الأنزلاق الغضروفي ( الديسك )

[جويرية]

السلام عليكم و رحمة الله و بركاته

من كام يوم عملت أشعة بالرنين المغناطيسي و بعدين الأشعة بينت أن عندي أنزلاق غضروفي بس الدكتور قاللي ان ده انزلاق غضروفي بسيط يعني مش محتاج عملية ، و كتبللي علاج بس مردتش اخده و قاللي تعملي تمارين بسيطة بدا ما اروح اعمل جلسات علاج طبيعي ،

رحت لدكتور تاني خوفني قاللي زي الدكتور الأولاني متوطيش و ما تقفيش كتير ، و خلي حركتك بسيطة عشان ده حيفضل معاكي علي طول ، قلتله يعني ده مبيخفوش منه شكله كان عايز يقولي لأ و يعدين قاللي ان شاء الله

أدي معلومات عن المرض ده

الانزلاق الغضروفي (الديسك)

٭ ما هي الديسك؟

- الديسك هي جزء من العمود الفقري يوجد بين الفقرات ليمتص الصدمات ويعطي العموي الفقري مرونته وحركته وهي تتكون من حلقة خارجية من الألياف بداخلها مادة جيلاتينية.

٭ ما هو الانزلاق الغضروفي؟

- الانزلاق الغضروفي يحدث عندما ينزلق الجزء الجيلاتي ويخرج عبر فتق في الجزء الليفي من الديسك. هذا الجزء الجيلاتيني الرخو ينزلق نحو القنوات العصبية ويضغط على أجزاء من الأعصاب وبالتالي يؤدي إلى ألم في الظهر وفي الفخذ والساق وهو ما يعرف عند العامة بعرق النسا (بفتح النون).

٭ ما هي الأسباب التي تؤدي إلى الانزلاق الغضروفي؟

- هناك عوامل كثيرة قد تؤدي إلى الانزلاق الغضروفي منها الأوضاع غير الصحيحة عند الجلوس والمشي والعمل كالانحناء أو حمل الأثقال بطريقة خاطئة أو زيادة الوزن أو الأعمال التي تسبب اجهاداً على أسفل الظفر.

٭ ما هي أعراض الانزلاق الغضروفي؟

- الانزلاق الغضروفي في الفقرات القطنية يؤدي إلى آلام في أسفل الظهر تمتد إلى الناحية الخلفية من الورك والفخذ والساق بالإضافة إلى احتمال مصاحبة ذلك يضعف في عضلات القدم والساق أو تغير في الاحساس أو فقدان القدرة على التحكم بالبول أو البراز.

٭ كم يتم التشخيص؟

- يتم التشخيص بعد فحص المريض سريرياً واجراء أشعات تخصصية مثل الأشعة السينية وأشعة الرنين المغناطيسي.

٭ كيف يتم علاج هذه الحالات؟

- العلاج ينقسم إلى قسمين: علاج تحفظي وعلاج جراحي.

العلاج التحفظي يكون ناجحاً لدى كثير من المرضى ويتمثل في الراحة لعدة أيام واستعمال الأدوية المضادة لالتهاب المفاصل والأدوية المسكنة للآلام والأدوية المرضية للعضلات واستخدام العلاج الطبيعي. كذلك يجب تجنب أية عادات أو عوامل تؤدي إلى إجهاد أسفل الظهر.

أما العلاج الجراحي فيستخدم عندما يفشل العلاج التحفظي في إزالة الأعراض خلال أربعة إلى ستة أسابيع.

٭ ما هو العلاج الجراحي؟

- هو عملية استئصال الجزء المنزلق من الديسك والذي يضغط على الأعصاب عن طريق جرح صغير (2 إلى 3سم) في الظهر وباستخدام الميكروسكوب، عادة ما تستغرق العملية 45 إلى 60 دقيقة وتتم تحت تخدير كامل.

٭ هل هناك خطورة من العملية الجراحية؟ وما هي نسبة نجاحها؟

- نسبة نجاح العملية تزيد على 95٪ وعادة ما يصحو المريض من البنج وقد زالت آلام الدسك، أما ألم الجرح فيكون بسيطاً ويستمر يوماً أو يومين وعادة ما يتمكن المريض من الحركة والمشي في نفس يوم العملية أو اليوم التالي، ومع التقدم في مجال التخدير وجراحة العمود الفقري فإن هذه العمليات تعتبر آمنة جداً وهي جراحة روتينية في المراكز المتقدمة.

