بموت في دباديبك !

[لولا]

سؤال أهبل قوي خطر على بالي انهارده الصبح.. :happy:

ليه لما واحد بيحب واحدة قوي، أو العكس، بيقولها "بموت في دباديبك". :P

. ويعني ايه دباديبك أصلا؟ ;)

هو ممكن تكون دباديب دي جمع دبدوب.. :sad:

وعلشان كده الناس لما بيسيبوا بعض بيرجعوا الصور والجوابات والدباديب.. :lol:

المشكلة الوحيدة في التفسير ده إن الكلمة دي من زمان، وزمان مكانش فيه دباديب :blink:

ياللا اللي عاوز يهيس وعنده تفسير يكتبه... :blink: wst::

(على فكره الكلام دا قريته فى مدونه دمها خفيف قلت انقله هنا)

[moheltohamy]

لولا لما تمخمخ ... wst::

أقول لك فكرة تهييس تمام وتعجبك أوي ...

ممكن تكون دباديبه دي جاية من يدبدب برجليه! عارفة لما الواحد يكون ماشي بيرزع ف الأرض ، لدرجة إن جيرانه اللي تحت مش عارفين يناموا؟

ومن منطلق إن تراثنا العربي بيقول إن لظلظة المرأة أحد مقومات جمالها ، فممكن - عشان لظلوظة ومبطرخة - طول ما هيا ماشية فــ عمّالة تدبدب! ومن هنا كان الرجالة بيقولوا لصاحبهم مثلاً إنه بيدوب في دباديب رجليها. يعني لما بيلاقي الأرض بتتهز ، قلبه بيهفهف ، ويعرف إنها وصلتله وهوه مستنيها عند صخرة الملتقى! (وعذراً لابراهيم ناجي) :lol:

ويحضُرُني موقف زمان ، وانا ف أولى ثانوي...

كان مدرّس العربي ف الفصل جابلنا بيت شعر ، وسألنا البيت ده بيوحي بإيه؟ البيت ده كان بيتكلم عن مش عارف مين عمال سامع الجواري - البنات يعني - رايحين جايين ، وسامع شخاليل الدهب والخلاخيل في رجليهم ، والبت بتاعته مش طالع منها صوت وهيه ماشية!

طبعاً أبو سعد مخمخ ؛ وقلتله ده بيدل على فقرها. ماهي البونيّة ما حيلتهاش تجيب خلخال يشخلل في رجليها زي باقي البنات! دي يمكن مش لاقية تاكل عيش حاف من أبو خمسة ساغ :happy:

آللي لأ العكس ... ده بيدل على غناها! ولما فتحت بقي - الراجل ده واخدها عِند معايا - قعد يشرحلي :

البنت غنية مووووت. ومن كتر العز والرفاهية والأتة المحلولة اللي ابوها معيّشها فيها (والجاجوار اللي راكنة قدام البيت!) ، عندهم خدم وعبيد بيعملوا كل حاجة في البيت وبره البيت كمان. وبالتالي هيه مقضياها أكل وبس ، وعمالة تربرب وتلظلظ. ورجليها تختخت لدرجة إن الخلخال محشور خلاص ، ومش عارف يتحرك عشان يشخلل!

بنت عز بقى!

بالذمة ده اسمه كلام؟! نظام ودنك منين يا جحا؟! والمفروض إني أفهم اللفة السافلة دي كلها؟! :blink:

عالم فاضية يابا! مفيش وراهم حاجة! الغنم بترعى ، وده قاعدلي تحت الشجرة بيمخمخ إزاي يعقدنا بعد 15 قرن من الزمان! :blink:

[Muhammad Zidan]

من نفس المدونة الرد ده عجبني جداً

قال الزمخشري .. الدباديب هي جمع دبدب

والدبدب هو كعب الغزال الشارد

والمراد من

انا بادوب في دباديبك .. اي ان قائل هذه العباره .. يعتصر قلبه ويذوب من دبدبة دبدب الغزال الشارد .. وهو الشخص المراد التحدث اليه

