الزراعيين والكيميائيين فى كيبيك افادكم الله

[Dr Ayman Kamel]

mfb: انا دكتوراة كيمياء حيوية زراعية من جامعة القاهرة وانا باحث بالمركز القومى للبحوث وقدمت على موضوع الهجرة وانا الان فى الكشف الطبى ارجو معرفة وضعنا نحن الزراعيين الكيميائيين فى كيبيك هل هناك عمل لنا كما قالت لنا الممتحنة فى السفارة الكندية ام ان كندا هى مقبرة لنا ولخبراتنا ارجو الافادة

لا تعتــــــــــــــــــــــــــذر

ولا تصدق إن قيل لَكَ

أن روحي تنسحب مني ..

واني مقبل على نوع من الانهيار ..

وان دموعي سالت على خدودي انهار

واني أموت في كل لحظة ..ألف ..ألف مرة …

وارفض أن أصل بإحساسي ..لحد الانكسار

ارجوكم اجيبونى هل كندا هى مقبرة الخبرات ام هى الجنة الموعودة هل هناك عمل متوفر بالساعة على الاقل

[ابو الخير]

و الله يا دكتور مفيش جنه علي الارض

لازم هتتعب و تتمرمط شويه لكن بشوية تعب و توفيق من ربنا ممكن كل حاجه تبقى تمام و صدقني الفرص هناك كتير بس اللي يدور كويس و اللي يشغل دماغه هو اللي بينفع هناك انما الشغل بتاعنا في مصر هنا مش هينفع

انا سمعت عشرات قصص النجاح و الفشل

عموما ابحث عن مجال شغلك في كندا و شوف في مواقع كنديه و ربنا يوفقك

[HDarwish]

من وجهة نظري يا دكتور أيمن

أرى أن مجال الزراعة نادر جدا في كندا نظرا لحالة الجو هناك

أما الكيميائيين على ما أظن يختلف الوضع بعض ما

الزراعيين الكيميائيين .. والله عجبني الاسم ورائع جدا انك تربط بين الاثنين

وفقك الله فيما فيه الخير للمسلمين جميعا

[samehelassad]

دكتور ايمن: واحدة واحدة يادكتور وخد عندك المعلومات دية وفكر تنفعك ولا لاء وقرر من غير متفكر وانت محبط لان دموعك مش هتمسحها الا ايدك. ولان الدنيا دار ابتلاء واختبار. وامرنا الله بالنصيحة فالنصح خير.

1: انت ممكن تشتغل بالدكتوراة بس فرصك صعبة جدا جدا جدا انا بتكلم على مجال البحث العلمي الا لو لقيت واحد ميعرفش الحتة اللي انت تعرفها ودة هياخدك حتى لو شهادتك من موزمبيق ودة طبعا مش هتعرفة الا بالمراسلة مع الجامعات. و شهاداتك معترف بيها وعال العال. بس هاتيجي اية مع اللي متخرج من هناك وانت معندكش خبرة في البلد ومعندكش معارف في الجامعة عشان تاخد فرصة. من الاخر انت هتكون اخر واحد فكر ياخدة عشان انت جاي من برة. بس في حل طبعا وسهل وجميل.

2: انت دكتور في مركز البحوث وقيمة وبرستيج ماشاء الله بس ياترى مرتبك بيكفيك عشان تعيش اصلا. (طبعا لاء). يبقى متقلش كندا مقبرة ليك ولخبراتك عشان انت اصلا عايش ومش عايش في مركز البحوث. (على فكرة انا معايا ماجستير في animal physiology-Endocrinology وبعمل الدكتوراة في جامع الازهر في ال Molecular Biologyووقفتها وانا جاي قطر.)

3: طبعا لالغتك ولا خبرتك هيخلوك تلاقي شغل من اول يوم وهتقعد تدور على اي شغل لحد ماتعملك علاقات وربنا يكرمك وتلاقي شغل. دة على حسب تقديرات الحكومة الكندية تقريبا ستة اشهر.

