سؤال محير ومحتاجة اجابة جريئة وصريحة

[MONIMOON]

س/ ماالهدف من وراء التزامن الوقتي بين

(الحكم في قضية العبارة98....ومباراة الاهلي والزمالك؟؟)

س/ ماالهدف من وراء التزامن الوقتي بين

(الحكم في قضية العبارة98....واعلان وفاة المخرج الكبير يوسف شاهين؟؟)

أولآ : مباراة الاهلي والزمالك...

لا أقول غير ان المباراة كانت عبارة عن أزعرينة أو بروباجاندا propaganda....للتغطية علي حكم العبارة 98

فلماذا تم تحديد المباراة في ذلك اليوم خصيصا؟؟

والاجابة واضحة جدا لكل مصري وذلك للفت الانتباه عن حكم العبارة او لتخفيف الصدمة من الخبر او لانجذاب الشعب للمباراة وتراجعهم عن الهتاف للظلم السائد بعد الحكم الضاري عن العبارة 98....

س/ لهذه الدرجة الحكومة تري ان الشعب المصري طفل صغير لا يميز بين الواقع والظلم واللهو في ان واحد؟؟

س/ ام الحكومة تستخف بعقول المصريين؟؟

(((أترك الاجابة للاعضاء..))

ثانيا: رحيل المخرج الكبير يوسف شاهين...

ان المخرج يوسف شاهين وصل من لندن الي مستشفي القوات المسلحة بمصر وذلك خلال فقده للوعي وانه قد غادر فرنسا بعد ان أكد الاطباء خطورة حالته وعاد الي ارض الوطن بعد حوالي شهر من مكوثه بالندن...

فاتقول صحيفة الدستور انه من المحتمل ان يوسف شاهين وصل من لندن ميتا اكلينيكا او ميتا بالفعل..لا انه لم يتم الاعلان عن وفاته الا بيوم الحكم النهائي لقضية عبارة السلام 98

وذلك للتغطية علي الخبر الملعون بالحزن علي المخرج الكبير وعدم انشغال الشعب المصري بهذه الكارثة الفادحة....

س/ ولكن هل نحن شعب يمكن لنا ان نحزن علي شخص توفي بقدر الله سبحانه وتعالي عن ان نحزن علي 1034 شخص توفي بحادث اكثر ايلاما بالتاريخ المصري؟؟

(وداعاااا يوسف شاهين)

س/من وراء الحكم ببراءة ممدوح سااااااااالم؟؟ :angry:

لكن أعذروني أيها الشعب المصري عندما أقول انه سيأتي علينا اليوم الذي سنخجل فيه ان نقول أننا مصريون...

بعد ان ضاعت امانينا واحلامنا والامان والثقة ببلادنا...أعذروني

بعد ان سلبت أرواحنا وساد الظلم بأراضينا....أعذروني

بعد ان أصبحت أرض مصر من أرض الامن والامان الي أرض الفساد والخراب..أعذروني

بعد ان اصبحت اراضينا ملك للحيتان وكبار الدولة فقط...أعذروني

بعد ان اصبح ليس حتي من حقنا البكاء علي ما سلب منا...أعذروني bsh:)

ولكن مهما هربنا...أقول بالنهاية...اني مصرية مصرية وسأظل مصرية bngn::

[Dr.mmfriend]

لا تعليق

[ابو محمود]

طالما نحن نتساهل كشعب مع كل ماهو فساد وننتظر الى ان يأتى المخلص او الفارس اللى يأخد بأدينا

ومادمنا نتخاذل حتى فى أذية انفسنا فنجد من منا يغش الطعام والشراب وتنتشر السرطانات بين ابنائنا ونقول تيجى من غيرنا يبقى يادوب الحاكم وأعوانة اللى بيعملوة فينا دة اقل ما يمكن ان يحدث لأناس تقاعسو عن الحق والميزان وما دمنا جبناء جميعآ وانا أولكم سوف نظل خانعين للعباد والرب غائب عن حساباتنا رغم اننا سنلقاة لا محالة سعيدنا وشقينا بس الغريب اللى محيرنى اننا بنكرة بلدنا أوى بدليل اننا موسخين شوارعها وملخبطين انظمتها من مرور و مبانى وحتى المشى فى الشارع كل واحد بيعمل زى ما هو عايز

[somayasaleh]

الموقف ده بيفكرني بفلم الراحل احمد زكي ......الهروب.......

