زعلانين من مصر ليه؟

[bentbatota]

بجد بجد يا اخ احمد انت اكيد اكيد مش فى مصر مصر دلوقتى هى مش امى دى مرات ابويا بذمتك فى حد فى الظروف دى واقعد فى البيت ومين حيسبوه يقعد دا كل ساعه حيسمع كلام يسم البدن ممن كل الناس وبسم الله ماشاء الله كله دلوقتى بياخد كورسات اشى كمبيوتر واشى لغات وبيعملوا cv بيعمل منها نسخ بعدد شعر راسه وبيكتب فيها ان الكورسات من جمعية جيل المستقبل يعنى تبع الناس الى فوق ومع ذلك تى تى زى ماروحت زى ماجيت لان مالوش وسطى طب سيبك ياسيدى من الشباب الكسول ده روح شوف المحاسبين والمهندسين الى كانوا شغالين فى مصانع وشركات وبالخصخصة اقعدوا فى بيوتهم بمعاش مبكر منهم الى سافر الخليج وعايش كويس ومنهم الكفيل مطلع عينه وغيرهم كتير وده مش بيجى على دماغه لوحده ده معاه مراته واولاده لا لا لابجد مالهم حق يزعلوا من مصر اسمع يا استاذ الى حصلك انت واصحابك ده استثناء ياتسالوا بهابتكم واعمامكم ومعارفكم عن السبب وبوس ايدين والدك ووالدتك لانهم واضح انهم مستجابين الدعوه وعشان كده انت وصلت على فكره ابشتغل ودخلى كويس جوه ومع ذلك سبت مصر

[محمد عبدالعزيز]

أنا بقى مش عارف بصراحة ليه الناس زعلانة من أحمد

الراجل بيقول إن الشغل مش بييجى إلا للمجتهد, وإن فرص العمل محتاجة تأهيل ومحتاجة مجهود.

كلامه صح, والراجل بيتكلم من منطلق اللى شافه فيه وفى أصحابه, مش عارف ليه الناس زعلانة منه بس.

أنا عن نفسى مقتنع بكلامك يا أحمد وربنا يبارك فيك ويكتر من أمثالك.

[ahmedr]

أنا بقى مش عارف بصراحة ليه الناس زعلانة من أحمد

الراجل بيقول إن الشغل مش بييجى إلا للمجتهد, وإن فرص العمل محتاجة تأهيل ومحتاجة مجهود.

كلامه صح, والراجل بيتكلم من منطلق اللى شافه فيه وفى أصحابه, مش عارف ليه الناس زعلانة منه بس.

أنا عن نفسى مقتنع بكلامك يا أحمد وربنا يبارك فيك ويكتر من أمثالك.

ربنا يخليك واخيرا فى حد فهمنى والله هو ده غرضى ان الشباب يجتهد

وشكرا على مرورك الكريم

[alaashabana]

المشكلة اننا مش ضد احمد ولا حاجة ...لكن كلامه كلام احلام...

يا ابنى هقولك على مثل بسيط .. هنا مثلا فى الامارات لو مرتبك 2000 درهم ودة يعتبر من المرتبات الضعيفة هنا .. رغم كدة ممكن تشترى عربية من التوكيل على البنك..

بالذمتك انت لو مرتبك 1500 فى مصر تقدر تشترى عربية عن طريق البنك ..

انت كلامك صح فى نقطة المحاسب .. لانى انا محاسب وشايف اية هو الصح .. يمكن فعلا كتير جداا محاسبين وفعلا لما تفتح الجريدة هنا تلاقى كمية ناس بتدزر على شغل ومعظمهم مجاسبين ،، لكن فعلا علشان تلاقى فرصى صح لازم تكون مميز عنهم زى انك تاخد شهادات مهنية او كورسات او اى حاجه تميزك عن باقى المحاسبين ودة كلام صح ..

بس انت نسيت يا استاذى العزيز والمحترم ""ان علشان اى حد محاسب او خريج جديد وعاوز ياخد زى شهادة "السى ام اية " هتكلفة كتير .. وابقىاسأل على تكيفتها يا حبيب قلبى الاول .. تكلفتها فى مصر اكتر من 7000 جنية مصرى .

تخيل كام واحد خريج تجارة يعرف يجيب المبلغ دة بعد ما يشتغل وبعد كام سنة ...

احسبها لو واحد مرتبة 900 جنية صافى شوف بقى هيعرف يحوش قد اية منهم علشان فى الاخر وبعد مدة اد اية يعرف يجيب ثمن الشهادة ..

تفتكر فية مراكز ممكن تعملها بالتقسيط فى مصر .. طيب بلاش تقسيط تفتكر ممكن تاخد قرض تعليم من البنك مثلا بضمان مرتبك او وظيفتك.. طبعا دة مستحيل فى مصر ..

