طلب الى المحاسبين العرب

[AAZ]

السلام عليكم و رحمة الله

كنت عايز اسال المحاسبين خاصة فى منطقة الخليج

انا مصرى و اعمل مراجع فى مكتب دلويت احد الفور بيج ( Deloitte and Touche )

كنت عايز اعرف لو اخدت شهادة السى بى ايه ( cpa ) الامريكية و معايا خبرة 3 سنين فى المكتب

ممكن يكون المرتب كام ؟؟؟؟؟

شكرا مقدما

[yousrymba]

السلام عليكم

اخ عز cpa و خبرة 3 سنوات من 8 الى 10 الاف ريال في السعودية بس بشرط ما تشتغلش بمكتب مراجعة

شركة في المراجعةالداخلية

اتمنى التوفيق لك

[MZohairy]

البومينج الرهيب في الخليج حاليا يجعل كل شيئ سريع التغير

الرواتب تقفز قفزات مهوله و في تغير مستمر

اعتقد لو الانجليزي قوي و مع السي بي ايه و خبره من 3 الى 5 سنين حيكون الراتب في حدود 15 الف

بس تأكد انه خلال اقل من 5 سنين كمان الكلام ده حيتضاعف بإذن الله

[AAZ]

الف شكر لكل الاخوة اللى ساعدونى بالمعلومات و جزاكم الله كل خير

[AAZ]

لو سمحتم يا اخوانى المحاسبين ارجو مزيد من المشاركة و الردود خاصة ممن يعمل محاسب فى احدى دول الخليج

[alaashabana]

انا مصرى محاسب بالامارات

بص يا سيدى انا كنت ناوى ادرس السى ام اية ( CMA ) بس لاقيتها محتاجة وقت شوية فقولت اصبر عليها وربنا يسهل

انا لاحظت فى الايام الاخيرة ان هنود كتي وفلبين واخدين CPA and CIA ودة للاسف مش كويس للعرب لاننا عارفين ان مرتبات الهنود مش كويسة يعنى انا لية زميل محاسب فى شركو وبيجى واحد مراجع خارجى معاة سى اى ايه وبياخد 5000 علشان هو هندى فى حين لو واحد عربة ممكن ياخد 15 و 20 الف درهم ..

علشان كدة انا بدأت اخاف لان لاحظت كتير محاسبين وخصوصا الهنود عاملين اعلانات فى الجرايد وكتير منهم معاه سى بى اية

على العموم انا مش عارف والله انصحك تبدأ فيها بدرى ولا تعمل اية ... لكن انا عملت تجربة كدة " كتبت فى السى فى بتاعى انا خلصت الجزء الاول من السى ام اية وعملت كذا مقابلة فعلا بس للاسف مش لاقيت حد علق على الشهادة دى خالص ولا كأن ليها قيمة مش عارف لية.

ولما سالت على شهادة السى بى اية فى معهد هنا مشهور فى الامارات قالى اولا لازم يكون عندى 4 سنين خبرة ودة شرط اساسى للتقدم للامتحان ثانى حاجة قالها ان لو انا مش متأكد من حصولى على فيزا لامريكا ومقدرتى المادية جيدة جدا جدا يبقى بلاش ادرسها علشان الامتحان بتعاها فى امريكا ..

قالى كل اللى هنقدر نساعدك فية ااننا نديك ورقة من عندنا انك درست سى بى اية دى بتقدمها للسفارة للحصول على الفيزا لكن فى الاول والاخر القرار بتاعهم ودة بيعود على مقدرتى امادية يعنى بمعنى اصح لازم يكون معايا فوق 100 الف درهم رصيد فى البنك ومن زماااااااااااااااااان ...

يارب اكون افدتك ومش اكون حطمتك وصلى صلاة ستخارة وتوكل على الله

[EL SHABRAWY]

انا شايف ان اهم ما فى الموضوع انك تاخد ال CPA الاول بعد كده هتلاقى شغل فى اى مكان حتى فى مصر و بفلوس كويسة انشاء الله و ده من واقع خبرة شخصية لانى بذاكر الCPA بس انا مقيم بامريكا و شوفت ناس كتير بيجو من مصر و بلاد اخرى و اد ايه الموضوع مكلف ولكن من كلامهم ان فرص الشغل كويسة جدا

يعنى اذا اخدت كورس فى مصر تكلفته كام

و اذا اخدت الفيزا لازم تعمل حسابك سفر مر تين علىالاقل بالاقامة

و الاهم من ده كله انك لازم تعمل ده بسرعة لان معظم الولايات هنا غيرت نظام دخول الامتحان بانك لازم يكون معاك ماستر و لبقى هايعملوا ده قريب جدا

من الاخر يعنى فكر انك تاخد الCPA و موضوع الشغل ده اسهل حاجة باذن الله ولو محتاج اى سؤال انا تحت امرك