اما في البحتري فقد كان له رأي مخالف

اذ قال ان الدباديب هي الخدود المتورده للطفله الصغيره .. وبهذا فان الحبيب عندما يقول لمحبوبته انه يدوب في دباديبها .. أي انه يذوب شوقا وغراما ولهفة للطع بوسة على هذه الخدود

والله ولي التوفيق

ملحوظه

انتي جبتي السؤال ده منين؟؟؟؟؟

[ابو محمود]

الأخت لولا فكرة الموضوع جد جميلة

وانا اسجل اعجابى بس من غير دبدبة علشان المقصود بالدبدبة ليس الدببة بتاعة الفرو و اللى الشباب مضيع فلوسة فيها ههههههههههههههههههههههههههه هناك سؤال ياريت ماتزعليش منة وليس تقليل او ما شابة من ما تكتبى

ارى نشاطك ومواضيعك وكأنها لزميلة وأخت لنا هنا تسمى نجفة المغرورة

مش عارف لية حسيت بيها بين سطورك هل لأنها وحشانى ولا لانكم بنات زى بناتى الحلوين ؟؟

معذرة سؤالى ليس فية تقليل من ما تكتبى او يدور بخلدك وتنقلية لنا تقبلى تحياتى

محمود مصطفى

[لولا]

الأخت لولا فكرة الموضوع جد جميلة

وانا اسجل اعجابى بس من غير دبدبة علشان المقصود بالدبدبة ليس الدببة بتاعة الفرو و اللى الشباب مضيع فلوسة فيها ههههههههههههههههههههههههههه هناك سؤال ياريت ماتزعليش منة وليس تقليل او ما شابة من ما تكتبى

ارى نشاطك ومواضيعك وكأنها لزميلة وأخت لنا هنا تسمى نجفة المغرورة

مش عارف لية حسيت بيها بين سطورك هل لأنها وحشانى ولا لانكم بنات زى بناتى الحلوين ؟؟

معذرة سؤالى ليس فية تقليل من ما تكتبى او يدور بخلدك وتنقلية لنا تقبلى تحياتى

محمود مصطفى

يا خبر يا استاذ محمود..انا ازعل منك :lol:

بصراحه انت سألت ورديت على نفسك فى نفس الوقت..

فمفيش داعى ارد انا بقى واقول انت بس شكلك وحشتك نجفه :hi:

وانا بيسعدنى والله ويشرفنى انى افكرك ببدريه حبيبه الكل.

سؤال ليه حسيت بيها بين سطورى ..اممم ..مش عارفه..

يمكن تشابه ارواح..يمكن السن متقارب..يمكن عشان بنات زى ما قلت :lol:

انا ليه مواضيع كتير ممكن تتعرف بيها عليه اكتر ولوحدك حتعرف انى مش نجفه ومتنكره هنا

اسعدنى سؤالك واهتمامك واحساسك الأبوى الجميل .

[galaxy]

والبت بتاعته مش طالع منها صوت وهيه ماشية!

دي كانت استعاره مكنيه باين ولا توريه بتقول ان هذه الفتاه خرساء الاساور............يعني مش بتعمل صوت.......ايامها افتكرتها محبوسه او في سجن مثلا ولكن قالولنا نفس التفسير انها سمينه جدا وبالتالي مش بتعمل صوت....... :lol:

تم تعديل 31 يوليو 2008 بواسطة galaxy

[لولا]

بصراحه يا جماعه انا مكسوفه منكم خالص :lol:

يعنى انا سألت السؤال وانا نفسي مش عارفه

اجابته وان كنت سعدت باجابه دكتر تهامى

التاريخيه وتأكيد جالاكسي على كلامه.

