تجمع المصريين في جدة

[Amr Radwan]

السلام عليكم و رحمة الله و بركاته ..

احبائي المصريين في جدة .. او في مصر و جايين علي جدة ..

اي حد بيحب الصحبة الحلوة .. و حاسس انه وحيد في جدة .. و ملوش معارف كتير و يحب يتعرف بمصريين مقيمين في جدة .. سواء كان عازب او معاه اسرة .. يشرفني بارسال ايميل لي علي programmer_amr ( at ) hotmail.com .

و الحمد لله احنا تجمع من المصريين المقيمين في جدة .. و بنخدم بعض سواء في الشغل او الاجتماعيات ..

علي فكرة .. الفكرة بدأت بشخص واحد و وصلت حتي الان لعدد كبير و الحمد لله ..

و قريبا ان شاء الله هيكون فيه حفلة شواء علي كورنيش جدة .. للعزاب في يوم و الاسر في يوم تاني ..

و تحياتي لكم

تم تعديل 5 أغسطس 2008 بواسطة Amr Radwan

[Amr Radwan]

ملحوظة .. التجمع الجميل ده .. في حي الشرفيه ..

ملحوظة : ممكن تبعت ايميل برقم موبايلك (جوالك) و هنتصل بيك ان شاء الله

و لو حد يحب يتواصل هنا مافيش مشكلة ..

و برده لو حده عنده تجارب ممكن يعرضها ..

تم تعديل 4 أغسطس 2008 بواسطة Amr Radwan

[محب مصر]

ياسلام على المصريين لما يبقو ايد وحده ربنا يفتح على صاحب الموضوع

الحاجات دى فعلا بيحتاجها العزاب اكتر من الى معاه اسرته عشان احساس

الغربه بيقى عالى عندهم.

جزاك الله خير يا اخى.

[عبدوو]

تحياتنا لك اخونا الكبير مهندس عمرو ..

احييك على فكرتك ومجهودك , وفعلا لابد ان نتعاون ونصبح يدا واحده كما نرى العديد من الجاليات الاخرى فنحزن اشد الحزن على حال العديد من المصريين المغتربين ..

انا متحمس جدا للفكره - بارك الله فى مجهوداتكم - وبالنسبه لى فانا جديد هنا فى السعوديه وانتقلت للعمل من اقل اسبوعين فى مدينه جده , ومن حسن حظى اننى اسكن فى حى الشرفيه :rolleyes: يعنى لازم تتوصوا بيا حبتين عشان انا جار جديد ليكم :bro:

عموما سارسل لك رساله على بريدك واتمنى لكم جميعا التوفيق والسداد ..

تقبل تحياتى .

[Amr Radwan]

السلام عليكم و رحمة الله وبركاته ..

الاخ محب مصر ، الاخ عبدوو

اشكركم علي الاهتمام بالموضوع و الرد عليه ..

و احب اوضح لكم ان الحبايب زادو 3 من بعد الموضوع ده و الحمد لله ..

يلا .. منتظرين الاسرة تكبر ..

"اسرة المصريين في جدة"

تحياتي لكم جميعا ..

تم تعديل 4 أغسطس 2008 بواسطة Amr Radwan

[tahereyad]

السلام عليكم جميع الاخوه المصريين في جده,, ما شاء الله فكره ممتازه جدا من الأخ عمرو رضوان, و اتمني أن الأخوه المصريين في جده يتجمعوا و يكونوا اسره كبيره تهون علي بعض الإحساس بالغربه و يكون بينهم انشطه و تعاون في كل حاجه..

أنا حاليا موجود في دبي وان شاء الله هاتنقل لجدّه بعد العيد,, استنوني بأه و ماتعملوش الشوي الا لما آجي,, أصلي باعزّ الشوي و اعزّ اللي يعزّ الشوي جدا..

علي فكره في مجموعه هنا في دبي جميله جدا عالفيس بوك اسمها EID يعني المصريين في دبي,, و ممكن برضه نعمل واحده زيها بعد كده و نسميها EIJ... و يكون في انشطه مختلفه زي الرحلات و تشجيع ماتشات المنتخب النيجيري, و كده..

تحياتي ليكم جميعا

[Amr Radwan]

السلام عليكم ..