هنا انا سألت على الموضوع دة وعرفت ان ممكن تأخد قرض تعليم من البنك لغاية 100 الف درهم وبيزيد او يقل حسب مرتبك .. والحد الادنى من المرتب 2000 درهم " يعنى مرتب مساعد محاسب مبتدأ"

بصى يا احمد بية بلاش تعيش فىالاوهام وبكرة وانا اسف جدا جد ا جدا انى اقولك " هتاخد على دماغك " لما تقابل المشاكل الصح ولما تبقى مسئول عن نفسك او عن عائلة .. علشان الواضح من كلامك ان مرتبك بتاخدة كامل وعايش وسط اهلة ربنا يخليهم لك ..

بس انت لسة صغير ..

سلام يا صاحبى

[محمد عبدالعزيز]

دلوقتى فى رأيين, واحد بتاع صاحب الموضوع وبيقول إن فرص الشغل موجودة للمجتهدين والمؤهلين واللى عندهم إصرار وعزيمة على النجاح, وأنا مع الرأى ده لأن ده فعلاً اللى أنا شفته فى أصحابى وأقاربى, وبالتالى مفيش داعى إن الشباب يتهافت على السفر حتى لو بطريقة مهينة زى الهجرة غير الشرعية أو بتغيير المهنة أو أو أو وعد زى مانت عاوز.

اللى يسافر يسافر على فرصة محترمة تستحق تكلفتها, مش أسافر على أى حاجة لمجرد إنى أسافر وخلاص, بهدلة ببهدلة ادى انت متبهدل فى بلدك وحاول تبنى نفسك عشان تلاقى فرص أحسن.

مش عارف الكلام ده مزعل صاحب الرأى التانى الأخ alaashabana فى إيه وعمال يقول لصاحب الموضوع إنت عايش فى الأوهام وإنت لسه صغير وإنت وإنت.

هو لسه صغير فعلاً بس طريقة تفكيره طريقة تفكير واحد ناضج فاهم هو عاوز يوصل لإيه بالظبط ويوصل له إزاى من غير ما يهين كرامته أو يهين بلده.

يعنى إنت يا أخ alaashabana يرضيك إن الشاب يتهافت على السفر ويدفع 20 أو 30 أو 50 ألف عشان يسافر بطريقة غير شرعية ويغامر بحياته عشان يلاقى فرصة عمل؟

طب إنت متخيل كام منهم ممكن يلاقى فرصة عمل؟

طب إنت تعرف إن فى المدن الصناعية -وأنا ساكن فى مدينة منهم وعارف بقول إيه- المصانع فعلاً بتدور على عمالة مؤهلة لدرجة إنهم بيجيبوا دلوقتى عمالة من جنوب شرق آسيا ومن تركيا عشان تشغل المصانع فى بلدنا؟

وأصبحت المدينة اللى أنا ساكن فيها دلوقتى ألاقى جنبى فى السكن التركى والهندى والباكستانى.

والإعلانات موجودة فى الطرقات وفى وسائل المواصلات وعلى أبواب المساجد, فرص عمل للشباب بمرتب 500 جنيه والعمل 8 أو 9 ساعات مش فاكر بالظبط والمواصلات والأكل على حساب صاحب العمل.

يعنى لو شاب استغل فرصة زى دى وأخد خبرة سنة مثلاً مش ممكن يشتغل بعد كده فى فرصة أحسن ومرتبه يزيد؟

وكل مايزيد خبرة مرتبه يزيد, والكلام ده مش أوهام والله دى حقيقة واللى حصل معاه كده أخويا مش حد غريب, ماشاء الله مرتبه دلوقتى مبلغ كويس وهو مؤهل متوسط مش جامعى ولا حاجة.

وغيره من الأمثلة كتير ممكن أحكيهالك سواء من أصحابى أو من أقاربى.

أما بقى إذا كنت عاوز تقول إن العيشة فى البلد صعبة والجو مش نضيف والتعليم مش كويس ومفيش ديمقراطية ومفيش حقوق إنسان أنا ممكن أقول معاك وأحمد برضه ممكن يقول معاك, بس لازم بعد كده نشوف ممكن نعمل إيه عشان نصلح الأوضاع الغلط دى, مش نقعد نتكلم نتكلم وخلاص.

تم تعديل 9 أغسطس 2008 بواسطة محمد عبدالعزيز

[alaashabana]

استاذىالعزيز " محمد عبد العزيز " حلوة المقدمة دى..

اولا انا بحترمك وبحترم احمد صاحب الموضوع وبحترم كل واحد بيقول راية .. طبعا لازم يكوم فى اختلاف اراء ..

انا اولا عاوز اوضحلك نقطة. انا لما قولت تفكيرك يا احمد " صاحب الموضوع لسة صغير" دة مش تقليل من شأنة .. لا والله .بس انا قصدى انه لسة ملفش وشاف الدنيا صح .. على فكرة انا عندى 24 سنة .. يعنى انا كمان لسة صغير..

