لمن يجرؤ فقط....إعرف نفسك

[MONIMOON]

جبت لكم شوية أسئلة لكن محتاجة جرأة وصراحة و وضوح....

كون صادق مع نفسك وجاوب من غير خجل او كذب...

وأبدأ بالاسئلة وهي......

1_ ما هو إسمك و سنك الحقيقي؟؟

2_ هل قولت احبك بشخص أعجبك ورفض حبك؟؟

3_ ما هو اكثر موقف محرج تعرضت له؟؟

4_ لمن تقول كلمة (أسف)؟ ولماذا ؟؟

5_ ما هي أكبر كدبة في حياتك؟؟

6_ ما الذي تتمناه وأنت تعلم أنه لن يتحقق؟؟

7_ هل طلب منك أحد المساعدة ولكنك أهملته؟؟

8_ هل حبك يجعلك تتغاضي عن عيوب حبيبك؟؟

9_ متي تكون المرأة غير محتملة؟؟....والرجل غير محتمل؟؟ من وجهة نظرك

10_ قمة الحزن..(أن تعشق ما ليس لك).....قمة التحدي..(أن تبتسم وفي عينيك ألف دمعة)....متي تعرضت لهذا الموقف؟؟

11_ما هو رد فعلك أمام ( الخيانة...الكذب...الغيرة)؟؟

12_ هل شعرت بالخجل أمام ربك؟؟ و لماذا؟؟

13_ما عيوبك التي لا تستطيع معالجتها؟؟

14_ هل يمكنك التسامح في الخيانة..أم..الظلم؟؟ و لماذا؟؟

15_ هل شعرت بالغيرة من أعز أصدقائك ذات مرة؟؟

16_ ضع كلمة واحدة فقط تعبر بها عن شخصيتك؟؟

17_ هل خدعت أو خنت أحد أصدقائك أو حبيب لك؟؟

18_ هل حاولت الانتحار من قبل؟؟ ولو نعم..فالماذا؟؟

19_ للشباب......هل شعرت بإنجذاب تجاه حبيبة أحد أصدقائك؟؟

للبنات.........هل حاولتي أن تقومي بلفت انتباه شاب أعجبك؟؟ و كيف؟؟

20_ هل انت راض عن نفسك وعن أفعالك مئة بالمئة؟؟و هل أنت صادق في كل ما قلته الان؟؟

وشكراااااااااااا واتمني الموضوع يعجبكم

بس ياريت تكون الاجابات بمنتهي الصراحة

[mitcey]

انا واخدة بالي يا موني مون ان مش في حد صريح نهائيا في المنتدري كله

عموما زي الفل انا هجاوب يا سيتتي وافتح نفسك

علي فكرة انا مش قريت الاسئلة وهرد كده مرة واحدة واخلص

1_ ما هو إسمك و سنك الحقيقي؟؟

اسمي بسملة وسنني 19 سنة وهتم العشرين يوم 18 من شهر نوفمبر (كل سنة وانا طيبة)

2_ هل قولت احبك بشخص أعجبك ورفض حبك؟؟

اه قلت مرة هوة رفضني في الاول بس كان عايزني بعنيه وفي الاخر لعب عليا واتجوز

3_ ما هو اكثر موقف محرج تعرضت له؟؟

يييييييييييييي كتيييييييييييييييير

*********

وده كان اكتر موقف يودي في داهية وخصوصا انه من واحد بحبه يعني

4_ لمن تقول كلمة (أسف)؟ ولماذا ؟؟

لنفسي علشان هنت نفسي كتر اوى مع ناس مش تستاهل غير كل استحقار فقط

5_ ما هي أكبر كدبة في حياتك؟؟

اني سعيدة جدا في امريكا

6_ ما الذي تتمناه وأنت تعلم أنه لن يتحقق؟؟

ان الزمن يرجع لورا وبدل ما اعلق نفسي بوهم حبه ليا اني ارفسه واقوله فات الوقت وجيت دلوقت وانا متضطرة اقولك لا لا لا :lol:

