هل تسمح لزوجتك بالمشاركة في المنتديات ؟؟

[هشام الكندي ان شاء الله]

انا لم اكتب رايي و لم اشارك بنعم او لا لان زوجتي لو جاءت لي في يوم من الايام و طلبت مني الاذن او الموافقه علي الاشتراك في منتدي او موقع محترم, فستسقط من نظري لانها تخلت عن حق اصيل من حقوقها الا وهو الحق في التعبير عن الراي.

اما لو جاءت تطلب اذني في الاشتراك في منتدي خليع او اباحي فساسقط من نظر نفسي لاني ساعرف يقينا اني اسات اختيار زوجتي.

و بما اننا في مصر, و فيه ستات و بنات كتير مشتركات في مواقع اباحيه فاكيد مخدوش اذن ازواجهم. و للاسف الشديد جدا ان فيه سيدات و بنات بتشارك في مواقع محترمه بدون علم الاهل خشيه المنع من التعبير عن الراي.

في كلتا الحالتين لا اجد جمله ادق من جمله مارتن لوثر كينج عندما قال " لا يمكن لايا كان ان يمتطي ظهرك الا اذا وجده محنيا" و للاسف المرأه المصريه محنيه الظهر, اما مستقيمه الظهر فينظر اليها نظرة تدل علي عدم الاحترام.

ربنا يستر علي ولايانا

[moheltohamy]

اول مره أعرف ان المنتديات مكان مشبوه أو كلمه قبيحه و العياذ بالله

و مش عارف اذا كنت مفكرتش حتى اني اعترض اصلا على انها تروح النادي مثلا بشحمها و لحمها

هل ممكن افكر اني اعترض على دخولها المنتديات؟

و مش عارف لو اعترضت على دخولها المنتديات ..حيبقى ايه هي نظرتي لكل اخواتنا المشتركات في هذه المنتديات؟؟؟؟

أحلى كلمة قريتها بجد يا زهيري...

وانا من امبارح ، وانا باتساءل : يا ترى السادة اللي شاركوا بـ "لا" (5 أفراد)... يا ترى إيه نظرتهم للزميلات المشاركات معانا في المنتدى؟!

سؤال ، مجرد التفكير في إجابته... يوجع!

[bentmasria]

برافو جويرية برافو لولا ربنا يكرمك يا استاذ محمد ويا استاذ ياسر وبما انى تخصص منتديات من قبل ما اتجوز وبعد وفاة زوجى رحمة الله عليه وحتى الآن والى ان اموت باذن الله تعالى فأنا قابلت كل انواع البشر تقريبا وأعلم تماما ان السيدة التى تستطيع ان تعبر عن رأيها بحرية وتقة تستطبع ان تجنب نفسها أى مهاترات يمكن ان تحدث فى أى مكان بمعنى ان كل الاماكن فيها الطيب والسىء والسيدة أو الفتاة فقط هى التى تسمح أو لا تسمح لأحدهم بالاقتراب او الولوج الى عالمها وببساطة من تضع حدودها بوضوح شديد تبقى دائما بكل خير وبالطبع قبل هذا وذاك يجب ان تجيد اختيار المكان الذى تدخله والمجموعة التى ستضع نفسها بينهم وان تقرأ مسبقا حتى توفر الاحترام والحماية لنفسها دائما ليس عيبا ان تحذر المرأة وليس عيبا ايضصا ان تجعل زوجها على دراية بم تفعل لانها لن تخجل من حريتها فى التعبير عن ذاتها وافكارها وجميل ان يتشاركا هذا وذاك اقسم لكم كان زوجى رحمة الله عليه يدير ندواتى فى غرفتنا بالبالتوك ويقوم بالاتصال بالشعراء ليدعوهم بنفسه وكان يقوم بتسجيلها واسماعها لاصدقائه قائلا هذه زوجتى هل ترون انه لا داعى لان يسمح احدهم طالما نتصرف بموضوعية ورقى وفى حدود العرف والتقاليد العربية المعتدلة

ربنا يسعدكم كلكلم الرجل يجب ان يكون جزءا هاما من عقل واهتمامات زوجته حتى لا يفقدا تواصلهما صح ولا ايه

[حسام يوسف]

الاخ والزميل العزيز تهامى

انا واحد من الخمسة اللى قالوا لا

وقلت اسبابى

وواضح انى طلعت الرجعى والزوج الظالم فى القعدة

اناهجاوب بس على السؤال التفتيشى

اية نظرتك للزميلات؟

ربنا يعلم انى أكن لهن كل احترام وتقدير

هوة بس انا بخاف على زوجتى شويتين

تقبل تحياتى

[فتافيت]