وحيث كده انا كمان لا زم اوضح اللى اعرفه

عن موضوع دباديبك دا واقول:

كل اللى اعرف عن الكلمة دي انى وعيت ع الدنيا

لقيت مصطفى قمر بيغنى" ايا ناس انا موت في دباديبو دباديبووووووووو دباديبوووووووووووووووووو ..... الى اخر الاغنية " :lol:

[أبو محمد]

الله يرحم محمد رشدى .. لفت نظره موضوع الدبدبة وبدلا من أن يقول باموت فى دباديبك ، قال :

أنا شايف الأرض بتتمرجح تحت الخلخال

مــا تبطل تمشى بحنية لا يقــوم زلــزال

بس بقى السؤال اللى بيخطر على بالى من زمان قوى :

هو لازم الحب يبقى لدرجة الموت ؟

كل حاجة بنحبها جدا .. بنحبها موت .... إيه العلاقة - فى وجداننا - بين الحب والموت ؟

هل هى من قبيل إن الشئ لو زاد عن حده ينقلب لضده ؟ .. زى اليومين دول ..الحاجة الحلوة قوى بنقول عليها (فظيعة) .. وعلى فكرة ده مش عندنا بس .. حتى الخواجات بيقولوا على الحاجة الرائعة Terrific .. مع إن معناها الحرفى : "مرعب" أو مثير للفزع والرهبة .. وجاية من المصدر Terror

آسف يا لولا لخروجى عن موضوع الدباديب

قوليلى انتى بقى : هو الموت فى الدباديب من الحب ولاَّ من الخوف ؟ .. ماهو احنا بنحب "موت" .. وكمان بنخاف "موت" :lol:

[لولا]

الله يرحم محمد رشدى .. لفت نظره موضوع الدبدبة وبدلا من أن يقول باموت فى دباديبك ، قال :

أنا شايف الأرض بتتمرجح تحت الخلخال

مــا تبطل تمشى بحنية لا يقــوم زلــزال

بس بقى السؤال اللى بيخطر على بالى من زمان قوى :

هو لازم الحب يبقى لدرجة الموت ؟

كل حاجة بنحبها جدا .. بنحبها موت .... إيه العلاقة - فى وجداننا - بين الحب والموت ؟

هل هى من قبيل إن الشئ لو زاد عن حده ينقلب لضده ؟ .. زى اليومين دول ..الحاجة الحلوة قوى بنقول عليها (فظيعة) .. وعلى فكرة ده مش عندنا بس .. حتى الخواجات بيقولوا على الحاجة الرائعة Terrific .. مع إن معناها الحرفى : "مرعب" أو مثير للفزع والرهبة .. وجاية من المصدر Terror

آسف يا لولا لخروجى عن موضوع الدباديب

قوليلى انتى بقى : هو الموت فى الدباديب من الحب ولاَّ من الخوف ؟ .. ماهو احنا بنحب "موت" .. وكمان بنخاف "موت" :)

اممممممممممم.....عليك كلام يا استاذ .

يعنى انا من امبارح شغاله ارن على صحابى فى مصر

استفسر لو حد فيهم عارف دباديبو دى معناها ايه

ومخدتش منهم معلومه مفيده غير بس ضحك وتريقه

قوووووووووم ايه.. الاقيك طالعى فى سؤال غريب عجيب

زى بتوع الثانويه العامه وانا لسه مكانك سر عند السؤال

الأول :hi:

بس تسدق..سؤال فى الجووووووون صحيح..

ليه بالذات بموت فيك ؟؟ :lol:

بص بقى انا حسيب سؤال دباديبه دا بما انى

معصعصه ومفياش دباديب ،بالتالى مش حفهم فى حاجه

مجربتهاش .

انما ايه بقى حته بموت فيك دى..وبحبك موت

انا بصراحه جربتها كتير

ومن واقع تجربتى المتواضعه فى الحب والخطوبه

والجواز اقدر اقولك حاجه وحده بس ..

وهى ان الكلمه دى بتبقى من ضروريات اثبات

المشاعر الحلوه بين الطرفين، يعنى كل واحد

يبقى بيموت فى التانى .

