استفسار حول اجراءات السفر

[احمد محمد حسن]

السلام عليكم ورحمة الله وبركاته

انا مساح وربنا كرمنى بعقد عمل فى السعوديه من خلال مكتب سفريات والمكتب بيتكلم معايا على اساس انها وظيفة حكوميه

وان الكفيل فيها هى الحكومه لانها وظيفة مساح فى بلدية اسمها " بلدية حلبان " لكن المشكله هى ان الفيزا " عامل " المهم

انى وافقت ومشيت فى الاجراءات لحد اما خرجت جواز السفر كمان بوظيفة "عامل عادى " والمطلوب انى اعرفه من حضارتكم اذا

سمحتوا لى :

1- هل فعلا المصريين يحق لهم العمل بوظائف حكوميه مع العلم انى خريج 2007 ؟ وهل من الممكن ان الحكومه هى اللى تكون

كفيل ؟

2-ما هى المده التى تتخذها اجراءات كشف فيروس سى وكشف "جامكا "؟ وتكلفتها ان امكن ؟

3- كيفية التاكد من صحة التاشيره وصحة العقد ؟ وكيف اتاكد من مصداقية مكتب التوظيف معى ؟وكيف اتاكد من انه فعلا بلدية حلبان طالبه موظفين ؟

انا اسف انى طولت عليكم باسئلتى الكتيره بس فعلا محتاج اتطمن وبصراحه بحثت كثيرابين المنتديات ولم اجد مثل منتداكم الكريم الذى يتناول مثل تلك الموضوعات بجديه وتفاعل

تم تعديل 25 يوليو 2008 بواسطة احمد محمد حسن

[Rakan]

وعليكم السلام ورحمة الله وبركاتة

مش عارف ... لكن حاسس فية حاجة غلط في موضوع العقد المعروض عليك

اخ احمد حتى لو كان العرض سليم ... نصيحة من اخوك حاول تبحث عن فرصة ثانية في غير هذة المنطقة

انا ابن البلد واعرف حلبان واعرف اهلها واعرف انك لن تسطيع ان تعيش في هذة المنطقة والتعامل مع اهلها

اسف اذا كلامي ازعجك لكن من الواجب على ان اخبرك ( و ارجو ان تأخذ كلامي على محمل الجد )

و ان شاء الله ربي يرزقك بفرصة افضل منها

و بالتوفيق .

تم تعديل 25 يوليو 2008 بواسطة Rakan

[aimen]

اخى احمد سؤال بسيط جدا

هل الحكومة معندهاش تاشيرات بمهنتك الأصلية علشان كده بتعمل زى اقل شركة وتجيب تأشيرات بمهنة عامل ؟

اعتقد ان كفالتك مليون فى الألف على شركة تشغيل وصيانة لكن قد يكون عملك فى جهة حكومية ؟

شركات الصيانة والتشغيل معروفة بعقودها المتعبة ومشاكلها التى لا تنتهى وتأخير الرواتب على ما اتذكر

نصيحة انتظر ولا تتعجل ....فيه حاجه مش مضبوطة

تم تعديل 25 يوليو 2008 بواسطة aimen

[abdulmuttaleb]

أحمد محمد حسن (اوعى تكون أحمد حسن لاعب المنتخب والنادي الأهليf((:)

أولا ربنا يوفقك وييسر لك الأمور ويرزقك بالحلال

ثانيا لحين تكرم أحد الأعضاء المخضرمين بالرد والتوضيح أقترح الآتي على حضرتك:

1-اعرف إلى أية محافظة أو منطقة سعودية تندرج تحتها هذه البلدية (حلبان) ثم من الانترنت أو بالاتصال بدليل الهاتف السعودي يمكنك الاتصال بهذه البلدية وأخبر عامل السويتش أنك تتصل من خارج السعودية واطلب التحدث إلى مدير البلدية أو مسؤول الموارد البشرية والتوظيف فيها، ولا مانع من الدردشة مع عامل السويتش بل وطلب أي مهندس للدردشة معه أيضا قبل أو بعد التحدث مع رئيس أو مدير البلدية أعتقد أننا نتكلم في 10دقائق دولي يعني 25جنيه فقط.

2-بإمكانك الاستفسار من مكتب السفريات نفسه عن أية تفاصيل أو جزئيات، وأعتقد أن مجمل سير الأمور وتعامل المكتب معك ومشاهدتك لزملاء آخرين لك يتعاملون مع المكتب هذا كله سيساعدك في زيادة أو تقليل مقدار الثقة في هذا المكتب

3-بإمكانك سؤال أي مكتب سفريات بطلب النصيحة منهم بخصوص مسألة التأشيرة والعمل لدى الحكومة السعودية، والذي أعرفه عموما هو أن المصلحة الحكومية تكون كفيلا هذا صحيح، يعني حضرتك تعمل في بلدية (حلبان) فيكون كفيل حضرتك هو وزارة الشؤون البلدية والقروية بالمملكة العربية السعودية، لو طبيب يعمل في مستشفى الحرس الوطني يكون الكفيل هو الحرس الوطني، وهكذا.

4-لا تنسى الدعاء وبر الوالدين وربنا يكرمك.

[Melhakim]

السلام عليكم ورحمة الله وبركاته

انا مساح وربنا كرمنى بعقد عمل فى السعوديه من خلال مكتب سفريات والمكتب بيتكلم معايا على اساس انها وظيفة حكوميه

2-ما هى المده التى تتخذها اجراءات كشف فيروس سى وكشف "جامكا "؟ وتكلفتها ان امكن ؟

وعليكم السلام ورحمة الله وبركاته

بالنسبه لفيروس سى اللى بيتعمل فى المعامل المركزية اعتقد انه بياخد حوالى 3 ايام او يومين مش اقل من كده

ام بالنسبه لجامكا فحضرتك بتروح ليهم وبيحولوك على مستشفى ( السلام الدولى او النيل بدراوى او القاهرة التخصصى ) والكشف كله بيخلص فى نفس اليوم والنتيجه بتاخدها تانى يوم

ده اللى انا اعرفه لانى لسه عامل الموضوع ده من شهر

تكلفة جامكا 120 بتدفع فى المستشفى

والمعامل المركزية مش فاكر والله بس اعتقد مش اقل من 80 جنيه

والله اعلى واعلم

تم تعديل 25 يوليو 2008 بواسطة surfthe

[Dr.mmfriend]

السلام عليكم

تصحيح بسيط

الفيروسات بتتعمل فى المعامل المركزيه بوزارة الصحه ب 120 جنيه

ولازم معاك صورتين

والنتيجه بتاخد 3 او 4 ايام تقريبا

اما جاماكا بتروح هناك وتاخد تحويل لاى مستشفي زى الى مكتوبين فوق دول

الدفع مش في جامكا ولكن فى المستشفي بتدفع 180 جنيه + صورة شخصيه

والنتيجه تانى يوم او تالت يوم

وانا لسه عامل الموضوع ده الخميس