الحل انشاء الله:

لية متاخدش كورس لمدة ستة شهور في مجال معين يكون قريب لمجالك وخبراتك ويديك شهادة كندية معترف بيها ويخليك تشتغل فور الانتهاء منة وبالتالي تكون في فترة الست شهور الاولى غير محبط وبتعمل علاقات وبتتعلم كمان وبتحسن لغتك وبتزود فرصك في العمل بسبة 100%. وبعد كدة انشاء الله تبقى الاشية معدن.

يعني مثلا انا ازا عرفت اروح كندا واخدت شهادة في ال Bioinformatics or Molecular Biotechnology بعد ستة اشهر خلال الدراسة هتعرف على اساتذة جامعة وهيعرفوني ويعرفو خبراتي واني معايا الماجستير وهتعرف على طلبة وممكن الاقي شغل كمان اثناء الدراسة وبعد الدراسة هتلاقي انشاء الله الوضع هيكون مختلف.

5: انت راجل باحث يعني بتعرف تطلع المعلومة من وسط السطور وتعرف تعمل conclusion دور في النت هتلاقي الكورسات دية اختار الكورس اللي يعجبك وبالسعر اللي يعجبك والمدة اللي تعجبك. وهتلاقي الكلام اللي قلتهولك هو عبارة عن ملخص خبرة اصحابنا في المنتدى اللي عايشين في كندا.

6: انت في مركز البحوث لو تعرف دكتور او استاذ عندك لية علاقات قوية مع دكتور في احدى الجامعات الكندية دة هيسهلك حاجات كتير واهمها هي انك هتروح بناء على معرفة يعني عندك refrence قوي وهو صاحبة اللي رشحك لية. انا كنت هعرف اعمل دية بس للاسف الراجل اللي يعرفة مشرف الدكتوراة بتاعتي واللي رشحني لية كان طلع معاش. والتاني اللي وافق عليا خلاص كان في استراليا وبعد كدة الجامعة طنشت وبصراحة انا كمان طنشت عشان مش عاوز اروح استراليا.

[capitshino]

انا اللى اعرف ان كندا من اكبر الدولة المنتجة للقمح ولبعض المحاصيل الاخرى

الزراعة اتغيرت دلوقتى وموضوع الجو ده قديم شوية ... الخليج كله بيزرع والحرارة تصل 50 درجة مئوية احيانا

وايضا شمال اوروبا...

لو فى حد فى كندا ممكن يفيدنا فى الموضوع ده يكون احسن برده

[HDarwish]

إيه يا عم كابتشينو إنت ورايا ورايا ...

ما تزعلشي أنا بحب أهزر

انا اللى اعرف ان كندا من اكبر الدولة المنتجة للقمح ولبعض المحاصيل الاخرى

معلومة جديدة ... وياريت حد يأكد لنا عالمعلومة دي ... ده أنا حتى كنت عايز أعمل موضوع اسمه الزراعة في كندا ... بس انت وفرت عليا

الزراعة اتغيرت دلوقتى وموضوع الجو ده قديم شوية ... الخليج كله بيزرع والحرارة تصل 50 درجة مئوية احيانا

وايضا شمال اوروبا...

لأ في دي أنا مش معاك خالص وبعدين إنت كده دخلت منطقتي .. لإن كل دول الخليج بتعتمد على الاستيراد لإن الانتاج المحلي ضعيف جدا ويكاد يكون معدوم

وحكاية ان الجو ده موضوع قديم شويه أنا معاك والعلم الحديث الوقتي خلانا نتغلب على كل حاجة لكن في المقابل التكلفة الانتاجية بتزيد وبالتالي فبتكون الخسارة كبيرة وده اللي حاصل في الخليج هنا حتى الحكومة بتحاول تدعم المزارعين دعم مادي وفني علشان يشجعهم بدل ما البلد ما يبقاش فيها زراعة نهائي