كلامك يا محمد كلة تمام ... وانا فعلا لما جيت البلد دى اتعرض علية كذا شغلانة مش فى مجالى وانا كنت بررفض .. وكنت بقول ياما اشتغل فى مجالى يأما ارجع .. هى مش غربة وهتبقى قلة قيمة كمان.. وانا معاك فعلا فى الكلام دة وان اللى بيميز واحد عن التانى هو ان واحد مجتهد وبيشوف اية اللى ناقصة وبيحاول يكملة والتانى كسول..

بس النقطة اللى انا بتكلم فيها مش هى دى ... انا كل اللى بتكلم فية ان فى مصر فرص النحاج قليلة وعلشان تبقى فى مكان كويس وتاخد خبرة . تقريبا 90% لازم يكون عندك واسطة..

طيب بص بلاش واسطة .. نقول انه اجتهاد وتوفيق من عند ربنا .. انا هحكيلك موقف حصل لية وحصل لواحد زميلى بردة..

انا لم اتخرجت قدمت فى كذا شركة ..عملت مقابلة مع اول شركة وكنا تقريبا 50 شخص .. بعد كدة صفت على 10 اشخاص بعد كدة 3 بعد كدة اختارونى انا الحمد لله..

الموضوع دة اخد تقريبا 3 اسابيع ... عارف اية اللى حصل بعد كدة

فى المقابلة الاخيرة اللى تم فيها اختيارى المدير كان عاوز يمضينى على وصل امانة وشيك على بياض.. علشان مش اسيبة فى اى وقت..

تخيل امضى شيك على بياض علشان اخد 500 جنية فى الشهر فى حين هو ممكن يبيعنى اللى وراية واللى قدامى.. هى دى مصر يا سيدى..

صدقنى والله انا ضد فكرة الهجرة الغير شرعية او انك تسافر وتشتغل اى حاجة فة حين انك ممكن تشتغل فى مجالك وفى بلدك وتاخد خبرة منها .. بس دة بقى صعب اوى فى بلدنا يا جماعه...

المشكلة كمان ان الشغل بقى مرتباتة قليلة اوى والخبرة اللى ممكن تحصل عليها تكاد تكون معدومة... انا لية واحد صاحبى شغال بقالة اكتر من 3 سنين محاسب فى شركة استيراد وتصدير.. لما سألتة قولتلة شغالين برنامج اية قالى عادى اكسيل..

هنا فى الامارات اقل شركة لازم يكون عندها برامج تشتغل عليها ..

يا جماعه انا مش ضد مصر ..لكن ضد نظامها والكوسة والبهدلة اللى بتحصل فيها ... ايوة ضد الكوسة ..

انا اعرف واحدة خريجة 2007 وشغالى فى اتصالات لما قولتلها اشتغلتى ازاى؟؟ قالتلى بالواسطة طبعا.. وعملت بردو اختبارت بس علشان تدخل الاختبارات دخلا\ت بالواسطة..

انا عارف ان كل دة نصيب من عند رنا والمسألة مش موضوع كوسة ولا واسطة لكن هى فى الاول وفى الاخر تتوفيق ونصيب من عند ربنا..

لكن انا مش بتكلم ولا هعلق على الشغ لكن انا هتكلم على النظام يا جماعه.. البهدلة لما تيجى تطلع ورقة رسمية او حكومية ..

يا جماعة انا سمعت ان اسوأ سفارة على مستوى الوطن العربى ان لم تكن على مستوى العالم هى سفارة مصر..

اسؤأ نظام تعليم على مستوى الوطن العربى هو نظام مصر ..

انا بقالى 9 شهور هنا وزهقت من الغربة ونفسى ارجع مصر والله واشتغل فيها واكون جنب اهلى وبيتى بس لما بفكر تانى واقول يعنى انا لو فضلت كام سنة شغال هعرف اجيب سيارة .. بلاش سيارة لكن هل هعرف اعيش وانا مطمئن ؟؟ هعرف اعيش كبني ادام؟؟ هعرف اركب مواصلات كويسة ؟؟ هعف امشى فى شارع نظيف ؟؟ هعرف اخرج مع مراتى لما اتجوز ان شاء الله من غير ما الاقى حد يفضل يضايقنا فى الطريق؟؟ هعرف اعلم اولادى فى مدارس عادية وتكون كويسة ؟؟ ولا لازم ادخلهم مدارس لغات علشان يتعلموا كويس؟؟

هعرف لو فى يوم حد اخد حقى اشتكية ويجينى حقى من غير بهدلة ؟؟

صدقونى الموضوع مش موضوع شغل لكن الموضوع موضوع حياة؟؟

تفتكر لية المهندس ايهاب والدكتور تهامى والشامى والناس الكبيرة دى رغم مراكزهم الكبيرة فى مصر والوطن العربى سابوا كل دة وهاجروا؟؟

ساعات كتير بفكر واقول ممكن فى يوم من الايام بعد ما اوصل لمرتبة كويسة وحياة مالية واجتماعية كويسة ابيع كل دة وابدأ من جديد او ابدأ من نص الطريق تانى علشان ا عيش حياة كريمة..