7_ هل طلب منك أحد المساعدة ولكنك أهملته؟؟

اه مرات اللي كنت بحبه علشان مش كنت هقدر اساعد ضرتي يعني

8_ هل حبك يجعلك تتغاضي عن عيوب حبيبك؟؟

يييييييييييييييي طبعا انا تغاضيت عن بلاوي فيه وسكتت علشان بحبه angl::

9_ متي تكون المرأة غير محتملة؟؟....والرجل غير محتمل؟؟ من وجهة نظرك

المرأة لما تكون غيرتها عالية اوى لدرجة الخنقة والراجل لما تكون غينة زايغة اوى حتي لو بهزار

10_ قمة الحزن..(أن تعشق ما ليس لك).....قمة التحدي..(أن تبتسم وفي عينيك ألف دمعة)....متي تعرضت لهذا الموقف؟؟

يااااااااه تلت سنين من يوم ما جيت البلد دى وانا عاشقة من ليس لي ولن يبقي لي وببتسم وفي عيوني مليون الف دمعة

كنت بحبه اوى وهوة مصاحب بنت اسبانية وخاطب بنت في البلاد وعشقته رغم انه مش ليا بس هوة اللي كان السبب كان بيبقي في عيوني مليون دمعة لما بشوفه مع الاسبانية ورغم من كده بضحك وبهزر وعيوني بتدمع حسرة علي نفسي بس كان لازم اداري حسرتي جوايا ومش ابين دموعي

11_ما هو رد فعلك أمام ( الخيانة...الكذب...الغيرة)؟؟

نبتدي بالعكس الغيرة شئ جميل ولو مش في غيرة يبقي الحب ده مش ليه طعم اصلا

الكذب والخيانة عندي واحد لاني اللي بيكذب مرة مستحيل يبطل كذب واللي بيخون مرة مستحيل يبطل خيانة الا لو كانت الخيانة دى بسببي انا فساعتها ممكن اسامح لكن غير كده مستحيل اسامح اي حد كذب عليا او خانني ابدا

12_ هل شعرت بالخجل أمام ربك؟؟ و لماذا؟؟

اه جدا علشان سمحت لنفسي احب حد رغن اني عارفة ان الحب ده مش ليه نهاية محترمة وهيا الجواز فحسيت اني عصيت ربنا اوى وخجلت مننفسي اوى ان عصياني ربنا يبقي في حاجة تافهة زى دى

13_ما عيوبك التي لا تستطيع معالجتها؟؟

الاكيد اكيد يعني الغيرة لاني بغير علي اي حد من اي حد ومش بفرق وغيرتي دى نار وبتطول الكل اكيد بس صعب اغير من نفسي لان انا اتولدت لاقيت نفسي كده

14_ هل يمكنك التسامح في الخيانة..أم..الظلم؟؟ و لماذا؟؟

يظلمني واسامحة؟ طب ازاى يا حبيبتي اسامحه بانه ربنا يسامحه علي اللي عمله واسيبه لربنا بس بعد الظلم ارجع تاني واقول اوك انت في حياتي نووووووووووو مستحيل اصلا

اما الخيانة فانا قلت في حالة واحدة لو انا اللي كنت السبب في الخيانة دى

وبالمناسبة انا سامحت اللي كنت بحبه علي خيانته وظلمه ليا ست مرات وهوة مش قدر ده بس دوقتي مستحيل

15_ هل شعرت بالغيرة من أعز أصدقائك ذات مرة؟؟

من صاحبتي لا طبعا بس عليها اه طبعا مليوووووووووووون مرة

16_ ضع كلمة واحدة فقط تعبر بها عن شخصيتك؟؟

مزيفة :ninja:

17_ هل خدعت أو خنت أحد أصدقائك أو حبيب لك؟؟

خدعت واحد من اعز اصدقائي لما اوهمته بحبي ليه بس هوة كان واعي كويس اوى ان ده مش حقيقي وسابني لحد ما اكتشفت ده بنفسي واهو لسة بنحاول نرجع اصحاب بجد زى ما كننا بس مستحيل انا عارفة