٭ متى يمكن للمريض العودة لحياته الطبيعية؟

- بعد العملية مباشرة يمكن للمريض المشي والجلوس والسفر بالطائرة أو السيارة لمسافات قصيرة ويمكنه العودة للأعمال المكتبية خلال ثلاثة أسابيع والعودة لأي أعمال أخرى خلال ستة أسابيع.

٭ هل هناك حلول أخرى غير العملية الجراحية؟

- في بعض الحالات يمكن إعطاء إبرة في الظهر تحتوي على مادة مضادة للالتهاب تعمل عمل الكورتيزون وقد تؤدي إلى تخفيف الآلام والتهاب في العصب.

٭ ماذا عن علاج الديسك بالمنظار والانزيمات؟

- في حالات قليلة جداً يمكن استخدام المنظار الجراحي لاستئصال الجزء المنزلق من الديسك وهذا يؤدي إلى تقليص الجرح من 3سم إلى 1 أو 2سم، أما الانزيمات وغيرها من المواد فلم يثبت علمياً أن لها دوراً ناجحاً في هذه الحالات وعلي العكس من ذلك قد تؤدي إلى صعوبة في العلاج لاحقاً.

٭ كيف يمكن تجنب الانزلاق الغضروفي؟

- يمكن تجنبه باتباع الأمور الآتية:

1) المحافظة على الوزن المثالي.

2) المداومة على مزاولة التمارين الرياضة والمحافظة على لياقة أسفل الظهر.

3) استخدام الطرق السليمة لرفع الأشياء والتقاطها وتحريكها.

4) المحافظة على استقامة الظهر عند المشي والجلوس.

5) استعمال الأجهزة المساندة كالمراتب الطبية ومخدات أسفل الظهر.

٭ هل هناك طرق بديلة أو شعبية لعلاج هذه الحالات؟

- قد يلجأ بعض المرضى إلى الطب البديل أو الطب الشعبي مثل الحجامة والإبر الصينية والكي وحمامات الرمل الساخن وبعض الأعشاب كالحلبة وغيرها. وعلى الرغم من أنها قد تؤدي إلى تحسن مؤقت للألم إلا أن الأبحاث الطبية والعلمية لم تثبت فعالية هذه الطرق البديلة ومفعولها من الناحية العلمية مشابه لمفعول الأدوية المسكنة.

إرشادات العناية بالظهر

ما يجب عمله وما لا يجب عمله

الجلوس: يجب الجلوس بطريقة مستقيمة مع المحافظة على استقامة الظهر واستخدام وسادة صغيرة خلف الظهر ويجب تجنب الجلوس على أثاث منخفض أو على الأرض فترات طويلة أو الجلوس بشكل منحن.

الانحناء: يجب ثني الركبتين والحفاظ على الظهر مستقيماً عند التقاط الأشياء من الأرض وتجنب الأعمال التي تتطلب الانحناء للأمام لفترات طويلة مثل الكنس والزراعة وغير ذلك.

رفع الأثقال: يجب المحافظة على استقامة الظهر عند الرفع والحمل وتجنب رفع الأشياء الثقيلة وحملها على قدر المستطاع.

النوم: يجب استخدام مرتبة متوسطة الصلابة.

السفر بالسيارة أو الطائرة: يجب المحافظة على استقامة الظهر واستخدام الوسادة الطبية خلف الظهر ومحاولة الوقوف والمشي كل نصف ساعة

شكرا لكم

تم تعديل 31 يوليو 2008 بواسطة جويرية

[جويرية]

أنا حدور دلوقتي علي موضوع الحجامة و الكي ، عشان الأدوية دي كلها مسكنات و انا الحمد لله مش حاسة اني عندي ألم يستاهل المسكن

[MZohairy]

اولا ربنا يقومك بالسلامه ان شاء الله

ثانيا

رحتي للدكتور ليه طالما مش ناويه تاخدي الدوا اللي كتبلك عليه؟؟؟؟؟

[سكر]

انا عندى نفس ألم اسفل الظهر والموضوع تطور وتعب فى الرقبة رحت لدكتور فى السعودى الالمانى مصرى الجنسية

واخذت 18 جلسة علاج طبيعى و3 شهور مسكنات وكانت النتيجة كالتالى

صفر فى الرقبة

تحسن بسيط جدا اسفل الظهر

انقلاب فى المعدة من كتر الادوية وحدوث نزله معوية حادة من ادوية المسكنات

لما رحت مصر زرت دكتور تانى عمل كشف كامل وعملت اشعة بس مش رنين الاشعة العادية والحمد الله طلعت سليمة

بس فى ناس بتقول ان اشعة الرنين المغناطيسى اكثر دقة

المهم الدكتور كشف على كل اجزاء الجسم وقالى قوم انت سليم الحمد الله وكل ألم الى عندك دى ألم وظيفية