لو فكرت هتلاقى ان الناس دى تعبت اوى اوى اوى واتعلموا كتير ورغم كدة وبعد كل الخبرة اللى اخدوها بدأوا من جديد وبيبذلو مجهود اكتر من اللى عملناه يكتييييير علشان بس اولادهم تكبر فى مجتمع نظيف ومحترم..

سيدى الفاضل احمد .. اخوية محمد عبد العزيز اعذرونى انى مش هكمل فى الموضوع دة علشان الواحد جواة كتير ورغم صغر سنى الا انى شوفت بهدلة كتير فى بلدى مش شوفتها فى بلد الغريب.. والواحد لو طلع اللى جواة هتلاقية نفسك مستغرب ان كل دة بيحصل فى مصر..

لكن لازم تعرف ان دة لما بيحصل يبقى انت اكيد اكيد اكيد فى مصر

بنحبك يا مصر .. بس مش بنحب طريقتك اللى عاوزة تعيشينا بها.. لكن هى بردة فى القلب .. على الاقل ذكرت فى القرأن .. يبقى فعلا لازم نحبها وندعلها..

بكرر اعتذارى ومتابعتى للموضوع

[iloveegypt]

بصراحة الموضوع عجبنى بس لية شوية ملاحظات

1-ا علاء شبانةقال ان التعليم فى مصر اسوء نظام تعليم وانا اختلف معاه تماما لانى باعمل فى الخليج فى مجال التدريب وبصراحة من افضل مميزات مصر التعليم مقارنة بالدوال العربية الاخرى والدليل على ذلك ان اكفء مهندسين او اطباء او مدرسن او حرفيين هم المصريين

2-رغم انى اعمل فى الخليج الان الا انى اشهد بانى عملت فى مصر فى عدة اماكن مميزة لها الفضل على فى خبرتى فى مجالى كلها تقريبا بدون واسطة ولا اى شىء

3-الفرصة المميزة فى مصر افضل بكتيير من السفر بمرتب تعبان وده للا سف معظم المصريين شغالين فى الخليج بمرتبات تكفى الاكل والشر ب فقط

4-انا التمس العذر لاى شخص عنده مشكلة فى الشغل فى مصر بسبب تجربة سيئة عاشها ولكن ليس مبرر للتعميم لانه فى ناس كتير فى مصر افضل من كتيير مغتربين برة والعكس صحيح

5-بلا ش النظرة لمصر كانها جحيم والخليج هو الجنة لان دى مبالغة مش مقبولة كل مكان له مميزاته وعيوبه

واخيرا اتمنى التوفيق للجميع داخل حبيبتى مصر او خارجها

تم تعديل 9 أغسطس 2008 بواسطة iloveegypt

[alaashabana]

iloveegypt مشاركة بتاريخ اليوم, 04:37 PM

بصراحة الموضوع عجبنى بس لية شوية ملاحظات

1-ا علاء شبانةقال ان التعليم فى مصر اسوء نظام تعليم وانا اختلف معاه تماما لانى باعمل فى الخليج فى مجال التدريب وبصراحة من افضل مميزات مصر التعليم مقارنة بالدوال العربية الاخرى والدليل على ذلك ان اكفء مهندسين او اطباء او مدرسن او حرفيين هم المصريين

2-رغم انى اعمل فى الخليج الان الا انى اشهد بانى عملت فى مصر فى عدة اماكن مميزة لها الفضل على فى خبرتى فى مجالى كلها تقريبا بدون واسطة ولا اى شىء

3-الفرصة المميزة فى مصر افضل بكتيير من السفر بمرتب تعبان وده للا سف معظم المصريين شغالين فى الخليج بمرتبات تكفى الاكل والشر ب فقط

4-انا التمس العذر لاى شخص عنده مشكلة فى الشغل فى مصر بسبب تجربة سيئة عاشها ولكن ليس مبرر للتعميم لانه فى ناس كتير فى مصر افضل من كتيير مغتربين برة والعكس صحيح

5-بلا ش النظرة لمصر كانها جحيم والخليج هو الجنة لان دى مبالغة مش مقبولة كل مكان له مميزاته وعيوبه

واخيرا اتمنى التوفيق للجميع داخل حبيبتى مصر او خارجها

عزيزى i love egypt

كلامك فعلا جميل وصح لكن مش عارف ليو انتم واخدين فكرة عنى انى بكره مصر ..