18_ هل حاولت الانتحار من قبل؟؟ ولو نعم..فالماذا؟؟

اناعارفة ان ده مش صح بس الانتحار هوة اللي حاولني مش انا اللي حاولته المرة اللي عرفت فيها انه هيتجوز ومصاحب وكده قررت اني اعمل العشا وروحت بفتح علبة بولوبيف فجاة العلبة طارت من ايدي وانا بمد ايدي علشان الحفها نزلت علي ايدي فتحتها كانني بنتحر بالظبط وانا بققي مش اصوت ولا اعمل حاجة لا قعدت اتفرج علي الدم اللي وصل للسقف زى النفاورة لحد ما اتصفي دمي كله ووقعدت من طولي وماما دخلت بعد ربع ساعة تقريبا ولاقيتني كده ولولا ستر ربنا عيشت بس ساعتها اتمنيت لو كنت مت فعلا :sad:

19_ للشباب......هل شعرت بإنجذاب تجاه حبيبة أحد أصدقائك؟؟

ههههه ماليش دعوة انا بقي مش شاب

للبنات.........هل حاولتي أن تقومي بلفت انتباه شاب أعجبك؟؟ و كيف؟؟

مش في بنت مش بتحاول كده بس انا الوحيدة اللي كان بينشدو من غير سبب ولبست الحجاب وفترة لبست الخمار علشان مش حد يبصلي خالص :sad:

20_ هل انت راض عن نفسك وعن أفعالك مئة بالمئة؟؟و هل أنت صادق في كل ما قلته الان؟؟

مش راضية عن افعالي بالمرة بس انا صادقة في كل كلمة قلتها وعمري ما كنت بجاوب بلا مبالاة وصدق زى دوقتي مش عارفة ليه

تم تعديل 10 أغسطس 2008 بواسطة عصام شوقى
تم حذف جزء من المداخلة احتوى على كلمات غير لائقة

[MONIMOON]

اولا انا بشكررررررررررررك جدااااااااا علي مرورك الرائع يا.......mitcey

الحمد لله لاقيت حد ما يهاجمنيش.....

بجد انا مبسوطة جداااااااا انك اتكلمتي بصراحة ووضوح

وانا والله مش قصدي افضح حد خالص....انا كل اللي قصدي ان احنا نفضفض مع بعض شوية

بس علي فكرة انتي من جواكي انسانة جميييييييييييييلة جداااااااااا وعطوفة اوي اوي

وغيورة اوي في نفس الوقت بس شخصية لطيفة جدا جدا angl::

واشكرك للمرة التانية علي مرورك الجميل يا قمر

واسمك جمييييييييييل يا بوسي....وكل سنة وانتي طيبة وعقبال 100 سنة

[mitcey]

يا قمر سيبك انتي الاسئلة دى كتير اوى بتوضحلنا احنا ايه من جوانا وايه الشئ اللي مسيطر علينا يعني مثلا انا كنت فاكرة ان الموضوع اللي اتكلمت عليه في الاسئلة اختفي نوهائي من حوياتي بس اكتشفت انه مسيطر علي كل حياتي بجد

انا عندي كتاب حاطة فيه اسئلة وهضيف ليه الاسئلة دى علشان بجد بتقرب اكتر الاصحاب من بعضها

ودى مش فضايح دى خواطر عايشة فينا ولازم نواجها وبعدين مين يعرف مين علشان يفضحه مجرد انك تبقي صريح او صريحة اودام ناس معينة في الحياة فده شئ حلو جدا علشان تواجهي عيوبك بشكل اكبر ويخليكي قادرة انك تصلحي كل الاخطاء والعيوب دى

