلة جت بدرى ...اهو توفير وقت ....لكن انا ظروفى متعقدة وارجوكم حاولوا تفكروا معايا فى الحل لانى لازم اخذ قرار بسرعة

انا شغال فى السعودية ولسه 6 شهور على ميعاد اجازتى...والانترفيو فى شهر 11 اعمل ايه مع الكفيل بتاعى عشان يرضى ينزلنى اسبوعين ؟....طبعا اللى شغالين فى السعودية هما اللى يقدروا يفيدونى لانهم عارفين يعنى ايه كفيل؟

تانى العبدلله نسى كل الحاجات اللى خدتها فى الفرنساوى لانى خدت 3 مستويات فيه من سنتين ودماغى ضايعة......وان كنت ممكن اذكر اشياء كتيرة ..بس مفيش وقت...الصيادلة هنا عبيد ...ومعندناش حاجة اسمها وقت فراغ او اجازة.........اعمل ايه عشان الجق الم نفسى فى الفرنساوى ...اشيروا على؟

رجاءا الناس اللى عملوا الانترفيو ومروا بظروف مشابهة ينصحونى....او اللى داخلين فى شهر 11 انصحونى اعمل ايه

مش عارف انا لو الامور قفلت اوى هاطلب تاجيل المقابلة ...مش عارف ده ممكن يكون حل ولا لا؟

[drpharma]

مبروك يا د ابن سينا بس انت قدمت امتى وفين لحد مجالك الانترفيو؟

الله يعينك على الي انت فيه حيره فيها والله مشعارف اقلك انزل وخلاص سيبك من الكفيل بس لسه سنه على الفيزة

[Nassarlink]

انا اتصلت بمكتب الهجرة اللى ماسك الملف بتاعى عشان اتاكد من موضوع الجوابات اللى ارسلت للانترفيو للى مقدمين فى فبراير 2007وقبلهم.....الراجل اكد لى انهم شغالين فى شهر 8 لعام 2006 ...وان هذه الانباء غير صحيحة بالمرة......كررت سؤالى تانى فرد بحدة وقالى الاخبار دى مش صحيحة والناس اللى بيتبعتلهم جواب الانترفيو دلوقتى هم اللى مقدمين فى اغسطس 2006

مش عارف اقول ايه .........انا احترت

السلام عليكم ورحمة الله بركاته

انا بأكدلك يا ابن سينا اني شفت الجوابات بتاعة 02/2007 الي اتبعتلهم تحديد المقابله يوم 12/11/2008

شفتها بعيني وقريت رقم الملف كامل بنفسي

انا نفسي متعجب

انا مش بقول ان كلامك في خطاء لكن بقول ان في حلقه مفقوده احنا مش عارفينها ومحدش عارف لها تفسير mfb:

وربنا يسهل حد يوصله اخبار توضح الموقف وكمان تريح قلبنا wst::

[Ebn Sina]

شكرا يا drpharma على مباركتك وعقبال الجميع ما يوفقكوا ويجيلهم جواب الانترفيو قريبا

استاذ نصار.........لقد جائنى بالفعل ايميل من مكتب المحامى....من الفرع الرئيس فى كندا يخبرنى فيه ان ميعاد المقابلة فى 18 نوفمبر القادم ...وذلك بعد ان اتصلت بمكتب القاهرة صباحا ورد على الموظف الموجود فى المكتب -بمنتهى التناكة -بان ده كلام فارغ وانهم لسه شغالين فى اغسطس 2006 كما كتبت فى مشاركتى الاخيرة

ولكن لاننى لا اطمئن الى مكتبهم فى القاهرة بعت ايميل فى الحال الى مكتبهم فى كندا استفسر عن الموضوع ...لقيتهم بالليل باعتين ايميل بيقولوا لى فيه انهم وصلهم اخطار بميعاد المقابلة فى 18 نوفمبر فى القاهرة

وانا فتحت توبيك جديد بعد ما وصلنى الايميل لكن مفيش حد عبرنى لحد دلوقتى مش عارف ليه