سؤال صغير .. هوه حضرتك دارس زراعة أو اشتغلت بيها قبل كده..؟ مجرد سؤال للتعرف على فكرة مش أكثر ومافيش من وراه أي حاجه

[capitshino]

لا يا باشا

انت اللى دخلت منطقتى

لو تحب نتعرف يبقى عالخاص

[capitshino]

بخصوص انتاج كندا من القمح فاشوف اللنك ده

http://www.moheet.com/show_news.aspx?nid=41502&pg=3

[HDarwish]

وأشارت صحيفة "الفايناشيال تايمز" إلى أن كندا التي تعد ثاني أكبر منتج للقمح في العالم قد حذرت من أن الإنتاج قد يقل بنحو 20 % عن المستوى المسجل في العام الماضي نتيجة الأحوال الجوية التي كان لها تأثير سلبي علي المحصول مثلما كان في أوروبا واستراليا.

فيما أشارت شبكة "بلوم برج" الإخبارية إلى أن الطلب المتزايد على القمح من جانب مصر والهند بالإضافة إلى الأحوال الجوية السيئة التي تسببت في إتلاف محصول القمح في كل من كندا وأستراليا قادتا أسعار القمح العالمية بنسبة 80 % خلال العام الحالي.

على فكرة الكلام ده من الرابط اللي حضرتك أرفقته واللي بيأيد كلامي

تقبل تحياتي

[capitshino]

وأشارت صحيفة "الفايناشيال تايمز" إلى أن كندا التي تعد ثاني أكبر منتج للقمح في العالم قد حذرت من أن الإنتاج قد يقل بنحو 20 % عن المستوى المسجل في العام الماضي نتيجة الأحوال الجوية التي كان لها تأثير سلبي علي المحصول مثلما كان في أوروبا واستراليا.

فيما أشارت شبكة "بلوم برج" الإخبارية إلى أن الطلب المتزايد على القمح من جانب مصر والهند بالإضافة إلى الأحوال الجوية السيئة التي تسببت في إتلاف محصول القمح في كل من كندا وأستراليا قادتا أسعار القمح العالمية بنسبة 80 % خلال العام الحالي.

على فكرة الكلام ده من الرابط اللي حضرتك أرفقته واللي بيأيد كلامي

تقبل تحياتي

يا ريس ابعت ايميلك عالخاص علشان نتعرف

وياريت يكون ياهو

بالنسبة للزراعة هناك فهى متقدمة جدا ولكن بسبب الاحتباس الحرار حدثت مشكلة

ولكن كما ذكرو انها ثانى اكبر منتج للقمح ... بس الظروف قللت الانتاج

زى ما تيجى ضربة صقيع فى الخليج تؤثر على بعض المزارع

تحياتى

[capitshino]

فين يا عم درويش ايميلك

مش عارف ابعت لك عالخاص ولا رسالتى وصلت

[Dr Ayman Kamel]

بسم الله الرحمن الرحيم :wub: :phar:

اشكركم اخوانى الاعزاء بالترتيب ابو الخير ودرويش وسامح السيد والاخ كابتشينو على كل الردود الجميلة والتى ان عكست فانها تعكس عن الشعب المصرى الذى هو فى رباط الى يوم الدين

فى الحقيقة الف شكر لكم جميعا وعلى فكرة مصطلح زراعى كيميائى ده مش غلط لان تخصصى هو كيمياء النباتات الطبية والعطرية وادخالها فى الصيدلينبات

واخيرا وليس باخر ايه رايكم ياجماعة فى هذا المكان ممكن ان نتحدث عن مواضيع عن كندا انتم اطرحوها

مثلا كل واحد يقول تخصصه ايه بالضبط مثلا انا ممكن افيد واحد فى تخصصه والعكس صحيح ومن الممكن ان نتقابل جميعا فى كندا لنعبر الايام الصعبة معا وهكذا ارجو الرد وان فى انتظار المزيد منكم خاصة ومن اخرون :phar: :waf: gra:-