في الحقيقة وحياتنا الطبعية بنحاول نداري كل عيوبنا كل اخطائنا كل حاجة وحشة فيناا وممكن تضعفنا علشان نبقي الافضل في عيون الناس النت هوة المكان الوحيد اللي مش حد يعرفك فيه كشخصية ملموسة وانما كمجرد اسم علي النت لو صارحتي الجزء ده من الناس بحقيقتك هينتقدوكي ويطلعوا فيكي عيوبك كلها وساعتها هتعرفي تواجهيها لان من دون مواجهة الاخطاء والعيوب مستحيل هنتصلح

وفعلا انا بعمل كده مع كل اصحابي المقربين لان الكتاب ده مجرد مكان سري بنحط فيه اللي مش هينفع حد يعرفه ومش حد بيعرفه غيري طبعا لان كلهم بيثقوا فيا

عموما موضوع متميز وحلو ومش عارفة انا كتير هيغلطوني بس كل واحد ليه وجهة نظره وتفكيره ومش في مصايب هتقوليها ولا هتقولها مجرد حاجات ممكن اي حد يعرفها لو انت او انتي عايزين

[MONIMOON]

بسم الله الرحمن الرحيم

بصراحة اخجلتيني بكلامك الرااااااااااااااائع ده يا ....ميتسي

وشكلك والله زي العسل جداااااااااااا

وانا مش شايفة اي عيب في الاجابة لانها زي ماقولتي صراحة مع النفس

وكمان احنا هنا فعلا مجرد اسماء علي النت يعني مش شخصية ملموسة غير لبعض الاصدقاء هنا معانا

وانا مش بعاتب حد ولا افضح حد زي ما في بعض الاعضاء قالو كدة

علي العموم انا بشكرك جدااااااااااا يا ميتسي علي مرورك الجميل يا قمر

[ELSHAMY]

الأخت العزيزة MONIMOON

طب ليه حضرتك ما تبدأيش بنفسك و تجاوبى على كل الأسئلة...... و بصراحة ؟

أنا مش عاوزك تجاوبى و لا عاوز أعرف أسرارك بس ده فعلا شىء ليس له أى فائدة...

نصيحة من أخ أكبر لك

خالص تحياتى

[MONIMOON]

اولا كلامي للأستاذ الشامي

علي فكرة يا شامي انت لو قريت الرد بتاعي كويس بعد كل عضو هتلاقيني كتبت ان اللي عايز يرد اهلا وسهلا واللي عايز يرد مع نفسه برضوا اهلا وسهلا....وقولت اني مش هعلق المشنقة لحد ولا هضرب حد علي ايده علشان يرد ودي حرية شخصية

وانا شايفة ان في نوع من المبالغة في الهجوم ده...ولو حضرتك تكرمت ودخلت علي منتديات تانية هتلاقي الموضوع ده موجود كتير وبأسئلة كمان انا حذفاها علشان الخصوصية زي ما بتقول سيادتك

وعلشان ابينلك ان الموضوع عادي جداااااااا انا هجاوب علي الاسئلة كلها وبدون حذف كمان بس مش علشان انت طلبت مني كدة ولكن علشان اوضح ان الموضوع عادي جدا

وعلي فكرة احنا هنا كلنا مجرد اسماء وساعات ما بتكونش الاسماء الحقيقية كمان يعني مش شخصيات ملموسة ومحدش يعرف حد هنا غير بالالقاب

وعلي فكرة انت بتقول ان الموضوع ليس له اي فائدة بالعكس انت لو فكرت هتعرف ان الموضوع مهم جدا كفاية انك هتعرف انت وصلت لحد فين مع نفسك ومع ربنا

وأشكرك علي مرورك ونقدك للموضوع

[MONIMOON]

جبت لكم شوية أسئلة لكن محتاجة جرأة وصراحة و وضوح....

كون صادق مع نفسك وجاوب من غير خجل او كذب...

