-ْ-ْ~ منتجات الاهلي تغزو كارفور ~ْ-ْ-ْ

[جبار سينج]

تم تعديل 5 أغسطس 2008 بواسطة جبار سينج

[ابو محمود]

دة بس اول المشوار دى منظومة وطريق الى النجاح وياريت مصر بتدار زى النادى الاهلى دلوقتى يقولو انى متعصب طب ممكن نفكر شوية ونقول الفارق

مصر يديرها اناس لايحبونها بدليل انهم مابيفكروش فى تنميتها فالفساد والغش اصبح السلعة الأكثر انتشارآ ورواجآ اما الأهلى فالكل يتسابق على رفعتة وتنميتة رغم ان هناك الكثير يخدم بدون أجر مثال .. تم تنظيم المئوية بأشخاص ليسومن مجلس الأدارة ونجحت المئوية بشهادة الجميع وهناك امثلة اخرى لاداعى لذكرها

عرفتو انا بقى أقصد اية بيب بيب مصر بيب بيب أهلى

[حسام يوسف]

وياسلام على ادارة الاهلى

وتزوير

وخطف

وتكويش

النادى الاهلى

يسقط الاهلى والحزب الوطنى وأمريكا

المفترى علية ربنا

[ابو محمود]

وياسلام على ادارة الاهلى

وتزوير

وخطف

وتكويش

النادى الاهلى

يسقط الاهلى والحزب الوطنى وأمريكا

المفترى علية ربنا

افشتك يادكترة !!!!!!!!!!!

واللة انا كتبت الرد دة علشان حضرتك ترد ههههههههههههههههههههههههه

دة انا كدا مكشوف عنى الحجاب ياراجل دة انت واحشنى قولت ياواد دور علية حتى فى القهوة بتاعتك اللى انت فاتحها بتاعة الأستغراب دى اللى جنبنا اقعد طول النهار ويادوب اروح يقولولى دة جة بعد انت ما مشيت قلت بقاااااة ما بدهاش هات يواد موضوع يكون أهلاوى وهات يا تفخيم فى الأهلى اكيد كبير بنى زملك مش راح يعديها أبدآآآآآآآآآ وأهو قفشتك انت عامل اية بقى .......... ياراجل واحشنى كدة ييجى من هنا لروما ولا لزيمبابوى هههههههههههههههههههههههههههههههه

مبروك يادكترة والحمد للة انك بخير ....

[حسام يوسف]

السلام عليكم اخى العزيز محمود مصطفى

أتمنى تكون بصحة جيدة وبال رايق

غصب عنى الايام دى مش متواجد كفاية

(ولابلاش كفاية دى )

ولايهمك من ماتش روما

الاهلى غلبة قبل كدة

ولاعيبة الاهلى السنة دى ماشاء الله هيعملوا حاجات كويسة

بس لسة الانسجام لما يحصل

صبرك بس على العجيزى وأحمدحسن فرج لما ينسجموا

لكن اللى عايز اقولة فى الموضوع

بلاش يا جماعة التفخيم فى كل حاجة فى الاهلى

حتى لو مش صح

لأن دة ضار بالاهلى نفسة

يعنى المدح فى ادارة الاهلى بالشكل الخرافى دة يا عم محمود مبالغ فية

وبالعكس بيعملوا حاجات كتير مش مظبوطة

واسأل عدلى المزور الشهير بعدلى القيعى

وعلى خطف والتكويش على كل اللاعبين

حتى لو لم يكن الاهلى بحاجة اليهم

تصرفات الاهلى خلتة زى القطب الاوحد

امريكا

الرياضة بدون منافسة متنفعش

وهارد لك للأهلى فى ماتش روما مرة تانية

[ابو محمود]

عزيزى د/حسام

العملية مش تفخيم ولا تضخيم بالذمة لو فية حد بيخطف حاجة بيدفع فيها فلوس ؟؟؟

ثانيآ العملية مش تكويش ولا خطف دة سوق مفتوح ولا كل ما حد يحب يشترك من اللاعبين فى البطولات والحصول عليها ويعرض نفسة انة فى خدمة الأهلى وتحت أمرة ونفع واستنفع يعنى انا أوكدلحضرتك ان ما يتقاضاة اللاعب من مرتب ومكافات فى الأهلى اقل من اى لاعب يساوية فى الزمالك ...

اخيرآ عزيزى انا رغم اختلافى معاك الا انى اعتز بأنك زملكاوى وصديق مهما أختلفنا فى انتمائتنا فى الأخر نعلم جميعآ اننا نتحاور وننمى صداقة وأخوة اما التزوير واللى بنشاهدة دة مش من المتعاقد ولكن ممن يدخلون فى الصفقات من رؤساء الأندية والسماسرة وأغلبهم من جبلاية القرود وانت تعرف كم التهليب اللى داخل كل موقع حكومى فما بالك بموقع اللعب هيكون فية اية غير ماهو ادنى من العمل وكلها ارزاق وكام مليون وبعدين اتكل

بصراحة الواحدكان نفسة يمسك موقع او منصب رياضى اهو يسترزق ويتشهر بلا محاورات ولا نت واللة انا بلاقى ناس اسمهم كبير بس ما يفهموش لا فى الرياضة ولا فى لعب البلى وتلاقى ياخويا الواحد من دول عماليين يتحايلو علية ادام عنيننا على الشاشة انة يقدم فقرة فى اى فضائية شفت بقى احنا وصلنا الى أية وتقلى الأهلى بيحتكر والنصب والتحايل ....

اتمنى انك تكون يا صديقى فى صحة جيدة وتخلص المهمة اللى مخلياك بعيد او بمعنى اصح بتتباعد عن شاشة المحاورات رغم ان الواحد شايف ان الجميع بدأ يبعد اظاهر انها ظاهرة محاوارتية ههههههههههههههههههه

اشوفك فى مواضيع تكون فيها فرحان يا دكترة انت عارف انا بحب الزمالك قد ايةوحيات سيدى الطشطوشى نفسى يغلب اسيك بس رايح جاى

[حسام يوسف]

اسأل عدلى المزور فى قضية اللاعب شريف اشرف

والموضوع عدى عادى خالص ولا كأن فيةحاجة

وأهو لسة موجود ونجم من نجوم المجتمع

وبيظهر فى القنوات والجرايد فشر عمر الشريف

[ابو محمود]

اسأل عدلى المزور فى قضية اللاعب شريف اشرف

والموضوع عدى عادى خالص ولا كأن فيةحاجة

وأهو لسة موجود ونجم من نجوم المجتمع

وبيظهر فى القنوات والجرايد فشر عمر الشريف

يظهر يا صديقى اننا الوحيدين اللى مشغلين الرياضة ...

يا دكترة عم عدلى دة مسؤول عن كل الفرق دةكلام عار تمامآ من الصحة الموضوع كما أعرف انة فى فرق الناشئين بيكون العقود مجرد عن استمارة بيملأها اللاعب وكام صورة والذى منة يعنى كل الاندية ممكن تلاقى اهمال ما بيظهرش غير لما نادى تانى بيخطف عقل اللعيب ويغوية كما حدث مع كثير من لاعبى الزمالك سابقآ وعند هروب شيكا وهانى سعيد واللى انا عايز اوضحة ان المدعو عدلى بيشتغل فى التسويق وكل واحد عايز يجمع اكثر اللاعبين فائدة قولى لماذا فشل الزمالك فى تموين فريقة بلاعبين جدد ولية الزمالك بيمضى اللاعب على شيكات على بياض او ما شابة قبل ان يتم كتابة العقود الموضوع ان هناك من يغزى عقول الجماهير بمعلومات مغلوطة مما جعل المواضيع تختلط على كثير منهم وذاد التعصب والأحكام الخاطئة ودة بسبب ما نشاهدة من فضائيات تتسول الأخبار ولو كذب كى تحقق اكبر عدد من المشاهدة كى يتم عرض اعلانات وجذب مكالمات تدر عليهم ملايين وتعجل بتعصب أعمى يضعنا على طريق حمى الأكاذيب والخداع وكأننا نعيش على لعب الكرة فقط مع ان هناك لعبات اخرى كالباسكيت والفولى بول وكرة اليد وهم بنظرى افضل من الكرة التى نشاهدها وبهم ابطال ايضآ يستحقون ان نتابعهم

[حسام يوسف]

اهلا بيك اخى العزيز محمود مصطفى

انا اقصد بكلامى واقعة محددة

واقعة تزوير عدلى بية لما جة شريف اشرف يروح الزمالك بعد الاهلى ما سابة ببلاش

لكن طبعا لو هيروح الزمالك

يبقى

لأ

وعدلى بية طلع عقد من درجة قدام الصحفيين

وقال شريف موقع للاهلى لمدة 5 سنوات قادمة

واادى العقد

ولما الموضوع تابعتة الصحافة

شريف استغرب

وقال انا ما مضيتش على حاجة

وتبين ان البية عدلى معاة عقد من شريف ومزور امضتة

وياريتة مزورها عدل

دة مزورها شريف محمد اشرف

وهوة شريف أحمد شرف

يعنى مزور

ومزور أهبل كمان

انا اللى اقصدة

مش بنتقد ادارة الاهلى

وبقول ادارة الزمالك هية اللى ميت فل واربعتاشر

كلهم نيلة

الفرق

الاعلام الاهلاوى اللى ما بيقبلش اى غلط على الاهلى