مينفعش يبقى واحد بيموت والتانى مبيمتش

كله لازم يموت بالتساوى حتى لو ظاهرا :lol:

وكلمه بموت فيك دى ساعتها بيبقى ليها احلى

المعانى ..اى والله gt:

بتبقى باكج حضرتك.. :D

اختصار للوصف يعنى..انت عارف اننا مصريين

ومنحبش الرغى الكتير mfb:

فبنختصر سعادتك كلام كتير فى كلمه وحده

بدل منفضل نفصل ونقول بموت فى ضحكتك

فى صوتك فى شكلك فى عقلك فى رقتك فى

كل كل كل حاجه.. وبس هو دا التفسير

الى تفتق ذهنى عليه :P

[محب مصر]

ياسلام على المواضيع الحلوه يالولا

والله حسيت بالويك اند وبجو مصر المليان خفه دم لما قريت الكلام الى كتبوه كل

المشاركين فى الموضوع.

بس بقى انا بعد الإطلاع على كل الآراء توصلت للأتى واللى هو بقى

كلمه بموت فى دباديبك دى ياجماعه يقولها كل واحد ربنا رزقه من وسع

ومراته مشاء الله مكلبظه :lol: اما بقى كلمه بموت فيك دى بقى

يقولها كل واحد مراته مش مكلبظه :lol:

اما مساله ربط الموت بلإتنين فدا بقى راجع لطبيعه المصريين اللى لما

تفرح قوى تقول اللهم اجعله خير

ينفع التفسير دا ياجماعه

تم تعديل 1 أغسطس 2008 بواسطة محب مصر

[مصرى لم يندثر أثره]

اخوانى

نأسف على قطع الارسال

اليكم البيان التالى

العبد الفقير الى الله توصل من خلال هذا النقاش صاحب الدم الخفيف وبعد اجراء الفحص والمحص والتحليل اللازم

والاعتكاف فى التوبيك قرابة الدقيقتين توصلت لاكتشاف خطير وهو

العلاقه الوثيق بين المرأه و الدبابه

فكل منهما يدب ويدمر :rolleyes: :bro:

ولا استطيع الزياده على ذلك

حتى لايدبنى احدهم

:waf: md2: عليكى مواضيع يااستاذه لولا !!!!!!!!!!!!!!!!!!!!!!!!!

سلام عليكو

تم تعديل 2 أغسطس 2008 بواسطة مصرى لم يندثر أثره

[لولا]

العلاقه الوثيق بين المرأه و الدبابه

فكل منهما يدب ويدمر md2:

ولا استطيع الزياده على ذلك

حتى لايدبنى احدهم

md2: wst:: wst:: عليكى مواضيع يااستاذه لولا !!!!!!!!!!!!!!!!!!!!!!!!!

سلام عليكو

بتقووووووووووووووووول ايه؟؟؟؟؟؟؟؟؟؟؟؟؟

مرأه ،،، ودباااااااااااااااااااااااااااااااااابه!!!!!!!

يا جماعه حد يتبرع ويشوفلى دبابه اخش بيها على الراجل دوت عشان يبقى التفسير

بتاعه اسم على مسمى md2: :waf:

بقى المرأه الى كلها رقه وحنان بقت دبااااااااااااااااااااااااااااااابه؟؟

دباااااااااااااااااااااااابه؟؟ :rolleyes:

دباااااااااااااااااااااابه؟؟ :bro:

[yassir]

متهيألى ياأخت لولا أستخدام كلمه دباديب ناتج عن المثل الأمريكى اللى بيقول اذا أردت ان تتعرف على فتاه ...فأظهر أطراءا لكلبها ....زى حنتوسى خالص البلدوج اللى معاكى ده ...جايبه منين الدوبر مان النسمه اللى أنتى متعلقه فيه ....حاجه زى كده ...و لأننا فى بلادنا المحروسه لم نعرف ظاهره أقتناء الكلاب الا حديثا فالبديل هو الدباديب و ده لفرط أرتباط البنات بدباديبهم من الصغر ....و يبقى مكتكت و مترب و شبه القنفد و واخده فى حضنها ...تقولش الحظاظه ....فأهو نوع من تبادل المراكز ...