انا كل اللى كنت عاوز اوضحة ان الحياة فى الخليج افضل من ناحية نفسية .. ورغم كدة هى حجيم زيها زى مصر بس جحيم اخف من مصر شوية ..

وانا مقولتش ان الخليج جنة ومصر جحيم بدليل انى شغال هنا فى الامارات بمرتب يكاد يكفى بالرغم انى كنت عايش فى مصر مرتاح ومرتب كويس جداا..

لكن كل اللى عاوز اقولة ان الخليج فى الحياة اسهل.. بمعنى انك فى مصر مثلا عايش فى المستوى المتوسط يعنى مرتبك كويس وعايش كويس لكن فى الحياة المتوسطة وعلشان تنتقل للحياة الافضل انا من وجهة نظرى صعب فى الغلاء المتزايد وثبات الرواتب..

انا مثلا كل فين وفين لما كنت بشوف عربية فيرارى ولا هامر

لكن هنا مرمين فى الشارع وعادى خالص بل بالعكس لو اى حد هنا مرتبة 7000 درهم ممكن يجيب عربية هامر..

يا جماعه انا مش بكرة مصر ولا بحب الخليج ... انا بعشق كندا ..

لكن انا مش هدخل كندا فى المقارنة لانى مش شوفتها ولا عيشت فيها... لكن الواحد ممكن يكون طالع عينة هنا فى الخليج بس لو قولتلة انزل مصر يقولك ابدا.. علشان اتعود على حياة نظيفة .. اكل كويس.. اللحمة زى الفول ... بلد مفيهاش طوابير ..

ياراجل دا انا مرة كنت فى بنك بصرف شهادة استثمار فضلت اكتر من ساعة ونص وفى الاخر يقولى مش الشباك دة .. وللاسف مفيش اى حاجة توضح اى شباك..

هنا انت تدخل البنك مكيف ونظيف وتاخد تكت وتستنى دورك وانت مستريح فى مكانك .. بل وكمان لما بروح اصرف شيك من قمة الادب واخلاق الموظفين اول كلمة بيقولها اسفين جدا علىالتأخير بابتسامة تشرح القلب..

يا جماعه انا والله مش بكره مصر ولا بحب الخليج بالعكس الجو هنا والرطوبة والحرارة تخلى الواحد يكره عيشتة.. لكن انا بتكلم على الحياة كمجمل .. بتكلم على حوق الانسان..

يمكن اللى مخلينى نفسى اروح كندا علشان بس هتعامل زى اى مواطن كندى ولية كل حقوقى .. لكن هنا فى الخليج مهما عيشت مش هيكون لية نف حقوق المواطن..

انا كلام كتير جواية .. لكن فى الاول وفى الاخر دى كلها اراء .. واتمنى من كل قلبى انى ارجع مصر وواشتغل فى وظيفة محترمة بمرتب محترم واعيش كأنسان لية حقوقة زى ما علية واجباته

وبحترم اى رأى اخر وبالتوفيق ان شاء الله للجميع ..

[alaa elshafiey]

السلام عليكوااااااااااااااااا

ومساء الخير على كل المغتربيين الى زاى الفل بجد

انا قريت كل الكلام الى فات دة وانا بقرأة حسيت ان علاء شبانة هو لسان حالى ياسيدى العزيز اشكرك للانك تكلمت بالنيابة عنى وعن معظم الشباب الذى مثلنا

ومن يتكلم عكس ذلك اقول لة عندما تمر بالازمة المالية ولا تلقى من يعطيك اى مال على سيبل السلف وانت فى بلدك وتحس انك غريب فى بلدك رغم وجوك وسط اهللك تعرف ان الفلوس هى مصدر الحياة وها هو الواقع

الحياة فى الخليج ليست بالافضل من مصر ولكنها الافضل من حيث النظام فى الحياة صدقنى كل ما قالة علاء شبانة ينطبق على الدوحة ايضا والكويت والسعودية لماذا لان النظام واحد

وهنا لا يوجود احد فوق القانون وهذا ليس شعرا

ولكنة الحقيقة مصر الجميع فوق القانون لو تعرف عسكرى تبقى فوق القانون

يأخى العزيز من يتأقلم على الحياة فى الخليج والنظام المتبع فيها يشعر انى اهين كثيرا داخل وطنة من عدم اسناد اى وظيفية لة

من عدم الاهتمام من الاخريين رغم انك تمللك كثير من المؤهلات التى تجعلك تعمل فى افضل الشركات ولكنها الوسطة والمحسوبية

ياصديقى عندما تبحث عن عم فى مصر ( تشعر من صاحب العمل انة سوف يعطيك راتب خيالى بعد العناء فى الوصول الى المراحل النهائية بعد عدة مقابلات بعد ايضا الاختبارات وبعد ذلك كلة تلقى 500 جنية

