Egy Guy بتاريخ: 4 أغسطس 2008 تقديم بلاغ مشاركة بتاريخ: 4 أغسطس 2008 :blush2: :blush2: يا تري فكرت قبل كده ايه هو ثمن الغربة بالنسبة لـــــــــك؟؟؟؟؟ اكيد كتير من الناس هيرد بالجانب المادي بس انا عايز اعمل شبه استفتاء خصوصاً بعد محضراتكم تشوفوا الكلام اللي تحت وكل واحد يحدد نفسه هو يتبع انهي حالة ؟؟؟ مستني رددوكم للمشاركة وعلي فكرة دي اول مشاركة لي في المنتدي بس بصراحة انا متابع قديم وعجبني اوووووووووووووووى تنظيمه والاراء اللي بداخله ؟؟؟ كنت بحاول اوصل لمعنى كلمة مصرى، علشان لما اقول انا مصرى ابقى فاهم على الاقل يعنى آيه. لكن لما طلعت برة مصر وشوفت المصريين برة يعنى آيه خصوصا فى دول الخليج، لقيت الموضوع اكبر بكتير من تعريف كلمة مصر. الفكرة اصبحت ببساطة محصورة فى كلمة واحده (بكام ؟). وطالما كل حاجة بقت بثمن سواء معلن او غير معلن، حبيت اعرف آيه هو ثمن الغربة عند المصريين اللى موجودين بره مصر. لقيت ان الفلوس تأتى فى المقام الاول عند كل اللى سألتهم، ومعظمهم مش فارق معاه الطريقة اللى تيجى بيها الفلوس. المقام التانى هو انك تبقى عايش مرتاح، وتعريف مرتاح ده مختلف تماما من واحد للتانى. • مرتاح يعنى ماحدش يوقفنى فى الشارع يقولى بطاقتك ويسحلنى علشان شكلى مش عاجبه. • مرتاح يعنى مرتبى يكفينى اكل وشرب وعربيه صغيره وتعليم كويس للأولاد. • مرتاح يعنى ألاقى الشغل اللى يناسب قدراتى وطموحى فى الحياة وأقدر اثبت فيه نفسى بنفسى مش بالواسطة. • مرتاح يعنى اقدر اغير صورة الناس عنى فى بلدى وانهم يشفونى ناجح فى عينهم. • مرتاح انى ابقى آمن على مراتى واولادى فى اى مكان وفى اى وقت. • مرتاح انى لما اشترى حاجه ببقى ضامن ان مش هيضحك عليا فيها ولا فى التوكيل بتاعها. • مرتاح انى بتعامل كبنى أدم لأول مرة فى حياتى. المقام الثالث هو المستقبل المهنى، انهم ياخدو الشغل هنا مجرد خطوة يرجعو مصر بعدها لأماكن أحسن بمرتبات احسن. الغريبة ان نسبئة قليله جدا من اللى سألتهم ثمن غربتك آيه، عايز يرجع مصر قريب او يرجع من الاساس. والأغرب ان ولا واحد فيهم مرتاح نفسيا زى ما كان فى مصر، حتى لو كان زبال فى مصر وهنا بقى وزير. كل واحد ماسك فى الشغل بتاعه كأنه ملاذه الوحيد فى الدنيا، وانه لو سابه هيترمى فى الشارع – اللى هو يرجع مصر – وعنده استعداد يعمل اى حاجه يضمن بيها بقاؤه فى الشغل ده مهما كان . المصريين جوه الشغل الواحد بيقطعو بعض، بأسوأ معاملة وبأحقاد لا متناهيه. انما المصريين بره الشغل تلاقيهم اكتر ناس تاخف على مصلحتك من غير ما تعرفك وتلاقيه مهتم جدا يعملك اى خدمة فى استطاعته. لو دخلت اى محل تشترى اى حاجه تدور على المصرى اللى شغال فيه فين علشان يظبطلك كل حاجه، سعراً ومقارنة بأماكن تانية، وأوقات شراء. تقريبا انا سألت حوالى 20 شخص مختلفين المهن ومن اماكن مختلفة فى مصر. ما لقتيش حد فيهم مقتنع انه بياخد ثمن غربته بره مصر، ومع ذلك بلاقيهم شايفين ان اى مكان احسن من مصر واللى فيها ، حتى لو سابها مهندس وطلع بره سواق تاكسى. لقيت ان الأهم من انك تنجح فى اى بلد تانية غير مصر، هو انك تدور وتعرف وتسعى انك تاخد الثمن اللى يخليك تسيب مصر بكل حاجه فيها كويسه ولو قليله ، وحاجات وحشة ولو كتيره. لإن ده اغلى حاجه بتدفعها فى حياتك، ثمن الغربة. أيها اليائس البائس دع عنكـ التشكي والسامه وابتســــــــــم واصبر علي الدنيا ففي الصبر السلامة كم قلوب بددت عنها الأسي بـ الابتسام رابط هذا التعليق شارك المزيد من خيارات المشاركة
