سؤال..؟؟

[بنت شعنونة]

من فترة كان فيه موضوع طويييييييل هنا عن الأغتصاب..وكان موضوع جيد فعلا..

ومن فترة طويلة ..كام سنة كدا

كنت سمعت عن زميل لنا ارتبط بفتاة اغتصبت من قبل واراد ان يتزوجها

لكن اهله رفضوا

وحاول كذا مرة

لكن انتهى الأمر انه ما عرفش يقنع اهله..

سمعت برضه ومش متاكدا من دا

ان لاعبات الجمباز يعطى لهم شهادة بهذا الخصوص..

السؤال هوا..

هل تقبل الزواج من فتاة مغتصبه؟؟

وليه؟؟

طب هل تقبل الزواج بفتاة ليست عذراء بسبب لعبة ك الجمباز مثلا ومعها شهادة تثبت هدا؟؟

وليه برضه؟؟

[se_ Elsyed]

الله يهديكي يا شنشن دايماً تحطي أديكي فى عش الدبابير ....

الأجابة على أول سؤال ...

- النفس البشرية دى غريبة فى تكوينها فمثلاً تلاقي أن المجتمع بيكون متعاطف جداً مع الفتاة المغتصبة لأنها ضحية ... لكن تيجي لحد نقطة الجواز .... ووقف يا جدع لأن ببساطة الراجل هاتبفى جوه نفسه حاجة مش مريحاه وهاضربلك مثال ... فتاة المعادي اللى الحدثة بتاعتها عملت ضجة ... خطيبها أول واحد أتخلى عنها .. بالرغم من انه أكتر واحد عارف ملابسات الموضوع .. وبالرغم أيضاً أنها بعد الحدثة كانت مازلت بكر ... فقبول حاجة زى كده يا شنشن صعب جداً جداً ( اللهم عافنا جميعاً ) وعلشان كده ربنا أحل ازواج المتعدد للرجل وما أحلهوش للمرأه ... لأن الراجل بطبعه مبيقبلش الشراكه فى المرأه حتى لو كانت نتيجة حادثة مضت وليس للمرأه ذنب فيها - طبعاً ممكن تلاقى أستثناءات -

أما بأه موضوع الجمباز ..... فلأ طبعاً أنا إيش عرفني أن مافيش حاجة تانية غير الجمباز ؟

سبحان الله ... أحنا أساساً أيه اللى يدخلنا فى المواضيع الشائكة دى جمباز ومصارعة رومانية ... ما الفكيهات الحلوين ماليين الدنيا :)

[goold]

أزيكم

سى السيد

حضرتك دايما اجاباتك واقعية جدا وبتخيلك سى السيد بالضبط يعنى انت اعد هنا زى شرطى المرور المسرع توقفه والهادى تمشية عموما بحب اقرأ كلامك بس محتارة انت بره مصر ولا فى مصر

يعنى تفرق معايا ال هناك غير ال بره يعنى ال فى النار مش زى ال فى الجنه

بالمنسبه شانا حطت ايدها فى عش تعابين دبابير ايه بس ده موضوع رهيب يخوف ياساتر

[بنت شعنونة]

انا عارفا انه موضوع صعب...

وانا مع سي السيد ان الراجل ما بيحبش شراكة في المراة

لكن في حال لاعبة الجمباز دي مثلا

مش يبقى كدا الذنب ذنبين!!!!!

يعني المغتصبة وقلنا ها نعديها

انما شيء نتيجة رياضة معينة؟؟

ليه الرفض؟؟!!!

ها نقول اش عرفنا

طب ما فيه ورقة مختومة من كذا ذكتور بيدوهالهم حسب معلوماتي؟!!!

[moody00x]

لكن في حال لاعبة الجمباز دي مثلا  

مش يبقى كدا الذنب ذنبين!!!!!  

يعني المغتصبة وقلنا ها نعديها  

انما شيء نتيجة رياضة معينة؟؟  

ليه الرفض؟؟!!!

وليه الرياضة كلها من أصله إذا كانت هتكون نتيجتها بالسوء ده كله للبنت.....

أما موضوع ألأغتصاب فزى ما قال السيد كده بالظبط وألأكتر إن فيه رجالة بيرفضوا الست المطلقة برضه بسبب الشراكة دى وطبعآ فيه ناس تانى مش فارقة معاها

[Masrawy Abroad]

الحقيقة انا بحب الرياضة والرياضة للجميع وماقلناش حاجة..ولكن لا ارضى لزوجتي او اختي او ابنتي انها تيجي تقولي أنا بالعب جمباز أو بالية او باليه مائي أو سباحة.....او شيء من هذا القبيل من رياضات تعرية الجسد وتجسيمه للمرأة ونرجع نقول دي رياضة قال :shock: :shock: :shock: .قبل ما البنت تفكر في الرياضة أو أهلها يشجعوها لازم يفكروا "هل هذا الشيء يجوز شرعاً أم لا" وطبعا الدين بتاعنا لا يرضي بذلك ابداً ونرجع نقول أصلها رياضة.... :( :( :(

شرعية الشيء أو عدم شرعيته هي اساس أي أمر.