والله مهزلة حتي المشاركة علي النت في المنتديات عايزة استاذان

اية اللي جري الرجالة عايزة اية نستاذن قبل ما ندخل ننام ولا اية

من حق لاالزوجة تدخل علي النت زي ما هي عايزة والله عجبي

فاضل اية الست ناقصها تستاذن عشان تعملة

فين بدرية ساكتة لية للرجالة دي blush2:

[حسام يوسف]

وبقينا 6 ياعم تهامى

gsm::

[حلواني]

تحياتي لصاحبه الموضوع

تحيه للاستاذ محمد علي مداخلته الرائعه

تحيه لكل المشاركين

طبعا زوجتي تشارك في منتديات حريمي فيها الموضيع اللي بتفضلها وبتشارك في محاورات المصريين بالقراءه فقط

واجد ان في ذلك فائده كبيره طالما هي منتديات محترمه وكلها ناس محترميين زي حضراتكم

شكرا

[yassir]

الاخ والزميل العزيز تهامى

انا واحد من الخمسة اللى قالوا لا

وقلت اسبابى

وواضح انى طلعت الرجعى والزوج الظالم فى القعدة

اناهجاوب بس على السؤال التفتيشى

اية نظرتك للزميلات؟

ربنا يعلم انى أكن لهن كل احترام وتقدير

هوة بس انا بخاف على زوجتى شويتين

تقبل تحياتى

أبدا و الله يا اخ حسام و لارجعى و لاظالم ولا أى تهمه من التهم الجامده دى ,الحكايه بس .... حكايه سور ....مش سد من بتاع عبد الحليم .... gsm:: ....لأ سور ....السور ده اكتشفه أحد علماء سلوك الحيوان ....جاب خشب و دهنه لون الحديد و غير أعمده قفص الأسود فى جنينه الحيوانات الى أعمده خشبيه بنفس اللون ...و أكتشف أن الأسود لم تحاول الهرب و لاتحطيم القفص....لأن الحيوانات المحبوسه بيتغير سلوكها و ذاكرتها الغريزيه طبعت ان القفص مش ممكن يتكسر ....و أن عيشتها فى هذا المستطيل.... محبوسه طول عمرها ...لكن لما حط سور بين شجرتين فى حديقه حيوانات مفتوحه أكتشف ان السور بقى ملطشه للرايح واللى جاى و كل حيوان ميحلاش له ينطح الأ السور .....

فارق كبير بين العصافير التى تحترف الحريه ياصديقى و بين العصافير المحبوسه ...الحبيسه تتوسم فى كل غريب شرا ...كل تحريك لأكره باب القفص هى مقدمه أعتداء ...و لازم حارس القفص يبقى عينيه فى وسط راسه ...لأن فى الخارج لايعيش الأ الذئاب ...

لو كان باب القفص مفتاحه مع المحبوس كان العصفور فهم ان القفص للحمايه مش للتملك ...كان عرف ان الراعى المسئول لن يحتاج اللى عصا....... فالرعيه تحب وجوده بجوارها ....كن حرا ياصديقى ترى الوجود حرا ....

كل العصافير لها أوطان ....الأ العصافير التى تحترف الحريه تموت خارج الأوطان .....نزار قبانى

[medopharm]

بصراحة أنا صوت وقلت لا

لأن فيه عدة دوافع تخلينى أمنعها من المشاركة

ومن أهم هذه الدوافع الغيرة

وممكن ما أدخلهاش نت من اصله

بس ده كله لسه فى المستقبل إن شاء الله

لأن لسه ما فيش زوجة من أصله

وأنا شرحك يا اخ metwally

[جويرية]

بصراحة أنا صوت وقلت لا

لأن فيه عدة دوافع تخلينى أمنعها من المشاركة

ومن أهم هذه الدوافع الغيرة

وممكن ما أدخلهاش نت من اصله

بس ده كله لسه فى المستقبل إن شاء الله

لأن لسه ما فيش زوجة من أصله

انا لو ليه حق التصويت حقول لا برده ، مع ان النت ده شئ أساسي في حياتي

[Alshiekh]

هل تسمح لزوجتك بالمشاركة في المنتديات ؟؟

عندما قرأت هذا السؤال ، دارت فى رأسى عدة اشياء وذكريات عن الماضى وعن تسلسل بعض التغييرات فى سلوكيات الناس حتى وصلنا الى هذا السؤال " هل تسمح لزوجتك بالمشاركة في المنتديات ؟؟ " وتخيلت انه قد يكون مماثلا لسؤال " هل تسمح لزوجتك بالتدخين؟ " أو " هل تسمح لزوجتك بشرب المحرمات؟ "

لاتتعجبوا من ربطى للسؤال الاصلى بالاسئلة الأخرى فللأسف هذا واقع بالفعل فى مجتمعنا الاسلامى.

أتذكر فى الماضى عندما كنت صغيرا وقبل النت وثورة الاتصالات ، ان الاصدقاء كانت تتم بينهم زيارات اسرية ، ويرتبون لرحلات للمصايف او الى اماكن تستحق الزيارة ، وكانت الاسر تستمتع بالجلوس معا يتجاذبون اطراف الحديث او النكات ، يتناولون الطعام معا ، يذهبون للسنيما والمسرح معا .

كان كل صديق يعرف زوجات واولاد اصدقاءه ، لو قابلهم فى الشارع يحييهم ويسألهم ان كانوا يحتاجون اى مساعدة ، كانت الزوجة تعرف اصدقاء زوجها ، وقد تتصل بهم لتطمأن على زوجها لو غاب ولم يجد تليفونا قريبا ليبلغ زوجته انه سيتأخر.

كان كل شيئ يسير بثقة واطمئنان.

كان يحدث هذا فى المدينة ، وكان يحدث ايضا فى الارياف ولكن بشكل فيه بعض التحفظ ، ولكن كان الكل يعرف الكل ، الرجل يعرف من هى المرأة التى يراها فى الطريق ، والمرأ تتعرف على الرجل التى رأته فى الطريق .... أتذكر اننى كنت زيارة لجدى بالريف ، وفى الاتوبيس المتوجه من المركز للقرية كان يجاورنى وزوجتى رجل وزوجته من نفس قرية جدى ، فسألونى عمن انا ذاهب لزيارتهم -لاننى لم اكن اذهب كثيرا للزيارة ، ربما مرة كل سنتين او شيئ من هذا القبيل - ، فلما اخبرتهم قالوا اننى لست من اهل القرية بل ان اننى اشبه اخوالى ، ولكنهم قالوا ان زوجتى غريبة ولا تشبه ايا من اهل القرية ، لان الكل كان يعرف الكل .

فى أواخر الستينات ومرورا بالسبعينيات والثمانينيات والتسعينيات من القرن الماضى وحتى ايامنا هذه ، ومع بدايات انتقال الفكر الصحراوى القادم من جهة الشرق ، وكرد فعل مضاد لهوجة المينى جيب والميكرو جيب ، بدأت تظهر فكرة " المرأة العورة " حتى لو كانت تقرأ القرآن ، ولا اعفى نفسى وجيلى من ذلك فقد كنا نحن النواة التى اعتبرت الاسلام هو الحفاظ على المرأة باعتبارها " قطعة من اللحم " تلتف حولها الذئاب تتحين الفرصة لتنهشها ، علما بأن اللحم كان امامنا فى كل مكان ولم يجرؤ احدنا ان يمسه ، بل كنا فى غاية الادب أو " الجنتلة " فى معاملة " اللحم المكشوف " لاننا ببساطة تربينا على احترام الآخر أو ربما كان هناك بقية من ادب وخجل موجودة داخلنا ، فلم نكن نجرؤ ان نقول كلمة خارجة لو لمحنا سيدة او بنت تمر قريبا منا وعلى هذا ربيت ابنائى.

مالذى حدث بعد ذلك؟

الذى حدث بعد ذلك اننا تخيلنا ان الاسلام ليس دين اجتماعى او هو دين الانعزال او الفصل ، الفصل بين الجنسين ، لايرى احدهما الاخر والا فالشيطان شاطر ، وماتحطش الجاز جنب الكبريت ، واصبحنا كمن يعيشون فوق جزر منعزلة.

اصبحت ترى صديقك يتجاهلك لو كان يمشى مع زوجته ، ويتجاهلك لو رآك تمشى مع زوجتك ، بدلا من التوقف والقاء السلام ( كما كان يحدث فى الماضى ) ويعرفك على زوجته وتعرفه على زوجتك لو لم تكونا قد تقابلتما من قبل ، ويعرض كل منكما على الآخر ان تتفضلوا بالزيارة.

وحتى لو صادف ان اضطررت ان تزوره ، فانه يقوم بحبس زوجته فى غرفة لاتخرج منها الا بعد خروجك من المنزل وانتهاء الزيارة ، وانا هنا اتكلم عن اصدقاء وليس زملاء عمل ، واذا حدث ودعا احدكما الآخر على طعام ، فالرجال يأكلون وحدهم والنساء يأكلن وحدهن.

ومايزيد الطين بلة ان يكون هذا الصديق ممن ينقبون نسائهم ، فالدينا " ضباب "

حتى لو كانت الزيارة فى منزلك ، فأنت مطالب بالاستئذان قبل اى حركة داخل منزلك " لاحسن حد يكون خالع وشه مش راسه " .

الغريب فى الأمر ان المسجون يستعذب تسلط سجانه ، ولايثور ، ولايتمرد ، وعندما تتحدث الى المسجون وتعرفه بحقوقه تجده يتحدث بلسان سجانه ، فتجد امرأة مثلا لاتستنكر ان يقوم الزوج بضربها لانها ترى ان من حق الزوج ان يؤدب زوجته ، ولكنها لاترى ان من حق الزوجة ان تؤدب زوجها ، ولم لا؟ فالزوج هو " السيــــــد " والسيد يَسأل ولا يُسأل ، يَأمُر ولا يُأمَر .

والأمر الأغرب أن بعض الأخوة الأعضاء الغير متزوجين بعد يقرروا بأنهم " لن يسمحوا " علما بأنهم فى منهى الرقة والجنتلة فى ردودهم على الاخوات هنا فى المنتدى ، فهل هم يكيلون بمكيالين؟

[جويرية]

أسمحلها طبعاً لأسباب كتير منها :

ثقتي المطلقة فيها .

اهتمامتها الدينية القوية .

تربيتها المحترمة جداً وكمان لازم أقول إني اخترتها بعد عناء شديد وطلع عيني على ما عرفت عنها كل شيئ .

لأنها بنت أصول وطالعة من بيت أصل ....

أنا ليا رأيين في الموضوع ده نعم و لا

لسة رادة علي الأستاذ متولي دلوقتي بأيده في الرفض

و في نفس الوقت بأيد حضرتك في الموافقة

المرأة اذا كانت حصلت علي نفس المؤهل العلمي اللي حصل عليه الرجل ، هل بعد كدة نقلها لأ تفرغي لشغل البيت و مش تشاركي برأيك في المشاكل و القضايا اللي بتهم بلادنا و بتهم الناس

طيب كان من باب أولي بقي ندي المرأة التعليم المناسب بقي للشغل البيت و تربية الأبناء بس

[جويرية]

انا موافق على انها تدخل نت لان الواحد اكيد مستقبلا ان شاء الله هياخد واحده بنت ناس و متربيه يعنى لازم يكون فى ثقه

مفيش في ديننا موضوع الثقة ده

في حاجة فيها خطر مفروض تتمنع

بس المشكلة أن النت ده علي قد ما فوايده كبيرة جدا علي قد ما فيه مساوئ كتيرة جدا

[جويرية]

صيغة السؤال توحى وتفترض ان المرأة مخلوق قاصر ، وبطبيعة الحال ، فإن القاصر يجب ان يكون له ولى ، ومن ثم فالولى هو من يسمح او لا يسمح ، الولى هو من يمنح وهو من يمنع. ولذلك جاءت صيغة السؤال بـ " هل تسمح " ،

وأعتقد ان لو كانت صيغة السؤال ابتدأت بـ هل " توافق " لكانت أفضل ، لان من حق كل انسان ان يوافق او ان يعترض كما ان للطرف الثانى ان يقبل الاعتراض او يرفضه.

أكيد في ولي اللي هوه الزوج

انا مش أستخدمت ( هل توافق ) عشان لازم الزوج و الزوجة حيتفقوا علي رأي واحد

يعني مش معقول حيبقي هوه معترض علي دخول النت و هيا تدخله غصب عنه

[جويرية]

استأذنتنى زوجتى ان تنضم للمنتدى

وكثيرا ما كانت تجلس وترى الكثير من المشاركات

لكنى لم اوافق

لالنقص فى ثقتى بها

اولعدم احترامى لشخصها

اولأنى رجعى

لكن لأنى بخاف عليهامن بعض الكلمات والمناوشات التى لا ارضاها لها

فيه ناس كتير مش متعودة أصلا ان هيا تشارك في منتديات ، فيبقي مش حيفرق معاها ان هيا تشارك في منتدي أو لأ

المشكلة بقي للناس اللي متعودة علي دخول المنتديات و ييجي الزوج يرفض الكلام ده

[metwallly]

أسمحلها طبعاً لأسباب كتير منها :

ثقتي المطلقة فيها .

اهتمامتها الدينية القوية .

تربيتها المحترمة جداً وكمان لازم أقول إني اخترتها بعد عناء شديد وطلع عيني على ما عرفت عنها كل شيئ .

لأنها بنت أصول وطالعة من بيت أصل ....

أنا ليا رأيين في الموضوع ده نعم و لا

لسة رادة علي الأستاذ متولي دلوقتي بأيده في الرفض

و في نفس الوقت بأيد حضرتك في الموافقة

المرأة اذا كانت حصلت علي نفس المؤهل العلمي اللي حصل عليه الرجل ، هل بعد كدة نقلها لأ تفرغي لشغل البيت و مش تشاركي برأيك في المشاكل و القضايا اللي بتهم بلادنا و بتهم الناس

طيب كان من باب أولي بقي ندي المرأة التعليم المناسب بقي للشغل البيت و تربية الأبناء بس

أرجو زيادة توضيح هذه النقطة

يعنى ايه لا ونعم فى نفس الوقت

وأيه الفرق بين المرأة الجامعية والعادية لازم الحقوق تكون واحدة

لأن كده هيكون فيه تفرقة بين الجنس ونفسه

[MZohairy]

مفيش في ديننا موضوع الثقة ده

فعلا

بالشكل ده مبقاش فيه ثقه في الدين ولا دين فيه الثقه

[~Heba~]

طيب النت فيه خطر...ده شئ اكيد

خطر على الاطفال....على المراهقين

لكن امراة بالغة و رجل بالغ ازاى نقول فيه عليهم خطر

لو فرضا الخطورة على المراة هى من الرجال العابثين

هل النت مكن يكون خطر على الرجل؟؟؟!!!!

[حسام يوسف]

الاخ والزميل العزيز تهامى

انا واحد من الخمسة اللى قالوا لا

وقلت اسبابى

وواضح انى طلعت الرجعى والزوج الظالم فى القعدة

اناهجاوب بس على السؤال التفتيشى

اية نظرتك للزميلات؟

ربنا يعلم انى أكن لهن كل احترام وتقدير

هوة بس انا بخاف على زوجتى شويتين

تقبل تحياتى

أبدا و الله يا اخ حسام و لارجعى و لاظالم ولا أى تهمه من التهم الجامده دى ,الحكايه بس .... حكايه سور ....مش سد من بتاع عبد الحليم .... gsm:: ....لأ سور ....السور ده اكتشفه أحد علماء سلوك الحيوان ....جاب خشب و دهنه لون الحديد و غير أعمده قفص الأسود فى جنينه الحيوانات الى أعمده خشبيه بنفس اللون ...و أكتشف أن الأسود لم تحاول الهرب و لاتحطيم القفص....لأن الحيوانات المحبوسه بيتغير سلوكها و ذاكرتها الغريزيه طبعت ان القفص مش ممكن يتكسر ....و أن عيشتها فى هذا المستطيل.... محبوسه طول عمرها ...لكن لما حط سور بين شجرتين فى حديقه حيوانات مفتوحه أكتشف ان السور بقى ملطشه للرايح واللى جاى و كل حيوان ميحلاش له ينطح الأ السور .....

فارق كبير بين العصافير التى تحترف الحريه ياصديقى و بين العصافير المحبوسه ...الحبيسه تتوسم فى كل غريب شرا ...كل تحريك لأكره باب القفص هى مقدمه أعتداء ...و لازم حارس القفص يبقى عينيه فى وسط راسه ...لأن فى الخارج لايعيش الأ الذئاب ...

لو كان باب القفص مفتاحه مع المحبوس كان العصفور فهم ان القفص للحمايه مش للتملك ...كان عرف ان الراعى المسئول لن يحتاج اللى عصا....... فالرعيه تحب وجوده بجوارها ....كن حرا ياصديقى ترى الوجود حرا ....

كل العصافير لها أوطان ....الأ العصافير التى تحترف الحريه تموت خارج الأوطان .....نزار قبانى

قفص اية

وسور اية

وحارس اية؟

الف شكر على تعليقك على ردى

وانا هنسحب من التوبيك

تم تعديل 28 يوليو 2008 بواسطة حسام يوسف

[محب مصر]

نعم اوافق ان تشارك gsm::

لانهابكل بساطة انسانة حرة وليست قاصر.