يعنى اجهاد زاد وفعلا انا كنت بزلت مجهود كتير الفترة الماضية اخدت اجازة شهر من الحياة والشغل حصل تحسن فى الرقبه لكن الظهر رجع للحاله الاولى ويمكن اكثر

المشكله فى ظهرى ان ألم مش متواصل يعنى بحس بألم وانا لما بكون لسة صاحى من النوم ويدوم لمدة ساعة بعدها الحمد الله مش بحس بالم غير طفيف عادى يعنى الى ممكن اى حد يحس بيه بس الصراحة ألم لما بصحى من النوم بيكون شديد جدا لدرجة انه ممكن يصحيك من النوم

والموضوع دة بقاله معايا اكثر من 6 شهور مش لاقى حل

وكمان الدكتور فى مصر رفض ان اخذ اى ادوية او مسكنات لانها مش هتفع فى حلتى خالص

والدكتور فى السعودية هو مصرى بردة قالى لازم تستمر على العلاج 6 شهور

ازاى انا مش عارف دة انا بعد 3 شهور فيست من الادوية

لكن الاتنين اجمعوا على موضوع الوزن لازم انزل الوزن كتير على الاقل 20 كيلو

انا مش عارف هل دة يبقى ديسك ولا انزلاق عضروفى الدكتور قالى لاكدة ولا كدة الى عندة ديسك وانزلاق بيكون الالم مستمر لكن انت الام عندك مرتبط بوظيفة النوم والضغط على الاعصاب

مش عرف اصدقك مين ؟؟؟؟؟؟

بس فعلا تعبان جدا وشكلى هبدا مرحلة علاجية تانية مع دكتور تالت

[محب مصر]

الف سلامه عليك يا استاذه

بس ازاى متستعمليش الأدويه

انت مش عارفه ان لكل داء دواء.

ربنا يشفيك ويقومك بالسلامه :happy:.

[جويرية]

اولا ربنا يقومك بالسلامه ان شاء الله

ثانيا

رحتي للدكتور ليه طالما مش ناويه تاخدي الدوا اللي كتبلك عليه؟؟؟؟؟

أمين

شكرا يا استاذ زهيري

انا رحت للدكتور عشان أعمل أشعة الرنين المغناطيسي ، مش عايزة اخد العلاج عشان كله مسكنات و فيتامينات ودول مش بيعالجوا حاجة ، الفيتامينات حدور علي الحاجات اللي فيها فيتامين ب 12 و اكلها ، السمك فيه فيتامين ب 12 و النهاردة عاملين سمك ، حاروح أشرح السمكة و اكلها احسن من الفيتامين

[جويرية]

الأستاذ / ataamer

انا عندى نفس ألم اسفل الظهر والموضوع تطور وتعب فى الرقبة رحت لدكتور فى السعودى الالمانى مصرى الجنسية

واخذت 18 جلسة علاج طبيعى و3 شهور مسكنات وكانت النتيجة كالتالى

صفر فى الرقبة

تحسن بسيط جدا اسفل الظهر

انقلاب فى المعدة من كتر الادوية وحدوث نزله معوية حادة من ادوية المسكنات

ما هوه لازم حضرتك الأول تعمل أشعة رنين مغناطيسي عشان تتأكد عندك أيه بالظبط عشان الأشعة العادية دي مش بتبين حاجة

و بعدين كمان برده تحاول تخفض الوزن عشان الوزن الزيادة ده بيبقي حمل زائد علي الفقرات

[جويرية]

الف سلامه عليك يا استاذه

بس ازاى متستعمليش الأدويه

انت مش عارفه ان لكل داء دواء.

ربنا يشفيك ويقومك بالسلامه

الله يسلمك يا استاذ محب مصر

الأدوية كلها مسكنات طيب حتعمل ايه دي ، عموما امي مصرة اني اكشف عند دكتور تاني اما اشوف حيقوللي أيه

[جويرية]

يا جماعة مفيش حد يساعدني في الموضوع ده

دلوقتي انا مش عايزة اخد العلاج اللي كتبهوللي الدكتور عشان ده كله مسكنات و مش حيعالج حاجة ، المهم ان انا بعمل سيرش عن الموضوع ده ، حاجلات قريتها بتقول ان المرض ده ممكن يروح بالعلاج الطبييعي و ميخوفش

و في كلام تاني قريته ان ده مرض خطير و بيطور و بيسوء عن كدة بس علي المدي الطويل علي ما اعتقد

انا مش عارفة انا خايفة من الكلام ده و خدت أجازة من شغلي و مش عايزة أخرج من البيت

كمان الدكتور قاللي ان المرض ده بييجي لكبار السن و علي حظي انا جاللي المرض ده بدري

[جويرية]

دلوقتي انا بدور كمان علي اماكن ممكن ألاقي فيها علاج بالطب البديل بس مش عارفة فين

[جويرية]

دي معلومة عرفتها أن السباحة مفيدة لمرضي الأنزلاق الغضروفي و مفيدة لفقرات الظهر عموما

يمكن أن تساعد رياضة مائية مثل السباحة على الوقاية من آلام الظهر المعروفة باسم الانزلاق الغضروفي.

