رجاء الى المغتربين جميعا

[magedo]

سلام عليكم

اولا تحياتى الى جميع الاخوه المغتربين و لهم جزيل الشكر فى مساعدتهم لاخوانهم المقبلين على السفر الى الخارج للعمل

لكن فيه مشكله واحده نفسى ياخدو بالهم منها

انهم دايما لما ييجو يدوا نصيحه بيبقى مخنوقين من مشكله معينه مثلا حد معاه مشكله مع الكفيل او مرتبه مش مكفيه

او وحشه اهله او اى حاجه

تلاقيه مخنوق وبيقولك بلاش تسافر ده السفر مقرف وهاتتعامل زى مش عارف ايه و يخوفك من السفر

ويقولك اقعد فى مصر احسن ده مصر ام الدنيا و ده واضح انهم بقالهم فتره كبيره مش عايشين فى مصر و حاسين بالقرف اللى فيها

انا مش بقول كل المغتربين بس نسبه كبيره

انا عاوز اقول ان الواحد لما ييجى يدى نصيحه يحاول يكون مجرد نفسه من اى مشاكل بتحصله او مايديش نصيحه ساعتها خالص

انا مش بقول برده ان السفر راحه وهنا ونوم لا طبعا بس انا مش عاوز حد يحسسنى انى داخل حرب و برده محدش يقولى انى رايح انام وبس

نفسى فى الراى الحقيقى اللى مش حسب اهواء شخصيه او حد يبقى مخنوق من حاجه فى شغله او متخانق مع رئيسه

و يلاقى حد بيسال على نظام الحياه فى بلد يروح داخل ومشارك فى الموضوع ويصب كل غصبه على البلد الى قاعد فيها و يكره الناس فيها

و برده انا بشكر كل واحد بيقول رايه و تجربته و انى برده لقيت المساعده من اخوانى هنا فى المنتدى وكانت نصيحه فعلا بعيده عن المبالغه

نصيحه فعلا حقيقيه مفهاش اهواء

ارجو محدش يزعل منى

[Amr Radwan]

كلامك صح 100 %

[alaashabana]

كلامك جميل والله وبصراحة فتح نفسى على الكتابة

بس للاسف مش هقدر اطول علشان بكتب من الشغل .. انا شاب زيك شغال فىالامارات .. ومنكرش ان دة كان حلمى والحمد لله سافرت وقبل ما اجى هنا قولت انا هشتغل اى حاجة المهم مرجعش مصر .. مش عارف القرار دة كان صح ولا غلط وبصراحة مش عارف لو كانت رجعت الايام هل كنت هفكر بنفس الطريقة ولا لأ....

بس مش اخبى عليك اللى بيشتغل فى مجال غير مجالة هو غير اللى درسة او حتى غير اللى كان متعود علية فى مصر ويقول هصبر لغاية ما الاقى فرصة احسن صدقنى والله بتبقى اصعب ايام تعشيها فى حياتك لما تلاقى نفسك يتتهان منجواك علشان شغال فى مجال غير مجالك فى حين انك ممكن تلاقى ناس اقل منك فى المستوى وشغالين احسن منك...

بس انا هقولك بردة فى الاول والاخر احسن من مصر كتير . على الاقل حاسس هنا بأدميتك رغم انها مش احساس كامل لكن على الاقل بتخرج وبتشوف اماكن نظيفة والى حد ما شغال فىشركة محترمة مع ناس مؤهلات كلهم ..

الموضوع كبير مش سهل .. بس بصراحة انا لو اليام ترجع تانى بعد اللى انا وفتة هنا والله انصح اى حد انه قبل ما يجى يشوف اية هى متطلبات البلد دى واللى محتاج يدرسة كويس علشان لما يجى يكون مؤهل انه يشتغل فى مجالة ساعته هيقدر يطلب المرتب اللى محتاجة واللى يقضية من غير ما اول سنة تضيع هباءآ...

يعنى انا هتكلم عن مجالى اللىهو مجا لالمحاسبة .. والبلد اللى انا فيها الشارقة " الامارات العربية "

انا اتخرجت من الكلية زى اى انسان واخدت دورات انجليزى وكومبيوتر واشتغلت فى شرم الشيخ فى مطاعم وفنادق وبازارات وكنت من اللى بقول ايام الكلية انى عمرى ما هشتغل بشهادتى ... بس بجد دلوقتى حسيت قد اية انى كنت لسة صغير وانى لو مش شتغل بشهادتى يبقى هبقى من الدرجة الثانية " ربنا يقويهم " عمال تحت الشمس وفى التراب ... ها دول الدرجة التانية اللى للاسف الظروف مش ساعدتهم انهم يكملوا تعليمهم او مؤهلاتهم لا تصلح فى البلاد العربية ..

لكن بعد ما تاخرجت واشتغلت بغير شهادتى فى البداية حسيت قد اية انى بظلم نفسى لما اشتغل فى مطعم سرفيس وانا اللى معايا مؤها عالى وانجليزى وكومبيوتر وتلاقى واحد " مش معاه اى شهادة يبقى هو مديرك ويتحكم فيك.. برجع اقول ما انا اللى قبلت كدةز

علشان كدة لما جيت هنا البلد دى قولت لازم اشتغل بشهادتى وكان حلمى انى اهرب من مصر ومن قرفها .. وفعلا جيت هنا دورت على شغل كتير وحسيت بيأس كتير بس كنت حاسس ان تنصيبى لسة مجاش.. لدرجة انى فى الاخر كنت بدور فى المطاعم خوفا منانى ارجع مصر تانى ..

الحمد لله اشتغلت فى شبه مجالى يعنى حاجة كدة زى مدخل بيانات.. الحمد لله طبعا على مل شئ . بس صدقينى الايام بتمر علية سنيييييييين علشان للاسف شغلانة مفيهاش اى خبرة وفلوسها تكاد تكفى بالعافية .. فعلا انا بصبر وصابر لغاية ما الاقى حاجة احسن.. لكن ساعات اللى بيزعل انك تلاقى انك مؤهل كتير وعندك امكانيان يمكن مش موجودة مع اللى موجودين فى الحسابات وللاسف هما اللى بيدزلك الاوامر وانت تنفذها.. دى بقى النقطة اللى بتكلم فيها .. يعنى لو كنت صبرت شوية قبل ما اسافر واشوف البلد دى شغالة محاسبة ازاى واية البرامج كنت اخدتها فى مصر وبعدين جيت لكن قدر الله وما شاء فعل..

انا فعلا بنصح كل واحد انة يحاول بقدر الامكان انه يسافر فى بلد ويسيب مصر.. اكيد صعبة فى الاول لكن على الاقل هيكون حط رجلة فى اول الطريق الصح.. يمكن يكون نصيبك احسن منى ويمكن تقدر تصبر اكتر منى ويمكن ربنا يوفقك فى شغل فى مجالك وبمرتب كويس.. دى كلها ارزاق ومحدش عارف رزقة فين ..

الناس اللى بعتقد او بيقولو على ظروف البلد والله انا ببقى حاسس بيهم .. يعنى هما وانا شايفين القرف والبهدلة هنا وكل اللى بيقول كلمة الناس بتفتكر انها تحطم لكن للاسف دى الحقيقة .. علشان لما كنت فى مصر كنت بقول كدة لكن لما جيت وشوفت الواقع عرفت ان عندهم حق.. يمكن هما بيقولو كدة علشان بس تكون حاطط فى بالك الجو اللى احنا عايشين فية ... وبقرر تانى مهما كان الجو اللى احنا هنا عايشين فية لكن دة احسن من مصر مليييييييييييييون مرة ..

يا جماعه .. انا بجد ومن قلبى بنصح كل واحد يقدر يسلفر يتوكل على الله .. هو اللى بأيدة الارزاق.. بس بنصح بردة ان بلاش السرعة فى السفر وانه يشوف اللى اللى ناقصة ويكملة فى مصر لانه ارخص من انه يكملة هنا فى دبى .. علشان لما يجى ميتنازلش انه يشتغل فى مجال غير مجالة...

لو كل واحد فينا حط رجلة على اول الطريق صح .. هيوصل ويبقى كويس مع الايام... لكن للاسف لو حطيت اول خطوة غلط هتعقد فترة لغاية ما تعرف تصحح وضعك تانى... وهى دى اسوأ فترة فى حياة الانسان..

توكلو ا على الله .. واستخيروا ربكم وان شاء الله يرزقنا رزقا حلال مبارك فية ....

[magedo]

فعلا يا اخ علاء كلامك مظبوط وبقولك الله يعينك و يرزقك ان شاء الله بشغل احسن ويكون فى مجالك

بس الواحد ميعرفش النصيب فين

انا كنت شغال فى هيئة النقل العام والمفروض انى شغال مهندس ميكانيكا بس للاسف ملهاش دعوه بالهندسه ده انا مجرد غفير على العمال بمعنى انى الريس بتاعهم اقول لكل واحد يعمل ايه وبس لكن تقولى خبره وكده مفيش و طبعا العمال فيهم الناس الخبره الى مش عجبهم واحد زيى لسه ابن امبارح ييجى يديهم اوامر و هو اللى يمضلهم على اجازات و كده يعنى

و الاسم انى مهندس بس مفيش خبره ولا فلوس يعنى وضع فى منتهى السوء و بتشتغل مع نوعيه من البشر لا اعتقد ان فيه اسوأ منهم

انا مش بقول كلهم بس والله فيه نسبه مش قليله وده مش كلامى ده كلام كل اللى شغالين هناك من مهندسين او حتى فيه عمال نفسها بتقول كده

عشان كده اعتقد ان اللى فى الامارات مش هايفرقو عنهم او اعتقد انهم ممكن يكونوا احسن كمان سواء هنود بقى او بنغاليين كده يعنى

و كنت كمان بقبض حوالى 320 جنيه ده بعد الزياده كمان بتاعة الريس يا ريس

و حوافز قول 82 جنيه دول كانو يوم 17 فى الشهر الحوافز ده

يعنى بقولك خبره مفيش ولا فلوس وكمان الواحد كان بيصحى من 5.30 عشان اكون هناك الساعه 7 وارجع بيتنا الساعه 4.30

يعنى قرف برده مش سهله

و فجأه واحد صحبى كان قالى على شركه كويسه هو مكتب استشارى عالمى يعتبر رحت باعت كده من غير نفس والله

سبحان الله خدتنى ومكنش فيه نصيب لصاحبى

عشان كده بقولك متعرفش الخير فين و فى اى وقت ممكن ييجى

و على فكره حصل معايا نفس الموقف مرتين وكنت بقول لاصحابى على شغل انا لقيته ونقدم وهما يقبلو وانا لا

و كان الواحد بيقول الحمد لله وربنا كرمه بعد برده صلاة الاستخاره

انا عاوز كل واحد لما يحكى بس يحكى زيك كده

مش يقول فكره عامه بس وخلاص

و لا انت عارف هو بيشتغل ايه و لا نظام مصاريفه

ماهو ممكن واحد بيقبض 20 الف درهم ومش مكفيينه

انا اعرف واحد صحبىبيقبض 5 الاف درهم و راضى و الحمد لله ومستريح برده

يعنى العمليه ده نسبيه

انا كان ليا واحد صحبى مهندس هنا فى مصر و بيقبض 3500 جنيه بس كان شغال فى موقع فى العريش وكان بيشتغل حوالى 12 ساعه فى عز الشمس فعلا كان مطحنه بس هايعمل ايه

سابه طبعا كان جاله اكتئاب لقى نفسه شغال فى ساقيه مش بيعمل حاجه غير ينام ويشتغل بس

انا عاوز اقول برده ان مفيش حد هايبقى عاجبه حاله احنا متفقين على كده

لا الى فى مصر عاجبه او بره مصر عجبه

ده حاجه مرتبطة بعملية الرضا باللى ربنا كاتبه مع برده الطموح

بس الواحد اهم حاجه يكون راضى باللى هو فيه عشان ربنا يكرمه بالاحسن منه

و برده بقولك استحمل الله يعينك وربنا يوفقك ان شاء الله و متعرفيش ممكن اللى انت فيه ده يكون احسن من اللى انت فاكره كويس

بس اسعى اهم حاجه و توكل على الله و ان شاء الله ربنا يرزقك باللى فيه الخير

[سكر]

يا شباب مصر الله يهديكم كلم ويبارك فيكم خدوها منى

خاليك دايما فى وضع المطلوب مش فى وضع العارض لازم نتعلم كدة فى الصغر ولازم نعلم اولادنا كدة

حتى لو كنت فى الصومال هتعيش مرتاح راضى جدا عن نفسك

الشهادة حلوة وكويسة بس المهم مطلوبة ولا لا

وهل شهادة الجامعة كافية للعمل خارج البلاد وفتح باب المنافسة على العالم

مع الاخذ فى الاعتبار الظروف المحيطة