رجاء النصيحه من مغتربى الامارات

[magedo]

سلام عليكم

اولا احب ان احييى جميع اعضاء المنتدى لانى متابع منذ فتره الكبيره هذا المنتدى واعتبره من افضل المنتديات

ثانيا اطلب النصيحه من اهل الامارات

انا مهندس ميكانيكا حديث تخرج وعندى فرصة عمل فى دبى و مرتبى يصل الى 6500 درهم شامل السكن والانتقالات

فهل هذا المبلغ يكفى لاعزب علما بانى مستعد للسكن فى الشارقه او عجمان لانى علمت ان ايجار الشقق بها اقل من دبى

و جزاكم الله كل خير

[wela]

اهلا بيك يا اخي بص كبداية شغل عموما في دبي كويس خصوصا ان انت صغير مش معاك خبرة

بس هل انت في مصر معاك وظيفة كويسة؟؟؟

وبتاخد كام؟؟؟

بالنسبة للسكن لازم تسكن في دبي جنب الشغل يعني هتحط حوالي 1500 سكن في غرفة في شقة فيها 4 تقريبا

لان لو الشركة مفهاش مواصلات هتدفع مرتبك تاكسي مش علشان التاكسي غالي اوي كدا بس انت هتاخد وقت كبير من الشارقة او عجمان لحد ما توصل والعداد بيعد حتي لو انت واقف

فانا شايف الي هتوفرة في سكن دبي هتدفعة مواصلات وكمان اعمل حسابك في ساعتين قبل الشغل وبعده ولو دوامك مرتين يبقي مش هينفع لازم تسكن في دبي وزي ما قولتلك كبداية حلوة

لحد ماتاخد خبرة في البلد...

[magedo]

الف الف شكر يا اخ wela على النصايح الغاليه ده و ربنا يكرمك

انا لسه مش عارف مواعيد الشغل صراحه ايه

بالنسبه للشغل انا كنت شغال فى هيئة النقل وكنت باخد 320 جنيه

ايه رايك بقى

و كانو بيدونى حوافز 82 جنيه

بس كنت حابب اعرف المصاريف اليوميه معلش هاتعبك معايا

[زعلان]

نصيحة انك تقول للشركة تاخد بدل السكن وتوفرلك بيه استديو مفروش على حسابهم قريب من الشغل حتى لو كان بدل السكن 2500 ريال من ال راتب الي هو 6 ونص وحيفضلك اربعه يبقى ممتاز لأنك كده حتتعب جدا في حكاية السكن و البحث عن سكن مناسب و تسكن مع حد ما تعرفوش

ملحوظة الاستديو في دبي حسب المنطقة بيتراوح ما بين 48 الف الى 70 الف يعني ما بين 4 الاف الى 6 الاف الشهر وده مش مفروش ومن غير كهربا و ميه وبلدية

تمنياتي بالتوفيق بالتأكدي العرض الي معروض عليك افضل بكثير من وضعك في مصر وهو اجمالا مش بطال بس كان ممكن تاخد اكثر شوية لو فاوضتهم علشان تقدر لو موفرولكش السكن تلاقي سكن مناسب يعني ممكن تاخد من 7- 8 الاف ومهندس الميكانيكا مطلوب جدا طبعا

تم تعديل 27 يوليو 2008 بواسطة زعلان

[wela]

والله بالنسبة للمصروفات اليومية علي حسب

يعني الوجبة في مطعم حوالي 25 درهم

يعني ممكن 1000 درهم مصرفات شهرية

بس اتوكل علي الله ربنا يوفقك كبداية مش وحشة

ولما تاخد خبرة راتبك هيتضاعف....

[magedo]

الف شكر يا جماعه على المعلومات و النصايح بتاعتكو ده

انا بشكرك يا اخ wela و يا اخ زعلان و ان شاء الله انا هاتوكل و اروح ان شاء الله و ان شاء الله نتواصل اكتر مع بعض