ويقول الطبيب كيرت بيل من الاتحاد الألماني لأطباء الأعصاب إن السباحة تقوي عضلات الظهر وتساعد على تخفيف الإجهاد على الغضاريف الواقية بين عظام العمود الفقري.

وبصفة عامة، تساعد أشكال أخرى من الرياضة أيضا على منع مشاكل الظهر بحسب بيل لأن "الحركة النظامية دون إرهاق تحمي إمدادات المادة المغذية وفي المقابل الحفاظ على مرونة الأنسجة".

لكن لا يوصى بأنواع من الرياضة التي يمكن أن تهز أو تلوي العمود الفقري مثل ركوب الخيل وركوب الدراجات على الجبال والتنس والاسكواش، فتقدم عمر الأنسجة قد يؤدي إلى إجهاد العمود الفقري وفي النهاية حدوث الانزلاق الغضروفي

[MZohairy]

ياجويريه الأدويه مش كلها مسكنات

في الماصل ريلاكسانت (مرخي العضلات) و ده بيخلي العضلات المنقبضه جنب المنطقه المصابه ترتخي جزئيا عشان الألم يخف

و في الأنتي انفلاماتوري (مضاد الالتهاب) و ده بيضيع اي التهاب سواء في العضلات او اي منطقه مصابه

و كل ده بيخفف الألم

لازم يا جويريه تسمعي كلام الدكتور و خصوصا اذا كان دكتور متخصص

تم تعديل 5 أغسطس 2008 بواسطة mzohairy

[جويرية]

ياجويريه الأدويه مش كلها مسكنات

في الماصل ريلاكسانت (مرخي العضلات) و ده بيخلي العضلات المنقبضه جنب المنطقه المصابه ترتخي جزئيا عشان الألم يخف

و في الأنتي انفلاماتوري (مضاد الالتهاب) و ده بيضيع اي التهاب سواء في العضلات او اي منطقه مصابه

و كل ده بيخفف الألم

لازم يا جويريه تسمعي كلام الدكتور و خصوصا اذا كان دكتور متخصص

متشكرة جدا يا أستاذ زهيري

بس انا مش حقدر أخد العلاج ده ما هوه ده شبه العلاج اللي معايا

انا مش حتخلي عن مبادئي و أخد العلاج الكميائي

لقيت علاج في كتاب لأبن سينا رحت أشتريته من عند العطار ، و لو الموضوع طول عن كدة في ناس في الصحرا بيعالجوا المرض ده أنا حاشتري ناقة و اخد بعضي و اعمل رحلة سفاري

[جويرية]

الحمد لله مش عندي أنزلاق غضروفى

عملت أشعة و كشف في مكان تاني طلع ان اللي عندي خشونة مش أنزلاق

و بعدين الأشعة اللي عملتها في المستشفي الأولي نتائجها مش دقيقة

يا تري الناس دي لما تغلط مين الجهة اللي ممكن تحاسبها

ولا يحاسبهم ربنا بس علي الفترة العصيبة اللي قضيتها لغاية ما عملت الأشعة التانية

[السويفي]

السلام عليكم

انا اخصائي علاج طبيعي واتمني المعلومات الى هقولها تفيدكو

اولا الاشعه العاديه والرنين المغناطيسي ماهي الا تاكيد للكشف السريري .....يعني لو واحد معندوش اي الم وراح عمل رنين لقى فيه انزلاق او اي حاجه مش كويسه مش مهم المهم هل هو حاسس بحاجه ولا لا

ثانيا اذا كان فيه الم بنعمل الرنين لنتاكد من سبب الالم لان الم الظهر ليه اسببا كتيره

السبب الاساسي هو ضعف عضلات الظهر والبطن ...وده سببه العادات الخاطئه في الجلوس وقله ممارسه التمارين وتمارين الاطاله

فاولا يجب تصحيح الجلسه سواء فى البيت او العمل او في السياره ...وفيه ادوات توضع على الكرسي تساعد الظهر على البقاء بشكل سليم...تكون هذه الادوات غير مريحه في البدايه ولكنها مفيده

