هل تسمح لزوجتك بالمشاركة في المنتديات ؟؟

[محب مصر]

طيب النت فيه خطر...ده شئ اكيد

خطر على الاطفال....على المراهقين

لكن امراة بالغة و رجل بالغ ازاى نقول فيه عليهم خطر

لو فرضا الخطورة على المراة هى من الرجال العابثين

هل النت مكن يكون خطر على الرجل؟؟؟!!!!

طبعا النت ممكن يكون خطر علي الحياة الزوجية أنتي عارفة الدعاوي المغرضة بتاعت تعدد الزوجات اليومين دول ، فلا زم الزوجة تبقي صاحية للأعداء اللي بيتربصوا بأمن بيتها القومي و سعادتها الأسرية po::

استاذه جويريه هل معنى كلامك ان الزوج كمان مفروض يتمنع من استعمال النت

او ان مراته تراقب استعماله ماحضرتك قلت برده حرص ولاتخون فى رد تانى

انت بتقولى هنا متربصين وامن قومى للبيت ولازم الزوجه تصحصح :blush2:

تفتكرى الحياه الطبيعيه بين اى اتنين متزوجين مفروض تتبنى على كل الكم

من الشك او التحريص الى بتقولى عليه من مجرد استعمال النت

مع احترامى الكامل لردودك بس ديما بحس انك مش بتردى على اساس

السؤال وبتاخدينا لمناطق تانيه :wub:

تم تعديل 31 يوليو 2008 بواسطة محب مصر

[جويرية]

الأستاذ / محب مصر

استاذه جويريه انا قبل كده سجلت هنا تعجبى من كلامك الى مش موضحه

فيه رايك بشكل محدد لو كنت مع ان الست تستعمل النت لأنه حق ليها مش مرتبط بسماح الزوج ليها من عدمه ومن ان ملهاش حق تستعمل النت لو الزوج مش موافق وبصراحه لغايه دلوقت انا لسه مش فاهم رايك ب وضوح عشان ردودك مش محدده باجابه .

هنا السؤال ليك كان واضح بس اجابه حضرتك مش واضحه ازاى قلت انك النت حاجه متقدريش

تستغنى عنها وافى نفس الوقت الزوج من حقه يمنعك؟

ايه دخل ان االنت هوايه والنظر والفقرات على اجابه السؤال الى بجد عايز اعرفها

أنا بأيد الموافقة و الرفض ، عشان مقتنعة بالأسباب اللي ذكرها الأخوة المؤويدون و الأخوة المعارضون

[جويرية]

الأستاذ / سهران

زوجتي كثيرا ما تكون بجواري أثناء تصفح هذا المنتدى......... و كونت رأيا و تفهما لأفكار أغلب الأعضاء الموجودين .... لا أمانع مطلقا في مشاركتها لمثل هذا المنتدى و شجعتها كثيرا على ذلك لكن الأولاد شاغلين تفكيرها و مجهودها دايما ...

فعلا الأ طفال محتاجين وقت كتير من الأم ده كل واحد فيهم منتدي لوحدة :blush2:

[جويرية]

الأستاذ / محب مصر

استاذه جويريه هل معنى كلامك ان الزوج كمان مفروض يتمنع من استعمال النت

او ان مراته تراقب استعماله ماحضرتك قلت برده حرص ولاتخون فى رد تانى

انت بتقولى هنا متربصين وامن قومى للبيت ولازم الزوجه تصحصح

تفتكرى الحياه الطبيعيه بين اى اتنين متزوجين مفروض تتبنى على كل الكم

من الشك او التحريص الى بتقولى عليه من مجرد استعمال النت

مع احترامى الكامل لردودك بس ديما بحس انك مش بتردى على اساس

السؤال وبتاخدينا لمناطق تانيه

لأ أبدا انا بضحك بس ، بس انا قريت في بعض المنتديات ان زوجات كتير بيضايقوا من استخدام ازواجهم الكتير للنت

[محب مصر]

الأستاذ / محب مصر

استاذه جويريه انا قبل كده سجلت هنا تعجبى من كلامك الى مش موضحه

فيه رايك بشكل محدد لو كنت مع ان الست تستعمل النت لأنه حق ليها مش مرتبط بسماح الزوج ليها من عدمه ومن ان ملهاش حق تستعمل النت لو الزوج مش موافق وبصراحه لغايه دلوقت انا لسه مش فاهم رايك ب وضوح عشان ردودك مش محدده باجابه .

