زمارة الخطر

[محمد محمود صبحي]

:sad:

فاكر..

زمارة الخطر..

وطفي النور..

وأكياس الرمل..

وقدام كل بيت ساتر..

فاكر..

أيام السهر..

والامتحانات..

وكوباية شاي من إيد أمك..

وانت بتذاكر..

كنت بتفرح لما تنجح..

أو حد يقول عليك شاطر..

فاكر الأمان..

ننام وفاتحين البيبان..

دلوقتي ف كل شارع لجنة..

وف كل بيت عساكر..

فاكر..

معقول عشان تعيش..

لازم تطاطي وتقضيها..

طيب وحاضر..

مين اللي قال..

البحر غادر..

ومين اللي قال..

إنك خلاص تعبان..

ومش قادر..

ومين اللي سماك..

شحات وعريان وصابر..

هو احنا توهنا من بعض..

هو إحنا ليه..

ماشين وبصين ف الأرض..

هو احنا لسه بنحلم..

وبنحاول وبنعافر..

سؤال لا كان ع البال ولا ع الخاطر..

أسأل عليك..

يقولوا نايم..

وتسأل علي..

يقولولك سافر..

واخد بالك..

دلوقتي ف كل ثانية..

بنسمع الزمارة..

وبدال الغارة ألف غارة..

لكن لا بيصحي شارع..

ولا حارة..

وكل واحد فينا محتاج..

مليون أمارة..

عشان يحس بالخطر..

ياه..

يا ساتر..

[عصام]

تم النقل إلى باب الأدب طبقا للتبويب الصحيح

الإدارة

[عصام]

وأعتقد ان حضرتك نسيت تذكر ان القصيدة منقولة عن المصرى اليوم !!!

[محمد محمود صبحي]

أعتقد أن على سلامة يمثل نبض قلبنا .. ويعتبر إضافة .. وأمنيتي الشخصية أن تتوفر له هنا قصائد كثيرة .. طبعا ً ده شيء يسعد الكثير

[gopy]

أعتقد أن على سلامة يمثل نبض قلبنا .. ويعتبر إضافة .. وأمنيتي الشخصية أن تتوفر له هنا قصائد كثيرة .. طبعا ً ده شيء يسعد الكثير [/color

أتفضل يا أستاذ محمد بص على الموضوع ده

http://www.egyptiantalks.org/invb/index.php?showtopic=41218

:sad: تحياتى