سبب تاني من اسبباب الم الظهر هو التكيف او التعرض لهواء بارد والجسم عرقان او دافئ مثل الخروج من السياره في الشتاء بعد فتره سواقه طويله

نصيحتي سواء كان الامر انزلاق او خشونه اذهبي لدكتور علاج طبيعي لمره واحده لتتعلمي من التمارين وتابعيه كل فتره

[جويرية]

السلام عليكم

انا اخصائي علاج طبيعي واتمني المعلومات الى هقولها تفيدكو

اولا الاشعه العاديه والرنين المغناطيسي ماهي الا تاكيد للكشف السريري .....يعني لو واحد معندوش اي الم وراح عمل رنين لقى فيه انزلاق او اي حاجه مش كويسه مش مهم المهم هل هو حاسس بحاجه ولا لا

ثانيا اذا كان فيه الم بنعمل الرنين لنتاكد من سبب الالم لان الم الظهر ليه اسببا كتيره

السبب الاساسي هو ضعف عضلات الظهر والبطن ...وده سببه العادات الخاطئه في الجلوس وقله ممارسه التمارين وتمارين الاطاله

فاولا يجب تصحيح الجلسه سواء فى البيت او العمل او في السياره ...وفيه ادوات توضع على الكرسي تساعد الظهر على البقاء بشكل سليم...تكون هذه الادوات غير مريحه في البدايه ولكنها مفيده

سبب تاني من اسبباب الم الظهر هو التكيف او التعرض لهواء بارد والجسم عرقان او دافئ مثل الخروج من السياره في الشتاء بعد فتره سواقه طويله

نصيحتي سواء كان الامر انزلاق او خشونه اذهبي لدكتور علاج طبيعي لمره واحده لتتعلمي من التمارين وتابعيه كل فتره

شكرا علي المعلومات و النصايح دي يا دكتور سويفي

لو سمحتلي حضرتك بكام سؤال

1- انا باخد جلسات علاج طبيعي ، فيه جهاز كدة فيه اشعة عاملة زي الضوء فيه ناس بيقلوللي أن أشعة دي ضارة

2- يا تري أشعة الشمس مفيدة و كام الوقت المناسبب للتعرض للأشعة دي ، و هل أشعة الشمس القوية ضارة يعني أفضل أشعة الشمس عند الشروق و قرب الغروب

3- فيه جهاز كدة عامل زي المكوي و هوه سعره مش غالي ، يا تري لو أشتريت الجهاز ده يفيدني

4- بالنسبة للسباحة هل هيا مفيدة و لا ضارة في حالتي ؟ و ينفع السباحة يوميا لمدة أسبوع و لا ده حيبقي ضغط زيادة علي الفقرات

حضرتك تسمحللي أبعتلك تقارير الأشعة علي الخاص

تم تعديل 16 سبتمبر 2008 بواسطة جويرية

[aimen]

شفانا الله واياكم يا جماعه

كنت عاوز اسأل عن متوسط تكاليف عملية الإنزلاق الغضروفى فى مصر كام ؟ وهل هناك مكان ينصح به ؟

[جويرية]

شفانا الله واياكم يا جماعه

كنت عاوز اسأل عن متوسط تكاليف عملية الإنزلاق الغضروفى فى مصر كام ؟ وهل هناك مكان ينصح به ؟

شكرا يا استاذ أيمن

هوه الدكتور قاللي مش ححتاج عملية ، و اما عن تكاليف العملية و المكان المناسب ، مش عارفة بصراحة أنا مش عايشة في القاهرة

[جويرية]

شفانا الله واياكم يا جماعه

كنت عاوز اسأل عن متوسط تكاليف عملية الإنزلاق الغضروفى فى مصر كام ؟ وهل هناك مكان ينصح به ؟

شكرا يا استاذ أيمن

هوه الدكتور قاللي مش ححتاج عملية ، و اما عن تكاليف العملية و المكان المناسب ، مش عارفة بصراحة أنا مش عايشة في القاهرة

لو حضرتك اللي عندك الأصابة دي يا تري بدأت بالعلاج الطبيعي و لا الدكتور حدد عملية علي طول

[aimen]

اخت جويرية

والدى هو اللى عنده الغضروف ...كان الموضع عرق نسا وبعدها كشف واتقال له غضروف وراح لدكتور فى القاهرة قاله حنستخدم جهاز ما وبعدين قاله حنعمل عملية ...فى النهاية راح لدكتور مخ واعصاب وقاله التدخل الجراحى هو الحل .......علشان كده بأسأل عن تكلفة العملية ؟

ربنا يشفي كل مريض ان شاء الله