إيه اللي بيهم "المعارضة" في مصر أكثر؟

[Sherief AbdelWahab]

في كل مرة كنا كمواطنين مصريين بنقرا صحف المعارضة وصحف المال السياسي وبنتفرج على قنواتهم وبنطلع وبننزل وننشال وننحط.. جه بقى الوقت اللي نعرض فيه كلام الناس دي على العقل.. اللي لسة زينة وماتعلقش في الفاترينة..

الأحزاب والمال السياسي دايماً بيقدموا أنفسهم كبدائل للحزبوطني.. الحزبوطني وعارفينه وعارفين العلاقة "الغريبة" بين البيروقراطية والسياسة اللي أرسى قواعدها وخربت بيتنا.. ماذا عن هؤلاء؟

إيه هية بقى أولويات كل فصيل من دول لو وصل السلطة؟

هل هو اللي بيسموه الإصلاح السياسي؟

هل هو الاقتصاد المصري؟ هل حيعيدوا توظيف موارد مصر بشكل أفضل وأكثر كفاءة؟ هل حيحاولوا يعملوا العدالة الاجتماعية اللي مصدعيننا بيها؟

هل هو عمل عقد اجتماعي جديد؟ هل لو اتعمل عقد اجتماعي جديد حيكون دة في مصلحة تلك الأحزاب؟

م الآخر وبدون انجراف وراء شعارات هنا أو هناك.. الناس دي عندها حاجة لمصر؟ ولا آخرهم اعتصامات وإضرابات وصحف وشغل ابتزاز وتحالفات حتى مع الشيطان لتحقيق المصالح؟

مستني إجاباتكم.. الموضوع جد خطير..

خلص الكلام

[الباشمهندس ياسر]

السلام عليكم

كنت مرة بتناقش مع صديق عايش فى امريكا و قاللى ان بعض الناس بتاخد قروض و بتتعثر فى السداد وفى اللحظة دى يظهر المخلص ( بتشديد اللام ) اليهودى ويروح

يدفعلك القرض ويسددلك الفوايد و يبدأ هو معاك من جديد .. الفكرة كلها ان ليه البنك يكسب منك اذا كانت هناك امكانية ان انا اللى اكسب منك..

يعنى ببساطة ليك الحزب الوطنى اللى يحكم البلد طب ليه مش انا

و ان بعض الظن اثم