يا جماعة محتاج إفادة ممن يقيم أو يعمل فى دولة الكويت( ضرورى جداً)

[cobraspower]

أنا شاب مصرى خريج كلية الحقوق جامعة الأسكندرية جايلى عقد عمل فى الكويت فى مجموعة شركات فاضل أشكنانى أو فاست كنترول وحسب ما يقولون فهى مجموعة شركات منتشرة بدولة الكويت وصاحبة توكيلات كما أن لها عدة نشاطات أخرى.

أولاً : قيمة العقد 140 دينار فى الشهر والسكن والأنتقالات عليهم ومدته 3 سنوات علماً بأنهم يعرضون بالإضافة إلى الراتب حوالى من 20 إلى 30 دينار كحافز شهرى على المرتب الأساسى.

وأحب أضيف إن معروض مع العقد زيادة سنوية بمقدار 20 دينار على الراتب الأساسى.

فهل كده العقد ده يبقى مجزى ولا مش مجزى إيه رأيكم أنا محتاج مشورتكم بشدة.

ثانياً :أنا محتاج أى معلومات عن صاحب العمل وهو فاضل أشكنانى وكذلك عن الشركات التى يملكها علشان أتأكد من صحة العقد لأنى حدفع فلوس كتير مقابل العقد ده فمش عايز أكون ضحية عملية نصب.

ومتشكر جداً ومستنى ردودكم .

[الأهلاوي الأصيل]

بصراحة المرتب متواضع للغاية

يعني لا أنصحك تيجي الكويت بالمرتب ده إطلاقاً إلا لو عايز تحط رجلك في البلد على أساس تدور على شغل بعد كده

أما عن شركات فاضل أشكناني فمعرفش عنها حاجة ، لكن ممكن أسأل وأرد عليك

[الحاج فوزى]

يا اخى فلوس ايه بس اللى هتدفعها ..

العقد أقل من متواضع ..

بس حضرتك ما قلتش انت رايح تشتغل ايه ؟

يعنى ايه الوظيفة اللى هتشتغلها ؟

علشان اقدر اول لحضرتك متوسط رواتبها هنا ايه

[HDarwish]

شوف يا كروباس باور

أولا : العرض مش المغري قوي بالنسبة لناس معينة بس بالنسبة لناس تانية بيبقى مغري جدا

بس مبدأيا طالما السكن والانتقالات عليهم نقول ان مصاريفك حتبقى من الأربعين للستين دينار ودول بيبقوا عبارة عن أكل واتصالات وبعض المصاريف الشخصية ويزيدوا شوية لو انت بتدخن

ثانيا : فعلا زي ما الأخ قاللك قبل كده ايه هي نوع الوظيفة اللي جاي عليها يعني مثلا ما موظف الأمن بيجي على ستين دينار ومهندس بيجي على 500 دينار تختلف من نوع وظيفة لأخرى

ثالثا : أنا اول مرة اسمع عن العشرين او الثلاثين دينار الحافز الشهري ده

رابعا : صاحب العمل اول مرة اسمع عن اسمه هنا يمكن لو قولتلنا عن النشاط العام او نشاطاته الكثير دي يمكن نعرف

تمنياتي بالتوفيق

[cobraspower]

أولا يا جماعة أنا متشكر جداً على إهتمامكم وردودكم.

أما بالنسبة لطبيعة العمل فهى موظف إستقبال وخدمة عملاء بمجموعة فاضل أشكنانى.

أما عن نشاط الشركة فهى كما يقولون توكيل سامسونج وأجفا كما أن لهم شركة توريد عمالة منزلية من الخارج وشركة سياحة وأنشطة أخرى لم اعرفها بعد.

أما بخصوص مقرها فهو فى مركز الشيخ سالم الصباح التجارى بالسالمية.

أرجو منكم تحرى هذه الأخبار ومساعدتى بالرد عليها.

ولكم جزيل الشكر

[HDarwish]

والله هوه الراتب كبداية معقول بس لو تحاول يخلوه 200 يكون أحسن

بس يكون فعلا شامل السكن والمواصلات

بالنسبة لفاضل أشكناني معرفشي عنه حاجه شخصيا

لكن بمجرد ما كتبت اسمه في جوجل طلعلي عنه كلام مش كويس بس الكلام ده من عملاء مش من موظفين

عالعموم اكتب بس فاضل اشكناني في جوجل وشوف حتلاقي إيه

تمنياتي بالتوفيق

[الأهلاوي الأصيل]

أنا أعرف مكتب أشكناني بتاع استقدام خدم المنازل ....دا مشهور قوي هنا في الكويت بس سمعته مش كويسة

[cobraspower]

ممكن توضيح أكتر يعنى إيه سمعته مش كويسة

وأسف على الأزعاج