وأبدأ بالاسئلة وهي...... :Laie:

1_ ما هو إسمك و سنك الحقيقي؟؟

أمنية ......21..........وطبعا دي لسه مابقتش فضيحة من فضايح الزمن

2_ هل قولت احبك بشخص أعجبك ورفض حبك؟؟

لالالالا الحمد لله.......وعمر ما واحد يستحقر حد علشان حبه اترفض

3_ ما هو اكثر موقف محرج تعرضت له؟؟

اني كنت رايحة الجامعة وانا بركب الباص كان في شباب كتير علي الباب وطبعا من الذوق انهم يطلعوا البنت الاول وفجأة وانا طالعة قمت واقعة علي الارض قدام الجميع ..........أظن ان احنا بنتعرض لمواقف محرجة كتير ودي حاجة خارجة عن ارادتنا

4_ لمن تقول كلمة (أسف)؟ ولماذا ؟؟

لزميل ليا في الجامعة.....علشان ظلمته معايا كتير.......واعتقد اننا بنقول كلمة اسف في حياتنا كتير وليه التعالي انكم تصارحوا علي حاجة زي كدة ده لا عيب ولا حرام

5_ ما هي أكبر كدبة في حياتك؟؟

اني بعد ما سيبت خطيبي قولت لماما اني نسيته وقطعت علاقتي بيه لكن للأسف انا لسه بحبه

...........واكيد احنا بشر مش ملايكة وكل واحد فينا كدب كتير حتي لو ماكانتش كبيرة

6_ ما الذي تتمناه وأنت تعلم أنه لن يتحقق؟؟

اني أتزوج وأعيش مع ماما وبابا في السعودية......... واكيد في حاجات بنتمناها دلوقتي وعارفين انها مش هتتحقق بس احنا بنحب نعيش في الحلم شوية بس ده مش عبط ده أمل في بكرة

7_ هل طلب منك أحد المساعدة ولكنك أهملته؟؟

لالالا.....وحتي لو كنت كتبت اه ما كنتش هسأل ليه

8_ هل حبك يجعلك تتغاضي عن عيوب حبيبك؟؟

اكيد.....اظن السؤال ده عادي جدا ما كانوش قالو ان مراية الحب عامية

9_ متي تكون المرأة غير محتملة؟؟....والرجل غير محتمل؟؟ من وجهة نظرك

لما تكون غيورة...وهو لما يكون عصبي

10_ قمة الحزن..(أن تعشق ما ليس لك).....قمة التحدي..(أن تبتسم وفي عينيك ألف دمعة)....متي تعرضت لهذا الموقف؟؟

قمة الحزن عمري ما اتعرضتلها....قمة التحدي لما خطوبتي اتفركشت وبعدين نزلت الجامعة وطبعا صحابي كانوا عايزين يخففوا عني وانا ضحكت وقولتلهم ان الموضوع بالنسبة لي عادي وانا من جوايا بحر دموع

واكيد كل واحد فينا مش بيحب يبين دموعه علشان بنحس ان ده ضعف مش من صعوبة الموقف

11_ما هو رد فعلك أمام ( الخيانة...الكذب...الغيرة)؟؟

الخيانة.....مش هسامح فيها

الكذب....علي حسب الكذبة

الغيرة....شئ عادي جدا ..........وطبعا كلنا عندنا ردود افعال ولا انتوا ايه؟؟

12_ هل شعرت بالخجل أمام ربك؟؟ و لماذا؟؟

اكيد......لما بنسي فرض من الصلاة.......واكيد في مننا كتير ساعات بيهمل في الواجب الديني بتاعه