justtrying بتاريخ: 5 أغسطس 2008 تقديم بلاغ مشاركة بتاريخ: 5 أغسطس 2008 اعتقد والله اعلم من وجهه نظري موضوع ثمن الغربة في نظري بسيط جدا ولكن غالي عليه جدا ثمن غربتي بعدي عن ابويا وامي واخويا واهلي واصحابي بس مش اكتر .. اي حاجه تانية بالنسبالي في مصر مش مهمة ويوم ما ارجع مصر هرجع عشان اشوف اهلي وابويا وامي واخويا وبس لأنهم كل حاجه عندي في الدنيا اكتر من كدة مفيش حاجه هتوحشني في مصر رابط هذا التعليق شارك المزيد من خيارات المشاركة
ســيد مرزوق بتاريخ: 5 أغسطس 2008 تقديم بلاغ مشاركة بتاريخ: 5 أغسطس 2008 للأسف الشديد ثمن غربتي كان قاسيا جدا جدا ولكني مؤمن بأن كل شيء بأمر الله ولا يوجد أحد يستطيع تغيير قدره مهما كان . ممنوع الرجوع للوراء رابط هذا التعليق شارك المزيد من خيارات المشاركة
bibito بتاريخ: 18 أغسطس 2008 تقديم بلاغ مشاركة بتاريخ: 18 أغسطس 2008 ثمن الغربة كبير جدا البعد عن الاهل والاحباب ولكن في المقابل حياة كريمة معاملة بني ادمين اكل نظيف مش مسرطن ادوية وعلاج ميجيبوش امراض خطيرة بيئة نظيفة مفيش عادم السيارات مفيش مشاكل المرور مفيش روتين مفيش واحد ملهوش قيمة حتي الوظائف التي يستعر منها المصري هناك يفتخروا بها (مثال لو كنت زبال في مصر وحد سألك انت بتشتغل اية هيقول موظف في الحي ولكن هناك بتشتغل اية بشتغل في شركة كذا لجمع النفايات (القمامة) لهم زي موحد جاونتي علشان مايمسكش الزبالة بيدية )ناس خايفة علي شعبها ولكن في مصر الشعار معروف اللي يموت يجي غيرة واللي يموت يموت يا باشا كما في فيلم عادل امام الكباب والارهاب عرفتوا الفرق اتمني لجميع فرصة هجرة بلا عودة و خدوني معاكم متسيبونيش لاحسن أ ..... ع .....ي.......ط رابط هذا التعليق شارك المزيد من خيارات المشاركة
MahmoudAbdelmoniem بتاريخ: 18 أغسطس 2008 تقديم بلاغ مشاركة بتاريخ: 18 أغسطس 2008 انا بتفق مع justtrying فى الكلام اللى قاله لان انا زيه بالظبط رابط هذا التعليق شارك المزيد من خيارات المشاركة
zamalkawy بتاريخ: 18 أغسطس 2008 تقديم بلاغ مشاركة بتاريخ: 18 أغسطس 2008 بص يا باشا انا شايف ان مصر هي احسن بلد في العالم في حالة توفر شرطين انك تكون مرتاح ماديا ان يكون ليك ضهر لو توفر الشرطين دول تبقى مصر هي اجمل بلد في العالم بالنسبة لاي مصري لان انا كتير بفكر في الهجرة يمكن من ايام ما كان عندي 17 سنة و لما وصلت الفرصة ان يكون عندي اسكولر شيب في استراليا او نيوزيلاندا لاني كنت رياضي في الوقت ده و بلعب باسكت ساعة الجد خلعت بعدها ندمت شوية و رجعلي الحنين للهجرة فورطت نفسي في موقع الحمد لله من اكبر مواقع مصر و الوطن العربي دلوقتي بالارقام