هل تسمح لزوجتك بالمشاركة في المنتديات ؟؟

[جويرية]

الأستاذ / محمد عيسي

انا طلبت منها تشارك في بعض المنتديات اللي حسيت انها ممكن تستفيد منها، و عرفتها بمنتديات مفيدة و نبذه عنها

بس هي مالهاش في الموضوع ده

مش لازم الواحد يشارك في المنتديات ممكن كفاية القراية وهوه كدة برده حيسفيد

[جويرية]

الأستاذ / زهيري

اول مره أعرف ان المنتديات مكان مشبوه أو كلمه قبيحه و العياذ بالله

و مش عارف اذا كنت مفكرتش حتى اني اعترض اصلا على انها تروح النادي مثلا بشحمها و لحمها

هل ممكن افكر اني اعترض على دخولها المنتديات؟

و مش عارف لو اعترضت على دخولها المنتديات ..حيبقى ايه هي نظرتي لكل اخواتنا المشتركات في هذه المنتديات؟؟

مقلتش علي المنتديات مكان مشبوه ، المنتديات فيها الحسن و فيها الردئ

[جويرية]

السؤال الأكثر منطقية وأكثر واقعية ..

هل يمكن أن تتصور أن زوجتك تحتاج لإذن منك للمشاركة في أي منتدى .. أو للتعبير عن نفسها .. أو التعبير عن رأيها .. أو الدخول على الإنترنت ؟؟؟؟

هل يمكن أن تتصور أن زوجتك قد تأتي لك في يوم من الأيام وتستأذنك في الدخول على منتدى ..؟؟؟

هل يمكن لك أن تتصور هذا أصلاً ...؟؟

فعلا المنتديات شئ رائع للتعبير عن الرأي و المناقشة و أن الواحد يصلح بعض مفاهيم ممكن تكون خطأ عنده و انا استفدت من المنتديات كتير

[جويرية]

الأستاذ / الحاج فوزي

ظللت لفترة أطلب من زوجتى تشترك بالمنتديات التى أشترك بها ..

وكنت ألح بين الحين والأخر ..

طاوعتنى لفترة ..

ودخلت دون أت تخبرنى ..

وصارت تناقشنى وتناقش الأخرين دون أن أعرف هويتها ..

وكنت أحدثها عن المشتركة الجديدة صاحبت وجهة النظر القوية التى تجيد التحضير والحوار ..

فى نهاية الأمر صارحتنى ..

وضحكنا ..

وأنقطعت بكل أسف عن المشاركة ..

ولا زلت ألح عليها أن تشارك كلما تأتى فرصة

اهنئك علي ان زوجتك عندها وجهة نظر قوية و بتجيد الحوار

بس متهيألي لو فيه أطفال صغيرين في البيت بيقي الوقت محدود مش بيسمح باي هواية للأم

[جويرية]

الأستاذ / محمود مصطفى

من الغريب ان الرجل يريد ان يكون هو الآمر الناهى دائمآ حتى فى مالا يكون حقة

ناقص نقول ان الرجل يمكن ان يمنع مراتةمن التنفس الطبيعى

يا ة الموضعات دى بتسبب ليا حساسية فى جلدى لانها تعبر عن مدى اننا لازلنا نحتاج الى تربية ابنائنا على حرية الرآى والشجاعة بمعنى هل يعلم الرجل ما تتحدث بة النساء عنة وكيفية منعهم او ......

مش عارف لية بنحب نحلم بما هو ليس ملكنا او حتى نحلم بية

من حق كل انسان ان يكون حرآ وصاحب تجربة مادام هذة التجارب محترمة فكل اناء ينضح بما فية

هل عرف الطفل النار الا عن طريق حريقها اوما عرفة والداة عن خطورتها يعنى الموضوع تجربة او تربية او تفاهم عقل ومخاطبة لة وليس حرمان ومنع فلنطلق الحرمان مع سبق الأصرار ونسمح لأبنائنا بالتجربة من خلالنا

مادمنا نثق فى من نحب ونختار ونربى ونترك الباقى للة الحافظ ما دمنا نحن الرجال نتقى اللة فيما نفعل

