التجمع المصرى الكندى الاماراتى السعودى

[alaashabana]

السلام عليكم ورحمة الله وبركاتة

انا علاء موجود فى المنتدى من زمان ومن عشاقة لدرجة انى مش بقيت بفتح النت الا على المنتدى دة.. لكن للايف القصص الجميلة والحكايات والمعلومات اللى كنا بنسمعها ونقرأها خلاص انتهت ..يعنى الاستاذ ايهاب اختفى مش عاؤف لية وحرمنا من الصور الجميلة .. والتهامى والشامى والقصص اللى تخلى الواحد يضحك من قلبة بجد..

كل واحد كان عامل موضوع خاص بيه وكنا بنقصى بالساعات نقرأ فى المواضيع دى وبجد حاجة تشرف انكم مصرين ومننا وزينا .

وبردة لولا وخفه دمها ومصرية والنعمه وناس كتير والله بجد حسيت انهم من اهلى وانى اعرفهم من زمااااان اوى ..

لكن انا بقالى اكتر من اسبوع مش لاقى الناس دى ولا لاقى قصصهم وحكاياتهم رغم انهم موجودين فى المنتدى وانا متأكد انهم بيدخلو لكن معرفش لية حرمنا من كلامهم الجميل ..

وبلاقى كل واحد مع احترامى لكل الناس بتكتب موضوع جديد علشان يسأل فية سؤال وعاوز الناس تساعدة وبكده مع مرور الوقت وكترة المواضيع نلاقى الناس القديمة والقديرة فى المنتدى مواضيهم بتختفى وتبقى فى الصفحة 20 ولا 25

علشان كدة انا بعد اذان الادارة وكل الناس عملت الموضوع دةعلشان يتجمع فية كل الفنانين الكبار وعمالقة المنتدى ونكون كلنا سوا نتجع هنا فى موضوع واحد وكل واحد يكمل بقيت قصصة وحكايتة الجميلة اللى اتعودنا عليها..

اتمنى بجد ان الموضوع دة يكون كويس خصوصا انه مش مخصوص لية والله ولا علشان اسأل سؤال خاص بية لكن انا عملت علشان نفسى اجمع كل الناس الجميلة فى مكان واحد وبكدة هيبقى موضوع يكسر الدنيا بالعمالقة اللى فية ..

يارب يا تهامى انت وايهاب سالم ولولا ومصرية والنعمه والشامى ( مع احترام الالقاب) تتجمعوا هنا ونتكلم كلنا سوا ونسمع نعلق على اجمل واروع قصص قراتها فى حياتى ..

كل سنة وانتم طيببن بمناسبة رمضان ..

[alaashabana]

اظاهر الموضوع مش عجب حد... :blush2: :blush2:

[ELSHAMY]

تسجيل متابعة

أنا جاهز يا فندم و تحت الأمر

فكرة جميلة بس اصبر شوية لسه الناس نايمين.

تحياتى

[capitshino]

انا صحيت :blush2:

والله يا اخ شبانة كلام زى الفل ... فعلا فين ناس كتير غابت زى سى السيد . وهشام الكندى ان شاء الله - بس هشام الكندى رحمه الله :blush2: انا عازره --

تحب نتكلم عن ايه؟؟؟

[alaashabana]

والله يا جماعه بجد انتم زى العسل .. وكفاية بس ردك يا استاذ الشامى دا انت لوحدك " يوسف شاهين " و " وحيد حامد " يعنى اكبر مخرج واكبر سيناريست وتشريفك لية هنا فى الموضوع علامة فى حياتى وهكتبها فى السى فى بتاعى ..

وطبعا كابتشينو اللى منورنا دائما ...

انا مش عندى بصراحة موضوع معين عاوز اتلكم فية لكن انا قصدى ان مثلا الاستاذ الشامى يكمل حكايتة اللى تفطس من الضحك يعنى بمعنى اصح يكون هنا موضوع دردشة " قاعدة القهاوى " كل واحد يتكلم عن مواقف حصلت لية فى حياتة احلامة طموحاته . مواقف تضحك وتزعل.. يعنى نكون عائلة بنتجمع علشان نتكلم سوا شوية . ونبعد عن جو الغربة والهم ..