13_ما عيوبك التي لا تستطيع معالجتها؟؟

العصبية......ومفيش حد كامل وكلنا بشر وعندنا عيوب

14_ هل يمكنك التسامح في الخيانة..أم..الظلم؟؟ و لماذا؟؟

ما بسامحش لا في ده ولا ده.......لان اللي جرح او ظلم مرة ممكن يجرح ويظلم تاني

15_ هل شعرت بالغيرة من أعز أصدقائك ذات مرة؟؟

لالا.....مش عيب الواحد يشعر بالغيرة وعلي فكرة دي ساعات بتبقي سبب النجاح

16_ ضع كلمة واحدة فقط تعبر بها عن شخصيتك؟؟

جادة جدا

17_ هل خدعت أو خنت أحد أصدقائك أو حبيب لك؟؟

لالالالالالالا

18_ هل حاولت الانتحار من قبل؟؟ ولو نعم..فالماذا؟؟

لالالالالالالالالا

19_ للشباب......هل شعرت بإنجذاب تجاه حبيبة أحد أصدقائك؟؟

للبنات.........هل حاولتي أن تقومي بلفت انتباه شاب أعجبك؟؟ و كيف؟؟

لالالالالا.....لأن خطيبي كان مالي عيني

20_ هل انت راض عن نفسك وعن أفعالك مئة بالمئة؟؟و هل أنت صادق في كل ما قلته الان؟؟

اكيد ما فيش حد في الدنيا راضي عن نفسه مئة بالمئة.....والحمد لله صادقة في كل اللي قولته

[ELSHAMY]

أختى الصغيرة أمنية

حسب أجابتك عن السؤال رقم 13 واضح انك عصبية باعترافك

....يا صديقتى أنا لم أقصد مهاجمتك و لا نقد الموضوع و لكن أنا مثلك جاد....وأرى فى التعرض للأعراض و تقليب المواجع ضرر أكثر من الفائدة...

من المعلوم انه من غير المهم لى و لا لأحد من أعضاء المحاورات ان نعرف أسرارا شخصية عن عضو أخر حتى و لو كان يعرفه باسم مستعار....

والحقيقة اننا فى هذا المنتدى نعرف قدر بعضنا البعض...و يستطيع كل عضو أن يكون فكرة معينة عن عضو أخر بمجرد قراءة أرائه و انطباعاته فى الحياة....و أيضا هذا بيكون سبب وجيه جدا للتعارف و اللقاء حتى خارج حدود المنتدى....وهذا حدث معى شخصيا و لم يتغير رأيى فى الشخص الذى قابلته عن فكرتى التى كونتها عنه بمجرد الابحار فى أرائه ....

و لو تتذكرى فى مداخلتى الأولى فى هذا الموضوع انى شكرتك على انك ذكرتينا أن نحاسب أنفسنا.....و كل غرضى كان أن تكون هذه المحاسبة شخصية بين الشخص وربه....ويكون نتيجتها تحسن فى الأفعال و الأقوال...

أما من يريد أن يعرض معلومات تخصه و نخص أفعاله فهذه هى الحرية التى لا نستطيع منعه منها.... و كما قلت لك لن تجدى كثيرين عندهم نفس رغبتك و شجاعتك فى اجابة هذه الأسئلة و الدليل واضح من عدد المداخلات...

مرة أخرى خالص تحياتى و ربنا يعمل لك الخير و يوفقك فى حياتك.

[MONIMOON]

علي العموم انا بشكرك جداااااااا يا شامي علي مرورك في الموضوع

وأرائك فيه وانا مش ضد كدة بالعكس

وده شرف كبير ليا انك تكون اخويا الكبير

ولك مني جزيل الشكر والتقدير وكامل الاحترااااااااااااام

[ELSHAMY]

أختى أمنية

أحب أذكر معلومة قدرت أستشفها من ردك الأخير......انك انسانة راقية و محترمة.

شرفت بالتواصل معك.

[MONIMOON]

بسم الله الرحمن الرحيم

وصدقني انا اسعد بالتواصل معاك وبمرورك الرائع ده

و حقيقي انت شخصية محترمة جدااااااا

واتمني ربنا يوفقك ان شاء الله

ولك مني كل الاحترااااااااااااام

[salmaa]

جبت لكم شوية أسئلة لكن محتاجة جرأة وصراحة و وضوح....

كون صادق مع نفسك وجاوب من غير خجل او كذب...