المهم تساؤلاتى للاخوة الاعضاء هى

المكتب اخبرنى بميعاد المقابلة فقط هل لازم يكون معايا وانا رايح المقابلة نسخة من جواب اللى موجود فيه الميعاد؟

هل يمكننى ان ارسالة فاكس للسفارة اقول لهم انهم يراسلونى مباشرة وليس المكتب الزبالة بتاع المحامى بتاعى اللى نايم على ودانه؟

ازاى الم نفسى فى الفرنساوى فى ال 3 شهور الباقيين دول ....لانى نسيت حاجات كتير من اللى درسته ...انا هنا فى السعودية من سنتين ومعنديش وقت اهرش فما بالك بمذاكرة الفرنساوى....ايه الطريقة الفعالة اللى تخلينى الم نفس بسرعة ولا رايكم احفظ اجابات جاهزة على الاسئلة التقليدية اللى ممكن تتقال فى المقابلة؟

هل لا قدر الله لو اترفضت فى المقابلة نتيجة ضعف اللغة يمكن ان اتقدم بتظلم من القرار.....او من الممكن ان يمنحونى هم فرصة اخرى لتحسين اللغة كما قرات فى احد المشاركات السابقة؟

بالنسبة للاخوة اللى ليهم مقابلت فى شهر 11 ممكن ننسق مع بعض هنعمل ايه فى المقابلة وايه الورق المفروض يبقى معانا ..الخ، بحيث ان كل واحد هيدخل المقابلة ينصح التانى اللى مقابلته بعديه بكام يوم؟....هل يمكن تنفيذ هذا الاقتراح لكى ننقل خبراتنا لبعض وخصوصا ان مواعيد المقابلات فى شهر 11 كتيرة جدا ومتقاربة

خالص تحياتى للجميع

مع تمنياتى لكم بكل التوفيق

[salamatarek]

الف الف مبروك يا ابن سينا,هو انت مقدم فيديرال ولا كيبك؟؟؟؟

[melhamy]

الف الف مبرووووووك على خطاب المقابلة و عقبالى يارب

نصيحة منى وانت أدرى بشخصية كفيلك و نوعين الناس اللى شغال معاهم الصراحة مافيش احسن منها لو حسيت ان كفيلك شخص محترم و متفهم و بيقدر قول له الحقيقة بينك و بينه و ماتخليش طلبك للأجازة عن طريق مديرك أو حد من زمايلك ده لو ماكنتش سيحت خلاص فى الشركة ان خطاب المقابلة وصلك wst::

او حسيت ان شخصية .... احم احم ماعلينا ( الله يسامحهم كلهم ) قول له ان عندك حالة وفاة لا قدر اللهو محتاج تاشيرة خروج وعودة لمدة 15 يوم و انت ادرى بظروفك

الف مبروووووك مرة تانية وربنا يكملك عل خير

احنا بندور اننا نخرج من غربة لغربة يا قلبى لا تحزن

[مهيب]

تم دمج موضوع الفاضل ابن سينا (المتعلق بذات موضوع جواب الانترفيو) و اعادة تسمية الموضوع ليصبح (جواب الانترفيو) حتى يكون مرجعا لمن يبحث عن هذا الموضوع بصفة عامة .

عن الادارة

مهيب

[Ebn Sina]

الف الف مبروك يا ابن سينا,هو انت مقدم فيديرال ولا كيبك؟؟؟؟

الله يبارك فيكم جميعا وعقبالكم يا رب

مقدم كيبيك بتاريخ فبراير 2006 وجالى اخطار بميعاد الانترفيو امبارح وميعادها فى 18 نوفمبر

شكرا للاخ melhamy على مباركتك وعقبالك يا رب

المشكلة يا سيدى ان انا شغال فى صيدلية وكفيلى علاقتى بيه دايما متوترة ...وبفكر اختلق اى قصة عشان انزل بس خايف لينشف دماغه حاكم ده مخه وسخ !!