فالجمباز لم يتم فرضه على من يمارسه.... احنا اللي بنختار مصائرنا بأيدينا ونرجع نولول....

[se_ Elsyed]

أزيكم

سى السيد

حضرتك دايما اجاباتك واقعية جدا وبتخيلك سى السيد بالضبط يعنى انت اعد هنا زى شرطى المرور المسرع توقفه والهادى تمشية عموما بحب اقرأ كلامك بس محتارة انت بره مصر ولا فى مصر

يعنى تفرق معايا ال هناك غير ال بره يعنى ال فى النار مش زى ال فى الجنه

بالمنسبه شانا حطت ايدها فى عش تعابين دبابير ايه بس ده موضوع رهيب يخوف ياساتر

والله أنا عن نفسي يا ست دهب مابعرفش أقول فى الواقع وحيث أن البعد الأيدلوجي للمشعارف أيه ... يعني الواحد بيدخل على الكلام المفيد على طول .

وعلى فكره أنا شغال فى السعودية ... بس عفواً مكان الاقامة لا يؤثر على تفكير الواحد انا فى النهاية مصري وموجود هنا لفترة مؤقتة ومباديء الواحد أو تفكيره لا يتجزء .

شعنونة كتبت

ها نقول اش عرفنا

طب ما فيه ورقة مختومة من كذا دكتور بيدوهالهم حسب معلوماتي؟!!!

بصي يا شعنونة ... والله لما تكون معاها ورقة مختومة من مفتي عام الجمهورية نفسه ... الحاجات دي يا ماما ماينفعش فيها ورق ... كفايه علينا الحموات الفاتنات المصريات .. ده لو أم العريس عرفت الموضوع بتاع الشهادة دي تخلي فضحيتهم بجلاجل العريس اللى هو أبنها والعروسة أم شهادة ( بلد شهادات صحيح :) )

أنتي عارفه تقاليدنا وعادتنا المصرية .

مصراوي فى الخارج كتب

قبل ما البنت تفكر في الرياضة أو أهلها يشجعوها لازم يفكروا "هل هذا الشيء يجوز شرعاً أم لا" وطبعا الدين بتاعنا لا يرضي بذلك ابداً ونرجع نقول أصلها رياضة....

أخي مصراوي أنظر الكتاب صفحة الرياضة ... انا فاتح توبيك بإسم ممارسة المرأة للرياضة إبقى تعالى زورنا هناك.

[yasser6666]

والله لو جوازة صالونات حيكون صعب قوي ان الراجل يقبل بحاجة زي كدة ولكن لو يعرفوا بعض كويس وكان فيه علاقة حب فاعتقد انه يجب ان يقف معاها للأخر علي شرط واحد ان الموضوع مايكونش وسع قوي في الجرايد وخلافه واهل العريس والعروسة كلهم عارفين بالتفاصيل لانه حيكون يه احراج شديد للرجل ولكن اعتقد ان الفرصة ستكون قليلة للبنت ان تتزوج جوازة كانت تحلم بيها قبل موضوع الاغتصاب بمعني انها ممكن تتزوج من شخص متزوج مثلا او ارمل او مطلق ...اما موضوع الجمباز ده فاعتقد انه شائك شوية وبرضه ارجع واقول لو مرتبطة عافيأ مع شخص اكيد حيتفهم ومش حيدقق قوي لو واثق من اخلاقها طبعأ

[بنت شعنونة]

طب انا عاوزا احط النموذج بالعكس هنا

لو راجل مصاب بعجز جنسي

ما بيقولششششششش اي حاجا عن الموضوع دا

لحد ما يتجوز بنت الناس وتقع الفاس في الراس

وبعد كدا

قاااااااااال اييييييييييييييه يديها حرية الأختيار انها تكمل معاه او لا!!!!!!!!!!!!!!!!!!!

وفي معظم الأحوال الست بتتحمل وتسكت

اشمعنننننننننىىىىىىى!!!!!!!!!!!!!!!!!