بس يارب يارب يارب محدش يطلع فى النص ويسأل سؤال ونلاقى الناس اللى فى المنتدى يعلقوا على السؤال والاجابة وبعد فترة نزهق يعنى مثلا اللى عندة اى سؤال ممكن يسألة بس نجاوب علية فى حدود تعليقين وليس اكثر .

انا مثلا نفسى الشامى وتهامى يكملوا باقى حكايتهم عن كندا ..مع مراجعه الاستاذ ايهاب طبعا.

نفسى كل واحد يتكلم ونفسة مفتوحة يعنى يقول اللى عنده..

انا بصراحة عندى كلام كتير ونفسى اتكلم بس نسيب الموضوع الاول للمخرجين الكبار بعد كدة يجى دورنا " المبتدئين " ونقول كلامنا

يارب يكون كلامى خفيف عليكم ومتشكر على ردودكم .

[capitshino]

طيب ابدء باى حاجة

[alaashabana]

هقول اية بس يا كابتشينو انا عملت الموضوع دة مخصوص للمخرجين الكبار اصحاب المقالات الجميلة بلامنتدى مش لواحد غلبان زي...

على العموم انا هحكى قصة صغيرة حصلت لية من كام شهر..

انا موجود بالامارات بقالى 9 شهور تقريبا.. من زمان اوى من ايام اولى كلية وانا بموت فى كندا لدرجة انى كنت بجيب مواقع وعنوانين كليات بكندا علشان اكمل دراستى بها وكدة واقدر اسافر ..كنت فاكر الموضوع سهل . وفعلا كذا كلية ردت علية وبعتوا لية ابلكيشن ولكن كانوا طبعا عاوزين فلوس .. وانا اصلا مكنش معايا ثمن انى ابعت طرد مسجل. :angry:

المهم حتى فى الايام دى كنت اعرف واحد كندى وبعتى كتاب عن كدة وبعتلى 100 دولا كندى وانا من فرحتى كتبت عليها التاريخ وبعد فترة اتزنقت فى فلوس فقولت اروح اصرفها من البنك بس للاسف قالولى مينفعش علشان انا كتبت عليها التاريخ..

المهم انا لما جيت هنا بقى الامارات كان فى دماغى اوى موضوع الهجرة ..فى الايام اللى كنت لسة بدور فيها على شغل كنت ببعت لشركات الهجرة علشان اشوف نظامهم اية .. تقدر تقول ان الموضوع كان مسيطر علية 100% يعنى بدل ما ادور على شغل .كنت ببعت لشركات الهجرة.

المهم الحمد لله بعد ما اشتغلت كذا شركة من اللى بعتهلم السى فى بتاعى اتصلوا بية وعاوزين يقابلونىعلشان يقولولى على متطلبات الهجرة بس انا كنت بكبر لما عرفت انهم هياخدوا 9000 درهم

قولت مش وقتها بقى افكر فى الموضوع دة لما ابقى الاول اخد خبرة خصوصا انهم عاوزين 4 سنين خبرة

لكن من كتر ا\ما الموضوع مسيطر علية عرفت المنتدى دة بالصدفة وبفضل ربنا اولا ثم فضل الاخوة " ايهاب، الشامى : التهامى : وغيرهم ) عرفت تقريبا كل شئ عن الهجرة وكل التفاصيل ..

بعد ما عرفت الحاجات دى لاقيت شركة هجرة بتتصل بية ولاقيت واحدة مصرية زى العسل صوتها جميل اوى عاوزة تشرحلى التفاصيل وتقولى معلومات عن الهجرة وكل دة فى التليفون .

قولت ومالة يمكن نطلع منها بمعلومة... بس كل ما تقول حاجة الاقى معلوماتها قليلة اوى وكنت بصحح معلوماتها والمكالمة اتقلبت وبدل ما انا اللى اسألها لاقيتها هى اللى بتسألنى وانا اللى اجاوب ومن بعدها بقينا اصحاب نت فقط وكل ما تتزنق فى حاجة تتصل بية وانا اقولها . وكنت ساعات بجيبلها مقالات بالانجليزى وبترجمها وابعتهالها..