وازاي الحكومه كانت بتغلوش علي اي موضوع رأي عام بأطلاق صراح أحمد زكي

وده كان تفكير امريكاني (الضابط محمد وفيق) بتبرير يهودي(عصا موسي) :)

[galaxy]

ممكن يكون نفس السبب بتاع وجود الريس وحرمه ونظيف في مباراه النهائي في كأس الامم 2006 .بدل وجودهم في المينا ؟؟.

وبرضه يمكن يكون نفس السبب بتاع وجود جمال واخوه وحرمه برضه بين متفرجين الفايف ستارز اللي غزوا ملاعبنا في نفس الدورة برضه ....وكل واحد شايل في ايده علم مصر.........تشجيعا لمنتخبنا القومي............واهو كله في حب مصر!!

تعددت الاسباب والموت واحد يا عزيزتي....بس بجد فكرتيني بكلمه بابا يومها..............طب كانوا يخلوها اي حكم وبعدين يخلوا البراءة في الاستئناف ولا اي حاجه كدا.......حفاظا علي ماء الوجه بس يعملوا اي حاجه كدا ولو منظر بس قدام الناس..........ولسه ؟..هو احنا لسه شفنا حاجه؟؟

تم تعديل 6 أغسطس 2008 بواسطة galaxy

[MONIMOON]

انا بشكر كل اللي ردوا عليا في الموضوع وحقيقي استفدت منكم كتير

لكن انا حاسة ن بلدنا بتضيع ده ان لم تكن ضاعت خلاص

بس يا تري الكلام ده ممكن يكون سابق لأوانه او فات الاوان عليه

وبشكر كل من.....dr mmfriend

محمود مصطفي....كلامك عجبني كتير وفعلا احنا بلدنا في تدهور تام ربنا يعطيك العافية

somayasaleh.....بشكرك علي رأيك وشكلهم كدة بيطبقوا الفيلم علينا

galaxy.....انتي عندك حق واهو كله في الاخر هروب وعمرنا ما هنقدر نواجهة ابدااا

[الباشمهندس ياسر]

الحيلة دى قديمة جدا و الدولة بتستعملها من زمان

ازاى لسه واخدين بالكم منها

انا بس الزهايمر اشتغل عندى فمش فاكر امثلة دلوقتى

و سلام عليكم

[واثق الخطوة]

اختي الفاضلة

السؤال - مع احترامي له _ ليس محير

والأمر لا يستدعي اصلا اجراء مباراة كرة قدم أو تأخير وفاة يوسف شاهين ...

انا جاد فعلا ..

الناس دي لم تكن محتاجة لكل هذا التخطيط

لأن القضية اساسا ومن سنتين حولت إلى جنح سفاجا وليس جنايات .. ولم يتم استصدار أي امر بالقبض على أي متهم ...

والإجابة أيضا لن تكون جريئة ولا صريحة ؟

الإجابة في كلمتين من موروث الأمثال المصرية :

اللي له ظهر ما ينضربش علي بطنه

[MONIMOON]

انا بشكرك جداااااااااا يا.....الباشمهندس ياسر

معلش اصلي عايشة بره مصر فا ممكن اكون معرفش حاجة زي كدة

وبشكر .....واثق الخطوة

جدااااااااااااااا.......بس اصل الموضوع ده انتشر علي الفضائيات كتيييييييير

وكانت كارثة غير اي كارثة تانية

وبشكركم علي مروركم الجميييييييييييييييل ده

[melhamy]

السلام عليكم

أحب أضيف تعليق الوالد قاله لى لما نزلت أجازة من شهرين قالى ( يابنى البلد دلوقتى عبارة عن 500 أسرة و باقى ال75 مليون خدامين ليها ) لما سالتة لية بتقول كده قالى دور على كل أصحاب القطاع الخاص و علاقتهم فى الحكومة مع الوقت لقيت أن

وزير النقل صاحب شركات منصور شفيرولية الراجل استقال من 360 مجلس أدارة شركة علشان يبقى موظف حكومة

أحمد عز - شركة عز الدخلية للحديد الصلب "الله يبارك له طن الحديد ب 9.000 حنية مصرى " و باخد دعم من الحكومة على الغاز الطبيعى اللى بينتج بيه حديد التسليح

محمد فرج عامر - صاحب مصانع منتجات فرج الله - نادى سموحة بالأسكندرية .......

ناجيب ساويرس - موبينيل و الراجل زعلان عرضوا عليه منصب فى الحكومة رفض قالعايز اعمل بنك رفضوا فتح البنك فى سويسرا و عمله فروع فى مصر

مجموعة طلعت مصطفى - الأمير / الوليد أبن طلال ...