[HDarwish]

أنا أول واحد وياك يا دكتور

[capitshino]

ويهون عليكم تسيبونى

خدونى معاكم

[HDarwish]

أنا عن نفسي يا دكتور أيمن زراعي صغير قوي يادوب البكالوريوس لكن عندي طموح كبير قوي

ومن خلال مراسلاتنا فعلا على الخاص حضرتك حطيتني على بداية السلم

وأنا حاليا في صدد البحث عن جامعة مونتريال والتسجيل بها

مشكور جدا د/ أيمن

وياريت لو حضرتك تقدر تفيدني في موضوع الهندسة الوراثية أكثر

[HDarwish]

أنا عن نفسي يا دكتور أيمن زراعي صغير قوي يادوب البكالوريوس لكن عندي طموح كبير قوي

ومن خلال مراسلاتنا فعلا على الخاص حضرتك حطيتني على بداية السلم

وأنا حاليا في صدد البحث عن جامعة مونتريال والتسجيل بها

مشكور جدا د/ أيمن

وياريت لو حضرتك تقدر تفيدني في موضوع الهندسة الوراثية أكثر

[Dr Ayman Kamel]

بسم الله الرحمن الرحيم

السلام عليكم ورحمة الله وبركاته :D

اشكركم جميعا لكن عايز اقول لكم واحد هنا بس قال تخصصه وهو الاخ الكريم حسن درويش وبارك الله فيك واتمنى ان تكون قد استفدت ty:)

بالنسبة للهندسة الوراثية ان كنت تريد اى ابحاث عنها ادخل الموفع الرسمى للابحاث وهو Science direct فى بحث الياهو ثم ادخل الموقع واكتب ماتريد معرفته عن الابحاث المنشورة فى هذا المجال وخللى بالك كلمه Genetic engineering كلمه كبيرة ابحث عن نبات معبن مهندس وراثيا وكيفية نقل الجينات وتكنيكات زراعة الانسجة وغير ذلك وان معاك فى اى سؤال.

مفيش حد هنا كبمباء او فسيولوجى او انتاج حيوانى او اى احد من تخصصات الزراعة المختلفة :blush2:

بااخوانى الاعزاء ارجو منكم ان تقووا هذا المكان باستضافى اناس اما سجلوا للهجرة لكندا او فى كندا اصلا وانا على العموم باحاول من ناحيتى وانتم بااعزائى من ناحيتكم لو كل بوم فقط ربع ساعة دخول لهذا المكان للاستفادة جمبعا او للشكوى من شىء او للتنفيس عن مصاعب الحياة po::

معلومة لديك تكون سبب فى نجاح انسان وهذا فى ميزان حسناتك ممكن بعد فترة الميزان يبقى عامل ازاى

واليكم بعض النصائح

سأل الممكن المستحيل :أين تقيم ؟ فأجابه في أحلام العاجز

من قنع من الدنيا باليسير هان عليه كل عسير

من يقع في خطأ فهو إنسان ومن يصر عليه فهو شيطان

إذا بلغت القمة فوجه نظرك إلى السفح لترى من عاونك فى الصعود إليها وانظر إلى السماء ليثبت الله أقدامك عليها

أحببني عندما لا أستحق ذلك فأنا بحاجة إلى حبك في ذلك الحين.

يَا أَيُّهَا الْإِنسَانُ مَا غَرَّكَ بِرَبِّكَ الْكَرِيمِ

حتى عصيت الواحد القهار

واخيرا وليس باخر انا وضعت هنا ماحدث لى فى المقابلة مع القنصل الكندى لاننى ان شاء الله سوف يكون هذا بيتى واعتذر ان كان احد قد قرا هذا من قبل لكنه لبقية الاصدقاء

هذا ما حدث لى فى المقابلة مع القنصل الكندى

ذهبت انا وزوجتى الى السفارة الكندية بالقاهرة الساعة 11 وكان ميعادنا هو الساعة 11.5 فلم نستطيع الدخول الا الساعة 11.5 بالضبط إلى السفارة وتركت الولدين بالخارج (سيف الله 6 سنوات واحمد 11 شهر) وحمدت الله كثيرا على انهم لم يدخلوا معى لان ابنى كان من الممكن يودينا امن دوله من شيطنته وانتم عارفين شيطنه الاطفال المصريين).

اولا اكدت على زوجتى بعدم نسيان المياه المعدنبة لاننى لااستطيع الكلام بدونها لاننى من النوع الذى يجف حلقى بسرعة وطبعا تعليماتى لزوجتى كالسيف ابنى.

دخلنا السفارة:

اولا: التفتيش الذاتى كان فوق العادة جهاز التفتيش من الامام والخلف وانا مش متعود اعطى ظهرى لاحد لكن الامورهنا مش باختيارى

المهم ساعة ونصف والقنصل لم ياتى لى واخيرا اتت لنا القنصل وكما رايت امراة فى العقد الخمسين من عمرها قمة الذكاء اتت الينا وطبعا اعتذرت عن تأخرها بشدة بسبب المجهود الضخم المنصب على عاتقها.

اخذتنا وصعدنا للطابق العلوى واجلستنا على منضدة مستديرة امامها جهاز كمبيوتر لاب توب وبصراحة بسبب ولعي الشديد بالكمبيوتر سألتها عن ماركة الجهاز فاستغربت وضحكت فقلت لنفسى كده انا ضمنتها فى جيبي ثم أسهبت فى الحديث معها طبعا باللغة الفرنسية وهى تجيب لى على التساؤلات وفجأه قاطعتني وكشرت عن أنيابها وقالت لى لو سمحت لا تتحدث الا لما آذن لك لاننى متصلة الان بالنت على السفارة الكندية فى سوريا طبعا حسيت باحراج شديد وتصببت عرقا وزوجتى فرحت فى (على فكرة انا كنت منكد على مراتى بسبب المذاكرة ذاكرى وامتحنى واعملى وسوى) واول شىء عملته اننى سالت عن المياه التى مع زوجتى فلم اجدها لانها من شدة خوفها من المقابلة نسيت المية على الباب) فكشرت انا على انيابى فلاحظت القنصل ذلك فطبعا طبطبت على مراتى لاحسن تقول القنصل اننى باعامل الستات وحش وينقلب الموضوع على وعلى راسى .

بدات الهانم تسالنى عن سبب اقدامك على الهجرة مع ان وضعك كويس طبعا انا قلت لها عن البيئة والتلوث الحادث فى البيئة وحلقى الناشف من عدم وجود مياة معدنية امامى وكلمتها عن وسائل المواصلات وعن التعليم فى كندا وهى منصته .

بصراحة اخفيت عليها الراتب الفعلى لى كباحث بالمركز القومى للبحوث لاحسن تطمع فى وانا اصلا محط طمع هاهاهاهاها

سالتنى السؤال التالى لماذا زوجتك تريد الهجرة ووجهت السؤال لزوجتى والحمد لله زوجتى جاوبت على الكلمتين اللى كانت حافظاهم اصل انا ومراتى كنا متفقين على شىء وهو لما اشير لكى على رقم واحد تقولى براجراف رقم واحد ولما اشير لكى على اتنين يبقى براجراف 2 وهكذا.