طبعا هى شافت انى كويس اوى فى الهجرة وقالتلى انا هكلملك صاحب المكتب واشتغل معاهم..

طبعا انا مكنش عاوز اقولها على مصدر المعلومات bngn:: بس كنت بساعدها والله باى حاجة هى محتاجها فى شغلها والحمد لله دلوقتى بقيت محترفة هجرة وبقيت كويسة جداا فى معلومات الهجرة...

عقبال يارب ما اكون هناك واقدر اساعد الناس بتجارب عملية حصلت لية ونكمل مسيرة الكبار مقامآ.. ونبقى جيل كندا الجديد ان شاء الله

[ELSHAMY]

هقول اية بس يا كابتشينو انا عملت الموضوع دة مخصوص للمخرجين الكبار اصحاب المقالات الجميلة بلامنتدى مش لواحد غلبان زي...

على العموم انا هحكى قصة صغيرة حصلت لية من كام شهر..

انا موجود بالامارات بقالى 9 شهور تقريبا.. من زمان اوى من ايام اولى كلية وانا بموت فى كندا لدرجة انى كنت بجيب مواقع وعنوانين كليات بكندا علشان اكمل دراستى بها وكدة واقدر اسافر ..كنت فاكر الموضوع سهل . وفعلا كذا كلية ردت علية وبعتوا لية ابلكيشن ولكن كانوا طبعا عاوزين فلوس .. وانا اصلا مكنش معايا ثمن انى ابعت طرد مسجل. :angry:

المهم حتى فى الايام دى كنت اعرف واحد كندى وبعتى كتاب عن كدة وبعتلى 100 دولا كندى وانا من فرحتى كتبت عليها التاريخ وبعد فترة اتزنقت فى فلوس فقولت اروح اصرفها من البنك بس للاسف قالولى مينفعش علشان انا كتبت عليها التاريخ..

المهم انا لما جيت هنا بقى الامارات كان فى دماغى اوى موضوع الهجرة ..فى الايام اللى كنت لسة بدور فيها على شغل كنت ببعت لشركات الهجرة علشان اشوف نظامهم اية .. تقدر تقول ان الموضوع كان مسيطر علية 100% يعنى بدل ما ادور على شغل .كنت ببعت لشركات الهجرة.

المهم الحمد لله بعد ما اشتغلت كذا شركة من اللى بعتهلم السى فى بتاعى اتصلوا بية وعاوزين يقابلونىعلشان يقولولى على متطلبات الهجرة بس انا كنت بكبر لما عرفت انهم هياخدوا 9000 درهم

قولت مش وقتها بقى افكر فى الموضوع دة لما ابقى الاول اخد خبرة خصوصا انهم عاوزين 4 سنين خبرة

لكن من كتر ا\ما الموضوع مسيطر علية عرفت المنتدى دة بالصدفة وبفضل ربنا اولا ثم فضل الاخوة " ايهاب، الشامى : التهامى : وغيرهم ) عرفت تقريبا كل شئ عن الهجرة وكل التفاصيل ..

بعد ما عرفت الحاجات دى لاقيت شركة هجرة بتتصل بية ولاقيت واحدة مصرية زى العسل صوتها جميل اوى عاوزة تشرحلى التفاصيل وتقولى معلومات عن الهجرة وكل دة فى التليفون .

قولت ومالة يمكن نطلع منها بمعلومة... بس كل ما تقول حاجة الاقى معلوماتها قليلة اوى وكنت بصحح معلوماتها والمكالمة اتقلبت وبدل ما انا اللى اسألها لاقيتها هى اللى بتسألنى وانا اللى اجاوب ومن بعدها بقينا اصحاب نت فقط وكل ما تتزنق فى حاجة تتصل بية وانا اقولها . وكنت ساعات بجيبلها مقالات بالانجليزى وبترجمها وابعتهالها..

طبعا هى شافت انى كويس اوى فى الهجرة وقالتلى انا هكلملك صاحب المكتب واشتغل معاهم..

طبعا انا مكنش عاوز اقولها على مصدر المعلومات bngn:: بس كنت بساعدها والله باى حاجة هى محتاجها فى شغلها والحمد لله دلوقتى بقيت محترفة هجرة وبقيت كويسة جداا فى معلومات الهجرة...