هنا السؤال ليك كان واضح بس اجابه حضرتك مش واضحه ازاى قلت انك النت حاجه متقدريش

تستغنى عنها وافى نفس الوقت الزوج من حقه يمنعك؟

ايه دخل ان االنت هوايه والنظر والفقرات على اجابه السؤال الى بجد عايز اعرفها

أنا بأيد الموافقة و الرفض ، عشان مقتنعة بالأسباب اللي ذكرها الأخوة المؤويدون و الأخوة المعارضون

[/quote

تفتكرى يا استاذه جويريه ممكن حد يكون ليه رائين فى نفس الموضوع؟

اظن الواحد لازم يكون ليه راى واحد يخصه هو ويعبر عن دماغه

انا عندى ابن عمره اربع سنين سجلته فى نادى عشان يتعلم

كراتيه كنت شايف يا ستى ان الرياضه دى حتديه ثقه فى نفسه

وجراءه ووالدته كانت خايفه عليه وشايفه انه ممكن يتعور

وانت عارفه بقى قلب الأم .

فى الحقيقه فى الآخر انا وضحت لوالدته ان حجم الإستفاده

اكتر من حجم الضرر والحمد الله اقتنعت وكمان خلت اختها

تسجل ابنها مع ابننا.

يعنى عايز اوضحلك بس ان مفيش حاجه فى الدنيا اسمها

انا مع الموافقه ومع الرفض فى حاجه اسمها انا مع كذا.

وزى ما قلتلك كل حاجه فى الدنيا فيها نسبه من الخطوره

مفيش شيء سليم لكن احنا الى بنستعمل الحاجه صح او غلط.

ولو على موضوع التحريص وان الواحد يحرص كان الواحد

مركبش طياره ولا سافر مهو ممكن الطياره تنفجر ولا ممكن يوصل

البلد يلاقى عقد العمل فيه مصيبه. اتمنى تكونى فهمتى كلامى

[ahmedmageed]

------------------------------ تفرق كتير------------------------------------

فالرجال يأكلون وحدهم والنساء يأكلن وحدهن.

طيب و هوه الواحد تفرق معاه في أيه ان هوه يشوف مرات صاحبه و لا ميشوفهاش

أختي الفاضلة أستاذة جويرية

السادة والأخوة الأفاضل

اسمحوا لي بالمشاركة في هذا الموضوع

تعقيبا علي كلام حضرتك وبالاخص علي قولك

(طيب و هوه الواحد تفرق معاه في أيه ان هوه يشوف مرات صاحبه و لا ميشوفهاش)

أولا كلنا نتفق في أن الذي خلق الانسان ويعلم ما توسوس به نفسه أعلم بحال هذا الانسان ويعلم ما يصلحه لذا وضع لنا قانون الحياة التي ينبغي أن يكون عليها بني البشر ولو فعلوها لصلح حال الكون كله من تنفيذ حدود لله

متفقين جميعا أن الذي صنع السيارة حينما يقول لنا يجب تغيير الزيت كل 5 الاف كيلو يجب أن نفعل بل نتفاني والا سيؤثر بالسلب ثم بخراب السيارة هذا خوفا علي سيارة

وفيما يتعلق بالخالق عز وجل فقد وضع لنا هذه القوانين ولله المثل الأعلي فيما يصلحنا .

قال تعالي متحدثا لأصحاب رسول الله صلي الله عليه وسلم وعن زوجات الرسول

يَا أَيُّهَا الَّذِينَ آمَنُوا لا تَدْخُلُوا بُيُوتَ النَّبِيِّ إِلَّا أَنْ يُؤْذَنَ لَكُمْ إِلَى طَعَامٍ غَيْرَ نَاظِرِينَ إِنَاهُ وَلَكِنْ إِذَا دُعِيتُمْ فَادْخُلُوا فَإِذَا طَعِمْتُمْ فَانْتَشِرُوا وَلا مُسْتَأْنِسِينَ لِحَدِيثٍ إِنَّ ذَلِكُمْ كَانَ يُؤْذِي النَّبِيَّ فَيَسْتَحْيِي مِنْكُمْ وَاللَّهُ لا يَسْتَحْيِي مِنَ الْحَقِّ وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ وَمَا كَانَ لَكُمْ أَنْ تُؤْذُوا رَسُولَ اللَّهِ وَلا أَنْ تَنْكِحُوا أَزْوَاجَهُ مِنْ بَعْدِهِ أَبَدًا إِنَّ ذَلِكُمْ كَانَ عِنْدَ اللَّهِ عَظِيمًا