المهم ...... مع الوقت أكتشفت ان مصر اتحولت بلامبالغة للأقطاعية مرة تانية و الملك فاروق لم يموت عايش فى صورة رئاسة ..... زى التورتة اللى بتتقسم على الموجودين من علية القوم و الغيب مالهوش نايب ... عقبال ما يجلهم تسمم كلهم بإذن الله زى ما هما مخلينا نفسنا نقعد فى بلدنا و مش عارفين لا إما نكون عبيد عندهم أو نستعبد بره و نرجع ندفع لهم اللى فى أدينا

[MONIMOON]

السلام عليكم

أحب أضيف تعليق الوالد قاله لى لما نزلت أجازة من شهرين قالى ( يابنى البلد دلوقتى عبارة عن 500 أسرة و باقى ال75 مليون خدامين ليها ) لما سالتة لية بتقول كده قالى دور على كل أصحاب القطاع الخاص و علاقتهم فى الحكومة مع الوقت لقيت أن

وزير النقل صاحب شركات منصور شفيرولية الراجل استقال من 360 مجلس أدارة شركة علشان يبقى موظف حكومة

أحمد عز - شركة عز الدخلية للحديد الصلب "الله يبارك له طن الحديد ب 9.000 حنية مصرى " و باخد دعم من الحكومة على الغاز الطبيعى اللى بينتج بيه حديد التسليح

محمد فرج عامر - صاحب مصانع منتجات فرج الله - نادى سموحة بالأسكندرية .......

ناجيب ساويرس - موبينيل و الراجل زعلان عرضوا عليه منصب فى الحكومة رفض قالعايز اعمل بنك رفضوا فتح البنك فى سويسرا و عمله فروع فى مصر

مجموعة طلعت مصطفى - الأمير / الوليد أبن طلال ...

المهم ...... مع الوقت أكتشفت ان مصر اتحولت بلامبالغة للأقطاعية مرة تانية و الملك فاروق لم يموت عايش فى صورة رئاسة ..... زى التورتة اللى بتتقسم على الموجودين من علية القوم و الغيب مالهوش نايب ... عقبال ما يجلهم تسمم كلهم بإذن الله زى ما هما مخلينا نفسنا نقعد فى بلدنا و مش عارفين لا إما نكون عبيد عندهم أو نستعبد بره و نرجع ندفع لهم اللى فى أدينا

انا بشكرك جداااااااااااا علي مرورك يا melhamy

واستفدت جدااااااااا والله من كلامك اللي فوق الرائع

ولك مني كل شكر واحترام

[النيل حبيبي]

حبيبه القمر

مباراة الاهلي والزمالك متحددة من بدري وليست لها علاقه بالموضوع

ممدوح سالــــــــــــــــــــــم كان رئيس وزارة ايش اللي جاب سيرته

ممدوح اسمـــــــــــاعــــــــيل

هذا لايبرر ان هناك فوضي وعدم الاحساس بمعاناه الشعب

[MONIMOON]

انا بشكرك جداااااااااا يا ........النيل حبيبي

علي مرورك الرااااااااااائع ده ومقدمتك الراقية

بس تعليقي لحضرتك ان لو كلامك فعلا ده صح

ما كانتش معظم الفضائيات تتكلم عنه اذا كنت حضرتك متابع البرامج دي

للأسف هتلاقي كتيييييير جداااااا اتكلموا فيها

حتي الصحف وخاصة صحيفة الدستور

ولو كانت فعلا المباراة متحدد معادها من فترة يبقي كدة اتكدت ان حكومتنا كانت محضرة حكمها في القضية من نفس الفترة

ولك مني جزيل الشكر والتقدير

[yasser6666]

السلام عليكم أولا...بس انا لا اتفق معاكم ان الدولة تخطط لأصدار احكام او قرارات في اوقات معينة بيكون الشعب مشغول فيها بماتش او وفاة شخصية عامة وذلك لسبب بسيط جدا واعتقد انكم لو عرفتوه سوف تتفقوا معي ايضا...

وهو انه مافيش اصلا شعب !!!

يعني ياجماعة الخير لما الحصانة تترفع عن ايمن نور في مجلس الشعب فس تلت ساعة ويجتمع المجلس خصيصا يوم جمعة ويصدر قراره في لمح البصر بينما الحصانة تترفع عن ممدوح اسماعيل من مجلس الشوري بعد اربعين يوم كاملين وبعد الـتأكد انه غادر البلاد للندن بالسلامة يبقي لسه فيه شعب عايش !!!