و الحسابات و فضلت بقى كل ما الفكرى تنقئح عليه طيب و تعب السنين و الشغل و هوب ورطت نفسي في كم موقع تاني اقل شعبية بس في واحد فيهم له خطة ان شاء الله لو الواحد مزهقش هيبقى خلال سنة او سنتين الموقع الاول بالنسبة للمغتربين و واحد من اكبر مواقع مصر على الاطلاق بس ربنا يدينا و يديك طولة العمر و ان الواحد ميزهش و ميكسلش بس برضوة في وسط كدة ترجع تاني الفكرة المجنونة طيب ليه مهجرش لو رجعت لمشاركة ليه هنا اعتقد سنة 2002 او 2003 مش فاكر كنت كاتب فيه اني عايز اهجر للهجرة او يمكن للزهق من مصر شوية بس يعني عوامل كدة خايبة لان الهجرة لما بتفكر فيها بشكل كبير هتلاقي مشاكل تربية العيال دي لوحدها كارثة و ده اسواء ضريبة للغربة او ثمن الغربة وي ما بتقول و من التجارب اللي شفتها في ناس كان تربية اولادهم كويسة و فلتوا من الثمن ده بس المشكلة في ان الولاد خلاص بقى يوم كئيب عندهم لما ينزلوا مصر و مش عارف هل الجيل الثالث هيبقى زي الجيل الثاني و لو بقى كويس الجيل الرابع و الخامس و اللي بعد كدة كله في رقبتك رابط هذا التعليق شارك المزيد من خيارات المشاركة
Egy Guy بتاريخ: 18 أغسطس 2008 كاتب الموضوع تقديم بلاغ مشاركة بتاريخ: 18 أغسطس 2008 بص يا باشا انا شايف ان مصر هي احسن بلد في العالم في حالة توفر شرطينانك تكون مرتاح ماديا ان يكون ليك ضهر لو توفر الشرطين دول تبقى مصر هي اجمل بلد في العالم بالنسبة لاي مصري لان انا كتير بفكر في الهجرة يمكن من ايام ما كان عندي 17 سنة و لما وصلت الفرصة ان يكون عندي اسكولر شيب في استراليا او نيوزيلاندا لاني كنت رياضي في الوقت ده و بلعب باسكت ساعة الجد خلعت بعدها ندمت شوية و رجعلي الحنين للهجرة فورطت نفسي في موقع الحمد لله من اكبر مواقع مصر و الوطن العربي دلوقتي بالارقام و الحسابات و فضلت بقى كل ما الفكرى تنقئح عليه طيب و تعب السنين و الشغل و هوب ورطت نفسي في كم موقع تاني اقل شعبية بس في واحد فيهم له خطة ان شاء الله لو الواحد مزهقش هيبقى خلال سنة او سنتين الموقع الاول بالنسبة للمغتربين و واحد من اكبر مواقع مصر على الاطلاق بس ربنا يدينا و يديك طولة العمر و ان الواحد ميزهش و ميكسلش بس برضوة في وسط كدة ترجع تاني الفكرة المجنونة طيب ليه مهجرش لو رجعت لمشاركة ليه هنا اعتقد سنة 2002 او 2003 مش فاكر كنت كاتب فيه اني عايز اهجر للهجرة او يمكن للزهق من مصر شوية بس يعني عوامل كدة خايبة لان الهجرة لما بتفكر فيها بشكل كبير هتلاقي مشاكل تربية العيال دي لوحدها كارثة و ده اسواء ضريبة للغربة او ثمن الغربة وي ما بتقول و من التجارب اللي شفتها في ناس كان تربية اولادهم كويسة و فلتوا من الثمن ده بس المشكلة في ان الولاد خلاص بقى يوم كئيب عندهم لما ينزلوا مصر و مش عارف هل الجيل الثالث هيبقى زي الجيل الثاني و لو بقى كويس الجيل الرابع و الخامس و اللي بعد كدة كله في رقبتك زملكاوووووووووووووووووووووي شكراً لك علي مرورك علي الموضوع اللي حسيت انه اتقفل قبل ما يتفتح كلامك فيه شئ من الرؤية لمزايا وعيوب الغربة أو الهجرة بأي مسمي .... بس ياريت الشاب اللي في مصر بينظر للامور من كافة الجوانب ولا يكتفي بجانب واحد لأن عادة أغلب الشباب حينما يتخذوا قرار بالسفر يكونوا تحت ضغط عصبي ناتج عن آخر اقتصادي واوضاع مريرة وطموح بسيطة تتمثل في وظيفة مستقرة وزواج و كيفية الانفاق فيما بعد الزواج فتتسني الفرصة له فيعتقد خطئاً أنه حقق كل أحلامه وطموحه لكن للاسف كثيراً ما يفاجئ بواقع مرير .... انا اكتب لك وصادفتني اليوم حالة حنين إلي الوطن من بعد سفره بيومين فقط من مصر (وهو شاب في الثالث والعشرين من عمره ) ورجع علي اول طائرة وكل المصريين اللي هنا مستغربين وبينهما الساخر والمشفق واللائم كل الناس اللي مغتربة (ايام مكانوا في مصر ) كانت بلدهم عبارة عن جحيم أو نار تلاحق كل ما في البلد ولكن عندما يغادروا الوطن ينتابهم الحنين إلي الوطن ومنهم من يناقض نفسه ويعتقد ان ليس له بعودة مصر انا اعرف واحد من 2001 هنا من ساعة مرجليه حطت هنا منزلش مصر خاااااااااااااااااااااااااااااااااااااااااااااااااااااااااااااااااااااااااالص ولك ان تتخيل تسأله ايه السبب يقولك انزل اعمل ايه ؟؟؟ ويعطيك مبررات (كلنا عارفنها) واخيراً متعرفش الصح فين ؟؟؟؟ تفضل وتضيع سنين عمرك في بلد مش بلدك وتعيش حياة كلها تفكير واشتياق مقابل ؟؟؟؟؟؟؟؟؟؟؟؟ ولا ترجــــــع وتعيش فيها وبرضه تحس انك غريب فيها أيها اليائس البائس دع عنكـ التشكي والسامه وابتســــــــــم واصبر علي الدنيا ففي الصبر السلامة كم قلوب بددت عنها الأسي بـ الابتسام رابط هذا التعليق شارك المزيد من خيارات المشاركة
Egy Guy بتاريخ: 18 أغسطس 2008 كاتب الموضوع تقديم بلاغ مشاركة بتاريخ: 18 أغسطس 2008 اعتقد والله اعلم من وجهه نظري موضوع ثمن الغربة في نظري بسيط جدا ولكن غالي عليه جدا ثمن غربتي بعدي عن ابويا وامي واخويا واهلي واصحابي بس مش اكتر .. اي حاجه تانية بالنسبالي في مصر مش مهمة ويوم ما ارجع مصر هرجع عشان اشوف اهلي وابويا وامي واخويا وبس لأنهم كل حاجه عندي في الدنيا اكتر من كدة مفيش حاجه هتوحشني في مصر انتا عاااااااااااااايز تقنعني انك مش بتحن لحاجة في مصر غير اهلك واحب اسألك سؤال ؟؟؟؟؟؟؟؟ ملكش اي ذكريات حلوة في البلد دي ؟؟؟ ملكش احلام نفسك تحققها هناك ؟؟؟ مش نفسك ترجع وتلاقي الوظيفة التي تناسبك بمرتب محترم وبعدين هتلعن ابو الغربة وتندم علي سنين عمرك اللي معشتهاااااااااش في بلدك أيها اليائس البائس دع عنكـ التشكي والسامه وابتســــــــــم واصبر علي الدنيا ففي الصبر السلامة كم قلوب بددت عنها الأسي بـ الابتسام رابط هذا التعليق شارك المزيد من خيارات المشاركة
نانا بتاريخ: 19 أغسطس 2008 تقديم بلاغ مشاركة بتاريخ: 19 أغسطس 2008 ألسلام عليكم ورحمة الله وبركاته أحب أشارك في الموضوع برغم اني ما دوقتش الغربة بجد زيكم كنت ضغيرة أيام ما اتغربت أنا وألى وما اتحملناش 6 شهور بس ما اتحملناش الغربة ولا الناس والحياة برغم انها في بلد اسلامية ( السعودية) لكن برغم كدة فاكرة كل حاجة فاكرة أد إيه أهلي وحشوني مع ان اسرتي كلها كانت معايا لكن قرايبي ومعارفي ده بالنسبة وأنا صغيرة