[الأحزاب:53]

معني ذلك أن الأفضل والأنقي للمسلم أن يعامل الأجنبيات عنه من وراء حجاب لا أن يجلس معها ويأكل معها ولربما قال فكاهه ضحكت بصوت عال أغضب زوجها ولربما حدث ما يعكر صفو الجلسة - الشاهد أختي الكريمة أن الله تعالي أراد ألا يكون للشيطان سبيل فانه يجري من الانسان مجري الدم من العروق وتخيلي في الكفة الأخري لو أننا - كما أمر الله تعالي - فصلنا بين الرجال والنساء وكل علي حده ولم أري زوجة صديقي أصلا أليس هذا أصلح؟

هل يذكر أحدنا وأنه كان في جلسة عائلية وأقسم لكم بالله بعد هذه الجلسات المختلطة لا بد أن تحدث بفضلها مشكلة في البيت وبعد العودة كل لبيته.... هل أعجبتك؟ كنت تحملق فيها ورأيتك؟ هل أعجبتك نكتتها ؟؟ ضحكت كثيرا وغيرها

وقد سبق هذا التوجيه الربانى الحانى توجيه لربات العفاف والتقى:

"ولا تخضعن بالقول فيطمع الذى فى قلبه مرض وقلن قولا معروفا"

وعلى هذا فقد سمح الشارع الحكيم بالتعامل بين الاجانب من الجنسين ولكن بضوابط شرعية محكمة

وان كان هذا الكلام المنزل على الصحابة الكرام الذين لم تر البسيطة مثلهم فى الايمان والتقوى والورع

فمن باب اولى ان نقوم نحن بهذه الاداب والفضائل فى وقت تموج بنا الفتن فى كل مناحى الحياة

فارجو ان نفسح صدورنا ونتقبل النصح وان نتعاون على اعلاء قيمنا والانكون عونا للشيطان

وتخيلي هذا

عن أم المؤمنين عائشة رضي الله عنها قالت: " كنت أدخل البيت الذي دُفِنَ فيه رسول الله صلى الله عليه وسلم وأبي رضي الله عنه واضعةً ثوبي , وأقول: ( إنما هو زوجي وأبي ) , فلما دُفن عمر رضي الله عنه , والله ما دخلته إلا مشدودة عليَّ ثيابي , حياءً من عمر رضي الله عنه. (صححه الحاكم على شرط الشيخين ).

هذا والله تعالي أعلي وأعلم

أحمد

[جويرية]

أختي الفاضلة أستاذة جويرية

السادة والأخوة الأفاضل

اسمحوا لي بالمشاركة في هذا الموضوع

تعقيبا علي كلام حضرتك وبالاخص علي قولك

(طيب و هوه الواحد تفرق معاه في أيه ان هوه يشوف مرات صاحبه و لا ميشوفهاش)

أولا كلنا نتفق في أن الذي خلق الانسان ويعلم ما توسوس به نفسه أعلم بحال هذا الانسان ويعلم ما يصلحه لذا وضع لنا قانون الحياة التي ينبغي أن يكون عليها بني البشر ولو فعلوها لصلح حال الكون كله من تنفيذ حدود لله

متفقين جميعا أن الذي صنع السيارة حينما يقول لنا يجب تغيير الزيت كل 5 الاف كيلو يجب أن نفعل بل نتفاني والا سيؤثر بالسلب ثم بخراب السيارة هذا خوفا علي سيارة

وفيما يتعلق بالخالق عز وجل فقد وضع لنا هذه القوانين ولله المثل الأعلي فيما يصلحنا .

انا متفقة مع رأى حضرتك تماما

زمان كان بيبقي في تصميم البيت لازم حجرة مستقلة للضيوف و كمان في الأرياف كان بيبقي في مكان قريب من البيت اسمه المندرة الناس تستقبل فيه ضيوفها ، من ييجي 20 سنة كدة طلعت موضة ان حجرة استقبال الضيوف و السفرة دول ضمن ريسبشن البيت ، و اللي ماكنش حد يصوروه دلوقتي ان المطبخ بقي ضمن الريسبشن دلوقتي ، و تأكيد للوضع الجديد ده يطلع المذيع قاعد في المطبخ و بيستقبل ضيوف البرنامج فيه ، متهيألي الخطوات الجاية ان هما حيخلوا جميع حجرات البيت في الريسبشن

[جويرية]

تفتكرى يا استاذه جويريه ممكن حد يكون ليه رائين فى نفس الموضوع؟

اظن الواحد لازم يكون ليه راى واحد يخصه هو ويعبر عن دماغه

انا عندى ابن عمره اربع سنين سجلته فى نادى عشان يتعلم

كراتيه كنت شايف يا ستى ان الرياضه دى حتديه ثقه فى نفسه

وجراءه ووالدته كانت خايفه عليه وشايفه انه ممكن يتعور

وانت عارفه بقى قلب الأم .