ولما مجلس الشعب يعدل الدستور في 34 مادة في ساعتين ونصف ومش عارفين يعدلوا قانون الطوارئ من 27 سنة كاملة يبقي لسه فيه شعب عايش !!!

ياجماعة الحكومة لاتستحي من الشعب ولاتحتاج ان تحفظ ماء وجهها القبيح لأن الشعب لم يعد موجودا.

...

وأخيرا عندي أسئلة أفتراضية لكم لو تكرمتم

ماذا لو عاد ممدوح اسماعيل غدا وبدأ يباشر اعماله و بصورة طبيعية بعباراته

ماذا لو تم تعيين يوسف والي مجددا وزيرا للزراعة غدا للمرة التانية بسرطاناته

والله انا اتوقع ان الناس بالكتير حتفتح موضوعين جديدين في محاورات المصريين لمناقشة الأمر العاجل

احنا شعب بيحتضر ولكننا لم نمت بعد والحمدلله ولسه فيه امل بس يلزمنا قيادة

والقيادة لن تري النور في ظل حكم مبارك

والله اعلم

[ssmaly]

:closedeyes: تحية طيبة لكل المشاركين على هذا السؤال و لكن هناك شىء اجمع عليه الشعب المصرى الطيب هو ان القيادة التى استأمناها طوال اكثر من 50 سنة على مصر والمصرين على حياتنا و مقدراتنا و ثرواتنا.

فى الاول أممت القطاع الخاص واعطت الكثير من الثروات والمجوهرات والفلل والقصور للاصدقاء و الاحبة و اضاعت الكثير فى مغامرات فاشلة وسكتنا وصفقنا .

.ثم .. لموا مليارات لو القوا بها فى قنال السويس لامتلات للاخر

لموا الفلوس من شحاتة وقروض من كل العالم لبناء مصر وبنوا قصور لهم واضافوا حسابات فى كل بنوك العالم ورحلو وتركوا الديون .

ثم جاء الخلف لاشر سلف و بدأ لم الفلوس كمان لسداد ديون (قادة )مصر ودفعنا وصفقنا وقلنا نشد الحزام علشان مصر.ثم بدوا يخصخوا اللى أمموا سابقا وبرضوا باعوا برخص التراب للابناء والأحباب وبرضوا بنوا القصور و فاضت الارصدة فى البنوك وبرضوا الشعب فقير معدم * اعلى نسبة أمية فى العالم العربى* واسوء مستوى تعليم للمتعلمين* الجامعات المصريه اللى علمت وأنشأت الجامعات العربية اصبحت غير موجودة فى قائمة 500احسن جامعة فى العالم*

.الان ارتفاع فى الاسعار و زيادة فى الضرائب و غرامات المرور(وبدون تحسن الشوارع )و برضوا المطلوب منا ان نصفق ونلوم الشعب المصرى على كل أخطاء القيادات المتوالية التى برضه اجمع القاصى والدانى ان القيادة الحالية التى نشأت من زواج عرفى بين السلطة و المال نتج عنه طفل غير شرعى(كان زواج عرفى عل طريقة زوجتك نفسى بدون شهود)هذا الطفل له لسانان(2 لسان)وليس له اذن تسمع ما حوله ويتخيل ما شاء من تشجيع و مباركة منا على اى تصرف ونحن الان نصفق بس على وجهنا و نصرخ ونقول * الحقوا العبارة مصر السلام 2008 بتغرق وعندما تغرق العبارة دى لن يكون هناك مباره للاهلى ولا اى خبر وفاة ممكن يغطى على اصوات الصراخ وهى تغرق الحقوا مصرررررررررررررررر :closedeyes: :closedeyes:

[MONIMOON]

انا بشكرك جداااااااااا يا ssmaly

وفعلا انتي عندك حق في كل اللي قلتيه وطول ما مبارك ماسك الحكم يبقي مفيش حد ها يفتح فمه

لان المعتقلات مفتوحة علي مصرعيها وكلامك بجد كله منطقي جدا جدا

لكن السؤال بجد....امتي الشعب هيقوم من غفلته؟؟

اخاف يكون بعد فوات الاوان...وربنا يستر علي بلدنا

ولكي مني جزييييييييييييل الشكر

[عاشق الترحال]

