وظيفة الخدم

[جويرية]

أدرى جويرية هناك خطأ ما فهل يمكنك ان توضحى لنا ماذا قادك لهذا التفكير فأنا أم لطفل لم تر عيناه أباه وابذل جهد خارقا لكى اجعله لا يشعر بهذا الاحساس الكاسر اليتم وتخنقنى دموعى لو تذكرت انى ربما ومن يعلم بأوان الأجل قد اتركه أنا الأخرى لينشأ بلا اب او ام ورغم انى اثق تمام الثقة ان افراد اسرتى لن يتوانو عن إسعاده وتوفير الرعاية له إلا أنه سيصبح بلا اهل فهل تخيلت يوما قسوة هذا سيدتى بلا ملجأ بلا صدر حنون يرتمى عليه ليشكو او يسأل النصح

تخيلى سيدتى بعد هذا يأتى أحدهم ليجعله لا قدر الله خادما (حفظك الله ياولدى) ااااو حتى أقل ممن هم فى عمره ان يحرمه حقه فى العلم والحياة والاستمتاع بالطفولة وان يصبح دفتر ذكرياته عبارة عن افعل او لا تفعل

ان القانون سيدتى لا يسمح بتشغيل الاطفال فى مهنة او كمساعدين قبل بلوغ سن القدرة على التحمل كبداية وهو 14 عشر عاما وربما لا ينفذ بحذافيره لكنه حقيقة وجمعيات حقوق الانسان أيضا عممت هذه القوانين حتى على اشد الدول فقرا سيدتى لا أعلم ماذا أقول لكنى اطلب منك تفسيرا منطقيا لمقترحاتك وهل حقا تعتقدين انها حل لمشكلة اطفال فقدوا حنان الاسرة وحقهم فى التواجد فى بيئة صحية تحسن نشأتهم ورعايتهم ألم يكن من الأولى ان تقترحى تحسين الخدمات والرعاية لهذه الدور القائمة على رعايتهم وخدمتهم او ان نسعى كأفراد لتحسين هذه الخدمات بإنفاق اموال زكاتنا

لا لا سيدتى انا حقا انتظر تفاسيرك

ام محمد

اهلا يا اختي ام محمد

ربنا يخليلك محمد و يخليكي ليه و تفرحي بيه دايما

اليتيم يا أختي ممكن يكون غني و ممكن يكون حاله احسن من اللي أبويه عايشين

اللي شايفاه ان الملاجئ دي مش مكان صحي لتربية الأطفال و ان لو عملوا خدم في اسرة بتحسن معاملتهم افضل من الملاجئ

[جويرية]

جويرية بصراااااااااااااحة تامة انا مش عارف انتى بتفكرى ازاى

يعنى لو قدر الله الوفاة لوالدى وانا صغير كنت تحولت من مهندس اجوب الدنيا شرقا وغربا الى مجرد خادم لا هم لى سوى اطاعة الاوامر و خشية العقاب لانى يتيم!!!!!!!!!!

لست ادرى كيف تخيلت للحظة انك ممن يدعو الى الله فى هذا المنتدى

استغفر الله العظيم من هذه الافكار السودااااااااااااااااااء

يا استاذه

كفى اليتيم فخرا ان ولد النبى الكريم يتيما

عايزة أصلح حاجة بس انا قلت كلمة ان هما يبقوا خدم عشان شايفة ده افضل من وجودهم بلا مأوي

لكن الأطفال مجهولي النسب محدش قال ان هما لازم يكونوا خدم

الرسول صلي الله عليه و سلم أن الأطفال دول مفروض يكفلهم اي حد قادر علي كفالتهم

تم تعديل 4 أغسطس 2008 بواسطة جويرية

[جويرية]

الفاضلة جويرية

ربنا ما يسلطك (بمعنى ألا يعطيك السلطة) على اليتامى

دانتى باين عليكى من النوع اللى لو قدر .. ما يعفيش

الله يرحمه أبويا لو كان عايش كان حياتي بقت أحسن من كدة مية مرة

[جويرية]

فيه مشكلة في موضوع الملاجئ

المشكلة مين اللي حتبقي الأم البديلة

يعني من الللي حتسيب بيتها و تروح تقيم في الملجأ مع الأطفال

طبعا الأجانب أي واحدة ممكن تسيب بيتها و تروح تبات في الملجأ

لكن اللي عندنا وراحت تقيم في الملجأ أكيد فيه ظروف في حياتها صعبة خليتها تسيب بيتها و تقيم في ملجأ

طيب واحدة بالشخصية دي ممكن تكون أم أزاي دي هيا نفسها محتاجة ملجأ تقيم فيه و متفرقش عن الأيتام دول

فاقد الشئ لا يعطيه

[زهرة الجبل]

ما شاء الله الموضوع يعتبر أخذ من الأخوه الأفاضل و الأخوات الفضليات ما يستحقه من رد

و لن أقول أن رأيي سيطابق رأي الأغلبيه ممن أدلوا بدولهم هنا للرد على الأخت جويريه ... بل سأقول سيطابق رأي الجميع

لأنه لا يوجد أغلبيه و أقليه ... الكل و الحمد لله متفق على معارضة الفكره التي قام عليها طرح الأخت جويريه و أنا من هذا الكل

لكن و بما أن الأخت جويريه ماذالت تدافع عن الفكره فلا حرج من الرد ...

و قد لا يكون ردي لإضافة جديد ... لكنه لعلاج حاله من الإستياء إنتابتني منذ وقعت عيني على موضوعك يا أخت جويريه

و ليس الموضوع فقط ... بل و حتى تناولك للرد على النقاش ... سامحك الله

و ليسمح لي أخي الفاضل عادل أبو زيد بالقول: (( ما سبق كان إستهلالاً لا بد منه ))

*********************************

***************************

ملاجىء الأيتام ، بدل ما يتصرف عليها فلوس كتيرة ، و الناس تروح تزور الملاجئ دي و تتفرج علي الأطفال و تمسح شعرهم عشان تاخد ثواب المسح عاي رأس اليتيم ، المهم أن اليتيم مش عارف مين اللي بيزوروه ده و حتي لو عرفه مفيش صلة بينه و بين الشخص ده

من الإقتباس اللي فات ده .. تقدري حضرتك تعارضيني لو قلت إن كل الموضوع مبني على فكره فيها إعتراض على شرع الله؟

الأمر واضح و صريح

(1)حضرتك عاوزه تستبدلي النفقه في سبيل الله ((بدل ما يتصرف عليها فلوس كتيرة))