مش عارف اقوله ايه المبرر لنزول المفاجئ وبرضه اكلمه قبلها علطول على اعتبار ان الموضوع مفاجئ ولا قبلها بفترة تحسبا لطول فترة المفاوضات

ما تخافش انا ما قلتش لحد من زمايلى..ومفيش حد فيهم يعرف اصلا انى مقدم على هجرة.....انت عارف المصريين بيعملوا هنا ايه فى بعض يا ريس. ربنا يسترها

ارجو من الاخوة اللى عملوا المقابلة قبل كده او هيعملوها الفترة الجاية ان لو حد فيهم عنده جواب على تساؤلاتى يقول عشان الفايدة تعم ع الجميع

[gadolly]

يا عم ابن سينا براحة عليا, احنا فاكرينك و مش ناسيينك

انا امبارح رجعت متأخر اوي و لقيتك مش موجود اون لاين

علي العموم مبروك علي الجواب و دي حاجة تشكر ربنا عليها و اهم 60 مرة من شغلك في الخليج. و كمان اديك عرفت ان مكتب المحاحمي معندهوش فكرة عن البطيخ و مش حاسس باللي بيحصل حواليه و لا مكلف نفسه يتابع حتي اخبار الناس المقدمة التانية عشان يوجهكم او حتي يقولكم الميعاد المتوقع للانترفيو. علي العموم الحمدلله ان المنتدي موجود و بيدينا فكرة علي اللي بيحصل حوالينا, و شكرا للاخ نصار اللي تعبان معانا عشان المنتدي يقدر يكمل الداتا بيز و ادينا علي الاقل عملين حسابنا و احتياطتنا علي انترفيو نوفمبر, بدال منكون نايمين في العسل.

بالنسبة للفرنساوي ان شاء الله مفيش خوف, انت اخدت فرنساوي قبل كدة في المركز الفرنسي و دة اقوي حاجة في مصر و هم عارفين كدة, يعني حتي لو عكيت, هم ارفين انك اتعلمت قبل كدة و عندك استعداد تعلم تاني الايام اللي جاية, انا انصحك انك تسجل كورس في المركز الفرنسي اول ما تنزل مصر عشان تروح السفارة تقولهم انا بكمل تعلم اللغة بس كنت قطعت الدراسة عشان السعودية مفهاش فرنساوي و انا ان شاء الله حكمل الكورسات قبل الفيزا

و انا مع رأي الاخ الفاضل اللي قالك بلاش تسيح علي نفسك في الشغل و كلم الكفيل براحة و قول له علي وضعك و اطلب منه حتي اسبوع واحد اجازة, ده لو كان الكفيل متفهم, لو مش متفهم انت تصلي استخارة و تشوف تعمل ايه. انت صلي استخارة في كل الاحوال و ان شاء الله ربنا يسهلك.

الاخ حمودي: مفيش اخبار عنك, انت يا عم قبللي علي طول في تاريخ التقديم, هم باين عليهم ماشيين من الاخر للاول, يعني شهر فبراير و يناير خلصوا و احنا قبلهم لسة, و السفارة قالتلي انهم في شهر 9 2006, يعني الحبة اللي في النص دول هم اللي فاضليين,ال 3 شهور 10, 11, 12 هم اللي لسة و قبلنا خلصوا و بعدنا خلصوا, مش قلت لك باين علينا فقريين wst::

[medopharm]

الأخ العزيز د ابن سينا

الف مبروك على الانترفيو

وربنا يعديها لك على خير

وموضوع الكفيل حاول انك تقول اى سبب مفاجئ حصل لك فى مصر

اى سبب مهما كان

يعنى كذبه بيضاء وما اعتقدش ان اى حد هيدور وراك

وبالتوفيق

Medopharm

[دعاء]

wst::

mfb: Ebn Sina

الف مبروك على الانترفيو هذا اولا - ثانيا انا هاحاول ارد على بعض تساؤلاتك تبعا لخبرتى الشخصية وارجوا ان تكون فيها ولو بعض الافادة :

المهم تساؤلاتى للاخوة الاعضاء هى

المكتب اخبرنى بميعاد المقابلة فقط هل لازم يكون معايا وانا رايح المقابلة نسخة من جواب اللى موجود فيه الميعاد؟

لازم يكون معاك الجواب المبعوت من السفارة بتاريخ وميعاد المقابلة وهو ده اول حاجة بيشوفها المقابل فى بداية المقابلة

هل يمكننى ان ارسالة فاكس للسفارة اقول لهم انهم يراسلونى مباشرة وليس المكتب الزبالة بتاع المحامى بتاعى اللى نايم على ودانه؟

والله انا عندى نفس المشكلة مع نفس المكتب وحاولت انى ابعث ايميل للسفارة علشان يخطرونى بالكشف الطبى على ايميلى الخاص والسفارة ردت عليا وقالتلى ان الايميل بتاعك هانبقى نبلغك عليه اى جديد يخص ملفك لكن لحد دلوقتى ما بعتوليش اى حاجة ولا المكتب بتاع المحامى جاله اى حاجة بخصوص الكشف بتاعى واعتقد اننا متاخرين لكن لازم تعمل الخطوة دى حاول تبعت لهم ايميل او فاكس واعمل اللى عليك

ازاى الم نفسى فى الفرنساوى فى ال 3 شهور الباقيين دول ....لانى نسيت حاجات كتير من اللى درسته ...انا هنا فى السعودية من سنتين ومعنديش وقت اهرش فما بالك بمذاكرة الفرنساوى....ايه الطريقة الفعالة اللى تخلينى الم نفس بسرعة ولا رايكم احفظ اجابات جاهزة على الاسئلة التقليدية اللى ممكن تتقال فى المقابلة؟

انا رايي ان الفترة اللى فاضلة يادوب تقدر تظبط نفسك على جو المقابلة وحفظ الاسئلة المتوقعة واجاباتها ولو كنت فى مصر كنت هانصحك بحد من المتخصصين فى التجهيز للمقابلة لكن طالما انت فى الخليج حاول تسال اذا كان فى حد منهم يمكن يساعدك اما انك تذاكر فرنساوى بس من اول وجديد ده لن يجدى

هذا كل ما استطيع تقديمه لك من نصيحة وارجوا لك ولكل الاخوة الذين سيقابلون قريبا التوفيق

:waf:

[Dr Ayman Kamel]

الاخوة الاعزاء

بارك الله لكما وللضمان اتصلو ابالسفارة وشوفوا موقفكم ايه ماتعتمدوش على اى محامى

[hamoudi]

الاخوه الاعزاء رفقاء الهجرة

الاخ جادوللي بالــــــــــــــــــــذات

انا كنت فى المكتب بتاع المحامي بتاعي النهارده

والله وانا واقف جاء عدة جوابات انترفيو النهارده مش هاتصدق منهم ناس مقدمين 6/2007 تاني باكرر 2007 علشان ماحدش يقول ليا 2006 وانا مش واخد بالي

وناس 2/2007 و4/2007

انا مش عارف الناس بتوع 10 و 11 و 12 /2006 سقطوا سهوا والا ايه؟!؟؟!؟!؟!؟!؟؟!؟!!؟

انا فى انتظار اي تحديث

بس انا متهيئلي الحكومه الكندية عامله لينا مفاجأة وبتدير الملفات بالطريقه المصريه

[Nassarlink]

انا كمان جالي جواب الانترفيو

عقبالكم كلكم وعقبالك يا جادولي يمكن اقابلك انشاء الله في مصر

هقول بياناتي تاني

الملف اتفتح 23/3/2007 برقم 203xx

موعد المقابله 26/11/2008

ادعولي يا جماعه احسن انا قلقان

ربنا يوفقكم جميعا

[gadolly]

الف مبروك يا نصار, ان شاء الله نتكلم مع بعض

[medopharm]

انا كمان جالي جواب الانترفيو

عقبالكم كلكم وعقبالك يا جادولي يمكن اقابلك انشاء الله في مصر

هقول بياناتي تاني

الملف اتفتح 23/3/2007 برقم 203xx

موعد المقابله 26/11/2008

ادعولي يا جماعه احسن انا قلقان

ربنا يوفقكم جميعا

مبروووووووووووووك وعقبال السفر ان شاء الله