إسراطين ? الابيض يصدر الكتاب الابيض

[mizo1957]

إن الكتاب الأبيض هذا يعرض المشكل بكيفية محايدة وعلمية وجادة من أجل حلّ عادل و نهائى لما يسمّي بمشكلة الشرق الأوسط المزمنة . ويجنّب المنطقة مصائب العنف و الحرب و الدمار .

ويورد آراء و تصورات لعرب و يهود طرحوها من قبل ، و مشاريع دولية تزكي وتؤيد الحل الذي يقترحه الكتاب الأبيض هذا . وأي تصور آخر لن يحلّ المشكل أبداً .

دولة واحدة للفلسطينيين واليهود ( إسراطين ) .

http://www.algathafi.org/medialeast/index.html

طب ده يتقال له ايه الكتاب الاخضر و قلنا

معلش ثم الابيض و قلنا طبيعي؟

الكتاب القادم حا يكون،

التركواز في حل مشاكل العرب من ليبيا للاهواز

اوالسماوي في فن طهي الكبد والكلاوي

وياسلام علي الاسمر في مختصر شرح الكتاب الاخضر

[amir]

الكتاب الجديد أسمه :

" تان تان .. و النفوخ البدنجان "

و على فكره الراجل ده دمه خفيف و أنا بحبه

:D :D :D

[mizo1957]

اخي امير

تحبه لطلته الكوميديه وافكاره الضرب وان يكون عندك دميه له علي شكله او سلسله مفاتيح حاجه.

لكن كزعيم عربي في هذاالزمن فالموضوع يختلف.

كلنا تعاطفنا مع السقاف ومصطلحاته ولكنه

وجهه الحقيقي لا يختلف عن بقيه عصابه حزب

البعث.

[الطفشان]

شفت اعلان الكتاب المهبب على موقع الجزيرة

و الجدع دة بيعلن عندهم من سنة اعلانات كبيرة قوي

و كله في الهلاوس

عايش الدور و مصدق نفسه

و الا اللبس؟ شوف الزي الافريقي

و الا الخيمة اللي بينصبها في اي فندق يروحه

القذافي يمثل ظاهرة

أمة تقبل ان يحكمها مثل هذا، و مثل صدام و مثل .... تستاهل اللي يجرا لها

دة دليل على مدى الانحطاط اللي وصلنا له

ابكوا يا عرب!

فشر البلية ما يضحك

[maksoof]

والله الراجل ده باين عليه عنده sense of humor و ينفع يبقى stand up comedian خصوصا لما يلبس الفستان البرتقالي اللى كان لابسه فى واحد من مؤتمرات القمة و كان شكله عامل زى عروسة المولد!

و على رأى الأخ الطفشان:

أمة تقبل ان يحكمها مثل هذا، و مثل صدام و مثل .... تستاهل اللي يجرا لها

و اللى يعيش ياما يشوف.

[الطفشان]

والله الراجل ده باين عليه عنده sense of humor و ينفع يبقى stand up comedian 

خصوصا لما يلبس الفستان البرتقالي اللى كان لابسه فى واحد من مؤتمرات القمة 

و كان شكله عامل زى عروسة المولد!

فطستني على نفسي من الضحك يا مكسوف!!!!

كل اللي قلته حقيقي!

فعلا شر البلية ما يضحك