[الطفشان]

طب انا عاوزا احط النموذج بالعكس هنا

لو راجل مصاب بعجز جنسي

ما بيقولششششششش اي حاجا عن الموضوع دا

لحد ما يتجوز بنت الناس وتقع الفاس في الراس

وبعد كدا

قاااااااااال اييييييييييييييه يديها حرية الأختيار انها تكمل معاه او لا!!!!!!!!!!!!!!!!!!!

وفي معظم الأحوال الست بتتحمل وتسكت

اشمعنننننننننىىىىىىى!!!!!!!!!!!!!!!!!

هل بتتكلمي عن الاغلب او الاعم او حالات معينة؟

على العموم الشرع واضح في الموضوع دة

لو حصل واحدة اتجوزت واحد و طلع كدة، فالقاضي يفرق بينهما و يحق لها المهر كمان

لان دة غش

و اي غش من اي طرف يسبب بطلان الزواج

(يعني واحد اتجوز واحدة على انها بكر و ماطلعتش بكر، له انه يسيبها و يرجع له المهر، و كذلك لو هي اتجوزت واحد و طلع عاجز او مخبول او او )

[بنت شعنونة]

بصراحا انا فتحت الموضوع دا

عشان الأزدواجية اللي احنا فيها

يعني انا لما فكرت فيها

لو اخويا ها يتجوز واحدا مطلقة او مغتصبة او غيره

ها اولع فيييييييييييه

انما لو اختييييي

ها اولع في اللي يرفض انه يتجوزها!!!!

تخلف انا عارفا

انما اكيد لازم علاج للموضوع دا!!!!!

زيه بالضبط زي لما يكون واحد عنده السكر او واحدا

تحسسسس انه ولا اللي عنده الأيدز؟؟؟؟؟؟؟

وممكن يترفض مييييييييت مرة بسبب سكر!!!!!!!!

لالالالالالالا

مجتمعنا مليان حاجات غريبة لسا

ها اموووووووت اعرف ايه سببها

وماحدش يقولي البعد عن الدين

عشان البعد عن الدين ممكن يخلينا نتوه

انما اننا نمشي في طريق العكس ميت درجة؟؟؟؟

اكيد في سبب!!!!

واشمعنى في النقط دي ما قلدناش الغرب؟؟؟؟

مش فااااااااهماااااااااا حاجاااااااااااا

[crossfield]

لالالالالالالا  

مجتمعنا مليان حاجات غريبة لسا  

ها اموووووووت اعرف ايه سببها  

وماحدش يقولي البعد عن الدين  

عشان البعد عن الدين ممكن يخلينا نتوه  

انما اننا نمشي في طريق العكس ميت درجة؟؟؟؟  

اكيد في سبب!!!!  

عشان المجتمع المصرى أو المجتمعات الشرقية عموماً مجتمعات ذكورية و ممكن تقبل الغلط من الولد و ما تقبلوش من البنت ؛فاكرة الكلام اللى كان بيتقال فى الشرف و الخيانة الزوجية؟نفس السبب :مجتمع ذكورى.

[farasha79]

انا في رأيي لو نظرنا للموضوع بصوره رسميه الرجاله مش هيقبلوا الموضوع لكن لكل قاعده شواذ و دي راجعه بصوره كبيره لظروف الطرفين....للظرووووووووف

يعني في رجاله متفهمه ممكن تكون شاريه البنت علشان بيحبها بالرغم من ظروفها و يمكن من حبه ليها هيساعدها تتغلب على عقدتها ده في حاله لو كانت مغتصبه,,,,

ارجع و اقول راجعه للظروف

[se_ Elsyed]

طب انا عاوزا احط النموذج بالعكس هنا

لو راجل مصاب بعجز جنسي

ما بيقولششششششش اي حاجا عن الموضوع دا

لحد ما يتجوز بنت الناس وتقع الفاس في الراس

وبعد كدا

قاااااااااال اييييييييييييييه يديها حرية الأختيار انها تكمل معاه او لا!!!!!!!!!!!!!!!!!!!

وفي معظم الأحوال الست بتتحمل وتسكت

اشمعنننننننننىىىىىىى!!!!!!!!!!!!!!!!!

إضافة إلى كلام الطفشان .... يا شعنونة لو أتكملنا عن الأستثناءات فى المجتمع مش هانخلص .. بمعنى أن صعب جداً تلاقى راجل محترم مصاب بذلك ويتجرأ ويتقدم للزواج من فتاه ويبدأ حياته بغش واضح ... لكن ما تقرأيه فى الصحف أو غيره هي حالات قليلة جداً .