السلام عليكم ورحمة الله وبركاته

أنتي مش عارفة أنك في مصر ولا انتي معشتيش قبل كده في مصر

مشفتيش أن أرخص حاجة في مصر روح البني آدم اللي من طبقة الفلاحين والكادحين اللي بيكلوها بعرق جبينهم وأننا عايشين في الحكم الملكي أيام إسماعيل وتوفيق وفؤاد والإنجليز والعسكر عارفه (( محمد أبوسويلم )) أتعمل فيه ايه في فيلم الأرض لما حب يعمل فيها (( ثورجي )) ويقاوم ؟ (( سحلووووه ))

كذلك الناس اللي غرقت في العبارة شرزمة قليلون ولاد مين في مصر علشان الدنيا تقوم ولا تقعد من أجلهم ؟؟؟؟؟؟

اللي بيسرق من البلد دي بالمليارات من البنوك وقوت الشعب وعايش حرامي فيها زي (( أخوانا البعده )) لما بيتعب بيتعالج على نفقة الدولة !!!!!!!

ولما الغلبان اللي محلتوش ثمن رغيف عيش يتعب يترمي في أي مشستشفي ويمكن يستخسروا فيه الدوا ويقولوا أنه خلاص مفيش منه رجا كده كده هيموت متشغلوش بالكم (( عارفين خيل الحكومة لما بتكبر بيتعمل فيها ايه ))

**ولما المحكمة تكون محاطة بالأمن تحسبا لرد فعل الناس اللي هيفاجئوا بالحكم المعروف مسبقاََ تعليقك ايه ؟؟؟؟؟

** ولما القاضي ينطق بالحكم ويقوم يجري على طول من الجلسه خوفا من بطش الأهالي والشرطه تحميه تعليقك ايه ؟؟؟؟؟؟؟

** ومن الأساس مين اللي سمح لممدوح إسماعيل بالخروج من مصر بعد الحادث وحكم منعه من السفر ميطلعش إلا بعد خروجه من مصر تعليقك ايه ؟؟؟؟؟؟؟؟؟

** والناس اللي نجت من الغرق وأهاليهم شافوهم راكبين ميكروباص تابع للجماعه إياهم ولحد النهارده محدش يعرف عنهم حاجه تعليقك أيه ؟؟؟؟؟؟؟؟

** ومين اللي سمح للمراكب دي تمشي بحالتها دي من البداية ومحدش سألهم ليه؟؟؟؟؟

** ولما يخرج النائب العام بعد النطق بالحكم مطالبا بإستئناف الحكم علشان يمتص غضب الناس والأهالي !!!! تعليقك ايه ؟؟؟؟؟؟؟؟

** إلى يومنا هذا كم ألف واحد مات في غرق عباره مره وفي حوادث قطارات مره وفى انهيارات مباني مره وانهيار هضبه وصخور مره وغيره وغيره وغيره ......

مليون ألف علامة أستفهام وتعجب من اللي الحكومة بتعملة فينا وفي شعبنا الغلبان طبعا أقصد الناس الغلابه المطحونين هقول أيه ولا ايه ولا أيه ......

احنا الحكومة عرفت ازاي تقدر تروضنا وتخلينا نمشي وراها ونصفق لها وتعرف أزاي تنيمنا وتعمل اللي في دماغها برضه وفعلا أن النظام الديمقراطي أهم بنوده (( أن الشعب حر أنه يتكلم ويعبر عن رأيه والحكومه بتسمع بس من حقها برضه أنها تعمل اللى في دماغها )) وأنتم عاوزين أيه احنا مش سايبنكم تتكلموا وتعبروا حرية الرأي ولازم تحترموا الرأي الآخر المتمثل في الحكومة !!!!!!!!!!!!!!!!!!!

مش كده ولا أيه! وعجبييييييييييييييييييييييييييييييييييييي

والسلام عليكم ورحمة الله وبركاته

[خالد عبد الرحمن خضر]

[انا عندى سوال واحد هو وزير الاوقاف معندوش فكرة باللى بيحصل فى اكبر مسجد بالغربية وهو السيد البدوى من المهازل اللى بتحصل فية من تسول العمال بالمسجد ومطلبو الزوار عينى عينك العامل بيطلب من الزائر يقولة نفحة والنبى للسيد البدوى دا العامل بيطلب حسنة علشان ياخد منك الحزاء لكى يضعة على الرف وكمان عامل دورة المياة يغلق عدد من الحممات ولا يفتحة الا ازا اعطيتة النفحة ارجو من الوزير الفاضل النظر لهزا الصرح الزى ينهار بسبب هزة العمال التى لا تعرف حرمة هزا المكان العظيم دة سؤال وارجو من الوزير الفاضل الرد الى متى ستبقى هزى المهازل

:happy: