إنقلاب في موريتانيا

[أحمد سيف]

سمعتوا يا شباب عن الانقلاب العسكري في موريتانيا

رغم إني من أنصار الحكم المدني والحريات والديموقراطية على طول الخط إنما مش عارف ليه حسيت بنوع من الارتياح لما سمعت الخبر

يمكن لإني كنت حاسس إن الموريتانيين كانوا ذالين الشعوب العربية بشوية الديموقراطية اللي عندهم وكل ما يطلع واحد منهم في التلفزيون يقعد يعمل نفسه أستاذ في الديموقراطية wst::

أو لإني كنت حاسس إن الموضوع ما كانش بجد، يعني حكم قبلي متخلف مغلف من الخارج بشوية سكر (وده اللي ثبت في النهاية)

أو لإني كنت أتمنى أن تكون الريادة (مش الرياله) لمصر في هذا المجال، وماكنتش بالع إن دوله غلبانه زي موريتانيا تسبقنا (أيوه حسد وغيره يعني) smk:

المهم اللي اتوقعته لقيته ... وبقينا في الهوا سوا

أستغفر الله العظيم يارب :sad:

[الحازم حسن]

موريتانيا بلد الانقلابات

بيحصل فيها انقلاب كل يوم أربعاء الساعة 10 بالليل

وسمعت ان في عروض وتخفيضات جامدة هناك اليومين دول

اعمل انقلابين واحصل على التالت هدية

[tahereyad]

أنا برضه كنت باقول,, مش معقول دوله عربيه توصل للديموقراطيه بالسرعه دي كده و فجأه, منغير مقدمات.

عين و صابتهم يا عيني.. الناس مابقلهاش سيره غير موريتانيا و ديموقراطية موريتانيا.. و اخرتها أهو. الانقلابات هاتبقي عندهم مسلسل يومي زي بتاع مهند التركي كده.

[الباشمهندس ياسر]

انا برده كنت مستغرب الموضوع ...

لانه مش نافع يعنى انهم يعملوا انتخابات

وحركات و كلام بتاع خد وهات

اصل الطبيعى عندنا معشر العرب مفيش كده افيهات

انما فيه المواطن لازم يتكتف بالكلبشات

و سلمولى على الديقراطيه واى حكايات اصلنا معشر العرب بقينا بتوع خرافات

و عجبهم اصل عجبى وجعنى بصراحه

[hamdy farag]

السلام عليكم.موريتانيا بها اعراق كثيرة والحكم فيها قبلي وان كان في ظاهرة الديمقراطية..فنجد حتي الأن صراع بين القبائل احيانا كثيرة ينتج عنه قتلي و مصابين والقانون هناك يقوم علي العرف...والحكومات هناك بدئا من المختار ول دادة حتي معاوية ولد سيدي احمد الطايع تفتقر الي الخبرة واساليب الحكم...وتبيع اى شئ في مقابل تدفق الاموال الي خزانة الدولة ومنها الي حساباتهم في بنوك امريكا واوروبا حيث نذكر موافقة الرئيس المخلوع ولد الطايع علي دفن النفايات الناتجةعن التجارب النووية الاسرائيلية في صحراء مدينة اتار الموريتانية والتي هي بالمناسبة مسقط راسه في مقابل الغاء الدين المستحق ومنح موريتانيا بعض الملايين من الدولارات...والمضحك ان الاموال التي انفقت علي تامين سفارة israel في نواكشوط استهلكت معظم المال الممنوح مقابل هذه الصفقة القذرة.