ياخى نبحث عن الحرية داخل بلدى لا القها صحيح انا متعذب هنا مع الكفيل وطالع عينى بس اهوو اعمل اية انزل مصر اقعد فى البيت يعنى

فاروق جويدة قالها

((((((((((((((((((( وَصَرَخْتُ.. وَالـْكَلِمَاتُ تهْرَبُ مِنْ فمِي هَذِي بـِلادٌ لمْ تـَعُــدْ كـَبـِلادِي )))))))))))))))))))

كم انا حزين على كلامى الذى اكتبة فى حق بلدى ولكنها الحقيقة الاهانة داخل بلدى اكثر بكثير من خارجها صدقنى

تم تعديل 9 أغسطس 2008 بواسطة alaa elshafiey

[iloveegypt]

الشىء الاكيد ان كل المصريين بيحيوا بلدهم هذا شىء لايقبل النقاش او التشكيك

بس الموضوع المبالغة اللى احنا عايشين فى الخليج بنتكلم بيه عن مصر انا بسميها حالة التفاح يعنى ايه

يعنى اى حد بيجى الخليج يلاقى التفاح ب6 ريال وفى مصر ب 20-30 جنيه يقولك الحياة فى الخليج رخيصة رغم ان باقى الاكل مثلا ارخص فى مصر مثل الارز او الخيار او البرتقال او غير ذلك

كذلك الكلام عن الحرية او المساواة اللى فى الخليج هى فين انتم ما سمعتوش عن العمال البنجال الغلابة اللى مش بيخدوا مرتباتهم فى الكويت وكانت 50 دينار وفى الاخر الكويت رحلتهم

ولا مسعتوش عن مشاكل المصريين اللى شغالين كرجال امن فى الكويت ومحدش سال فيهم

ولا فالسعودية لو حبيت تطال بجواب اخلاء الطرف ومخدتوش تروح مكتب العمل تشتكى تاخد القضية 3-5 سنيين

ولا الاحياء الغير ادمية اللى بيسكنو فيها العمال الاسيويين او المصريين التى لا تليق بالبنى ادميين

ليه محدش بيتكلم عن الحاجات دى ويفتكر اللامساواة اللى فى مصر وهى للامانة موجودة بس مش فى مصر بس فى الدول العربية كلها ولا كلنا بنفتكر البنوك المكيفة وننسى اتوبيسات اللى النقل الداخلى اللى فى السعودية مثلا اسوء بكتيير من النقل المكيف فى مصر او حتى العادى

حد فى الخليج يستطيع ان يتكلم فى السياسة حتى المواطنين ينفى فورا

بس خلاص

مع تحياتى للجميع وانا عارف ان الجميع نفسه يلاقى حياة افضل فى بلده

[alaashabana]

iloveegypt مشاركة بتاريخ أمس, 07:27 PM

الشىء الاكيد ان كل المصريين بيحيوا بلدهم هذا شىء لايقبل النقاش او التشكيك

بس الموضوع المبالغة اللى احنا عايشين فى الخليج بنتكلم بيه عن مصر انا بسميها حالة التفاح يعنى ايه

يعنى اى حد بيجى الخليج يلاقى التفاح ب6 ريال وفى مصر ب 20-30 جنيه يقولك الحياة فى الخليج رخيصة رغم ان باقى الاكل مثلا ارخص فى مصر مثل الارز او الخيار او البرتقال او غير ذلك

كذلك الكلام عن الحرية او المساواة اللى فى الخليج هى فين انتم ما سمعتوش عن العمال البنجال الغلابة اللى مش بيخدوا مرتباتهم فى الكويت وكانت 50 دينار وفى الاخر الكويت رحلتهم

ولا مسعتوش عن مشاكل المصريين اللى شغالين كرجال امن فى الكويت ومحدش سال فيهم

ولا فالسعودية لو حبيت تطال بجواب اخلاء الطرف ومخدتوش تروح مكتب العمل تشتكى تاخد القضية 3-5 سنيين

ولا الاحياء الغير ادمية اللى بيسكنو فيها العمال الاسيويين او المصريين التى لا تليق بالبنى ادميين

ليه محدش بيتكلم عن الحاجات دى ويفتكر اللامساواة اللى فى مصر وهى للامانة موجودة بس مش فى مصر بس فى الدول العربية كلها ولا كلنا بنفتكر البنوك المكيفة وننسى اتوبيسات اللى النقل الداخلى اللى فى السعودية مثلا اسوء بكتيير من النقل المكيف فى مصر او حتى العادى

حد فى الخليج يستطيع ان يتكلم فى السياسة حتى المواطنين ينفى فورا

بس خلاص

مع تحياتى للجميع وانا عارف ان الجميع نفسه يلاقى حياة افضل فى بلده

لا اله الا الله ....

سيدى الفاضل كل الامثلة اللى قولتها دلوقتى كلامك سليم لكن كل كلامنا انا وكل الموجودين فى المنتدى عن المستوى المتوسط

يعنى خريج جامعة وعلى قد حالة ...

لكن اللى انت بتتكلم عنهم دول عمال .. يعنى فى مصر او فى اسيا عمال.. علشان مش معاهم المؤهلات اللى تناسبهم يشتغلوا فى وظايف كويسة ..

لكن انا بتكلم على خريج الجامعة..

وبعدين هقولك على حاجة ، انت بتتكلم عن العمال ورجال المن اللى فى الخليج ومش واخدين حقهم .. عاوز حضرتك تبقى تنزل الساحل الشمالى وانت بردة هتلاقى عمال ورجال امن فى القرى السياحة ومعظمهم ان لم يكن كلهم مؤهلات عليا .. تفتكر الرواتب كام .. اتلوراتب يا سيدى الفاضل بتبدأ من 200 جنية .. 200 جنية يا اخى العزيز..

ياعم انت مش عايش فى الدنيا. انت ملفتش وشوفت البلاوى اللى فى الدنيا ..

انا اشتغلت كاشير فى سوبر ماركت فى شرم الشيخ ،، للاسف لاقيت عامل شال فى السوبر ماركت معاه هندسة مساحات..يعنى مندس ولما سألتة لية قبلت كدة وانت راجل مهندس قالى مش معايا فلوس اسافر ومفيش مكتب عاوز يشغلى غير لما اكون خبرة ..

مش معاه فلوس ياسافر فاشتغل عامل ب 300 جنية ..

مش عارف اقولك اية بس ،،انا حاسس انك مش عايش فى الدنيا حاسس انك من كوكب اخر ،،

الموضوع وما فيه ،، حياة ،،، الخليج مش جنة لكن على الاقل احسن من مصر مليون مرة,, نظيفة ،، ناس محترمة ،،

اقولك على حاجة كويسة اوى ... هنا فى الامارات مثلا انا عمرى ما لاقيت لجنة على الطريق ولا عسكرى مرور على الطريق..

طيب بلاش دى،، محمد صبحى طلع فى برنامج قبل كدة وقال انا تقريبا شوفت معظم بلاد العالم ،، عمرى ما شوفت دولة زى مصر بتخبى الردار بتاعها على الطريق علشان محدش يشوفة وساعتها اللى ماشى بسرعة ياخد مخالفة على طول،، بعكس باقى دول العالم اللى تلاقى الردار فيها واضح وقبلها كمان ب 500 متر يقولك فية ردار على الطريق.. علشان ياخد بالة ويهدى السرعة.. مش فى مصر بيخبوا الردار علشان تيقع وتلبس فى المخالفة ..

شوفت هبل اكتر من كدة.. اقولك على حاجة تانية .. فى تقرير للام المتحدة مصر طلعت من الدول اللى ممكن تحصل لها مجاعة فى غضون العشرين سنة اللى جاية..

اقولك على حاجة ،،، روح نام ياكابتن ،، وربنا يخليلك مصر...

مصر هى امى ،، نيلها هو دمى ،، كمل انت بقى اصل انا عمرى ما حفظت اغانى وطنية ولا اغانى لبلد بتدينا بالجزمة برة وجوة ..ابقى تعال شوف سفارات مصر فى الدول عاملة ازاى.. او اسأل عليها بس..

كل سنة وانت طيب

[desert_eagle70]

انا ليا عتاب على معظم الناس الى بتشكى همومها من مصر والى بتعمله فيهم مصر

اولا هى ايه مصر؟

هى الشعب هى الناس الى عايشين فيها هى المغتربين الى المفروض يكونو واجهه ليها بره مش يقطعوا فيها ليل ونهار مصر هى الى كلنا اتربينا فيها ومصر هى الى خلت معظمكم ناجحين فى اى بلد انتو مغتربين فيها مصر فيها اهلنا من الاخر احنا انعكاس لمصر ولما نغلط فيها ونقول عليها اسيه ومعرفش ايه فالكلام ده لينا

عايز تلوم لوم نفسك الاول لان لايغير الله قوما حتى يغيرو مابانفسهم

عايز تلوم لوم نفسك لانك معلمتش نفسك كويس وماهلتش نفسك انك تكون انسان ناجح وقوى فبلدك

عايز تلوم لوم نفسك لانك عايز ترتاح فى بلدك وعندك استعداد تعمل اى حاجه فى الغربه

عايز تلوم لوم نفسك لانك بتعلق فشلك على شماعه الواسطه واسباب كتيره

بعترف ان الواسطه موجوده لكن مصر كلها مش ماشيه بالواسطه ومش كل الناس وحشين اى مكان ناجح بيدور على الكفائه وللاسف بات نادره فمصر

وعن تجربه شخصيه انا وصحابى اتخرجنا كلنا من كليه التجاره كل واحد كان ليه هدف واصرار يحققه سعينا واجتهدنا وبدانا من الصفر الى كان بياخد 300 جنيه ودلوقتى بعد سنتين من التخرج معظمنا فى شركات كبيره وبنوك محترمه دلوقتى واقل واحد مرتبه 1500 ومن غير اى وسايط ولا حاجه وربنا يعلم

الموضوع موضوع سعى واجتهاد مش اعد فى البيت واستنى بابا يعمل اتصالاته افتكر انا وصحابى بعد مخلصنا كل واحد كان بيطبع 20 سى فى ونلف على البنوك والشركات وناخد كورسات لحد مربنا وفقنا وكرمنا

يا شباب الفرص موجوده المهم فكر كويس ودور ومتتعبش ومتياسش وربنا هيكرمكو من وسع

مش عيب انك تسافر بره تشوف فرصه احسن لكن العيب هو المظهر السىء الى بيظهر بيه ابناء مصر ويتنازلو عن كرامتهم ويعملو اعمال مستحيل يعملوها فى بلدهم وفى الاخر يقولو البلد عملت فينا وعملت

راجعو نفسكم يا مصريين

احمد .. كلامك مفهوش اى حاجة غلط ولا فيه شعارات .. زى ما بتقول فى قصص ونجاح بيقابل بعض الشباب المصر على النجاح واللى مستسلمش لليأس بس القاعدة العريضة مش مستعدة تتقبل الموضوع عشان فى بعض الناس سواء بيتمثلوا فى بعض أفراد الحكومة او رجال الاعمال زرعوا اليأس فى الشباب واحبطوهم فالشاب فى العشرينات بقى بيحس انه عجوز اوى من كتر تفكيره فى الشغل والسفر والجواز والمصاريف .

بس معاك انه مش كل واحد فاشل يقول مصر السبب ويطلع عمال يشتم ويلعن فى البلد مع العلم ان الفشل باين عليه بس هى بقت شماعة البلد هى السبب ( البلد احبطتنى - الواسطة ضيعتنى ) هو نصيب ومكتوب لكل واحد طريقه السهل والصعب وده لحكمة ربنا ولكن مفيش حد قال ان اللى بينجح طريقه مفروش بالورود.

[ahmedr]

احمد .. كلامك مفهوش اى حاجة غلط ولا فيه شعارات .. زى ما بتقول فى قصص ونجاح بيقابل بعض الشباب المصر على النجاح واللى مستسلمش لليأس بس القاعدة العريضة مش مستعدة تتقبل الموضوع عشان فى بعض الناس سواء بيتمثلوا فى بعض أفراد الحكومة او رجال الاعمال زرعوا اليأس فى الشباب واحبطوهم فالشاب فى العشرينات بقى بيحس انه عجوز اوى من كتر تفكيره فى الشغل والسفر والجواز والمصاريف .

بس معاك انه مش كل واحد فاشل يقول مصر السبب ويطلع عمال يشتم ويلعن فى البلد مع العلم ان الفشل باين عليه بس هى بقت شماعة البلد هى السبب ( البلد احبطتنى - الواسطة ضيعتنى ) هو نصيب ومكتوب لكل واحد طريقه السهل والصعب وده لحكمة ربنا ولكن مفيش حد قال ان اللى بينجح طريقه مفروش بالورود.

الحمد لله

اكيد مفيش حد بينجح بيكون طريقه سهل وياريت الشباب يفتنع مش معنى انه اترفض فى شغلانه او موفقش فيها انه خلاص كده الدنيا باظت ولا شغلانه ولا عشره لكن شبابنا بييئس بسرعه ومتعودش عالتعب فاكر ان اكل العيش زى المدرسه فى الابتدائى هيكتبوله عالسبوره والمدرسه يغش من صحابه والكليه يجيب ورق اخر السنه ويذاكر اسبوع وينجح .

الدنيا مش كده ومعظمنا كان كده وانا اولهم بس لازم نفوق بدرى نشوف الى نجحو عملو ايه ونحاول نكون زيهم ويكون عندنا هدف وعندنا استعداد عشان نتعب ونجتهد عشان نحققه مهما حصل.

وليا برده صحاب يروح انترفيو او اتنين وميتوفقش يرجع شايل هم الدنيا ويحكى عالوسطه لكن لو بص لنص الكبايه المليان وعرف انه بكده اخد خبره فنوعيه اسئله الانترفيو وخد ثقه اكيد مش هيزعل ومره او التانيه او العاشره باذن الله هتيجى معاه المهم السعى والاصرار والتميز فى مجاله واولا واخيرا توكل على الله

وربنا يوفقنا جميعا