تجمع المصريين في جدة

[ELSHAMY]

طبعا أخونا موديست من قدامى المصريين فى جدة :unsure: و من مؤسسى السفارة المصرية...و هو اللى كان بيشرف على المحمل اللى كان بيجيب كسوة الكعبة من مصر... :blink:

بس هو الأن فى أجازة...و يرجع بالسلامة

على فكرة أنا قابلته و هو شخصية محترمة و خدومة و جدير بالمعرفة....

وحشتنى يا موديست

[ELSHAMY]

طبعا أخونا موديست من قدامى المصريين فى جدة :unsure: و من مؤسسى السفارة المصرية...و هو اللى كان بيشرف على المحمل اللى كان بيجيب كسوة الكعبة من مصر... :blink:

بس هو الأن فى أجازة...و يرجع بالسلامة

على فكرة أنا قابلته و هو شخصية محترمة و خدومة و جدير بالمعرفة....

وحشتنى يا موديست

[Amr Radwan]

السلام عليكم ..

ازيك يا دكتور محمد .. اية اخبارك ؟

ازيك يا استاذ طاهر .. عامل اية ؟

علي فكرة اللحمة جاهزة .. و الشواية جاهزة .. بس المهم الصحبة الحلوة جهز نفسك يا دكتور العدد بيزيد كل يوم و الناس جاعت .. كل يوم نتكلم عن موضوع الشوي ده .. عاوزين ننفذ بسرعة قبل رمضان ..

انا بقترح الموعد : يوم الخميس 14 اغسطس 2008 بعد صلاة العشاء

المكان : كونيش جدة عن دوار التوحيد ..

اية رايكم ؟

بس مش عارف الكل عزابي و لا فيه اسر عاوزة تشارك ؟

تم تعديل 7 أغسطس 2008 بواسطة Amr Radwan

[ELSHAMY]

السلام عليكم ..

ازيك يا دكتور محمد .. اية اخبارك ؟

ازيك يا استاذ طاهر .. عامل اية ؟

علي فكرة اللحمة جاهزة .. و الشواية جاهزة .. بس المهم الصحبة الحلوة جهز نفسك يا دكتور العدد بيزيد كل يوم و الناس جاعت .. كل يوم نتكلم عن موضوع الشوي ده .. عاوزين ننفذ بسرعة قبل رمضان ..

انا بقترح الموعد : يوم الخميس 14 اغسطس 2008 بعد صلاة العشاء

المكان : كونيش جدة عن دوار التوحيد ..

اية رايكم ؟

بس مش عارف الكل عزابي و لا فيه اسر عاوزة تشارك ؟

موافقة مبدئيا

[ادم التاجر]

الســــــــــلام عليكم

يا جماعه والله احنا اكتر من كدة بكتير

فين الناس يا جدعان ؟

ده حبايبنا اللى فى دبى سمعوا (ازيك يا طاهر ) يا تيتو ماتيجى بقى يا عم

اللى عاجبنى فى الفكرة ان فوائدها كتير معنـــــــــويا واجتماعيا وعمليا

مثال فى البدايه كنت فى اعمال المقاولات احتاج الى استشارة اخرين ممن لهم خبره

وبعد فترة اصبحت احتاج منفذين لبعض الاعمال التى اكون مشغول او تحتاج حجم عمال اكبر من امكانياتنا

الجميل دلوقتى ممكن نعمل علاقات عمل تكاملية

انا انشاء وتكييف وفيبر جلاس

ممكن اخ معانا يكون مثلا

بشركه معدات ثقيلة

او بشركه دهانات

او بيع وتوريد التكيفات بانواعها ....الى اخره

وان لم يكن فاننا نحصل على صديق نفضفض معه

يعنى تبقى لينا عيله زى اللى ليا فى الصعيد

على اساس انى من luxor

مين فيكم زار الاقصر قبل كدة

حتى رحله فى الكليه الى الاقصر واسوان

المهم

المفروض يكون فيه استجابه اسرع واقوى دا احنا المصريين يا جدعان ههههههههه

اســــــــــــــــــــلام

[Amr Radwan]

السلام عليكم و رحمة الله و بركاته ..

الواضح ما شاء الله ان الدكتور محمد الشامي و الاستاذ اسلام و الاستاذ طاهر من اكثر الناس المتحمسين للموضوع ..

عموما ..

احب ااكد للكل .. كل الفكرة اننا عاوزين نتجمع و نتعرف علي بعض .. يعني موضوع حفلة الشواء يعتبر اول تجمع لينا بدل ما يكون تجمع جاف و كلمتين و خلاص .. لا يكون حاجة نتجمع فيها كلنا و كلنا نشارك فيها .. و ده طبعا معناه التعاون بينا .. و هو احد الاهداف التي نبحث عنها .

شباب .. عشان نبدأ نجهز نفسنا و نتوقع هيكون العدد كام ( لسهولة التنظيم مش اكتر) يا ريت الكل يشترك في الجروب علي الفيس بوك و يسجل هو هيحضر و لا لأ ..

فيه ملحوظة مهمة .. و هي ان و الحمد لله معظمنا معاه عربيات يعني حبايبنا اللي مش معاهم عربيات ما يحملوش هم اللموزين .. و خاصة حبيبنا بتاع الصناعية

في انتظار المشاراكات .. و التفاعل في الموضوع ..

تم تعديل 9 أغسطس 2008 بواسطة Amr Radwan

[Melhakim]

انا متحمس برضه يا اخ عمرو

ملحوظة انا من حبايبكم اللى معهمش عربية

انا حاجز !!!!!!!!!!!!!!!!!!!!!!

[mohamedta]

يا جماعة انا مسافر فى شغل برة السعودية يوم الخميس بعد العشاء بالضبط و معلش يعنى انا كنت جاى ب 10 كيلو لحمة شوى و 2 كيلو هامور و فراخ امهات للشوى

فا يتغيرو المعاد يا اما هشوى فى الطيارة و اكل انا و المضيفات مع نفسى

[Amr Radwan]

عزيزي surfthe

و لا يهمك .. ابعت لنا انت في اي حي عشان نعدي عليك ان شاء الله .. و يفضل الاتصال بنا علي الموبايل او مراسلتنا علي جروب الفيس بوك

اما الاخ الحبيب mohamedta

الواضح انك كنت ناوي تشوي لكل المصريين في جدة :wub: و توزع الباقي علي المتفرجين علينا في الكورنيش .. :lol: عموما يا سيدي و لا تزعل نفسك .. الايام اللي جاية كتير ان شاء الله .. و دي بس تجربة صغيرة .. و الحفلة الكبيرة لما تيجي ان شاء الله .. بس ما تنساش تجيب ال 10 ك لحمة (بس بلدي) و 2 ك همبرجر و الفراخ الامهات (بس رايي تكون صغيرة مش امهات) :lol: و هتلاقينا كلنا في انتظارك ان شاء الله ..

علي فكرة انا عاوز اقولكم علي حاجة ..

انا بحب الشوي جدا .. و عندي شواية في بيتنا في مصر و كنت كل فترة نطلع (اسرتي و اسرة اخويا و اختي و والدي و والدتي ) علي السطوح و نشوي لحمة و فراخ و بيكون يوم جميييييييييل جدا .. كل واحد بيعمل حاجة .. اللي بيشوي و اللي بيعمل السلطة و اللي بيعمل الطحينة و اللي .. و اللي .. طبعا رائحة الشوي بتملي السطوح و تسافر علي كل شقق الجيران mfb: و الكل يطلع يشوف الريحة دي جاية منين لانهم جاعو طبعا ..

و النهاية الجميلة ..

لما كلنا نقعد في مكان واحد و نحس اننا جمب بعض و كل واحد عمل حاجة و حاسس انه شارك و اشترك في الوليمة دي حتي لو كانت السلطة mfb:

عموما ..

انا فعلا وحشاني مصر .. و اهلي .. و بيتي ..

تم تعديل 9 أغسطس 2008 بواسطة Amr Radwan

[Amr Radwan]

فيه موقف ظريف حصل ليا بسبب موضوع الشوي ..

كنت قاعد علي الكورنيش مع اسرتي و اسرة واحد صاحبي .. و كنا مجهزين كل حاجة عشان الشوي .. اللحمة و الفراخ و السلطة و سلطة الطحينة .. و براد شاي الفحم و الماية الساقعة .. كل حاجة .. و اكتشفنا اننا نسينا العيش هههههههههههه المهم صاحبي كان المفروض هو اللي هيشوي و ولع الفحم و راح يجيب العيش .. المشكلة انه اتاخر و الفحم هيصصفي و يخلص و كان لازم اقوم بالمهمة .. و فعلا .. شمرت .. و توكلت علي الله .. و بدات بتصبيع الكفتة علي طريقة الكبابجية في مصر .. طبعا بعد اول صوبع كفته اتحط علي النار عمل رائحة فظيعة بدأت الانظار تتجة ليه شوية شوية .. و بعد كام صوبع فوجئت ان الناس اتلمت عليا و واقفين بيتفرجوا عليا و مبسوطين .. طبعا انا كنت في نص هدومي لدرجة اني كنت هسيب الكفته و الفحم و استني صاحبي .. بس قلت .. لالالالالالا و الف لالالالالا .. هكمل .. و كان ناقص ان الناس تصورني بالكاميرا .. مش عارف ليه .. شكلهم اول مرة يشوفوا حد بيشوي كفته بالطريقة المصرية علي الكورنيش .. و في النهاية وصل صديقي بالعيش .. و استلم الراية و كمل هو الفراخ بعد ما خلصت انا الكفته ..

ربنا يستر يوم الخميس اخشي ان الموضوع يكون فيه بعض القنوات التلفزيونية .. هههههههه

[ELSHAMY]

الأخ mohamedta

حضرتك تسافر و ترجع بالسلامة ....و احنا ممكن نبعت لك حد ياخد اللحمة اللى عندك...و ما تقلقش حنقوم بالواجب كأنك موجود....و ممكن تتصل بينا على الهوا نحكيلك على طعم اللحمة.....

الموضوع بسيط.....

[abdellahegy]

السلام عليكم ورحمه الله وبركانه

احب اقوووووول لك مبروك يا باشا ايه الحلوه ده احنا فعلا محتاجين حاجه زى كده بصراحه موضوع هايل وان شاء الله ربنا يقدرنا ونقدر نخدم معاك ياباشا ونخلى الصوره افضل مما تكون شكرا ياباشا وربنا يوفقك الى ما يحب ويرضى

[tlawy]

السلام عليكم

الفكره جميله يا جماعه ان شاء الله اكون معاكم

انا حاجز

و يا ريت نحاول نكرر الموضع ده مره كل شهر مثلا :P

[Amr Radwan]

استاذ عبد اللاه ..

شكرا علي المرور و ما تنساش العيش البلدي ابو رده من الدانووب اللي في ش الستين مع التحلية .. بس الساعة 7 عشان تلحق تجيب

بشمهندس احمد التلاوي ..

سعدنا بحضورك اول حفلة شواء سنة 2002 في مصر .. و كويس اننا هنعمل الموضوع ده تاني في جدة .. و بالنسبة لاقتراحك اننا نكرره كل شهر .. انا عن نفسي موافق .. :P المهم اننا كلنا نشوف بعض

علي فكرة .. لو حد عنده كاميرا ديجيتال يجيبها معاه بدل تصوير الموبايلات :lol:

تحياتي للجميع

[DIA ELDIN]

يا جماعة اية الاخبار استعدوااااااااااااااااااااا

للشوي

معادنا يوم الخميس اوعوا تنسوا هتكون بتكلفة مبدئية تقريبا 10 ريال يا جماعة قابلة للزيادة او النقصان على حسب العدد اللي هيحضر واظن دا طبعا مش مبلغ وزي ما قلنا قبل كدا الهدف مش الاكل الهدف ان احنا نتجمع ونشوف بعض نبقى ايد واحدة ولا اية رأيكم

عاوز تعقيبات يا جماعة اوكي

يوم الخميسسسسسسسسسسسس

دا اللنك بتاع الموضوع على الفيس بوك

http://www.facebook.com/event.php?eid=34775592856

تم تعديل 10 أغسطس 2008 بواسطة DIA ELDIN

[Amr Radwan]

العددحتي الان 17 ..

[tahereyad]

بسم الله ما شاء الله,,, أسيبكم يومين بس و أرجع ألاقي الانجازات دي كلها,, و فراخ أمهات كمان,, عامة الله يسهلّكو في أول لقاء للشوي,, و ان شاء الله أنضم ليكم لما أوصل,,, مش عاوز أوصيكم يا جماعه,,, تتبلوا اللحمه و الفراخ كويس قبل الشوي,,, و كمان تشووا الكفته و الفراخ الأول قبل اللحمه,, لأنها مش بتاخد سوا و الفحم الأول مش بيكون شد أوي,,, و بعد كده لما الفحم يشد ابقوا اشووا اللحمه,, و عاوز أوصيكم كمان علي ال.......,,, ولا بلاش كفاية كده وصايا,, لما أجيلكم ان شاء الله

بالتوفيق ان شاء الله يا عمرو و اسلام و الشامي و عبدالله و طارق,, مع تحياتي..

[الباشمهندس ياسر]

السلام عليكم

يا جماعه انا الشركة ممكن تبعتنى السعودية لمشروع كده شهر يعنى ولا حاجة

المهم لو انا عايز اعمل عمره فهل ليها اى تصاريح خاصة او اى حاجة من الكلام ده

[abdellahegy]

السلام عليكم ورحمه الله وبركانه

احب اقوووووول لك مبروك يا باشا ايه الحلوه ده احنا فعلا محتاجين حاجه زى كده بصراحه موضوع هايل وان شاء الله ربنا يقدرنا ونقدر نخدم معاك ياباشا ونخلى الصوره افضل مما تكون شكرا ياباشا وربنا يوفقك الى ما يحب ويرضى

[tahereyad]

علي حسب معلوماتي البسيطه,,, أنك مدام معاك تأشيره لدخول السعوديه تقدر تعمل العمره اللي انت عايزها,,, بس بعيد عن اوقات الحج,,, لأن الحج ليه تأشيره لوحده و تصريح خاص حتي للمقيمين في السعوديه..

العكس هو اللي فيه مشكله,, أنك تكون معاك تاشيرة عمرة و تقعد تتمشي بيها فالمدن البعيده عن مكه و المدينه..