(2)و عاوزه تستبدلي نصيحة الرسول الكريم بما يخالفها تماماً

أن رجلا شكى إلى النبي صلى الله عليه وسلم قسوة قلبه فقال : أطعم المسكين وامسح رأس اليتيم

الراوي: أبو هريرة - خلاصة الدرجة: إسناده حسن - المحدث: ابن حجر العسقلاني - المصدر: فتح الباري لابن حجر - الصفحة أو الرقم: 11/155

(3) و بتستنكري التراحم الخالص لوجه الله بين الناس على إختلاف أنسابهم ((المهم أن اليتيم مش عارف مين اللي بيزوروه ده و حتي لو عرفه مفيش صلة بينه و بين الشخص ده))

كل ده بتستبدليه بما هو من وجهة نظرك أقوم و أفضل ألا و هو علاقة المنفعه

نفعني و أنفعك .. إخدمني بلقمتك

ده حتى مش بأجر ... لا ... بلقمه و هدمه ومسكن و لا حول و لا قوة إلا بالله

ألم تسمعي قوله تعالى : بسم الله الرحمن الرحيم {{مَّثَلُ الَّذِينَ يُنفِقُونَ أَمْوَالَهُمْ فِي سَبِيلِ اللّهِ كَمَثَلِ حَبَّةٍ أَنبَتَتْ سَبْعَ سَنَابِلَ فِي كُلِّ سُنبُلَةٍ مِّئَةُ حَبَّةٍ وَاللّهُ يُضَاعِفُ لِمَن يَشَاء وَاللّهُ وَاسِعٌ عَلِيمٌ (261)}}البقره

أليس هذا ترغيباً من الله عز و جل للإنفاق في سبيل الله؟

فما بالك اليوم تحثين على إستبدال إنفاق المال على بيت لرعاية الإيتام بتوفيره و إستغلال الأيتام و تسخيرهم لخدمتك؟

ألم تسمعي بقول الله تعالى : بسم الله الرحمن الرحيم{{الَّذِينَ يُنفِقُونَ أَمْوَالَهُمْ فِي سَبِيلِ اللّهِ ثُمَّ لاَ يُتْبِعُونَ مَا أَنفَقُواُ مَنًّا وَلاَ أَذًى لَّهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ (262)}}البقره

ألا ترين أنه إن كانت النفقه على اليتيم هي نفقه يتبعها أذى هي نفقه لا خير فيها فإن أذيته بلا نفقه هي أشد قسوة و أذى؟؟؟

ألم تسمعي بقول الله تعالى : بسم الله الرحمن الرحيم {{ الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ (274) }}البقره

هل بعض قول الله من قول أفضل؟ فكيف تستبدلين قول الله بمبدء نفعني و أنفعك فتقولين:

بدل ما يتصرف عليها فلوس كتيرة

؟؟؟؟؟

وهل تصح نظريتك المطروحه هنا بعد نصح الرسول الكريم أحد اناس عندما جاء يشكوه من قسوة قلبه بأن يطعم مسكيناً و يمسح رأس يتيم ليتخلص من قسوة قلبه؟

إذا كان الرسول صلى الله عليه و سلم علمنا أن مسح رأس اليتيم برحمه هو دواء لداء قسوة القلب ... فإلى أين تأخذنا نظريتك الحديثه الموجزه في نفعني و أنفعك؟؟؟

و ما العيب في نظرك إذا حصل اليتيم على الرحمه و العطف و التودد من شخص لا صلة له به و لا يعرفه إن كانت الكلمة الطيبه صدقه ؟؟

و كمان يعيش في مبني عنوان المبني نفسه ( ملجأ الأيتام ) يحسس الطفل بالبؤس ، طيب بدل ما الأطفال دول ما نحطهم في حاجة كدة زي العزل عن الناس ، مش أفضل أن اسر تربيهم و يقوموا بخدمة هذه الأسر

سبحان الله العظيم

سبحان الله العظيم

سبحان الله العظيم

بجد يا أخت جويريه أنا محتاجه أعد من واحد لمئه عد عكسي علشان أصرف الإستياء في أمر لا خطأ فيه قبل الرد عليكي

يعني تربية اليتيم في إطار هيكلي يخدمه و هو الملجأ هو بؤس للطفل اليتيم

لكن نشأته في إطار مجتمعي هو فيه الخادم المسخر لابؤس فيه و لا بأس به ؟

هل تلك هي مكرمة اليتيم في نظرية حضرتك الحديثه؟ هل ذلك هو إكرام اليتيم؟

اللهم إحفظنا من هذا الإكرام إن كان إكراماً و لا تكتبه على عزيز لنا

كمان فيه اطفال بيهربوا من الملاجئ دول بيبقيوا أطفال الشوارع بس بعد ما يبقوا أطفال شوارع مينفعوش يبقوا خدم عشان هما اكيد اتعلموا السرقة و النشل

لاااااا إله إلا الله

يعني يا أختي حضرتك مش شايفه أي عيب في أطفال الشوارع غير إنهم فقدوا الصلاحيه للتسخير كخدم

لا حول و لا قوة إلا بالله العلي العظيم

يا فندم حضرتك مش مدركه إن أطفال الشوارع دول أطفال أحباب الله برضه حتى لو أصبحوا نشالين بحكم الحاجه و سارقين بحكم الجوع الإفتقار للقمه اللي عاوزه تسخريهم بيها

مش مدركه إن اليتيم ده إنسان عادي و طبيعي و له من الحقوق ما لغيره و عليه من الواجبات ما على غيره

مش مدركه إنه إن كان سيبدء حياته كطفل محتاج للمجتمع فلا شك أنه بمرور الوقت سيصبح شاباً له بصمه مؤثره في المجتمع

طيب لو أصبح عارف من مرحلة الحاجه للمجتمع إن فرصه المتاحه في الحياه مقتصره على أن يكون خادم أو طفل شوارع فقط لا غير

هتنتظري منه إيه حضرتك في مرحلة التأثير في المجتمع؟

أنا بقى أقول لك

النتيجه ستكون إنسان غير سوي ... حاقد على المجتمع ... راغب في إيذاء كل من حوله ليفرغ شحنة إنتقام ممن سلبوه حق الحياه الكريمه التي لم يـُـحـَـرِمـُـها الله عليه كونه مجهول النسب أو معلوم النسب لكنه يتيم

النتيجه هي طاقه كامنه لم يستغلها المجتمع للبناء فيستغلها اليتيم المنبوذ المـُلاحـَق للتسخير في الخدمه - يستغلها فيحولها لطاقه هدامه و حقد موجه لمجتمع ظلمه بلا ذنب و لا جريره

و ذلك بدلاً من إنسان ممتن للمجتمع شاعر بواجبه تجاهه كمقابل لما وجده من حسن معامله و توفير لسبل الحياه الكريمه و بذل لفرص الإفاده و التعليم و التطوير التي حصل عليها منه

هل هذا هو ما تريدينه حضرتك في سبيل توفير رفاهية الخدم بدون الإضطرار لتحمل دفع المقابل سوى لقمه و هدمه و بيت يستره؟؟ .. قصدي بيت يستخدمه!!!