بدل الكلب بقى الدبدوب و أهو كله ضحك على دقن المحبوب .... :rolleyes:

[ELSHAMY]

لولا......

أنا تعبت من كتر التفكير فى معنى دباديبك دى

مش عارف أنام....

[somayasaleh]

لولا لما تمخمخ ... :wub:

أقول لك فكرة تهييس تمام وتعجبك أوي ...

ممكن تكون دباديبه دي جاية من يدبدب برجليه! عارفة لما الواحد يكون ماشي بيرزع ف الأرض ، لدرجة إن جيرانه اللي تحت مش عارفين يناموا؟

ومن منطلق إن تراثنا العربي بيقول إن لظلظة المرأة أحد مقومات جمالها ، فممكن - عشان لظلوظة ومبطرخة - طول ما هيا ماشية فــ عمّالة تدبدب! ومن هنا كان الرجالة بيقولوا لصاحبهم مثلاً إنه بيدوب في دباديب رجليها. يعني لما بيلاقي الأرض بتتهز ، قلبه بيهفهف ، ويعرف إنها وصلتله وهوه مستنيها عند صخرة الملتقى! (وعذراً لابراهيم ناجي)

ويحضُرُني موقف زمان ، وانا ف أولى ثانوي...

كان مدرّس العربي ف الفصل جابلنا بيت شعر ، وسألنا البيت ده بيوحي بإيه؟ البيت ده كان بيتكلم عن مش عارف مين عمال سامع الجواري - البنات يعني - رايحين جايين ، وسامع شخاليل الدهب والخلاخيل في رجليهم ، والبت بتاعته مش طالع منها صوت وهيه ماشية!

طبعاً أبو سعد مخمخ ؛ وقلتله ده بيدل على فقرها. ماهي البونيّة ما حيلتهاش تجيب خلخال يشخلل في رجليها زي باقي البنات! دي يمكن مش لاقية تاكل عيش حاف من أبو خمسة ساغ

آللي لأ العكس ... ده بيدل على غناها! ولما فتحت بقي - الراجل ده واخدها عِند معايا - قعد يشرحلي :

البنت غنية مووووت. ومن كتر العز والرفاهية والأتة المحلولة اللي ابوها معيّشها فيها (والجاجوار اللي راكنة قدام البيت!) ، عندهم خدم وعبيد بيعملوا كل حاجة في البيت وبره البيت كمان. وبالتالي هيه مقضياها أكل وبس ، وعمالة تربرب وتلظلظ. ورجليها تختخت لدرجة إن الخلخال محشور خلاص ، ومش عارف يتحرك عشان يشخلل!

بنت عز بقى!

بالذمة ده اسمه كلام؟! نظام ودنك منين يا جحا؟! والمفروض إني أفهم اللفة السافلة دي كلها؟!

عالم فاضية يابا! مفيش وراهم حاجة! الغنم بترعى ، وده قاعدلي تحت الشجرة بيمخمخ إزاي يعقدنا بعد 15 قرن من الزمان! :Al:

---------------------------------------------------------------------------------

انا فاكره بيت الشعر ده وانا في اولي ثانوي...... وكان الشاعر بيوصف حبيبته انها خرساء الاساور...

المدرسه سألتنا يعني ايه خرساء الاساور؟؟؟؟ ولا بنت ردت....... طبعا بعد وصله من البهدله لينا بسبب الجهل العام .....شرحت لنا انها من كتر غناها سمينه جدا لدرجه الاساور مش بتتحرك

اما بالنسبه لدباديبو ده.......اعتقد يقصد كل خطوه بتمشها حبيبته........يعني بيحب التراب اللي بتمشي عليه....(اوعدنا يا رب)

[لولا]

لولا لما تمخمخ ... :Al:

أقول لك فكرة تهييس تمام وتعجبك أوي ...