فى الحقيقه فى الآخر انا وضحت لوالدته ان حجم الإستفاده

اكتر من حجم الضرر والحمد الله اقتنعت وكمان خلت اختها

تسجل ابنها مع ابننا.

يعنى عايز اوضحلك بس ان مفيش حاجه فى الدنيا اسمها

انا مع الموافقه ومع الرفض فى حاجه اسمها انا مع كذا.

وزى ما قلتلك كل حاجه فى الدنيا فيها نسبه من الخطوره

مفيش شيء سليم لكن احنا الى بنستعمل الحاجه صح او غلط.

ولو على موضوع التحريص وان الواحد يحرص كان الواحد

مركبش طياره ولا سافر مهو ممكن الطياره تنفجر ولا ممكن يوصل

البلد يلاقى عقد العمل فيه مصيبه. اتمنى تكونى فهمتى كلامى

معني كلامك ( أعقلها و توكل ) وده أكيد انا متفقة معاك فيه

مفيش مشكلة ان يكون عندي رأيين في موضوع واحد , احيانا يبقوا 5 أراء في موضوع واحد برده :lol:

[محب مصر]

معني كلامك ( أعقلها و توكل ) وده أكيد انا متفقة معاك فيه

مفيش مشكلة ان يكون عندي رأيين في موضوع واحد , احيانا يبقوا 5 أراء في موضوع واحد برده :lol:

بصراحه يا استاذه جويريه مش عارف اقولك ايه بعد حكايه 5 اراء وفى نفس الموضوع

انا كنت بتناقش معاك ازاى يكون ليك راين فى موضوع واحد الاقيك بتقوليلى وممكن يبقوا

5 اراء خلاص انت حره :lol:

[روبي]

السلام عليكم و رحمة الله تعالى و بركاته

و صلى الله على سيدنا محمد عليه أفضل الصلوات

هو السؤال موجه بالخصوص للرجال دون النساء

و لكن ساقول رأي بصراحة في مشاركة المرأه في المنتديات

و طبعا مش حترد من النساء هنا الا التي تشارك بالمنتديات

فمجرد الرد يعطيك فكرة أنه على اني لا ارى مانع من ان تشارك المرأة الى جانب الرجل

بس طبعا لكل شيء ضوابط و اٌقصد هنا الضوابط الأخلاقية و الثقة المتبادلة بين الزوجين

و سيبونا من العقليات المنغلقة دي و اعرفوا انه اصبحنا الان بعصر تشارك النسوة فيه الرجال في كل المجالات

كمان ان النت متوفر عند الاطفال و بكل مكان فكيف بالمراة لذلك أكرر أن الضوابط الأخلاقية هي من سيحكم هذه المشاركات و ليس قبول او رفض الزوج لانه ان لم يمنع المراة دينها و أخلاقها و حيائها من الانزلاق فلن يكون المنتدى هو الوحيد سبب الغلط.............

و سيكون الخطأ لذلك أهم من رأي الزوج و موافقته هناك الرقابة الذاتية

يقول الله عز وجل:

{إذ يتلقى المتلقيان عن اليمين وعن الشمال قعيد ما يلفظ من قول إلا لديه رقيب عتيد}

تم تعديل 12 أغسطس 2009 بواسطة روبي

[سهل جدا]

هل تسمح لزوجتك بالمشاركة في المنتديات ؟؟

أنا بعتبر السؤال ده شبيه بسؤال: هل تسمح لزوجتك بنزول الشارع والأسواق؟!!