و للتعليق بقيه و لكن بالمشاركه القادمه حتى لا أزيد عن عدد الإقتباسات المسموح به في مشاركه واحده

[زهرة الجبل]

كل اللي فات ده بقى قضيه .. و الإقتباس القادم ده قضيه أخرى تماماً

أختي فيروز

احيانا كتيره كنت أستغرب كيف تقبل أسره لديها أطفال أن تستأجر لخدمتها طفلا فى سنّ هؤلاء الأطفال مع ما يعنيه هذا من إشعار ذلك الطفل ليلا و نهارا بحقيقة وضعه و عدم الصبر عليه كى ينضج و يصير أكثر تحمّلا لفكرة الأوضاع الاجتماعيه المتفاوته !!

بالعكس كدة بيعيش في وضعه الحقيقي ... بدل ما اعلمه تعليم جامعي و بعدين يكتشف ان هوه طفل مجهول النسب

لكن لو اتعلم تعليم بسيط مش حيستوعب اوي المشكلة اللي هوه فيها

يا ليله مش عايزه تفوت.. وضعه الحقيقي و مجهول النسب و مشكله واقع فيها و بدل ما يتعلم تعليم جامعي لا مفروض يبقى بس تعليم بسيط

هو في إيه ؟ مش خير إن شاء الله؟

يا فندم حضرتك مش اليتيم و لا مجهول النسب هو اللي وضعه غلط و لا هو اللي بيعاني من مشكله

ده الظاهر إن الفئه اللي بتصنفه إنسان درجه ثالثه هي الفئه اللي غرقانه في المشكله

و الظاهر إننا كمجتمع لسه محتاجين مليون سنه علشان نتخلص من الجهل بشكل كافي لإدراك الفرق بين الخطيئه التي تحتم العقاب و بين القدر الذي لا سلطه لبني البشر عليه

إن كنتي حضرتك معلومة النسب و غير مجهولة السلاله فليس هذا بعينه ما يعطيكي حق الحياه الكريمه لإن إنتفائه لا يسلب منكِ هذا الحق

وفي المقابل فإن كون غيرك مجهول النسب أو يتيم فليس هذا كافياً لتسلبيه حق الحياه السويه الكريمه و المأوى الكريم والتعليم الجامعي و العمل الراقي

لا يوجد بالحياه جريمه تمنع مرتكبها من حقه في التوبه و التعلم و الإرتقاء و الحصول على مكانه موقره في المجتمع

فما بالك بمقدرات كتبها الله و ليست جرائم و لا تستوجب التوبه ؟؟

كيف تحاصرين أصحابها بحدود قاصره على تدني التعليم و سخرة العمل ثم لا تعطيهم الحق بالخروج عنها ؟؟؟؟

شوفي حضرتك يا أخت جويريه هنا بتقولي إيه ؟

الأطفال اللي في الملاجئ اللي بيتصرف عليهم تبرعات كتير ، بدل ما أعيشهم في مستوي مش مستواهم و بعد ما يخرج من الملجأ يتفاجأ بانه فقير و لا يملك اي شئ و كمان مجهول النسب

الفلوس اللي بنضيبعها دي نعمل بيها مشاريع نشغل الأيتام دول فيها ، و الأطفال دول تربيهم أسر ، بدل ما يقعدوا في الملجأ كل يوم ناس رايحةو جاية جيبالهم هدايا و الأطفال لا عارفين مين اللي رايحين دول و لا مين الللي جايين

الكلام السابق ممكن قبوله و الإشاده به كمان .. بس من باب أنها حث على زيادة النفقه في سبيل الله بغرض تأمين حياه مستقبليه كريمه لليتيم ... و ليس بغرض إستبدال النفقه عليهم بتسخيرهم و إستخدامهم

يمكن قبوله و الإشاده به من باب أنها ستكون أُسر بديله تطبق نظام كفالة اليتيم .. و ليس نظام نفعني و أنفعك

يعني كفالة يتيم كالتي قال عنها الرسول الكريم : {{أنا و كافل اليتيم كهاتين في الجنه .. ثم أشار بإصبعيه السبابة و الوسطى}}

صدق رسول الله صلى الله عليه و سلم

وشتان الفرق أخيتي بين كفالة اليتيم و تسخيره

شتان الفرق بين كفالة اليتيم و تضييق نطاق الحياه عليه بما ينفعنا فقط

شتان الفرق بين كفالة اليتيم و تضليله أو الإدعاء بمحاولة حمايته من إستيعاب وضع نختلقه لندَّعي حمايته من إستيعابه

الكفاله التي يعنيها الحديث هي التكفل بملبسه و مأكله و مشربه و مسكنه بدون إشعاره بأنه أقل من الآخرين أو أن ذلك تفضلاً عليه و نعمه يمنحها البشر و قد يمنعها مانحها متى أحب

للتعليق بقيه مره أخرى و البقيه بمشاركه جديده هذه المره للحد من عدد النقاط المردود عليها بمشاركه واحده

[زهرة الجبل]

في نقطه شاغله تفكيري جداً و أتمنى أجد منك تفسير لها

حضرتك قلتي:

الأستاذ / سهران

مش كل الأيتام يبقوا خدم أنا أهو يتيمة و شغلتي مدرسة

مفهمتش قصدك .. يعني حضرتك كنتي تفضلي تكوني قضيتي طفولتك كخادمه في المنازل ؟

هل تجدين كونك الآن إمرأه متعلمه و تحمل شهاده جامعيه و لديها عمل كمـُدَرسه هو أمر يسئ إليكي كيتيمه؟

بس مشكلتنا ان احنا عايزين كل الناس مهندسين و دكاترة

أعتقد أن كلمة مشكلتنا إننا عاوزين كل الناس مهندسين و دكاتره دي قد تكون عباره مستساغه في موضوع يناقش تفضيل الناس لكليات القمه على الكليات الأخرى أو المعاهد الأخرى

أو في تمني الآباء و الأمهات مثلاً لمهنة الطبيب و المهندس لأبنائهم و عدم رضاهم عن المهن الصناعيه و الحرفيه لهم