عقبال يارب ما اكون هناك واقدر اساعد الناس بتجارب عملية حصلت لية ونكمل مسيرة الكبار مقامآ.. ونبقى جيل كندا الجديد ان شاء الله

المهم ما تنساش نسبتنا فى الاتعاب يا أبو الكباتن bsh:)

[alaashabana]

المشكلة ان البنت طلعت بتاع مصلحتها ولما عرفت كل حاجة واخدت كل المعلومات لما بتصل بها ولا اكلمها على النت مش بترد علية ..

مع انى مكنش عاوز ولا عمولة ولا حاجة ...

[capitshino]

المشكلة ان البنت طلعت بتاع مصلحتها ولما عرفت كل حاجة واخدت كل المعلومات لما بتصل بها ولا اكلمها على النت مش بترد علية ..

مع انى مكنش عاوز ولا عمولة ولا حاجة ...

هههههههههههههههههههههههههههههههههههههههههههههههههههههه

[moheltohamy]

هاهاهاهاها

وانا اللي كنت لسه هاسألك على بيانات البنت أم صوت حلو دي (آهو نساعدها برضه :) - إشمعنا انتا).

يا علاء باشا ، الفكرة حلوة بصراحة. واحنا تحت الأمر.

وإن كنت أميل للكاتيجورايزيشن. يعني إن التوبيك يكون عن موضوع محدد.

لكن عموماً ، لو الفكرة هيه تكوين مجموعة اتصال بين الكنديين السابقين (إنتساب يعني زي حالاتي ود. الشامي طبعاً :) ) والكنديين المستقبليين زي حضراتكم (أولادنا يعني smk: ) ، فأكيد أنا مع ده.

ويمكن ده اللي أخونا KINANE كان بيفكر يعمله ، ولم يجد له صدى!

عموماً ، أنا بامضي حضور ، وباسجل موافقتي الضمنية mfb:

[Alrefaey]

السلام عليكم الى كل اعضاء المنتدى المحترمين

اولا بوجة باقة ورد وابدى اعجابى الشديد الى اخوانى الاعضاء لأنى بجد استفدت كثيرا من حواراتكم المفيدة واخص بالذكر د الشامى وجادولى ود ايمن والاخ كابتشينوا وايهاب وميدوفارم وجميع الاخوان

الاول انا اخوكم مصطفى صيدلى مصرى اعمل فى الرياض من سنتين ونصف ومتزوج من شهرين وزوجتى اجنبية غير مصرية ومقدمه على الهجرة من سنتين تقريبا عن طريق مكتب المفوضية اللى فى لندن ولما ارادت اضافتى الى ملفها ارسلت اليهم ايميل فقالوا لها بانهم غير محتاجين اى اثباتات او ملفات اضافية الان حتى يراسلوها ويطلبوا منها تحديث ملفها سؤالى هو هل انتظر حتى يتم ذالك وبهذة الطريقة سوف يتم اضافتى ام ارسل ملف خاص بى وادفع المصاريف واقول فى الاوراق بأنى متزوج من مقدمة على الهجرة علما بأنها مقدمة فيدرال وليس كيباك وعزرا للاطالة

[alaashabana]

بجد مش مصدق نفسى والله .... تهامى باشا عندنا ،،والله انا حاسس زى ما يكون مدرس لة صغير وجالة الفصل احمد زويل وشرفة بحضورة..

انا لكا كتبت الموضوع دة مكنتش متخيل ان حد هيرد علية وكنت كل 5 دقايق ادخل اشوف فى ردود ولالأ.. وكنت بلاقى ناس كتير اونلاين بس محدش بيرد..

لكن ردكم علية وحضروكم وتشريفكم لية بجد خلانى متفائل .. ويارب نكون سوا دائما ويارب حد يتكلم عن حكايته هو كمان مش معقول بقى يعنى يا جماعة انا اللى افضل احكى :)

بس بينى وبينكم المنتدى دة جامد اوى والله وبقى مشهور جداا انا حاسس فى يوم اننا ممكن نتجمع فى كندا ونعمل حزب او تجمع الله اعلم يمكن كلنا فعلا نتجمع هناك وتبقى معرفة خير

حصل معايا موقف بجد بيدل على ان اللى شغالين فى الحكومة المصرية مش طايقين نفسهم ...

ايام سنة اولى كلية مكنتش اعرف كتير عن موضوع الهجرة وكنت فاكر انى ممكن اسافر دراسة او حد يبعتلى زيارة من هناك وبكدة اسافرواهرب .. تفكير طفولى شوية ..

المهم انى فعلا بعت لكذا جامعة وجامعة كتر خيرها بعتتلى ابلكيشن وشوية كتب صغيرة عن الحياة فى كندا وكانوا طالبيت شوية اوراق من ضمنهم ورقة تثبت انى مقيد فى جامعة مصرية .." ورقة اثبات قيد يعنى " انا روحت شئون الطلبة وطلبت منهمورقة اثبات قيد من الكلية . لكن الموظف كان بيتكلم معايا بتناكة اوى مش عارف لية زى ما يكون مش طايق الكلية على اللى فيها ووشه مكشر وحالتة حالة، قولتلة انا عاوز ورقة اثبات قيد، قالى لية حضرتك، قولتلة هقدمها لجهة رسمية ,, هو بقى سمع الكلمة دى زى ما يكون قدمت بلاغ فية ،، قالى نعم يعنى اية جهة رسمية ولية عاوزين الوقة دى ومين هما وانت عملت اية ،، قولتلة يا عم براحة شوية انا عاوز ورقة اثبات قيد علشان هكمل تعليمى فى كندا وهما عاوزين الورقة دى علشان اترجمها وابعتها ،، لاقيتة بيقولى ماشى بس انا هديك الورقة وهسحب اوراقك من عندنا علشان بقى حضرتك تروح تكمل تعليمك برة براحتك ،،هو كان فاكرانى يعنى من بتاع اصحاب المليونيرات وانى بقى هكمل تعليمى برة وياعينى اولادة فى مدارس حكومى وكدة .. قولتلة يا سيدى انا لسة بكمل الاوراق يعنى معرفش هتقبل فى الكلية ولا لأ.. قالى بردة هسحبلك اوراقك .. سيبتة ومشيت ولاسف معرفتش اخد اثبات قيد ... قال يعنى انا كنت فعلا هسافر واكمل تعليمى ....

يمكن دة نموذج صغير من اللى بيحصل فى جامعاتنا والتعقيد والروتين الممل . :)

للاسف فعلا نظام التعليم والدراسة فى مصر زبالة اوى .. كفاية هنا فى الامارات بجد بنشوف الهنود تعليمهم اقوى مننا طبعا مش فى كل المجالات .. بس والله انا اتخرجت من كلية التجارة معرفش حاجة عن المحاسبة ومعرفش اللى درسناه بيطبق ازاى . رغم انى كنت ممتاز ايام الكلية وكنت فى اخر كل سنة بشرح لاصحابى والخص لهم المواد..

هنا بردة فى الامارات بنشوف امثلة وشباب زى الورد وللاسف شغالين عمال او فى مطاعم. زى عقد المهندس الزراعى اللى كان احد زملاء المنتدى فتح موضوع فية.

اشوفكم بعد شوية

[capitshino]

هنا بردة فى الامارات بنشوف امثلة وشباب زى الورد وللاسف شغالين عمال او فى مطاعم. زى عقد المهندس الزراعى اللى كان احد زملاء المنتدى فتح موضوع فية.

اشوفكم بعد شوية

اهو انا بقى احد الزملاء اللى كتبت موضوع المهندس الزراعى

اخبطنا حكاية تانية بقى

[HDarwish]

فضحيتنا بئت بجلاجل يا عم كابتشينو

منك لله يا شيخ

[alaashabana]

انا هقولكم على موضوع زى عقد المهندس الزراعى بس مش زية بالظبط يعنى هو كان داخل مصر " شرم الشيخ تحديا "

يمكن دة موضوع حصل لية وتعاملت معاه شخصيا ..

انا لما اتخرجت من الكلية سنة 2006 روحت شرم الشيخ وانا كنت بشتغل فيها من ايام الدراسة بس فى فترة الصيف فقط .. وانا كنت اتكلمت قبل كدة عن موضوع شرم والبهدلة اللى شوفنها علشان بس نشتغل فيها والبهدلة الاكتر اللى شوفناها وانا فى الطريق واحنا كمان داخل شرم للاسف اخر بهدلة من ولاد الكلاب " راجل الامن " سورى على الانفعال بس بجد اللى كان بيحصل واللى ناس بتشوفة يقولو اننا شغالين فى اسرائيل ..

المهم ،،، انا اشتغلت طبعا مش بشهادتى ، اولا علشان افكر انى اشتغل بشهادتى وانا جربتها يوم واحد اشتغلت فى فندق تبع مجموعة شركات تروبيكانا .. يعنى يعتبر فندق كبير ،،، اشتغلت فية كاشير المفروض ان دى شغلانة خريج كلية التجارة . وما ادراك ما الكاشير داخل فندق.. بالظبط بالظبط حرامى مشكوك فية الى ان تثبت غير ذلك

يعنى المديرين وكل اللى فى الفندق واخدين فكرة ان جميع الكاشيرية حرامية ولازم يكون عليهم اشد اشد رقابة لان دخل الفندق كلة بيبقى معاهم لغاية ما توصل لقسم المحاسبة والمراجعة والخ الى ذلك .

طبعا كل ساعة تفتيش وممكن تلاقى مدير يجى يقولك طلع محفظتك وحاجة تقرف وكل دة قدام الجيست ..طبعا انا قعدت يوم واحد وتانى يوم قدمت استقالتى

بعدها جالى شغل تانى فى مجموعة سوبر ماركت المفروض انى كنت هشتغل فترة كاشير وهبقى مدير شيفت الصبح وبعد كدة هتنقل فى الحسابات..

نظام السوبر ماركت ان الكشير يعتبر مدير فى الفترة الصباحية وتحت ايدك 3 عمال .. وعمال المخزن..

انا كنت كويس مع العمال علشان كدة كلهم الحمد لله كانوا بيحبوا يشتغلو معايا .. لكن مدير السوبر ماركت كان شاب والله والله والله مبيعرفش ينطق كلمتين انجليزى على بعض وميعرفشاى حاجة فى السياحة واول مرة ينزل شرم وكان زبالة بمعنى الكلمة وبيضرب خوازيق من تحت لتحت لمدير المجموعة والخصومات اللى ملهاش لزمة وحاجات من دى كتير ..

المهم فى يوم بعد ما خلصت الشيفت بتاعى وكنت واقف برة شوية لاقيت عامل كان واقف بيشرب سيجارة . انا من اول مرة شوفت كنت متأكد انه مؤهل عالى .. لما اتكلمت معاه والكلام اخد بعضة اكتشفت فى الاخر انة خريج هندسة قسم مساحات باين" يعنى مهندس مساحات " ومعاه كورس انجليزى واوتوكاد غغير الكومبيوتر والبرمجة...

مش عارف اقول اية .. والغريب انه اكتر واحد كان بيتبهدل فى الشغل واهانة من المدير لكن عمرة ما فتح بقة بكلمة واحدة وكان دائما يقول حاضر حاضر..

سألتة قولتلة انت مهندس لية اشتغلت كدة وقبلت كدة وانت مش مجبر قالى علشان معنديش حد يسفرنى برة ومش معايا فلوس اشترى فيزا وكل مكاتب الهندسة اللى هنا عاوزين خبرة ..

دة كان مثل بسيط وحصل قدام عينى بجد ولغاية دلوقتى فاكرة وفاكر شكلة.... وانا لو اعرف اوصلة والله كنت جيبتلة عقد هنا بأى ثمن..

لكن هى دى مصر وهى دى حياة ناس كتيييييييييير اوى غلبانة فى مصر مع انهم مؤهلات عاليا ومتفوقين ..

ربنا يسهل علينا حياتنا ... اللهم لا سهل إلا ما جعلتة سهل .. فأنت تجعل الحزن اذا شئت سهلا .. اللهم امين امين امين

[hosiny]

موضوع جميل يا علاء

و نستني باقي الاعضاء القدماء للمشاركة

[capitshino]

انا من اول مرة شوفت كنت متأكد انه مؤهل عالى .. لما اتكلمت معاه والكلام اخد بعضة اكتشفت فى الاخر انة خريج هندسة قسم مساحات باين" يعنى مهندس مساحات " ومعاه كورس انجليزى واوتوكاد غغير الكومبيوتر والبرمجة...

