ماذا لو نمت وصحيت لقيت .....

[houssin abo habaga]

ماذا لو نمت وصحيت لقيت .....

ماذا لو نمت وصحيت لقيت ضمير الناس فى بلدنا صحى

الريس قدم أستقالته وطلب م الناس انها تسامحه وعليهم أنتخاب رئيس

والوزارة أعلنت عدم كفائتها فى قيادة البلد ورفع المعناة عن الناس

والموظف المرتشى تاب وخلص أوراقك بسرعه

وأمين الشرطه حررلك مخالفه ولما جيت تأبجه زعق وقالك أنت بترشينى

أنت ما عندكش ضمير لولا حرام كنت عملتلك محضر رشوة

وواحد سبيته فى الشارع لما أتخبط فيك رد وقالك الله يسامحك

وبلطجى رأيته بيتوضأ وبيستعد للصلاة

وحشاش بيوزع صدقات على باب الحارة

وبنت ليل تابت وأعتكفت وحرمت على نفسها الخروج

وناظر مدرسه منع نهائى الدروس الخصوصية وأعلن معاقبة أى مدرس

لا يشرح بضمير

وعميد أحدى الكليات رفض وأبى أن أن يستخدم سلطته وأعطاء درجه معيد لآبنه

وحرمان طالب آخر أحق

ونمت وصحيت ما لقيتش ناس بتسب الدين والمله وبقول لبعضها صباح الخير

ولقيت الشوارع مكنوسه ومفيهاش مطبات ومحدش بيرمى الزباله فى الشارع

نمت وصحيت ما لقيتش فيه تعصب ولا شد وجذب بين الناس

يا ترى حا يكون شعورك آييه

أرجوا أن تصف أو تصفى شعورك بأمانه

تقبلوا تحياتى وأحترامى

تم تعديل 4 أغسطس 2008 بواسطة houssin abo habaga

[deemuck]

هقوم وأقول "خير اللهم اجعله خير" ، واغسل وجهي لأفيق من هذا الحلم

[Muhammad Zidan]

مساء الخير

موضوع جميل

أقولك ها أعمل إيه

طبعاً مش ها أصدق وها أقول أكيد أكيد أنا بأحلم

وطبعاً ها أكمل نومي لأن دي أكيد أضغاث أحلام

وقبل ما أكمل نومي ها أقول (( سلام قولٍ من رب رحيم ))

[ابو محمود]

راح أذعق وأقول تعاليللى يابطة وانا مالى هية بجد هدعى ربنا يكملنا بعقلنا جميعآ ونفضل زى ما قمت وشفتنا

ملحوظة انا قصدى الابتسام فقط ولا يوجد بنيتى اى شيء أخر

مش عارف لية الناس كلها مفكرة ان الناس هى السبب فى ما نحن فية لوكل واحد سمع كلام ربنا زى الكتاب ما بيقول هنبقى زى ما شرحت وتمنيناة فى الحلم او الخيال بس بعدكدة ياترى عم ابليس هيكون شغال فى آية او بمعنى ادق يقدم استقالة او يهاجر لدولة تانية ياترى كلنا ولا حد بس مننا هو ما تتكلم عنة مجرد تسائل ؟؟

[حلواني]

الحقيقه حلم جميل

لكن لو حصل هاقوم اشوف واسال هو احنا في اي دوله ومين اللي جابني هنا انا عايز ارجع مصر حالا

ولا يمكن انا مت ودخلت الجنه ولا حاجه

عموما حلمك حلمنا كلنا ان ربنا يصلح حال مصر ويارب حلمك يبقي حقيقه (( مفيش حاجه بعيد علي ربنا ))

[مغتربة]

بجد هفتكر انى مت و دخلت الجنه

الحاجات الى بتتكلم عليها دى لا تتحقق الا فى الجنه

[النجم الثاقب]

أكيد هروح القهوة عند الدكتور حسام أستغربلى شوية :blush2: ... وبعدين أدعى إن ربنا يديمها علينا نعمة و يحفظها من الزوال

شكرا على الموضوع الخفيف :blush2:

[الباشمهندس ياسر]

هقول الة الزمن رجعت بينا لقبل 1952

و تحياتى

[houssin abo habaga]

الى كل من شارك ووصف شعوره مع التحية /

ما دفعنى الى كتابه هذه المقاله فى رأى

بلدنا جميله فقط يوجد فيها أزمة ضمير

ممتده من أكبر رأس الى أصغر رأس

فتخيلت لو ضميرالناس صحى حتى لو نسبة 70%

فستجدوا بلدنا أصبحت حاجه تانية

لآن مصر عمرانه لكن للأسف اللى ناكسها فقط أزمة ضمير

نتواصل وفى أنتظار باقى الأراء

تقبلوا تحياتى وأحترامى

:angry: bngn:: bsh:)

تم تعديل 5 أغسطس 2008 بواسطة houssin abo habaga

[الحاج فوزى]

لو نمت وصحيت لقيت كده ..

هبقى لسه نايم :)

بس مع الفارق ..

هبقى مش عايز اقوم ..

ولما اقوم هحلم وانا صاحى .. بالحلم اللى كان وانا نايم ..

ولما هرجع انام .. هفكر فى نفس الحلم ..

الحلم اللى بتمنى يشوفوه اولادى حقيقة ..

لأنى اكيد مش هلحق اشوف الحلم ده حقيقة ..

جايز لانى مش متفائل .. أو فاقد الأمل .. أو مدرك أن حتى التحقيق لو بدء هياخد وقت أطول من طول عمرى ..

أو جايز لأنى بنام متأخر .. فا مش هلحق الحلم من أوله :)

موضوع رقيق وجميل وحالم .. لذا يجب الشكر ..

[آل مصريم]

لو حدث ذلك، أكون متأكد إنى مازلت نائم نوم عميق

و أحلم

أحاول الإستيقاظ .. لإبحث عن غطاء كبير و ثقيل