وقتها سنناقش تلك الجمله من باب إيضاح أهمية المهن الحرفيه للمجتمع و كونها لا تنقص من قدر من إختارها بمحض إرادته في شئ

و أتمنى أن تكوني قد إنتبهتي لقولي (( من إختارها بمحض إرادته )) ؟؟؟؟

لكن تسخير الطفل اليتيم الذي لا قدره له على تخير الأنسب لنفسه هو أمر خارج عن مثل ما سبق ذكره؟؟

لا يجوز لإحد إختيار أو تشكيل حياة الآخر كما تهوى نفسه و كما يجد المصلحه لنفسه

للأسف يا أخت جويريه لقد جانبك الصواب و جانبتك الرحمه و الرأفه باليتيم حينما حاولتي إستغلاله للبحث عن بدائل لراحتكِ و عن حلول لإعادة نظام خادم أو خادمه لكل أسره بما يتضمن زوي الدخل المحدود

كلامي لا أفترى عليك به ... فأنتِ من قلتِ

مهنة الخدم دلوقتي من المهن اللي قلت كتير عن زمان ، او يعني مش اي مستوي مادي ممكن يبقي عنده خدم

يعني لو لاحظنا الأفلام القديمة حنلاقي لازم بيبقي فيه خادمة في الفلم ، حتي لو كانت الأسرة بسيطة برده و الأب موظف مثلاوكمان ملاجىء الأيتام ، بدل ما يتصرف عليها فلوس كتيرة ، و الناس تروح تزور الملاجئ دي و تتفرج علي الأطفال و تمسح شعرهم عشان تاخد ثواب المسح عاي رأس اليتيم ، المهم أن اليتيم مش عارف مين اللي بيزوروه ده و حتي لو عرفه مفيش صلة بينه و بين الشخص ده

و كمان يعيش في مبني عنوان المبني نفسه ( ملجأ الأيتام ) يحسس الطفل بالبؤس ، طيب بدل ما الأطفال دول ما نحطهم في حاجة كدة زي العزل عن الناس ، مش أفضل أن اسر تربيهم و يقوموا بخدمة هذه الأسر

و أيضاً حضرتك اللي أعربتي عن حاجتك للخدم عندما قلتي للأخ الكريم محمد رداً على سؤاله عن إهتمامك بموضوع الخدم :

أصل انا بعض اصابتي بالديسك الدكتور قاللي يعني الحمد لله حالتي كويسة بس ماوطيش أتناول حاجة من الأرض

طيب في حد يعيش حياته من غير ما يوطي

فحسيت ان دي مهنة عظيمة جدا ان الواحد يساعد غيره

أتمنى لك من الله الشفاء و التغلب على عدم قدرتك على الإنحناء للحصول على شئ من الأرض

و لكنني أيضاً أتمنى من الله إنه ما يحوج طفل _ لا حول له و لا قوه و لا ذنب و لا جريره _ لأن ينحني أمام المجتمع لإلتقاط ما يريد له أسياده إلتقاطه لمجرد كونه طفل يتيم أو طفل مجهول النسب!!!!

[زهرة الجبل]

بعد إذن حضرتك يا أخت جويريه في نقطه أخرى

قد ترينها في البدايه خارجه عن سياق الموضوع .. لكن هي في صلبه

أنا قلت أسألك يعني من باب العلم بالشئ و من باب تبرئة ساحة الأخ أبو محمد برضه و ده من بعد إذنه طبعاً

حضرتك قلتي للأخ أبو محمد :

الأستاذ / محمد

وآسف لو سألتك عن سبب اهتمامك بمهنة الشغالين؟ لاأعتقد انك تبحثين عن واحدة لانك صرحتى قبل ذلك بانك تبحثين عن عمل كمربية اطفال ، وهى مهنة قريبة جدا من مهنة " شغالة " ولاغبار

على المهنتين

،

أصل انا بعض اصابتي بالديسك الدكتور قاللي يعني الحمد لله حالتي كويسة بس ماوطيش أتناول حاجة من الأرض

طيب في حد يعيش حياته من غير ما يوطي

فحسيت ان دي مهنة عظيمة جدا ان الواحد يساعد غيره

موضوع مربية أطفال ده يا ريت تحذفه يا استاذ محمد لحسن حد يفتكر أن انا عايزة أشتغل مربية اطفال بجد

الكلام حول ما ظللته أنا باللون الأحمر

هو يعني إيه نفتكر إنك عايزه تشتغلي مربية أطفال؟؟

مش حضرتك برضه صاحبة الموضوع إللي أنا هحط اللينك بتاعه في السطر اللي تحت ده؟؟

أبـــحث عــن وظــيـــــفــــة مـُــــربــــــيــــــة أطـــــفــــــال

حتى على ما أذكر كنتي تبحثين عنها بالتحديد في أي بلد من بلدان الخليج و ليس في مصر

نصحناكي وقتها بالإهتمام بأبناء النساء العاملات لحين عودتهن من أعمالهن .. كنا مفكرينك مقيمه بالخليج

و قلتي لا أنا مقيمه في مصر و أبحث عن وظيفة مربية أطفال أسافر عليها للخليج

فما معنى قولك الآن إنك خايفه حد يفتكرك عاوزه تشتغلي مربية أطفال بجد؟

و ما العيب الذي ترينه في عمل مربية الأطفال و تخافين أن يظن الناس أنك تتصفين به ؟

و لا أقصد بسؤالي السابق أن عمل المربيه به عيب يـُخشى منه ... لكن قصدت جعل سؤالي السابق مقدمه للسؤال القادم :

إن كنتي تخشين على نفسك أن يفكر البعض بأنك تبحثين عن العمل كمربية أطفال...

