اختيار صعب وعايز رايكم ضرورى

[ahmedr]

اولا احب ابدى اعجابى بالمنتدى والاعضاء ومشاركتهم ومساعدتهم لبعض

اخش فى الموضوع

احمد الله اولا واخيرا

انا اتعينت جديد فى شركه كبرى بمصر ومرتبى 1500 جنيه وامامى فرصه عمل فى السعوديه فى واحده من اكبر الشركات بالوطن العربى فى مجالها بمرتب 3200 ريال + تامين صحى وبدل انتقال وسكن

وانا خريج2006 واعمل محاسب

بصراحه محتار هل اترك عملى واخوض تجربه جديده وهل العائد يستحق

ايه رايكم اتوكل على الله واقبل؟

[مملكة الاحزان]

والله يا اخ احمد المرتبات كلها فى النازل فى الفترة دى بس بالنسبة ليك فالمرتب يعتبر كويس مع وجود كمان بدل سكن ونقل ولو انت عازب ممكن تعيش ب1000 ريال بس وتحوش الباقى وتكون مستقبلك ودة رايى وانت حر

[Balooshy]

اياك والسفر .. مرتبك في مصر كويس جدا .. و السعوديه مرتبها تعبان و مش عايز اقولك هتتعامل ازاي هناك .. اكيد انت عارف .

[أحمد سيف]

بالفعل خيار صعب، يعني لو كان مرتب السعودية (إضافة للبدلات) أقل من كدا أو مرتب مصر أعلى من كدا كنت قلتلك خليك في مصر، والعكس صحيح

عموما إنت في مرحلة بداية حياتك العملية وما ينبغي أن تهتم به أكثر في هذه المرحلة هو مستقبلك الوظيفي، فالخيار الأفضل هو الذي يمنحك خبرات أكثر وفرص أكبر للترقي ويعطيك مرجع محترم تضعه في سيرتك الذاتية

حاول تعرف بالضبط طبيعة عملك في السعودية قبل أن تقرر الذهاب الى هناك، لأن المسمى الوظيفي قد لا يعطي فكرة جيدة عن المهام التي سوف تقوم بها، وكثير من الناس طلعوا كمهنيين (professionals) ولقوا نفسهم بيشتغلوا داتا إنتري أو مساعدين شخصيين أو سكرتارية، يعني ضيعوا أهم مرحلة في عمرهم بدون اكتساب خبرات محترمة

وتذكر دائما أن أهم وظيفة للإنسان هي وظيفته الأولى بعد التخرج لأنها غالبا ما تحدد مسار حياته وال caliper اللي هايتعامل بيه

[ahmedr]

احب اشكر كل الى رد عليا وقال رايه

الى مشجعنى على الخطوه دى يا جماعه هو اسم الشركه وهى شركه بن لادن اكيد معظمكم يعرفها بس انا خايف انى اسيب شركتى هنا الى تعبت اوى لحد موصل ليها واسافر وملقيش الى انا متوقعه

من ناحيه الكارير فالشركتين كبار اذا كان فى مصر او السعوديه والمهنه محاسب مالى

والمرتب انتو عارفين

يا ريت يا جماعه حد يقولى اوجه مختلفه للمقارنه بين الشركتين وايهما افضل

[احمد بهجت]

سافر الى السعودية وربنا معاك

[Amr Radwan]

اولا . صلي صلاة الاستخارة ..

ثانيا .. انصحك بالتجربة .. و انت اللي تقدر تحكم ..بعد التجربة ..

ثالثا ... الارزاق بيد الله .. يعني ما تعرفش الخير فين .. و ما تخافش علي رزقك ..

رابعا .... كن واثق ان التجربة بتاعت السفر في حد ذاتها مكسب ليك في الخبرة و معرفة وضع البلد هنا حتي لو كانت السفرية دي نفسها ما فيهاش عائد مادي كويس ..

خامسا ..... مجموعة بن لادن دي مجموعة كبيرة .. و اللي اعرفه عنهم انهم بيأخروا المرتبات بالشهور ..

سادسا ...... ادعو الله لك بالتوفيق ان شاء الله :lol:

[ahmedr]

اولا . صلي صلاة الاستخارة ..

ثانيا .. انصحك بالتجربة .. و انت اللي تقدر تحكم ..بعد التجربة ..

ثالثا ... الارزاق بيد الله .. يعني ما تعرفش الخير فين .. و ما تخافش علي رزقك ..

رابعا .... كن واثق ان التجربة بتاعت السفر في حد ذاتها مكسب ليك في الخبرة و معرفة وضع البلد هنا حتي لو كانت السفرية دي نفسها ما فيهاش عائد مادي كويس ..

خامسا ..... مجموعة بن لادن دي مجموعة كبيرة .. و اللي اعرفه عنهم انهم بيأخروا المرتبات بالشهور ..

سادسا ...... ادعو الله لك بالتوفيق ان شاء الله :lol:

اشكرك على ردك

بس يعنى ايه بياخرو المرتبات؟

ويا ريت لو حد عنده معلومات عن الشركه يا ريت يفيدنا

هو باذن الله انا عرفت ان العمل هيكون فى جده لكن مشعارف فى الاداره ولا فى احد المشاريع

[Amr Radwan]

تحت امرك يا اخي الحبيب في اي وقت ..

و عموما .. مجموعه بن لادن كبيرة قوي ..

بس لي طلب .. حدد انت جايلك العرض في اي شركة منهم و عنوانها و طبعا في اي مدينة ..

عشان لو في جدة ممكن اوصلك لمعلومات قبل ما تيجي ان شاء الله

[سكر]

صلي صلاة الاستخارة

لو مستقبلك المهنى مهم جدا فى حياتك اسمع الكلام دة كويس

دة راى واحد خبرة شوية

ابنى مستقبلك العلمى فى مصر الاول على اقل لمدة 3 سنوات بعد التخرج واتعلم كل حاجة عينك تيجى عليها وحاول تاخد شهادات فى المحاسبة

كدة ان شاء الله لو مكتوب لك السفر هتسافر على اضعاف المرتب دة

فى ناس بتفكر فى فرصة السفر على اول باب

خلى بالك محظوظ جدا الى بتعلم حاجة جديدة فى الخليج انت هنا فى الخليج هتشتغل على الى اتعلمتة فى مصر بس

لو محتاج فلوس سريعة توكل على الله

بس الى بيجى هنا مش بيرجع او مش بيعرف يرجع

ومتزعلش لو سمعت عن مرتب هنا فوق فوق فوق .......................................قوى

وانت معندكش امل فى زيادة 100 ريال حتى

[justtrying]

انا رايي من راي الاخوة حاول تقعد في مصر 3 سنين تاخد خبرة وتتعلم حاجات اكتر قبل ما تسافر

لكن لو محتاج فعلا فلوس وحالتك المادية مش مساعدة سافر وتوكل على الله لكن اعرف ان لو سافرت هتتعلم حاجات جديدة ولكن في نطاق ضيق جدا يعني هترسم بقية حياتك كدة ....

[ahmedr]

,والله انا متشكر جدا لكل من شاركنى اتخاذ قرارى

هو انا خبره سنتين والحمد لله محاسبيا كويس لكن انا فرايى ان 3 سنين زى اربعه زى خمسه لو مشمعاك شهاده (سى ام ايه)

هو الحاله المديه كويسه الحمد لله والمرتب هنا معقول لكن يكفيك متعرفش تحوش او تبنى بيه مستقبلك

الحقيقه انا رجل هنا ورجل هناك