لكن دلوقتي الغربة دي بتعنيلي معنى أكبر من انك تتعذب في بعد القرايب والمعارف غير ده كله انك بتبعد عن ريحة هوا وتراب بلدك آي نعم زي ما بيقولوا إن البلد بأهلها وأنا بعترض على كتير من المصريين وأسلوب وسياسة البلد إلا إني بتكلم عن مصر كأرض بتكلم عنها بخيرها بجوها وبريحتها بشوارعها بنيلها وبناسها الأصليين شبابها الجدعان اللي عندهم أصالة ونخوة بعيدا عن شباب الأيام دي لكن أنا في ظني الشخصي إن الأصالة بتبان وقت اللزوم بحب مصر وأنا فيها بحب أتأمل في كل مكان بروحه فيها برغم العذاب والألم اللي بشوفه تمردا على سياستها واللي بشوفه في عيون كتيير من أهلها لكن بحبها مش ناسية أبدا اني كتير انفردت مع نفسي وقلبي نطق وقال بحبك يا مصر ده وانا فيها أكيد لو اتغربت هتألم جامد وهتوحشني بجد إذا كان أنا لما بسافر في عمرة برغم اني بتمنى ما ارجعش وافضل في المكان الطاهر في الحرم اكثر من العبادات لكن مصر بتوحشني هي وناسها أكيد ثمن الغربة ده ما يتقدرش أبدا يا مالك الملك أنت المستجار به من ذا له لائذ بالباب ناداك مسبح لك مملوء بحبك مشغوف بقربك مشغول بنجواك سبحان ذاتك يا من لا شبيه له وما رأيناك لكن عرفناك يا سامعا دعوة المظلوم صاعدة وظالم النفس يخشاها ويخشاك رحماك فألطف بنا فيما قضيت به واهدنا دوما لنعماك ولا يخيب رجاءا لي وخذ بيدي مالي سواك ومالي عنك إلاك وأعطني الصبر وامنحني رضاك ولا تخذني في يوم لقياك يا عالم السر ولا يدري به أحد ومعطي الحمد من بالحمد لباك الله الله في روح تحن وفي قلب يئن بنار الشوق ناجاك رابط هذا التعليق شارك المزيد من خيارات المشاركة
alaashabana بتاريخ: 19 أغسطس 2008 تقديم بلاغ مشاركة بتاريخ: 19 أغسطس 2008 نانا مشاركة بتاريخ اليوم, 03:52 AM ألسلام عليكم ورحمة الله وبركاته أحب أشارك في الموضوع برغم اني ما دوقتش الغربة بجد زيكم كنت ضغيرة أيام ما اتغربت أنا وألى وما اتحملناش 6 شهور بس ما اتحملناش الغربة ولا الناس والحياة برغم انها في بلد اسلامية ( السعودية) لكن برغم كدة فاكرة كل حاجة فاكرة أد إيه أهلي وحشوني مع ان اسرتي كلها كانت معايا لكن قرايبي ومعارفي ده بالنسبة وأنا صغيرة لكن دلوقتي الغربة دي بتعنيلي معنى أكبر من انك تتعذب في بعد القرايب والمعارف غير ده كله انك بتبعد عن ريحة هوا وتراب بلدك آي نعم زي ما بيقولوا إن البلد بأهلها وأنا بعترض على كتير من المصريين وأسلوب وسياسة البلد إلا إني بتكلم عن مصر كأرض بتكلم عنها بخيرها بجوها وبريحتها بشوارعها بنيلها وبناسها الأصليين شبابها الجدعان اللي عندهم أصالة ونخوة بعيدا عن شباب الأيام دي لكن أنا في ظني الشخصي إن الأصالة بتبان وقت اللزوم بحب مصر وأنا فيها بحب أتأمل في كل مكان بروحه فيها برغم العذاب والألم اللي بشوفه تمردا على سياستها واللي بشوفه في عيون كتيير من أهلها لكن بحبها مش ناسية أبدا اني كتير انفردت مع نفسي وقلبي نطق وقال بحبك يا مصر ده وانا فيها أكيد لو اتغربت هتألم جامد وهتوحشني بجد إذا كان أنا لما بسافر في عمرة برغم اني بتمنى ما ارجعش وافضل في المكان الطاهر في الحرم