فعلا قد أيه المنتديات مفيدة و بتخلي الواحد يشتغل شغلة عمره ما حلم بيها هيا مهنة الصحافة ، يعني بنبقي صحفيين ألكترونيين ، و دي المميزات

[جويرية]

اللى علمت اخويا سكة المنتديات

بس الظاهر انه ملوش فى كده

اللى بيشارك فى المنتديات بيكون انسان عنده رغبة قوية فى التعبير عن نفسه و رأيه و دا مش موجود عند كل الناس و بالطبع ملوش علاقة بالنوع

اما يسمح او لا يسمح صدقونى هيبقى معذور لو قلبها فى دماغه شوية لانه النت مليان بضعاف النفوس

كلامك مظبوط يا هبة

[جويرية]

انا لم اكتب رايي و لم اشارك بنعم او لا لان زوجتي لو جاءت لي في يوم من الايام و طلبت مني الاذن او الموافقه علي الاشتراك في منتدي او موقع محترم, فستسقط من نظري لانها تخلت عن حق اصيل من حقوقها الا وهو الحق في التعبير عن الراي.

اما لو جاءت تطلب اذني في الاشتراك في منتدي خليع او اباحي فساسقط من نظر نفسي لاني ساعرف يقينا اني اسات اختيار زوجتي.

و بما اننا في مصر, و فيه ستات و بنات كتير مشتركات في مواقع اباحيه فاكيد مخدوش اذن ازواجهم. و للاسف الشديد جدا ان فيه سيدات و بنات بتشارك في مواقع محترمه بدون علم الاهل خشيه المنع من التعبير عن الراي.

في كلتا الحالتين لا اجد جمله ادق من جمله مارتن لوثر كينج عندما قال " لا يمكن لايا كان ان يمتطي ظهرك الا اذا وجده محنيا" و للاسف المرأه المصريه محنيه الظهر, اما مستقيمه الظهر فينظر اليها نظرة تدل علي عدم الاحترام.

ربنا يستر علي ولايانا

ربنا يوفقك يا أستاذ هشام و تلاقي الزوجة الصالحة اللي حتبقي كندية أن شاء الله

[جويرية]

برافو جويرية برافو لولا ربنا يكرمك يا استاذ محمد ويا استاذ ياسر وبما انى تخصص منتديات من قبل ما اتجوز وبعد وفاة زوجى رحمة الله عليه وحتى الآن والى ان اموت باذن الله تعالى فأنا قابلت كل انواع البشر تقريبا وأعلم تماما ان السيدة التى تستطيع ان تعبر عن رأيها بحرية وتقة تستطبع ان تجنب نفسها أى مهاترات يمكن ان تحدث فى أى مكان بمعنى ان كل الاماكن فيها الطيب والسىء والسيدة أو الفتاة فقط هى التى تسمح أو لا تسمح لأحدهم بالاقتراب او الولوج الى عالمها وببساطة من تضع حدودها بوضوح شديد تبقى دائما بكل خير وبالطبع قبل هذا وذاك يجب ان تجيد اختيار المكان الذى تدخله والمجموعة التى ستضع نفسها بينهم وان تقرأ مسبقا حتى توفر الاحترام والحماية لنفسها دائما ليس عيبا ان تحذر المرأة وليس عيبا ايضصا ان تجعل زوجها على دراية بم تفعل لانها لن تخجل من حريتها فى التعبير عن ذاتها وافكارها وجميل ان يتشاركا هذا وذاك اقسم لكم كان زوجى رحمة الله عليه يدير ندواتى فى غرفتنا بالبالتوك ويقوم بالاتصال بالشعراء ليدعوهم بنفسه وكان يقوم بتسجيلها واسماعها لاصدقائه قائلا هذه زوجتى هل ترون انه لا داعى لان يسمح احدهم طالما نتصرف بموضوعية ورقى وفى حدود العرف والتقاليد العربية المعتدلة

ربنا يسعدكم كلكلم الرجل يجب ان يكون جزءا هاما من عقل واهتمامات زوجته حتى لا يفقدا تواصلهما صح ولا ايه