فكيف تقبلين على طفل برئ أن تصبح صفته في المجتمع مقتصره على كونه خادم لأسره تعيله و تستخدمه باللقمه ؟؟؟؟

سأنتظر ردك

تم تعديل 4 أغسطس 2008 بواسطة زهرة الجبل

[زهرة الجبل]

للتوضيح :

حضرتك بتقولي:

سيدنا زيد بن حارثة كان خادم عند الرسول صلي الله عليه و سلم

و لما أبوه عرف مكانه و كان عايز ياخده فضل ان هوه يعيش مع الرسول صلي الله عليه و سلم يخدمه و لا ان هوه يمشي مع أبوه

عارفه حضرتك إيه هي قصة سيدنا زيد بن حارثه؟

يكفي إنه مكنش يتيم و حكم عليه سيدنا رسول الله بخدمته لجريرة يتمه .. يكفي هذا لإبطال إستشهادك به على صحة كلامك

لقد كان سيدنا زيد ن حارثه أسير حرب و هو طفل

هو زيد بن حارثة بن شراحيل بن كعب بن عبد العزى، وكان طفلا حين سبي ووقع بيد حكيم بن حزام بن خويلد حين اشتراه من سوق عكاظ مع الرقيق، فأهداه الى عمته خديجة، فرآه الرسول -صلى الله عليه وسلم- عندها فاستوهبه منها فوهبته له، فأعتقه وتبناه، وصار يعرف في مكة كلها (زيد بن محمد). وذلك كله قبل الوحي

فهل نتكلم هنا عن أسرى الحرب؟ لا أعتقد .. فلا حرب بقيت و لا أسرى لدينا

هل نتكلم عن عبيد و رقيق؟؟ لا أعتقد .. فلا عبيد بقيت و لا دام عهد الرقيق

أتمنى فقط أن تكوني إنتبهتي لكون الرسول الكريم إستوهبه.. أي طلب من السيده خديجه أن تهبه إياه

و بعدها أعتقهُ و تبناه

و كان ذلك قبل الوحي

و الدليل أن ما بعد الوحي حـُـرِمَ التبني

سؤال بقى من فضلك .. هل لو لم يكن سيدنا زيد بن حارسه يلقى عند رسول الله ما قد يلقاه عند أباه و أكثر .. هل كان رفض العودة مع أبيه و إختار البقاء مع الرسول؟

يعني بشكل آخر ... هل تتخيلي لو حصلتي حضرتك على مباركة المجتمع لتسخير اليتيم كخادم لديكِ و حرمتيه من التعليم العالي بناء على رأي حضرتك إن كده بتحميه من توسيع مداركه لوصولها لإكتشاف الكارثه ألا وهي أنه يتيم و مجهول النسب

ثم فجأه ظهر لهذا اليتيم مجهول النسب أبوين معلومين النسب ..

هل بعد هذا الوضع المهين ... قد يتخير البقاء معك كمسخر غير أجير خادم لا حقوق له و سيترك أبويه ؟؟

سؤال قد لا أحتاج لجوابه منكِ أصلاً .. لأنه سؤال يحمل الجواب لكل زي عقل فطين

عارفه يا أخت جويريه؟

القرآن الكريم به سوره مباركه أعتقد إن فيها الرد الكافي عليكي

و البرهان الشافي على جور نظريتك

و ذلك في قول الله تعالى بسورة الضحى:

بسم الله الرحمن الرحيم

{{وَالضُّحَى (1) وَاللَّيْلِ إِذَا سَجَى (2) مَا وَدَّعَكَ رَبُّكَ وَمَا قَلَى (3) وَلَلْآخِرَةُ خَيْرٌ لَّكَ مِنَ الْأُولَى (4) وَلَسَوْفَ يُعْطِيكَ رَبُّكَ فَتَرْضَى (5) أَلَمْ يَجِدْكَ يَتِيمًا فَآوَى (6) وَوَجَدَكَ ضَالًّا فَهَدَى (7) وَوَجَدَكَ عَائِلًا فَأَغْنَى (8) فَأَمَّا الْيَتِيمَ فَلَا تَقْهَرْ (9) وَأَمَّا السَّائِلَ فَلَا تَنْهَرْ (10) وَأَمَّا بِنِعْمَةِ رَبِّكَ فَحَدِّثْ (11) }}

صدق الله العظيم

يعني بعدما يأتينا أمر إلهي صريح و مباشر بقول الله تعالى(( فأما اليتيم فلا تقهر )) هل لسه حضرتك عاوزه تشغليه بلقمته؟

و للتذكره سـآتيكي بآية أخرى من قول الله تعالى

حين قال:

بسم الله الرحمن الرحيم

{{وَيُطْعِمُونَ الطَّعَامَ عَلَى حُبِّهِ مِسْكِيناً وَيَتِيماً وَأَسِيراً {8} إِنَّمَا نُطْعِمُكُمْ لِوَجْهِ اللَّهِ لَا نُرِيدُ مِنكُمْ جَزَاء وَلَا شُكُوراً {9} إِنَّا نَخَافُ مِن رَّبِّنَا يَوْماً عَبُوساً قَمْطَرِيراً {10} فَوَقَاهُمُ اللَّهُ شَرَّ ذَلِكَ الْيَوْمِ وَلَقَّاهُمْ نَضْرَةً وَسُرُوراً }} [الدهر:8-11].

ترى هل إنتبهتي أخيتي من قبل لقول الله تعالى (( إنما نطعمكم لوجه الله لا نريد منكم جزاء و لا شكورا))؟؟

هكذا يكون العمل إن كانت نية صاحبه هي نفع اليتيم او المسكين أو مجهول النسب لوجه الله تعالى

و شتان الفرق بينه و بين نظريتك الحديثه (( نفعني و أنفعك )) القائمه على حصول مطبقها على الفائده

و ليست قائمه على إبتغاء مرضاة الله و لوجه الله تعالى

تم تعديل 4 أغسطس 2008 بواسطة زهرة الجبل

[somayasaleh]

الاخت الفاضله جويريه

انا قرات الموضوع اكتر من مره علشان اعرف وجهه نظرك ..... بس احترت جدا صراحه

كيف تعتقدين ان الاطفال الايتام من الخير لهم ان يصبحوا خدم عند الاسر؟؟؟ لا حول ولا قوه الا بالله

الاقتراح السابق مرفوض مرفوض مرفوض

والغريب اكتر اصرارك علي التمسك برايك والدفاع عنه باستماته؟

علي العموم كل واحد حر في رايه ....بس مش علي حساب اطفال ابرياء لا ذنب لهم.....

الرسول اوصانا باليتيم خير ..... هل من الخير ان اجعله خادم لي؟.... وهل وجوده في وسط عائله( يعمل خادم لهم ياتي لهم بالطلبات) وباقي افراد الاسره بيلعبوا ويمرحوا هو افضل من وجوده

في الملجأ؟ انا زرت ملاجأ كثيره ورأيت الاطفال هناك في احسن حال ..... واظن لو خيرنا طفل بين ان يظل في الملجأ او يعيش مع عائله يخدمها (ولو حاجات بسيطه) طبعا معروف حيختار ايه؟؟؟؟

ولا ايه رأيك؟

انا اولادي لما اطلب من حد فيهم يعمل لي اي طلب اكتر من اخوه يقولي اشمعنا انا ؟ طب لو جبت يتيم وخليته يعمل لي الطلبات البسيطه ده .... تفتكري حيكون مبسوط؟؟؟؟؟؟؟

كان الافضل للتوبيك بتاع حضرتك ان يكون كفاله اليتيم... وليس اهانه اليتيم وتشغيله خادم

الرسول الكريم قال انا وكافل اليتيم كهاتين واشار الي اصابعه

اتمني ان يشفيك الله من الدسك ولا تحتاجي الي اي مساعده من احد..... والف سلامه لك.......

[جويرية]

يا جماعة أن مش معترضة علي كلامكم و موافقة علي عليه مية في المية

ومحدش في الدنيا يقوال ان اليتيم اللي ربنا وصي علي مفروض يبقي خادم

بس احنا بنتكلم في الواقع و لا علي الورق و اللي مكتوب في الكتب

الواقع ان مفيش حد بيرضي يكفل الأطفال

عشان تأتير الأفلام طبعا اللي لازم تطلع البنت بعد الأم ما أحسنت اليها و خرجتها من الملجأ و ربتها بعد كدة البنت عايزة تتجوز جوز أمها

وخلاص بقت الناس عندها عادة تخوين الناس و توقع الشر

وده السبب في أختفاء تقريبا عادة كفالة الأطفال

طيب الملاجئ مش بتوفر حاجتين للطفل الحجاجتين دول هما العاطفة و الرقابة

و بدون الحاجتين دول مش ممكن يطلع طفل سوي أبدا

الملاجئ عموما حالات قليلة من الملاجئ اللي بتقدر تكون كأنها أسرة بديلة للأطفال

طيب في ظروف الوضع الحالي أن الناس بترفض كفالة الأطفال

أيهما أفضل من الناحية النفسية ؟ أيهما سيكون طفل سوي ؟

طفل بيخدم أسرة بتهتم بيه و بتحسن معاملته بتعامله كأنه أحد أفراد الأسرة و لا طفل عايش في ملجأ بياكل كويس و بيلبس كويس بس بدون أم أو أب

[HDarwish]

الواقع ان مفيش حد بيرضي يكفل الأطفال

عشان تأتير الأفلام طبعا اللي لازم تطلع البنت بعد الأم ما أحسنت اليها و خرجتها من الملجأ و ربتها بعد كدة البنت عايزة تتجوز جوز أمها

وخلاص بقت الناس عندها عادة تخوين الناس و توقع الشر

وده السبب في أختفاء تقريبا عادة كفالة الأطفال

الأخت جوبرية

منذ مدة طويلة وأنا اتابع مشاركاتك ولا أدخل في جدل معك كما تقدمتي ونصحتي من قبل

بس هنا ما قدرتش امسك نفسي صراحة

يعني إيه اختفاء عادة كفالة الأطفال سببها خوف الأم من إن الطفل المكفول يكبر ويخون العهد وينكر المعروف ويتجوز جوزها .. حقيقي كلام مش معقول أبدا ولا يمكن يقتنع بيه عيل صغير في الشارع

ليه ما نقولشي ان سبب اختفاء عادة كفالة الأطفال هي الغلاء المعيشي وإن الناس مش قادرة على العيشة سواء كانوا أسرة كاملة أو أسرة من زوج وزوجه فقط

خلاص يعني سيبنا الاسباب الكثيرة اللي حولينا ومسكنا في خوف الأم من إن الطفله المكفوله تكبر وتتجوز زوجها

[Folana]

السلام عليكم ورحمة الله....

الأخت الفاضلة جويرية....أرجو انك ماتزعليش منى لو قلت لك انى بأبتسم وأنا بأقرأ موضوعاتك..:)

وكنت أتمنى أن أرد على أحدهم لكن مايمنعنى حقا أن حضرتك بتغيرى أقوالك وأرائك فى أخر كل موضوع ..بل دائما ما أجد أن أخر مداخلة لحضرتك تنقل الموضوع الى اتجاه أخر ينافى ويعارض فكرتك الاساسية...

ومحدش في الدنيا يقوال ان اليتيم اللي ربنا وصي علي مفروض يبقي خادم

هو حضرتك اللى قلت كده...ماحدش تانى قال :)

الواقع اللى حضرتك بتتكلمى عنه يؤسفنى أن أقول أنه مش موجود ..الا اذا كان عند حضرتك معلومات مؤكدة فعلا بأن ماتتحدثى عنه من رفض كفالة اليتيم وخلافه موجود على أرض الواقع

رعاية الايتام والرقابة والاسر البديلة والزيارات المتقطعة لدور الايتام .....حضرتك تناولتى هذه الجزئية بقصور فى المعلومات...اسمحى لى اسألك من اين استقيت هذه المعلومات ..هل من زيارات فعلية لهذه الدور..؟؟

قد يكون من استقيتى منهم تلك المعلومات يضللونك تحت شعار " خالف تُعرف"....وهو شعار لا يحقق نجاح على المدى الطويل ..اذ أن بمجرد اكتشاف طبيعة المتبعيين لهذا الاسلوب ، سرعان ما ينفض الناس من حولهم ليصبح الشعار هو " خالف تُنبذ"...

مش معنى كده أن هناك قانون يمنع الاختلاف فى الرأى...ولكن هناك فرق بين الاختلاف فى الرأى من أجل الوصول الى مسلمات..وبين الاستخفاف بالرأى من أجل....لا شىء....

وكمثال أسوقه لحضرتك حتى تنتبهى لمن يحاورك او ينقل لك معلومات خاطئة....تجدى أن من تحاوريه لديه اصرار على اقواله وعندما تناقشيه بالمنطق وتثبتى له صحة فكرتك ، تجديه يقتنع برأيك ويقبل استدلالك ...الا أنه بعد لحظات يعاود النقاش فى نفس الفكرة ويعود الى سيرته الاولى .....وقد يحاول أحيانا - نتيجة المؤخذات التى يتعرض لها - أن يتظاهر بالتخلى عن الفكرة محل الجدال ...الا انه يعاود ممارسه أسلوبه فى موضوعات اخرى او مواقف اخرى...

شخصيا لا أميل الى مناقشة هذه الفئة من مصدرين الاراء لانى بأعتبرهم لصوص وقت......ولصوص الوقت ينقسمون الى عدة أنماط ويتذرعون بوسائل متباينة قد يكون اكثرها تشويقا الاحاديث التى تتعلق بالساسة أو الدين أو الانتماءات

وقد يأخذ لصوص الوقت فى اثارة مستميعيهم للخوض فى مثل هذه الاحاديث بدون علم ان لم يكن بجهل مطبق ..كأن يفجر موضوع شائك حتى يستولى على أذن المستمع واهتمامه....وهو لا يدرك ان كل هدف المتحدث هو سرقة الوقت لصالحه ...وقتل الوقت فيما يلوكه من أحاديث فارغة فى مضمونها ..وكسب ارض مشتركة بينه وبين محاوريه يلعبوا عليها لعبة تضييع الوقت..

فأحذرى اختى الفاضلة جويرية من أن تكونى ضحية لسارقى وقتك الثمين ...ومن ثّم تجدى نفسك تنقلى عنهم معلومات مغلوطة..وتتسع ارض الملعب...

ولى عودة ان شاء الله اذا ماوجدت فكرة ثابتة للنقاش...

تقبلى تحياتى

[جويرية]

الأستاذ / مهيب

بالمناسبة أرى الردود المفرقة المقتضبة الخاطئة تماما أسلوب غريب فى التعبير عن النفس .

طيب انا مبحبش أكتب كتير ، خير الكلام ما قل ودل

و ما علاقة الأمر بالفصحى .. و هل (شغالة) ليست فصحى على صيغة المبالغة فعَّالة؟؟ و هل (مديرة منزل) ليست فصحى ؟؟؟ سبحان الله العظيم.

مش معترضة علي لفظ شغالة أو مديرة منزل

تم تعديل 7 أغسطس 2008 بواسطة جويرية

[جويرية]

هؤلاء هم أطفال الملاجئ

السلام عليكم..

لابنتي في فصلها "10 أخوات" هكذا وصفتهن هي، وعرفت بعد ذلك أنهن يتيمات من ملجأ واحد..

حصلت الكثير من المشاكل حيث إنهن لا يحترمن المعلمة أو أي كبير، ويتفقن على باقي الزميلات، وأصبحن يشكلن كتلة معادية للبنات في الفصل.

اشتكت منهن بعض الأمهات إما لسوء سلوكهن أو لتأثر بناتهن بما يقلن ويفعلن، ونهت جميع الأمهات بناتها عن التعامل مع هذه الفتيات.

وطالبن الإدارة أن توزعهن على الفصول لكن الملجأ رفض ودخلنا في دوامة كبيرة.

كيف أشرح لابنتي أن عليها أن تتعامل معهن بحدود ورفق، وكيف أساعدهن على أن يندمجن مجددًا في الفصل؟.

السؤال

شكرًا للسائلة الكريمة من مصر..

وأشير أن مثل هذه المعاناة موجودة سبحان الله في كل الأوطان ونلمسها حتى في المغرب، وهي ظاهرة عامة، أن المدارس التي يدرس فيها أبناء وبنات الملاجئ نلاحظ أن الفصول التي توجد بها هذه الفئة تكثر فيها المشاكل، وهذا الأمر يتطلب جهدًا كبيرًا لمعالجته، ويحتاج إلى تعاون بين المراكز التي تؤوي هؤلاء الأطفال والمؤسسات التعليمية فلو وجد هؤلاء الأطفال ذكورًا وإناثًا الرعاية الكبيرة والحنان والعطف من المركز الذي يؤويهم أو المؤسسة التعليمية لا شك أن ذلك سيخفف من شخصيتهم العدوانية.

وهذا بطبيعة الحال غير كاف، فنحتاج في مراكز إيواء الأيتام واليتيمات لأطباء نفسيين وأيضًا حتى في المؤسسات التعليمية، ولا شك أن المربين والمدرسين يجدون أنفسهم عاجزين عن حل هذه المشاكل وعن علاج هذه الشخصيات القلقة والعدوانية التي هي انعكاس ورد فعل على الحرمان والظروف الصعبة التي يعيشها هؤلاء الأطفال.

فهؤلاء بدل أن نقاطعهم أو نقسيهم ينبغي أن ندرب مؤسساتنا الإيوائية والتعليمية بمدرسيها وإدارييها على نوع التعامل مع هذا الفئة من الأطفال التي قد تميل إلى سلوكيات منحرفة لإثبات شخصيتها كالكذب أو السرقة أو العنف، وغير ذلك...

وبالنسبة لابنتك أظن أن أفضل طريقة لها ولزميلاتها في الفصل هو أن تعاملهن بالحسنى، وأن تتفق مع زميلاتها على طريقة موحّدة وجماعية للتعامل مع التلميذات اليتيمات.

وهذا يتطلب التنسيق بين الآباء والمدرسين والإدارة وليس فقط مبادرة فردية من ابنتك فقط.

[جويرية]

اختي فيروز

وضعه الحقيقى اللىّ هو إيه

المشكله أنّك حكمتى أن وضعه الحقيقى أن يكون خادما لأنّه يتيم انتهى به الأمر فى الملجأ !!

بينما أرى أن وضعه الحقيقى أنّه طفل محروم و مسكين من حقّه أن يعيش كما يعيش غيره من الأطفال ..

كون أنّه مجهول النسب أو معلومه أمر لا يحاسب هو عليه ولا ينبغى أن يحاسب عليه !! و عمله كخادم لن يغيّر من حقيقة نسبه فى شئ و أيّا كان مستوى تعليمه سيعرف حقيقة وضعه إن عاجلا أو آجلا فلماذا نريد فوق هذا ان نحرمه من أن يعيش كما يعيش غيره من الأطفال

يا اختي الواحد لما بيكون تعليمه بسيط بيكون اقل أدراكا لحجم المشاكل اللي حواليه

ومازلت شايفة ان طفل في أسرة بديلة بتحسن معاملته حتي لو معاملة أقل من أبنائها أفضل من طفل في ملجأ بدون أم

حضرتك بتقارنى غلط ..

إحنا بنقارن بين البقاء فى الملجأ و بين خدمة الأسر و ليس بين أطفال الشوارع و بين خدمة الأسر .. رأيى أنا الشخصى أن تبنّى الأسر لطفل هو الأفضل يليه فى الأفضليه بقاء هؤلاء الأطفال فى الملجأ ..

كل الناس من حقّها تشكو لربنا بس هذا لا يعنى أن يتأخّر العدل حتى ينتقلوا من الحياة الدنيا للآخره كى ينالوا حقوقهم !! و إلاّ ماكنّاش سمعنا "كلّكم راع و كل راع مسئول عن رعيّته" و كان كل راعى قال لرعيّته اشتكوا لربنا !!