ممكن تكون دباديبه دي جاية من يدبدب برجليه! عارفة لما الواحد يكون ماشي بيرزع ف الأرض ، لدرجة إن جيرانه اللي تحت مش عارفين يناموا؟

ومن منطلق إن تراثنا العربي بيقول إن لظلظة المرأة أحد مقومات جمالها ، فممكن - عشان لظلوظة ومبطرخة - طول ما هيا ماشية فــ عمّالة تدبدب! ومن هنا كان الرجالة بيقولوا لصاحبهم مثلاً إنه بيدوب في دباديب رجليها. يعني لما بيلاقي الأرض بتتهز ، قلبه بيهفهف ، ويعرف إنها وصلتله وهوه مستنيها عند صخرة الملتقى! (وعذراً لابراهيم ناجي)

ويحضُرُني موقف زمان ، وانا ف أولى ثانوي...

كان مدرّس العربي ف الفصل جابلنا بيت شعر ، وسألنا البيت ده بيوحي بإيه؟ البيت ده كان بيتكلم عن مش عارف مين عمال سامع الجواري - البنات يعني - رايحين جايين ، وسامع شخاليل الدهب والخلاخيل في رجليهم ، والبت بتاعته مش طالع منها صوت وهيه ماشية!

طبعاً أبو سعد مخمخ ؛ وقلتله ده بيدل على فقرها. ماهي البونيّة ما حيلتهاش تجيب خلخال يشخلل في رجليها زي باقي البنات! دي يمكن مش لاقية تاكل عيش حاف من أبو خمسة ساغ

آللي لأ العكس ... ده بيدل على غناها! ولما فتحت بقي - الراجل ده واخدها عِند معايا - قعد يشرحلي :

البنت غنية مووووت. ومن كتر العز والرفاهية والأتة المحلولة اللي ابوها معيّشها فيها (والجاجوار اللي راكنة قدام البيت!) ، عندهم خدم وعبيد بيعملوا كل حاجة في البيت وبره البيت كمان. وبالتالي هيه مقضياها أكل وبس ، وعمالة تربرب وتلظلظ. ورجليها تختخت لدرجة إن الخلخال محشور خلاص ، ومش عارف يتحرك عشان يشخلل!

بنت عز بقى!

بالذمة ده اسمه كلام؟! نظام ودنك منين يا جحا؟! والمفروض إني أفهم اللفة السافلة دي كلها؟!

عالم فاضية يابا! مفيش وراهم حاجة! الغنم بترعى ، وده قاعدلي تحت الشجرة بيمخمخ إزاي يعقدنا بعد 15 قرن من الزمان!

---------------------------------------------------------------------------------

انا فاكره بيت الشعر ده وانا في اولي ثانوي...... وكان الشاعر بيوصف حبيبته انها خرساء الاساور...

المدرسه سألتنا يعني ايه خرساء الاساور؟؟؟؟ ولا بنت ردت....... طبعا بعد وصله من البهدله لينا بسبب الجهل العام .....شرحت لنا انها من كتر غناها سمينه جدا لدرجه الاساور مش بتتحرك

اما بالنسبه لدباديبو ده.......اعتقد يقصد كل خطوه بتمشها حبيبته........يعني بيحب التراب اللي بتمشي عليه....(اوعدنا يا رب)

والله انت زى العسل يا سميه :wub:

[tarek hassan]

موت الفرد في دباديب المرأة أرى أنه كناية عن فرط حبه لها فالدباديب التي معها هو يموت فيها فالدبدوب الذي معها يختلف عن الدباديب الأخرى التي مع غيرها أو في المحلات