أما سر هذه التناقضات ... فيرجع للمقام الأول يا أنستي إلى تركيبة النفس البشرية التى تتوقعي منها أى شي ... فمثلما يوجد دين وقواعد تنظم حياتنا فأيضاً هناك الشيطان الذي يجري فى الأنسان مجرى الدم فى العروق ( فهمتي حاجة .... أيموشن واحد فاتح بؤه ... والتاني بيضحك )

[yasser6666]

عشان الأزدواجية اللي احنا فيها  

يعني انا لما فكرت فيها  

لو اخويا ها يتجوز واحدا مطلقة او مغتصبة او غيره  

ها اولع فيييييييييييه  

انما لو اختييييي  

ها اولع في اللي يرفض انه يتجوزها

طيب طالما انك عارفة السبب بتسألي ليه؟؟؟ طالما بتحبي لنفسك غير اللي بتحبيه لغيرك محتارة قوي ليه؟؟؟

علشان الانسان يكون عادل لازم يقدر ظروف الغير ويحط نفسه مكانهم لازم نكون واقعيين وعمليين مش كلام في الهوا وخلاص.....اسف اني بقول كده ......لكن بصراحة مش قادر اقرأ الكام سطر دول واسكت

[freefreer]

لا يوجد و لم نسمع عن من يلتمس العذر او يساند أو يبرر لرجل عاجز على ان يخدع الفتاة التى سيرتبط بها ..

لفظ "مجتمع ذكورى" أكرهه .. لأنه خدعة لا وجود لها تماما مثل نظرية المؤامرة .. مجرد خدعة لفظية لتمرير ان الرجال يتامرون على امهاتهم و زوجاتهم و اخواتهم و بناتهم ..

[maksoof]

متهيألى والله أعلم إن عملية الجواز دى بتتوقف لحد كبير على طبع الشخص سواء راجل أو ست. يعنى اللى طبعهم كويس و مش غاويين نكد و مابيلاقوش مشكلة لكل حل فرصتهم أحسن فى جوازة كويسة حتى لو لا قدر الله إغتصبوا. والعكس صحيح.

بس أنا بقى عندى عكس السؤال بتاع أختنا شعنونة: هل البنت المصرية ترضى تتجوز راجل إغتصب واحدة تانية لو كان مثلا غنى و من عيلة كويسة؟

و هل البنت المصرية ترضى تتجوز الشخص اللى إغتصبها لو إتقدم لها و تعيش معاه مرتاحة؟

[بنت شعنونة]

 هل البنت المصرية ترضى تتجوز راجل إغتصب واحدة تانية لو كان مثلا غنى و من عيلة كويسة؟  

ي نهاااااااار ابيض؟؟؟؟؟؟؟

لالالالالالالالالالالالاء طبعااااااااااااا

لآنه مش انسان اصلالالالالالالالالالالالا

و هل البنت المصرية ترضى تتجوز الشخص اللى إغتصبها لو إتقدم لها و تعيش معاه مرتاحة؟

مجبرة توافق عشان الفضايح

دا اللي بشوفه في اخبار الحوادث والمحاضر

انما تعيش معاه مرتاحا........الله اعلللللللم

يمكن ربنا يهديه ويصلح حاله ويحبها بجد

ساعتها احتمال انها تنسى

اييييه السؤال الصععععععععععب دااااااااا

لا صعب اوي بججججججد

دا انا مجرد اني فكرت فيه

اترعبببببت :(

[maksoof]

اييييه السؤال الصععععععععععب دااااااااا

لا صعب اوي بججججججد

دا انا مجرد اني فكرت فيه

اترعبببببت :(

ربنا ما يجيب رعب يا دكتورة.

سبب السؤال هو إن واحدة معايا فى الشغل قالت لنا إن واحدة قريبة صاحبتها عرفت بعد 12 سنة جواز إن جوزها إغتصب واحدة قبل الجواز و حتى قبل ما يعرفوا بعض.

و بالرغم من إنها كانت بتحبه و مبسوطة معاه طلبت منه إنه يروح يسلم نفسه للبوليس و هددته إنه لو ما راحش بنفسه حتبلغ عنه.

الراجل سلم نفسه و اتسجن لمدة خمس سنين و بعد ما طلع رجعوا لبعض و قالت إنها مبسوطة لإنه دفع ثمن جريمته للمجتمع.]

[بنت شعنونة]

يا لطيف اللطف يا رب

اظن لو في مصر

ممكن تنكد عليه شوية وبعد كدا خىلالالالالالالاص

انما انها تسجنه صعبة اوي صراحا

انا ممكن ادفعه انا طوووووووول عمره التمن اشغال شااااااااقة بمعرفتييييي يعنييييي :)

"وش فطسان ضحك"

ربنا يحفظنا من الرعب دا