بنشوف صور الأطفال في الملاجئ في التلفزيون ، الأطفال مبسوطين و معاهم هدايا ، بس فيه حد مظهرتهوش الكاميرا ، الأطفال دول مين أمهم ، الملاجئ الكبيرة اللي بتقدر تحصل علي تبرعات كتير بتقدر توفر امهات بديلة ، طيب و باقي الملاجئ ؟؟

يبى الحل فى فرض الرقابه على الملاجئ و حث أهل الخير على تبنّى الأطفال مش فى تشغيل الأطفال فى الخدمه

طيب و الرقابة دي حتبقي أزاي ؟ فيه مواعيد للخروج و الدخول

طيب الفترة اللي غايبها الولد عن الملجأ مين اللي حيعرف هوه كان فيه ؟ فيه أم حتتصل بصاحب أبنها تعرف هوه كان عنده و لا لأ -

[جويرية]

اختي زهرة الجبل

يا أختي أنا مش حاجي علي الأيتام ، عشان أنا كل يوم بافتكر بابا الله يرحمه

حضرتك عاوزه تستبدلي النفقه في سبيل الله ((بدل ما يتصرف عليها فلوس كتيرة))

(2)و عاوزه تستبدلي نصيحة الرسول الكريم بما يخالفها تماماً

أن رجلا شكى إلى النبي صلى الله عليه وسلم قسوة قلبه فقال : أطعم المسكين وامسح رأس اليتيم

الراوي: أبو هريرة - خلاصة الدرجة: إسناده حسن - المحدث: ابن حجر العسقلاني - المصدر: فتح الباري لابن حجر - الصفحة أو الرقم: 11/155

(3) و بتستنكري التراحم الخالص لوجه الله بين الناس على إختلاف أنسابهم ((المهم أن اليتيم مش عارف مين اللي بيزوروه ده و حتي لو عرفه مفيش صلة بينه و بين الشخص ده))

لأ انا بس ضد الأسراف يعني ممكن يعملوا حساب في البنك لكل طفل بدل ما الناس تجبليهم هدايا و لبس علي طول يبقي لكل طفل مبلغ ممكن يساعده لو حب يعمل مشروع بعد ما يخلص دراسة

مش بستنكر التراحم بس الأفضل ان التراحم ده يكون من اشخاص الطفل حيشوفهم مرة تانية

تم تعديل 7 أغسطس 2008 بواسطة جويرية

[جويرية]

أختي زهرة الجبل

ليله مش عايزه تفوت.. وضعه الحقيقي و مجهول النسب و مشكله واقع فيها و بدل ما يتعلم تعليم جامعي لا مفروض يبقى بس تعليم بسيط

هو في إيه ؟ مش خير إن شاء الله؟

يا فندم حضرتك مش اليتيم و لا مجهول النسب هو اللي وضعه غلط و لا هو اللي بيعاني من مشكله

ده الظاهر إن الفئه اللي بتصنفه إنسان درجه ثالثه هي الفئه اللي غرقانه في المشكله

و الظاهر إننا كمجتمع لسه محتاجين مليون سنه علشان نتخلص من الجهل بشكل كافي لإدراك الفرق بين الخطيئه التي تحتم العقاب و بين القدر الذي لا سلطه لبني البشر عليه

يا اختي انا عارفة أن الطفل مش ليا ذنب و ربنا عز و جل بيقول ( و لا تزر وازرة وزر اخري )

بس كمان ايه ذنب الطفل أن يكون كل اصحابه بنفس ظروفه دي ، ليه ميكونش عايش وسط ناس مش كلهم في نفس حالته

الطفل لو متربي في وسط اسرة كويسة ، مش حيعرف الموضوع ده غير لما يكبر

و بعدين انتي ليه حاطة الينك بتاع موضوع مربية الأطفال ، اذا كان انا طالبة أنه يتحذف ، تقومي أنتي تحطيللي اللينك بتاعه

ماشي يا زهرة حنردهالك في الأفراح أن شاء الله :unsure:

[جويرية]

ده كلام انا نقلته مع الأعتذار للأخوة اللي مش بيحبوا موضوع النقل

سيدي الفاضل بالنسبه لدور الايتام

فراح جهدهم هباء الا تعلم ان هذه

الملاجئ تقوم على رعايتها مافيا

من تجار الاطفال يستغلو العمل الانساني

في الحصول على ارقام فلكيه وخدمات

لايستطيع الحصول عليها مين ماكان

واغلب دور الاطفال ملك لمشاهير

سياسين ووزراء وزوجاتهم

بلاضافه الي ان الاطفال لايحصلون على

مايعطي لهم اقصي شئ تريدمساعدتهم

اطعامه امام عينيك مايدخل فمه امامك

هو اقصي شئ

اخي الفاضل انا اكره فعل الخير

ولا يصل لمستحقيه فهذه مسئوليه

يجب ان يتحملهافاعل الخير مش جنيه

يرمي ويخلص ويقول انا كدا تمام

الجمعيات الخيريه انا اعرف عنها كم من الكوارث

لو علمها من يدفع الفلوس من سرق ونهب وسوء معامله

لوفر نقوده لاطفال الشوارع لانهم سوف يستفيدون به

تم تعديل 7 أغسطس 2008 بواسطة جويرية

[جويرية]

الواقع ان مفيش حد بيرضي يكفل الأطفال

عشان تأتير الأفلام طبعا اللي لازم تطلع البنت بعد الأم ما أحسنت اليها و خرجتها من الملجأ و ربتها بعد كدة البنت عايزة تتجوز جوز أمها

وخلاص بقت الناس عندها عادة تخوين الناس و توقع الشر

وده السبب في أختفاء تقريبا عادة كفالة الأطفال

الأخت جوبرية

منذ مدة طويلة وأنا اتابع مشاركاتك ولا أدخل في جدل معك كما تقدمتي ونصحتي من قبل

بس هنا ما قدرتش امسك نفسي صراحة

يعني إيه اختفاء عادة كفالة الأطفال سببها خوف الأم من إن الطفل المكفول يكبر ويخون العهد وينكر المعروف ويتجوز جوزها .. حقيقي كلام مش معقول أبدا ولا يمكن يقتنع بيه عيل صغير في الشارع

ليه ما نقولشي ان سبب اختفاء عادة كفالة الأطفال هي الغلاء المعيشي وإن الناس مش قادرة على العيشة سواء كانوا أسرة كاملة أو أسرة من زوج وزوجه فقط

خلاص يعني سيبنا الاسباب الكثيرة اللي حولينا ومسكنا في خوف الأم من إن الطفله المكفوله تكبر وتتجوز زوجها

تعديل

تم تعديل 7 أغسطس 2008 بواسطة جويرية