اكثر من العبادات لكن مصر بتوحشني هي وناسها أكيد ثمن الغربة ده ما يتقدرش أبدا يا سلام على الكلام الجميل بس بلاش حكاية نيلها وارضها ... خلينا فىناسها واهلها يبقى احسن اصل النيل مبقاش زى زمان . بحبك يا مصر ونفسى انزل اسبوع واحد بس اقابل اهلى والبت اللى بحبها علشان اخطبها بقى WE WAIT FOR SOME ONE , WE WAIT FOR SOME THING, WE WAIT FOR CALL , WE WAIT FOR CHANGE , ALL WE HAVE JUST WAITING رابط هذا التعليق شارك المزيد من خيارات المشاركة
almasry بتاريخ: 19 أغسطس 2008 تقديم بلاغ مشاركة بتاريخ: 19 أغسطس 2008 بصراحة موضوع الغربة ده موضوع محيير جدا وهو يختلف من شخص الى آخر بالتأكيد ، وكل منا عنده مبرراته ومقتنع بها أو يحاول ان يقنع نفسه بها ، ولأننا أشخاص مختلفين فإن الأهداف ايضا مختلفة ، فلا يمكن أن تقنع شخصاً هدفه المال ويستطيع أن يحصل عليه في بلده بأن الغربة جميله ، أما الشخص الذي يكون هدفه الحياة الكريمة البعيده عن التلوث بأشكاله وتنشئة الأولاد في جو نقي محترم يحترم الانسان لا يمكن أن تقنعه بأن للغربة ثمن فغربته هي وطنه . الخلاصة أن موضوع الغربه موضوع نسبي . ثلاثُ يعزُ الصبرُ عند حلولها ُويذهلُ عنها عقلُ كل لبيب خروج اضطرار من بلاد تُحبُها وفرقة اخوان ... وفقد حبيبُ رابط هذا التعليق شارك المزيد من خيارات المشاركة
نانا بتاريخ: 20 أغسطس 2008 تقديم بلاغ مشاركة بتاريخ: 20 أغسطس 2008 يا سلام على الكلام الجميل بس بلاش حكاية نيلها وارضها ... خلينا فىناسها واهلها يبقى احسن اصل النيل مبقاش زى زمان . بحبك يا مصر ونفسى انزل اسبوع واحد بس اقابل اهلى والبت اللى بحبها علشان اخطبها بقى مقدرة كلام حضرتك يا أستاذ 'alaashabana' انه نيلها مش زي زمان لكن ده بيزدني حب ليها مش شرط اني يوحشني نيلها يكو انضف نيل يعني ما إحن اللي عملنا فيه كدة انا بيوحشني روح المكان ريحة ارضها اظن مش هتتغير وخيرها لسة موجود بس احنا مش بنشوفوا هواها بيوحشني بردو برغم انه مش نقي لأني عارفة انه احن السبب دايما لما بشوف حاجة زي كدة بيزدني الإحساس بالأمل انه هييجي يوم نشوف الخير من تاني ونحس بجمال بلدنا بجد المهم الأصل أنا بحب مصر كمكان وككيان ولما هتوحشني هتوحشني بكيانها ده لو هتوحشني عشان قرايبي ومعارفي معنى كدة انه لو قرايبي ومعارفي كمان هاجروا منها يبقى خلاص مصر مش هتوحشني لا طبعا أكيد هتوحشني لأني بحبها بعيدا عن الشوق للأهل والمعارف فيه شوق لمصر نفسها يا مالك الملك أنت المستجار به من ذا له لائذ بالباب ناداك مسبح لك مملوء بحبك مشغوف بقربك مشغول بنجواك سبحان ذاتك يا من لا شبيه له وما رأيناك لكن عرفناك يا سامعا دعوة المظلوم صاعدة وظالم النفس يخشاها ويخشاك رحماك فألطف بنا فيما قضيت به واهدنا دوما لنعماك ولا يخيب رجاءا لي وخذ بيدي مالي سواك ومالي عنك إلاك وأعطني الصبر وامنحني رضاك ولا تخذني في يوم لقياك يا عالم السر ولا يدري به أحد ومعطي الحمد من بالحمد لباك الله الله في روح تحن وفي قلب يئن بنار الشوق ناجاك رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان