مبروك البراءة يا كبير

[المنصوراوى]

مبروك البراءة يا كبير طلعت انت براءة و سرك فى بير

ارجع وشوف اسطولك و احنا نشوف دولة للتهجير

كفاية ايام الغربة و اللى انت فيه يا طيب يا امير

ايه يعنى الف اربعة وتلتين قتيل و قع قفص تين و التين عندنا كتير

ما انت واصل و محمى ذى ما انت فى طريقك سير

و اللى بيقول عليك حرامى و مجرم دا حاقد منك بيغير

يا غابة عايشين فيها من غير المفترس شئونك مين حيدير؟؟؟؟؟؟؟

دا الاسد ملك فيكى ومن غير انيابه و مخالبه ما يبقاش حتى غفير

احكم ذى ما تحكم يا قاضى عمر ما كان حكم الدنيا الحكم الاخير

ارواح ناس فى منامك تشوف و ندم و تانيب ان كان عندك ضمير

و الاخرة هى مثوى الظالمين و جهنم ليهم فيها شهيق و زفير

تم تعديل 29 يوليو 2008 بواسطة المنصوراوى