إلي أين تشير بوصلة الموسم العقاري الصيفي 2008

[Virus]

السلام عليكم ورحمة الله وبركاته..

طبعاً اللي نزل أجازة ورجع أو لسه في مصر أكيد راحله معرضين تلاتة من المعارض العقارية اللي بقت زي الرز وبقت عاملة زي معارض المنتجات السورية!!ا

أنا شخصياً حضرت 3 معارض وأظن كتير عملوا كده لأن كل- او معظم- اللي نازلين من الخليج السنة دي حالفين بأغلظ الأيمان إنهم يستثمروا في أي حاجة أياً كانت بعد ما اتصدموا بهبوط قيمة العملات الخليجية من جهة زائد الارتفاع الرهيب في أسعار العقارات في مصر اللي أسال لعاب الكثيرين ومنهم أنا طبعاً

وطبعاً رجال الأعمال في مصر فاهمين ده كويس قوي قوي..وكانوا فاتحين دراعاتهم بالأحضان لبلع أي فلوس جاية من الخليج والبركة في آلة الدعاية الجبارة. بمعنى أصح خلقو العرض المناسب للطلب الملح في الصيف ده.

والنتيجة إن كانت في حالة فوران الشركات زودة الأسعار مرتين وتلاتة خلال شهر واحد وكله بيجري وياتلحق يامتلحقش

عموماً المعروض في السوق كان عبارة عن :( أقصد الجاهز يعني مش الأراضي):

- الرحاب ومدينتي

- داماك

- الشقق اللي عند كارفور

- كومباوندات شقق أو فلل التجمعات والشروق

- كوموباوندات الفلل في اسكندرية الصحراوي حوالين الكيلو 53

- شاليهات في كل شواطئ مصر والظاهر إنها ماشية تمام لأنهم كترو قوي

دي كانت مشاهداتي في الشهر الأجاازة..لكن السؤال اللي بيفرض نفسه: ياترى تحط فلوسك فين؟؟ ترمي الزهر فين (عذراً للتشبيه):

أنا شخصياً احترت جداً وقعدت الشهر كله أفكر ومشيت في كذا سكة بس محصلش نصيب..قلت أشرككم معايا تشوروا عليه

أنا شايف إن الكومباوندات اللي في الصحراوي ده ليها مستقبل وفي كلام إن الجمال حما جمال مبارك واخد هناك نيو جيزة والحتة دي هتظبط ده غير إن البوابات هتتنقل للكيلو 62 تقريباً. ده غير إن الأسعار معقولة نسبياً مش زي هبل التجمع يعني الفيلا 350 مباني و1000 متر أرض عاملة مليون وربع طبعاً بالقسط..

ياريت تحكولنا تجاربكم مع الموسم المجنون ده

[Virus]

إيه يا جماعة..هو أنا خطي وحش قوي كده ولا إيه

أصل مش ممكن حد يقنعني إن في منتدى معظم اللي فيه مغتربين مفيش حد مهتم بشراء عقار من عشرات المشاريع المنتشرة في مصر حالياً

يمكن الدخلة غلط مثلاً :wub: :wub: فهموني يا خوانا أنا لسه جديد برضو

عموماً مساء الفل عليكو ويجعله عامر

[waelashour]

بالعكس الموضوع دة مهم جدا اذا لم يكن اهم موضوع يشغلنا دلوقت خصوصا في موسم الصيف ونزول الاجازات ولكن الحكاية ان الناس مذهولة من الارتفاع الجنوني للأسعار ومش قادرة تصدق اللي بيحصل لدرجة ان سعر المتر للشقق الجاهزة في الشروق لمشروع كنت ارغب الحجز فية زاد من 2000 الي 2800 في الشهرين الماضيين فقط .

ngh:

[الطائر الحر]

بالعكس الموضوع دة مهم جدا اذا لم يكن اهم موضوع يشغلنا دلوقت خصوصا في موسم الصيف ونزول الاجازات ولكن الحكاية ان الناس مذهولة من الارتفاع الجنوني للأسعار ومش قادرة تصدق اللي بيحصل لدرجة ان سعر المتر للشقق الجاهزة في الشروق لمشروع كنت ارغب الحجز فية زاد من 2000 الي 2800 في الشهرين الماضيين فقط .

ngh:

اخي الكريم اعتقد ان سعر 2800 لايزال جيد.. انا سمعت اسعار اعلى من كدة بكتييير

[سكر]

اعتقد والله اعلم ان العرض اصبح قريب جدا من الطلب

ولكن العرض على اسعار عالية جدا (خيالية)

فدة ممكن يعمل احجام شوية فى الطلب فى الفترة الجاية لكن لن تقل الاسعار

لان ببساطة

العقار لا ياكل او يشرب

[عبقرينو]

وصول طن الحديد لسعر 10 الاف جنية وارتفاع اسعار مواد البناء عامل اساسي في زياردة سعر العقارات الي 40% خلال الصيف دة

[Virus]

شكراً جزيلا لمساهمات الأخوة..