طبعا كل ماتسال الست مراتى تجاوب لما تنظر الى واشاور لها بالرقم لغاية السؤال الاخير هل انتى تحبى كندا فنظرت زوجتى لى فهزيت راسى بالموافقة فمراتى لم تفهم واجابت انا مش فاهمة السؤال فاعادت السؤال مرة تانية انتى بتحبى كندا فاجابت زوجتى لا لانها مش فامة السؤال فكشرت القنصل عن انبابها وقالت لى اذن لماذا تريد ان تذهب الى كندا اذا كانت زوجتك لاتحب كندا طبعا حاولت اقنعها ان زوجتى لم تفهم السؤال وهى مش مقتنعة واعادت السؤال بصيغة اخرى (يعنى انتى مش بتحبى كندا) فطبعا الفلحوصة اجابت بنعم فاستدارت الى وقالت لى شفت (فضحكت) وفهمت القنصل ان مراتى مش فاهمة السؤال وعلى الرغم من ذلك تجاوزت عن هذا السؤال وقالت لى مارايك فى حجاب زوجتك فاجبتها انا مقتنع من حجاب زوجتى وانا اعلم ان كندا دولة قائمة اساسا على تعدد الجنسيات والديانات والكل خاضع لقانون واحد . بصراحة ابتسمت وسلمت على واعطتنى فى الحال شهادة الاختيار لكيبيك Certificat de selection de Québec وطبعا خرجت انا وزوجتى يدانا معا لغاية لما وصلت لباب السفارة وهربت زوجتى بسرعة منى وجرت لانها عارفة انا كنت هاعمل اية فيها هاهاهاهاهاهاهااها

النكته ان زوجتى دخلت على الموقع ده وانا كنت باصلى لكنها لم تلاحظ ان الكاتب هو انا ولقيتها بتضحك فقلت لها على ايه فاجابت واحد حصل له زى ماحصل لنا بالضبط فنظرت واسود واحمر وازمهر وجهى ثم ضحكت وقلت والله قالت لى مبن اللى كاتب الكلام دة قلت لها تعالى نعرف وشديت الفيشة بتاعة الكمبيوتر برجلى على طول وكان نفسى افصل الكهرياء خالص :wub:

[qenawy]

الصراحة يتميز المصريون بخفة الدم الشديدة ايا كان الوضع الاجتماعي

والله شربات يا دكتور ايمن

حلوة حكاية شد الفيشة دي

انا شخصيا بالجا الي تكتيك فتح صفحتين في نفس الوقت

واحدة بمزاجي وواحدة علي مزاج زوجتي

وهوبا في ثواني اغلق صفحتي لو حصلت كبسة

ربنا يوفقك ويكرمك عموما انا حبيت اشارك في شريطك ولكن للاسف معلوماتي الزراعية لا تتعدي الفول النابت فسامحني

تم تعديل 31 يوليو 2008 بواسطة qenawy

[Dr Ayman Kamel]

الصراحة يتميز المصريون بخفة الدم الشديدة ايا كان الوضع الاجتماعي

والله شربات يا دكتور ايمن

حلوة حكاية شد الفيشة دي

انا شخصيا بالجا الي تكتيك فتح صفحتين في نفس الوقت

واحدة بمزاجي وواحدة علي مزاج زوجتي

وهوبا في ثواني اغلق صفحتي لو حصلت كبسة

ربنا يوفقك ويكرمك عموما انا حبيت اشارك في شريطك ولكن للاسف معلوماتي الزراعية لا تتعدي الفول النابت فسامحني

الاخ الدكتور قناوى

والله ده انت اللى شربات

بارك الله فيك على التكنيك ده وجارى توزيعه على الاخوة المتزوجين وتدريب الاخوة المخطوبين عليه وهاسميه Gen Tech اى جناوى تكنيك وشوف الدعوات اللى هتجيلك منه .

[Dr Ayman Kamel]

الاخوة الافاضل

اليكم النصيحة الاتية

اهجر العشق والغرام والحب المحرم فإنه عذاب للروح ومرض للقلب، وافرغ إلى حب الله وإلى ذكره وطاعته

تكن اسعد الناس

• سئل أحدهم : هل عرفت ربك .؟ فسكت ساعة ثم قال : من عرف الله تعالى قل كلامه .. و دام تحيره .. و فني عن صور الأعمال .. و تحير مع الاتصال .. متقرباً في جميع الأحوال.