وأبدأ بالاسئلة وهي...... :closedeyes:

1_ ما هو إسمك و سنك الحقيقي؟؟

سلمى وعندى 16سنة

2_ هل قولت احبك بشخص أعجبك ورفض حبك؟؟

لا عمره محصل معايا لانى معنديش الجرءة اللى تخلينى اقدر اقول ده

وانا بعتبر نفسى لسه قدامى كتيرعلشان اتمسك بحب حد اوى كده لدرجة انى افكر اقوله

3_ ما هو اكثر موقف محرج تعرضت له؟؟

md2: اخويا حدف عليا الكره جت فى وشى قدام شلة شباب

4_ لمن تقول كلمة (أسف)؟ ولماذا ؟؟

مبحبش اقول الكلمة ديه للاسف عن حاجة عملتها لكن ممكن اقولها لصديقتى فقط للتعبير عن زعلى منها

5_ ما هي أكبر كدبة في حياتك؟؟

الحب

6_ ما الذي تتمناه وأنت تعلم أنه لن يتحقق؟؟

انى اتزوج عن قصة حب

7_ هل طلب منك أحد المساعدة ولكنك أهملته؟؟

انا بحب اساعد الناس ماعدا اخواتى فى شغل البيت

8_ هل حبك يجعلك تتغاضي عن عيوب حبيبك؟؟

اكيد طبعا وانا اصلا مبشوفهاش

9_ متي تكون المرأة غير محتملة؟؟....والرجل غير محتمل؟؟ من وجهة نظرك

المرأة لما تكره الحياة والرجل لما يكره المرأة

10_ قمة الحزن..(أن تعشق ما ليس لك).....قمة التحدي..(أن تبتسم وفي عينيك ألف دمعة)....متي تعرضت لهذا الموقف؟؟

ساعت بحس ان صديقتى ليست لى وانها لغيرى وانى مش هقدر اكمل حياتى معاهاوانا مبحبش اظهر دموعى قصاد حد لانى بعتبره ضعف فبحاول انى لو جوايا بركان من الدموع والحزن ان ظهر امام الناس انى فى منتهى السعادة

11_ما هو رد فعلك أمام ( الخيانة...الكذب...الغيرة)؟؟

ممكن اعمل اى حاجة وانا مش حاسة بنفسى لدرجة انى ممكن اصرخ باعلى صوتى حتى لو انا فى الشارع

12_ هل شعرت بالخجل أمام ربك؟؟ و لماذا؟؟

مش دايما وانا حزينة انى بقول كده

13_ما عيوبك التي لا تستطيع معالجتها؟؟

اندفاعى فى الحب حب التملك

14_ هل يمكنك التسامح في الخيانة..أم..الظلم؟؟ و لماذا؟؟

مبقدرش اسامح لفى الخيانة او الظلم لان ده يعنى انعدام الحب بينك وبين اللى خانك واللى ظلمك

15_ هل شعرت بالغيرة من أعز أصدقائك ذات مرة؟؟

عمرى محسيت بده الا الايام ديه

16_ ضع كلمة واحدة فقط تعبر بها عن شخصيتك؟؟

الحب

17_ هل خدعت أو خنت أحد أصدقائك أو حبيب لك؟؟

عمرى ما عملت كده لان اللى يحب بجد ليعرف يخدع ولايخون

18_ هل حاولت الانتحار من قبل؟؟ ولو نعم..فالماذا؟؟

لا

19_ للشباب......هل شعرت بإنجذاب تجاه حبيبة أحد أصدقائك؟؟

طبعا احنا بعيد عن السؤال ده

للبنات.........هل حاولتي أن تقومي بلفت انتباه شاب أعجبك؟؟ و كيف؟؟لأ

20_ هل انت راض عن نفسك وعن أفعالك مئة بالمئة؟؟و هل أنت صادق في كل ما قلته الان؟؟

انا مش راضية عن اعالى بالمرة ومش عرفة اغيرها والله انا عمرى ما اتكلمت بصراحة كده لانى مبلقيش حد اتكلم معاه بصراحة وكما ن بخجل اتكلم مع اللى حوليا بصراحة

وشكراااااااااااا واتمني الموضوع يعجبكم md2:

بس ياريت تكون الاجابات بمنتهي الصراحة