فالجواب للسؤالين نعم.. ولكن بالشروط المعروفة

وأهمها .. عدم الخضوع بالقول

والخضوع بالقول ممكن يكون موجود في المنتديات زي ما هو موجود في الواقع

[قلب ابيض]

بصراحة أنا صوت وقلت لا

لأن فيه عدة دوافع تخلينى أمنعها من المشاركة

ومن أهم هذه الدوافع الغيرة

وممكن ما أدخلهاش نت من اصله

بس ده كله لسه فى المستقبل إن شاء الله

لأن لسه ما فيش زوجة من أصله

استأذنتنى زوجتى ان تنضم للمنتدى

وكثيرا ما كانت تجلس وترى الكثير من المشاركات

لكنى لم اوافق

لالنقص فى ثقتى بها

اولعدم احترامى لشخصها

اولأنى رجعى

لكن لأنى بخاف عليهامن بعض الكلمات والمناوشات التى لا ارضاها لها

الأستاذ / سكوربيون

فما فهمته من كلامك هو انك لا تستطيعين الأستغناء عن الكتابة في المنتديات ( و هو شيئآ يسعدني ) و في نفس الوقت توافقين تمامآ علي منع الأزواج لزوجاتهم من استخدام النت !!!!!!

بصراحة .. مش فاهم

كل شئ ليه مميزات و ليه عيوب و الواحد بيقارن بين الأتنين

يعني النت كهواية مختلف عن هوايات تانية في انه بيحتاج درجة تركيز عالية و لازم الواحد ميزودش عن عدد ساعات معينة في اليوم حفاظا علي النظر و علي الفقرات

معني كلامك ( أعقلها و توكل ) وده أكيد انا متفقة معاك فيه

مفيش مشكلة ان يكون عندي رأيين في موضوع واحد , احيانا يبقوا 5 أراء في موضوع واحد برده :D

بصراحه يا استاذه جويريه مش عارف اقولك ايه بعد حكايه 5 اراء وفى نفس الموضوع :D

انا كنت بتناقش معاك ازاى يكون ليك راين فى موضوع واحد الاقيك بتقوليلى وممكن يبقوا

5 اراء خلاص انت حره wst::

هههههههههههههههههههههه ايوه انا بسمع عن الجمهوريه دى كل سمع مش خير هههههههههههههههههههه قال ايه الناس هناك لابسه بس من غير ازاى معرفش دا غير ان انك تحسي انك ماشيه فى اوروبا اتنين بيقيسوا بق بعض ورا الشجره هههههههههههههههههه وما خفي ككان اعظم وربنا يرحمنا يارب من وجود الناس دى

فى مكان فى شرم الشيخ مش فاكره اسمه والله ممنوع على المصريين يدخلوا هبقي اقولك السبب في رساله خاصه وعجبي

حيرتينى يا جويريه؟؟

نفتح الشباك ولا نقفل الشباك؟

انتى معانا ولا مع الناس التانيين؟؟

انا شحصيا شايفه انى اشترك فى منتديات فيها مجالات مختلفه وعقليات متنوعه وابواب للمعرفه فى كافه المجالات افضل بكتير من انى اشاهد التلفزيون لساعات او امسك التليفون للرغى ايضا لساعات

عقلى وروحى لن يجدوا الاستفاده او النضج او الاستمتاع بقدر ما اجده فى منتدانا الموقر هذا

وعلى فكره انا مش مشتركه فى منتدى غيره فهو يكفينى

وكنت اتمنى ان يكون زوجى عضو فعال فيه لكنه بيكتفى بما اسرده عليه من اهماحداث المنتدى بالنسبه فى وقت فراغه القلييييل جدا

مشاركاتى فى المنتدى هى النسمه اللى بتهون حر الدنيا عندى " ان صح التعبير"

[Princesse]

[[font="Times New Roman"]size="5"]tايه الموضوع الغريب دا؟

هو احنا في اي عصر؟

عصر الحريم انتهي من زماااااااااان

دلوقتي البنات بتشتغل، و بنتزل من بيتها و بتتعامل مع رجال من مختلف الاعمار سواء في العمل او المواصلات او في الشارع.

المرأة مش كأن ضعيف علشان حد يسمح ليها او لا يسمح

انا بستغرب ان لسة في بنات لسة بتفكر بالاسلوب دا

جورية ربنا سبحانه و تعالى لما حرم السرقة حرمها على الرجل و المرأة، يعني مينفعش نقول على حاجة حرام ان الراجل ممكن يعملها ولا وزر عليه و لكن حرام المرأة تعملها. لو الاشترك في المنتديات حرام : يبقي حرام على الرجل و المرأة انهم يشتركوا فيها

و لو حلال يبقي انا مش مستنة اذن من حد

تم تعديل 12 أغسطس 2009 بواسطة Princesse