تحية لك يا استاذ طاهر علي الفكرة الرائعة .. و ياريت لو تبدأ بيها .. و تحط اسم الجروب علي الفيس بوك عشان نحط عليها صورنا و لقائتنا .. و اخبارنا .. و خاصة و ان العيد جاي علي الابواب و لازم نحس بفرحة العيد زي مصر .. بالاضافة لرمضان و احساسنا برمضان في مصر ..

سعيييييييييد بالافكار الجميله دي ..

و في انتظارك لما توصل بالسلامة الي جدة .. عشان نستناك في المطار و نعمل معاك الواجب

تم تعديل 4 أغسطس 2008 بواسطة Amr Radwan

[Melhakim]

فكرة جامده والله لحسن الغربة طلعت مرة بجد

ويا سلام بقى لو نطلع عمرة

اخوكم محمد الحكيم

[Amr Radwan]

شكرا لك اخي الحبيب علي الرد

و عموما يا جماعة ..

programmer_amr ( at ) hotmail.com

ده ايميلي بشيك عليه طول اليوم عادي .. و ماسنجر من بعد 5:30 مساءا .. للي يحب يتواصل

و اي حد يحب التواصل بالتيليفون يرسلي رقمه و اتصل بيه :blush2:

المهم نتواصل ..

تحياتي لكم جميعا ..

تم تعديل 5 أغسطس 2008 بواسطة Amr Radwan

[DIA ELDIN]

فعلا يا جماعة موضوع جميل جدا وانا منضم معاكم

ودا اميلي diaa125_6@hotmail.com

اخوكم ضياء

[Amr Radwan]

شكرا لك اخي ضياء .. و تمت الاضافة و في انتظارك ان شاء الله :angry:

[Amr Radwan]

شكرا لكل من اهتم .. و بصراحة بدأت افكر ان الموضوع يكون اكبر شوية من مجرد ارسال جوالات او ايميلات ..

اية رايكم لو عملنا فورمة .. و ممكن تكون علي قاعدة بيانات و اللي يحب يسجل فيها يسجل اون لاين علي موقع .. عشان تكون البيانات كاملة (الاسم - العنوان - الجوال - معاه الاسرة ؟ - معاه سيارة و لا لا .. و غيرها )مسجلة للي يحب يتعارف .. بالاضافة لما يكون فيه فعاليات جديدة مثلا .. تجمع علي الكورنيش مثلا او حفلة الشواء "اللي الكل منتظرها" يتم ارسالها لكل ايملاتنا ...طبعا بالاضافة لموضوع الجروب علي الفيس بوك ..

اية رايكم ..

عاوزين تفاعل من كل اللي مهتم بالموضوع :sad:

[Amr Radwan]

احبائي ..

تم عمل جروب علي الفيس بوك اسمها ... "Egyptians @ Jeddah المصريين في جدة "

و اللي عاوز يشترك و يتفاعل معانا و يعرف اخبارنا مبدأيا من الجروب نكون سعداء بانضمامة ..

و سيتم اضافة كل الحبايب اللي اضافوني او ارسلوا لي ايميلات .. و لو نسيت حد "سهوا" بس يبعت لي ايميله او يعمل بحث في الفيس بوك عن اسم الجروب و يشترك فيها ..

تحياتي لكم جميعا ..

[DIA ELDIN]

يا جماعة دا عنوان جروب المصريين في جدة

http://www.facebook.com/group.php?gid=22645941343&ref=mf

عاوزين تفاعل اكتر من كدا مع الموضوع

شكراً

[tahereyad]

ألف مبروك يا أخ عمرو علي الجروب, و شكرا عالمجهود الرائع,, أنا انضميت وانا لسه فدبي,, عشان أحجز مكان بدري فحفلة الشوي الجايه,, بس استنوني

[Amr Radwan]

ألف مبروك يا أخ عمرو علي الجروب, و شكرا عالمجهود الرائع,, أنا انضميت وانا لسه فدبي,, عشان أحجز مكان بدري فحفلة الشوي الجايه,, بس استنوني

السلام عليكم ..

اشكرك اخي الحبيب طاهر علي الرد ..

و عموما انت صاحب الفكرة اساسا في موضوع الفيس بوك و الفضل يرجع لك ..

و هو ده اللي بندور عليه يكون فيه تعاون عشان يكون فيه نجاح للكل ان شاء الله ..

و علي فكرة .. احب اطمنك .. انا اشتريت الشواية و اسياخ الشوي امبارح .. :unsure: يعني ما تقلقش بنجهز العدة .. بس ما تتاخرش ..:blink:

تم تعديل 6 أغسطس 2008 بواسطة Amr Radwan

[ادم التاجر]

الســــــــــلام وعليكم

بدايه الفكره مدهشــــه

والاْ جمــــــــــــــــــل .... بقى انها هنا واحنـــــــــا هنا فى التعب .. البعد عن الاولاد والاهل

المهم : شكــــــــــــــــــــــــرااا لكم على الابداع

والاْهم : فى انجاز فعلى ولا الفكره لســــه فكـــــــــــــرة

اســــــــــــــــــــــلا م التاجــــــــــر

[Amr Radwan]

السلام عليكم ..

تحياتي لك اخي الحبيب اسلام التاجر ..

اقولك الموضوع هيمشي ازاي ..

الموضوع هيمشي بالنظام العلمي ..

يعني في البداية الفكرة .. ثم طرق تنفيذ الفكرة .. ثم تنفيذ الفكرة فعلا .. ثم المتابعة ..

اتوقع ان كلامي مش مفهوم .. و غريب شوية .. بس هو ده الصح عشان ما يبقاش الموضوع فكرة و تنتهي و خلاص ..

بس المهم ..

الان تم تحديد الفكرة ..

و كلنا بنقول افكار عشان نقدر نحققها .. (الفكرة)

بدأناها بموضوع الفيس بوك و الحمد لله .. و كانت فكرة الاخ طاهر (المقيم حاليا في دبي)

و البقية تاتي ..

و لذلك محتاجين اراء اكتر عشان نعرف نحقق الفكرة بصورة افضل ..

و كل ما كان التفاعل اكتر كل ما كان الفكرة تتحول لحقيقة فعلية ملموسة مش مجرد موضوع علي "محاورات المصريين" بنضيع فيه وقت ..

في انتظار ارائكم و تطلعاتكم ..

[ELSHAMY]

الأخ العزيز عمر

الطاهر انه فى وسط حماستك و حماسة الأخوة المشاركين ممكن الواحد ينسى بعض الأشياء الأساسية ..... يعنى فى رأيى مش مهم الفيس بوك....و لا الشواية و لا أسياخ الشوى....

المهم فين اللحمة اللى حتتشوى :unsure:

[tahereyad]

الأخ العزيز عمرو,,, شكرا ليك جدا علي زوقك و علي اسلوبك الراقي.

هي فكرة الفيس بوك مش جديده,, زي ماقولتلك هي موجوده فعلا,, و الفيس بوك مش الهدف,, بالعكس,, أبسليوتلي, لكن الهدف أن المصرين في جده يتجمعوا و يعملوا أنشطه مع بعض تكسر الاحساس بالغربه و تحسسنا بقيمة الاجتماعيات اللي بنفقدها بمجرد خروجنا من مصر,, يعني ممكن من خلال الإيفينتس اننا ننظم حفلات الشواء,, (علي فكره أنا أضفت صورتي وانا باشوي فالجروب,, عشان بس تعرف اني صنايعي), و تجمعات تشجيع الكوره للأخوه الكرويين و بالذات الماتشات المهمه بتاعت المنتخب, رحلات, حفلات,, يعني,, حاجات زي كده.

بس هو لسه العدد فالجروب مش كبير,, ياريت نبتدي نعمل دعوات للناس اللي نعرفهم في جده عشان ينضموا,, و ممكن كمان نكتب رابط الجروب فالتوقيع بتاع المحاورات عشان الناس اللي في جده فالمحاورات تعرف,,,,, أنا عملت التوقيع..

الأخ الشامي,, لا طبعا احنا مانسيناش اللحمه,,, طبعا هاتكون علي الناس القدام في جده :unsure: ,, أنا كنت أسمع ان الأخ موديست هو عمدة المصريين في جده,, بس مش عارف هو ليه مش باين فالموضوع ده,,, أكيد عمدة المصريين في جده هايفرق كتير فالفكره.. احنا ممكن نعمله نداء مخصوص إلي الأخ موديست..