أهلا يا أختي مصرية

بشكرك أنك بتقوليلي برافو علي الموضوع ده ، رغم اني شايفة معارضة كتير عليه ، رغم أني بسأل مجرد سؤال ، و قلت اعمل موضوع صغير من 3 أسطر عشان ميبقاش فيه مشاكل بس برده المشاكل بتحب تييجي لغاية عندي :blush2:

[جويرية]

الأخت فتافيت

والله مهزلة حتي المشاركة علي النت في المنتديات عايزة استاذان

اية اللي جري الرجالة عايزة اية نستاذن قبل ما ندخل ننام ولا اية

من حق لاالزوجة تدخل علي النت زي ما هي عايزة والله عجبي

فاضل اية الست ناقصها تستاذن عشان تعملة

فين بدرية ساكتة لية للرجالة دي blush2:

25 % من الأراء لغاية دلوقتي صوتت بلا ، يبقي القضية محتاجة مناقشة :blush2:

[جويرية]

الأستاذ / حلواني

تحياتي لصاحبه الموضوع

تحيه للاستاذ محمد علي مداخلته الرائعه

تحيه لكل المشاركين

طبعا زوجتي تشارك في منتديات حريمي فيها الموضيع اللي بتفضلها وبتشارك في محاورات المصريين بالقراءه فقط

واجد ان في ذلك فائده كبيره طالما هي منتديات محترمه وكلها ناس محترميين زي حضراتكم

شكرا

المشاركة بالقراءة بس برده مفيدة و علي الأقل بتوفر وقت

شكرا جزيلا

[جويرية]

الأستاذ / محمد

أتذكر فى الماضى عندما كنت صغيرا وقبل النت وثورة الاتصالات ، ان الاصدقاء كانت تتم بينهم زيارات اسرية ، ويرتبون لرحلات للمصايف او الى اماكن تستحق الزيارة ، وكانت الاسر تستمتع بالجلوس معا يتجاذبون اطراف الحديث او النكات ، يتناولون الطعام معا ، يذهبون للسنيما والمسرح معا .

فعلا دي من الأسباب ان بقت المنتديات دي شئ مهم أن مبقاش في اتصال بين الناس زي زمان ، و بعض الناس بقت بتفضل ان هيا تتفرج علي التلفزيون احسن ما يزوروا اهلمهم و أصحابهم

وحتى لو صادف ان اضطررت ان تزوره ، فانه يقوم بحبس زوجته فى غرفة لاتخرج منها الا بعد خروجك من المنزل وانتهاء الزيارة ، وانا هنا اتكلم عن اصدقاء وليس زملاء عمل ، واذا حدث ودعا احدكما الآخر على طعام ، فالرجال يأكلون وحدهم والنساء يأكلن وحدهن.

طيب و هوه الواحد تفرق معاه في أيه ان هوه يشوف مرات صاحبه و لا ميشوفهاش

[جويرية]

الأستاذ / متولي

أرجو زيادة توضيح هذه النقطة

يعنى ايه لا ونعم فى نفس الوقت

وأيه الفرق بين المرأة الجامعية والعادية لازم الحقوق تكون واحدة

لأن كده هيكون فيه تفرقة بين الجنس ونفسه

المرأة اللي متعلمتش مش حتفرق معاها ان هيا تستخدم النت و لا لأ

[جويرية]

مفيش في ديننا موضوع الثقة ده

فعلا

بالشكل ده مبقاش فيه ثقه في الدين ولا دين فيه الثقه

المثل بيقول

حرص و لا تخونش

[جويرية]

طيب النت فيه خطر...ده شئ اكيد

خطر على الاطفال....على المراهقين

لكن امراة بالغة و رجل بالغ ازاى نقول فيه عليهم خطر

لو فرضا الخطورة على المراة هى من الرجال العابثين

هل النت مكن يكون خطر على الرجل؟؟؟!!!!