- وهو كالذي يرى أن الشمش على بيت المحبوبة أفضل من الشمش التي على البيوت الأخرى

- وهو أيضا مثل الذي ضرب مائة سوط فلم يتألم لأن الضرب كان من الحبيب فلما ضرب سوط واحد تألم وصرخ لأن الضرب كان من غير الحبيب وكما قيل إن ضرب الحبيب مثل أكل الذبيب وكذلك دبدوب الحبيب

- وكلمة دباديبوا اختارها المحب بعناية فائقة لأنها تخرج ما في القلب من الهاليب ففي الكلمة أكثر من حرف مد جوفي الألف والواو والياء وهذا سر الأغنية الشهيرة لمصطفى قمر : وياناس انا دوبت في دباديبو دباديبو دباديبو وانا قلبي مشعلل بلهيبو بلهبيو بلهيبو ...

[لولا]

من نفس المدونة الرد ده عجبني جداً

قال الزمخشري .. الدباديب هي جمع دبدب

والدبدب هو كعب الغزال الشارد

والمراد من

انا بادوب في دباديبك .. اي ان قائل هذه العباره .. يعتصر قلبه ويذوب من دبدبة دبدب الغزال الشارد .. وهو الشخص المراد التحدث اليه

اما في البحتري فقد كان له رأي مخالف

اذ قال ان الدباديب هي الخدود المتورده للطفله الصغيره .. وبهذا فان الحبيب عندما يقول لمحبوبته انه يدوب في دباديبها .. أي انه يذوب شوقا وغراما ولهفة للطع بوسة على هذه الخدود

والله ولي التوفيق

ملحوظه

انتي جبتي السؤال ده منين؟؟؟؟؟

استاذ محمد انت كده تعتبر استعنت بوسيله غير مشروعه فى الإجابه..وهى المدونه نفسها bngn::

بس بما انك احتفظت باسم المدونه لنفسك(للحد من غش الإجابات :angry: )

يبقى كده سماح .ومشاركتك نورت الصفحه يا سيدى bsh:)

[لولا]

والبت بتاعته مش طالع منها صوت وهيه ماشية!

دي كانت استعاره مكنيه باين ولا توريه بتقول ان هذه الفتاه خرساء الاساور............يعني مش بتعمل صوت.......ايامها افتكرتها محبوسه او في سجن مثلا ولكن قالولنا نفس التفسير انها سمينه جدا وبالتالي مش بتعمل صوت....... :angry:

ايامها افتكرتها محبوسه او في سجن مثلا !!

ياسلام عليكى بس يا جالاكسي..عليك تحليلات bngn::

[لولا]

موت الفرد في دباديب المرأة أرى أنه كناية عن فرط حبه لها فالدباديب التي معها هو يموت فيها فالدبدوب الذي معها يختلف عن الدباديب الأخرى التي مع غيرها أو في المحلات

- وهو كالذي يرى أن الشمش على بيت المحبوبة أفضل من الشمش التي على البيوت الأخرى

- وهو أيضا مثل الذي ضرب مائة سوط فلم يتألم لأن الضرب كان من الحبيب فلما ضرب سوط واحد تألم وصرخ لأن الضرب كان من غير الحبيب وكما قيل إن ضرب الحبيب مثل أكل الذبيب وكذلك دبدوب الحبيب

- وكلمة دباديبوا اختارها المحب بعناية فائقة لأنها تخرج ما في القلب من الهاليب ففي الكلمة أكثر من حرف مد جوفي الألف والواو والياء وهذا سر الأغنية الشهيرة لمصطفى قمر : وياناس انا دوبت في دباديبو دباديبو دباديبو وانا قلبي مشعلل بلهيبو بلهبيو بلهيبو ...

ايه يا طارق كل دا

دا كده بقى شعر مش تفسير :angry:

وبعدين داخلتلى كمان على درس عربى ومخارج حروف bsh:)

انت بتشتغل ايه؟ مدرس لغه عربيه bngn::