ليه يا عم درويش تخبط فيا كده .. مالراجل بيقولك مهندس مساحة اهو واتبهدل بعده

ياابنى ده نصيب ... وقدر ومكتوب

تصدق تنفع اغنية

ياابنى ده نصيب ... وقدر ومكتوب تلم تلملم . تيرا تارا تا

[alaashabana]

فعلا كل واحد لية نصيبة ومكتوب كل حاجة عند ربنا

انا المرة دى عندى شوية اسئلة لاقيتها فى منتدى تانى بيقول لو ذكى جاوب بصراحة استفزنى العنوان قولت ما نشوف عم الكتكوت دة جايب اسئلة اية

بس للاسف طلعت الاسئلة صعبة .... انا هحطها هنا واللى يقدر يجاوب يجاوب ونشوف فى الاخر مين اللى هيقدر يجاوب عليهم كلهم ..بالتوفيق

الاسئلة :

1- بعض الشهور فيها 30 يوم.. وبعضها فيها 31 يوم..أي الشهور فيها 28 يوم؟

2- لو الدكتور أعطاك 3 أقراص وقال لك أن تأخذ قرص كل نصف ساعة..ما طول المدة الزمنية بين أخذك لأول ولآخر قرص؟

3- ذهبتُ للنوم في الساعة الثامنة مساءاً لكني قبل ذلك أعددت المنبه الدائري ذو العقارب لأن يوقظني عند الساعة التاسعة صباحاً

كم ساعة سأنام قبل أن يوقظني المنبه؟

4- اقسم 30 على نصف وأضف عشرة..ما هي النتيجة؟

5- مزارع يملك 17 خروف..كلهم ماتوا إلا تسعة..كم خروف تبقى للمزارع؟

6- معك عود ثقاب واحد في علبة كبريت ودخلت غرفة مظلمة وباردة تحتوي على مدفئة تعمل بالخشب ولمبة كيروسين وشمعة..ماذا ستشعل أولا؟

7- دخل دب إلى بيت مستطيل الشكل أركانه الأربعة تتجه إلى الجنوب

السؤال : ما لون الدب؟..

8- في طبق 3 تفاحات..أخذت منهم تفاحتين..كم تفاحة معك؟

9- كم عدد الحيوانات من كل نوع حملها موسى عليه السلام في سفينته؟

10- أنت سائق لأوتوبيس يحمل 43 شخص من شيكاجو..توقف الأوتوبيس عند بطرسبرج ليحمل 7 ركاب وينزل 5..عند كليفلاند ركب 4 ونزل 8 وبعد 20 ساعة وصل الأوتوبيس إلى فيلاديلفيا

ما اسم السائق؟

لكل إجابة صحيحة أعطي لنفسك درجة واجمع الدرجات لتحصل على درجة ذكائك من عشرة

:) :) mfb:

[qenawy]

- بعض الشهور فيها 30 يوم.. وبعضها فيها 31 يوم..أي الشهور فيها 28 يوم؟

كل الشهور

لو الدكتور أعطاك 3 أقراص وقال لك أن تأخذ قرص كل نصف ساعة..ما طول المدة الزمنية بين أخذك لأول ولآخر قرص؟

ساعة واحدة فقط

- ذهبتُ للنوم في الساعة الثامنة مساءاً لكني قبل ذلك أعددت المنبه الدائري ذو العقارب لأن يوقظني عند الساعة التاسعة صباحاً

كم ساعة سأنام قبل أن يوقظني المنبه؟

ساعة واحدة فقط اذا لحقت تنام اساسا

4- اقسم 30 على نصف وأضف عشرة..ما هي النتيجة؟

سبعين يا باشا

- مزارع يملك 17 خروف..كلهم ماتوا إلا تسعة..كم خروف تبقى للمزارع؟

تسعة يا ريس

تم تعديل 6 أغسطس 2008 بواسطة qenawy