طبعا النت ممكن يكون خطر علي الحياة الزوجية أنتي عارفة الدعاوي المغرضة بتاعت تعدد الزوجات اليومين دول ، فلا زم الزوجة تبقي صاحية للأعداء اللي بيتربصوا بأمن بيتها القومي و سعادتها الأسرية :blush2:

[جويرية]

الأستاذ / محب مصر

نعم اوافق ان تشارك

لانهابكل بساطة انسانة حرة وليست قاصر

كلام مظبوط

أنا الموضوع ده الموضوع الوحيد الللي موافقة علي جميع الأراء

[جويرية]

الأستاذ / سكوربيون

فما فهمته من كلامك هو انك لا تستطيعين الأستغناء عن الكتابة في المنتديات ( و هو شيئآ يسعدني ) و في نفس الوقت توافقين تمامآ علي منع الأزواج لزوجاتهم من استخدام النت !!!!!!

بصراحة .. مش فاهم

كل شئ ليه مميزات و ليه عيوب و الواحد بيقارن بين الأتنين

يعني النت كهواية مختلف عن هوايات تانية في انه بيحتاج درجة تركيز عالية و لازم الواحد ميزودش عن عدد ساعات معينة في اليوم حفاظا علي النظر و علي الفقرات

[جويرية]

الأستاذ / زهيري

مش عارف والله

نص ستات مصر بتقف في طوابير العيش و بيركبوا اوتوبيسات رجاله في ستات و ستات في رجاله و في عز الزحمه و لازقين في بعض

مش موضوع المنتديات ده ارحم من موضوع الاوتوبيسات شويه؟

و بالتالي كيف يسمح قرابة ال 20 مليون راجل مصري لزوجاتهم بركوب الأوتوبيسات؟

متهيألي اللي بيركبوا الأتوبيسات مش حيكون عندهم نت

زحمة القاهرة دي عايزالها حل ، دي بلد مفروض تتقسم لعشر بلاد تانية

[محب مصر]

الأستاذ / سكوربيون

فما فهمته من كلامك هو انك لا تستطيعين الأستغناء عن الكتابة في المنتديات ( و هو شيئآ يسعدني ) و في نفس الوقت توافقين تمامآ علي منع الأزواج لزوجاتهم من استخدام النت !!!!!!

بصراحة .. مش فاهم

كل شئ ليه مميزات و ليه عيوب و الواحد بيقارن بين الأتنين

يعني النت كهواية مختلف عن هوايات تانية في انه بيحتاج درجة تركيز عالية و لازم الواحد ميزودش عن عدد ساعات معينة في اليوم حفاظا علي النظر و علي الفقرات

استاذه جويريه انا قبل كده سجلت هنا تعجبى من كلامك الى مش موضحه

فيه رايك بشكل محدد لو كنت مع ان الست تستعمل النت لأنه حق ليها مش مرتبط بسماح الزوج ليها من عدمه ومن ان ملهاش حق تستعمل النت لو الزوج مش موافق وبصراحه لغايه دلوقت انا لسه مش فاهم رايك ب وضوح عشان ردودك مش محدده باجابه .

هنا السؤال ليك كان واضح بس اجابه حضرتك مش واضحه ازاى قلت انك النت حاجه متقدريش

تستغنى عنها وافى نفس الوقت الزوج من حقه يمنعك؟

ايه دخل ان االنت هوايه والنظر والفقرات على اجابه السؤال الى بجد عايز اعرفها :blush2:

تم تعديل 30 يوليو 2008 بواسطة محب مصر

[سهران]

زوجتي كثيرا ما تكون بجواري أثناء تصفح هذا المنتدى......... و كونت رأيا و تفهما لأفكار أغلب الأعضاء الموجودين .... لا أمانع مطلقا في مشاركتها لمثل هذا المنتدى و شجعتها كثيرا على ذلك لكن الأولاد شاغلين تفكيرها و مجهودها دايما ...

[جويرية]

رأيي بخصوص مشاركة الزوجة في المنتديات اعتقد والله اعلم من حقها ان تشارك وتبدي رأيها طالما في حدود ما شرعه الله عز وجل وإن كانت مرأة صالحة من وجهه نظري لا تحتاج أن أكون رقيبا عليها في كل شيء فلها رأيها وفكرها طالما لم يخالف شرع الله

و أنا بأيد كلام حضرتك