شنطة........... و مثلث...............

[المنصوراوى]

عم راضى التاكسجى راجل غلبان فى حاله

و يادوب مكفى مصاريف عياله

طالع بالتاكسى زى كل يوم يا صباح يا عليم يا رزاق يا كريم

اصطبحنا وا صتبح الملك لله يا رب يكفينا شر ولاد الحرم دا دعاء

عم راضى كل صبح فى يوم عم راضى نسى مايقول الدعاء

و طلع بالتاكسى عم راضى و فجاة ظابط مرور بيوقفه كان الموضوع

غريب مع عم راضى اللى رابط الحزام و معاه طفاية الحريق و ماشى

على سرعة 60 والتاكسى مفيهوش ملصقات ولا حاجة

ظابط المرور:فين الشنطة؟؟؟؟؟؟؟؟؟؟

عم راضى :شنطة !!!!!!!!!!شنطة ايه يا باشا

انا راجل عندى 60 سنة حشيل شنطة ليه دانا خلصت المدرسة من سنين

و حتى لما كنت فى المدرسة عمرى ما شلت شنطة حشيلها ليه دلوقتى

ظابط المرور:بقولك ايه يا تطلع الشنطة يا تدفع غرامة

عم راضى:غرامة أيه يا باشاخلاص المدام الظاهر كده نست شنطتها فى التاكسى

خدها يا باشا لو تلزمك

ظابط المرور:شنطة مراتك ايه اللى أنا حاخدهاانا بتكلم على شنطة الاسعافات و ما تنرفزنيش

عم راضى :اه يا باشا دى شنطة مراتى فيها كل الاسعافات افتحها يا باشا و ما تتكسفش و بالاش الغرامة

ظابط المرور:لا يا عسل عليك غرامة حد ما جيب شنطة الاسعاف

عم راضى:مش فاهم حاجة يا عينى على الموضوع بتاع الشنطة

خلاص يا باشا غرامة غرامة اللى تشوفة احنا نقدر نعارض الحكومة

بس عندى سؤال ليه لازمة شنطة الاسعاف دى بقى

ظابط المرور:لم تحصلك مصيبة ولاحادثة يبقى فيه شنطة اسعاف

عم راضى:يا باشا اللى بيعمل حادثة الشنطة حتعمله ايه..........دا اللى بعمل حادثة المستشفى بالعافية بتقبله

ظابط المرور:يا غبى دى للكدمات الخفيفة

عم راضى:طالما هى خفيفة أيه لازمة الشنطة ممكن اروح اى صيدلية و ادوى الجريح على الاقل يبقى الناس اللى بداوى الجرح ناس فاهمة مش احنا ندويه

ظابط المرور:بقلك ايه الحكومة عاوزة كدة تقدر تقول لا

عم راضى :لا ما اقدرش

ظابط المرور:فين المثلث المتحرك

عم راضى: مثلث المتحرك!!!!!!!هو حد قالك انى شغال مهندس علشان اشيل مثلث متحرك دا أنا خريج تجارة و اكتر حاجة بكرها حساب المثلثات

الظابط :كمان غرامة ولو اتكلمت نص كلمة فية غرامة ازعاج السلطات

عم راضى :حاضر يا باشا مش حتشوف الحزام وطفاية الحريق بقى

ظابط المرور:لا مش مهم دى حاجات الكل شايلها مش حتحقق اى ارباح معانا

مع تحيات هيئة المرور