الأخ waelashour و الطائر الحر..أتفق معك أن 2800 لمتر الشروق كتير..السعر ده ممكن تجيب موجود في التجمعات في البنفسج (لكن مش شقق جاهزة)

الأخ ataamer..مش عارف..أن شايف ناس بتعمل أعاجيب وتستلف عشان نجيب أي عقار كأن دي آخر فرصة..." والدلقة" دي هي اللي مخاية كله يرفع أسعاره براحته

الأخ عبقرينو..طبعاً أسعار مواد البناء ليها علاقة لكن مازلت شايف إن هامش الربح خرافي يمكن يصل ل 100% وأحيانا أكتر ..حد يقول إن متر الشقق في الرحاب ب5300 جنيه ويا تلاقي يا متلاقيش..ده جنون فعلاً

مازال السؤال مطروحاً...اللي قرر منكم يشارك في المذبحة دي أو بيفكر..ياترى اختياره كان إيه وفين؟؟؟

[عبقرينو]

[b]الأخ virus :

بالنسبة لي القاهرة الجديدة ثم الشروق اما مدينتي والرحاب فدول فووووووووووووووووووووق امكانياتي

[alshora]

آخر خبر ان هيئة المجتمعات العمرانية ستنزل أراض في مدن السادات والعاشر و برج العرب الجديدة بدون قرعة يعني من يريد يأخذ لأن الأراضي في هذه المدن كثيرة.

لذلك أفضل أن نتجه إلى هذه المدن ونقوم بتعميرها بأنفسنا

[معماري]

السلام عليكم\سوق العقارات في مصر غير منظم وتحت رحمه الكبار والمحتكرين وللاسف المواطنين المحتاجين للسكن اغلبيتهم ليس لديهم وعي عن سوق العقار ولاتوجد مؤسسات مدنيه قويه لحمايتهم وتوعيتهم فا هاهو سعر الحديد العالمي ينهار واباطره الحديد يتحدثون عن تخفيض 10% في الاشهر القادمه ناهيك عن ازمه وانهيار سوق العقار في امريكا و وانحسار النمو العقاري في اوربا والصين وفي مصر كانت ازمه السكن بسبب قله اراضي البناء وبعد اراضي المدن الجديده والتي قام المضاربون بتسقيعها وبيعها لاصحاب البترو دولار والان بعد توافر عدد كبير من الاراضي المرفقه بالمدن الجديده اصبحت الازمه في جشع الشركات العقاريه التي اخذت الارض شبه مجاني من الدوله واحترفت تقديم اشكال جديده ومعاصره في تقسيم المجمعات السكنيه بعيدا عن تخلف التصميمات القديمه فقد ربحت ارباح طائله تعدت ال200% من التكلفه ومع هوجه التضخم اسرع الكل للاستثمار في العقار رغم عدم احتياجه . فقط للمضاربه .وغالبيه المراقبين تجمع علي زياده المعروض من السكن الفاخر عن الطلب والازمه في السكن الاقتصادي والمتوسط لاحجام المستثمرين عنه لضاله عائده .حتي مشاريع الشباب ومحدودي الدخل لم تسلم من جشع كبري شركات الانشاء فوصل سعر الشقه 63م المدعمه من الدوله الي 100 الف ج وحتي مشروع قطعه ارض ابني بيتك للشباب لم ينظم وباع كثير من المستفدين الارض لعدم قدرتهم علي البناء بالاسعار المرتفعه في ظل مجموعه من القرارات التعجيزيه وطرق البناء العتيقه التي تستهلك مواد بناء ضعف الطرق الحديثه واشتركت في حوارات مع منتفعي مشروع ابني بيتك لتقليل تكلفه البناء بحوالي 50% ولكن للاسف بعض المسؤلين اوجد العقبات امامنا واضطر الشباب تحت ضغط سرعه التسليم لشراء الحديد بسعر غالي والاتفاق مع مقاولين بضعف السعر ناهيك عن وقوع بعضهم ضحايا نصب لمقاولين اخدوا عربون وهربوا .

في النهايه العقار كباقي منظومه الحياه في مصر مهلهل وفوضي . وتسود شريعه الغاب في مصر الغلبه للاقوي مالا ونفوذا وضاع العلم والتخطيط والضحايا هم ابناء الشعب البسطاء اسف للاطاله علي حضراتكم وكل عام وانتم بخير

[Virus]

وتسود شريعه الغاب في مصر الغلبه للاقوي مالا ونفوذا وضاع العلم والتخطيط والضحايا هم ابناء الشعب البسطاء اسف للاطاله علي حضراتكم وكل عام وانتم بخير

عزيزي معماري

تحياتي لك على تحليلك الدقيق..مع أنك ذكرتني بمرارة هذا الامعقول الذي عشته في مصر!!

وأسمحلي أركز على الجملة الأخيرةوأقتنبس من كلامك

نعم نحن ضحايا...ضحايا لكل من هب ودب..

ضحايا لطمع الحكومة...

ضحايا لطمع أحمد عز...

ضحايا لطمع السماسرة في المدن الجديدة...

ضحايا لطمع الشركات العقارية الخليجية.. اللي جت تبيعلنا تصميمات بس وولعت الأسعار...

ضحايا لطمع الشركات العقارية المصرية.. اللي قالت اشمعنى أنا..هو يعني صعب نعمل كومباوند بالبسين!! إديها ياريس

ضحايا لطمع كتير مننا اللي بيشتروا العقار للمضاربة أو كوسيلة لحفظ قيمة مدخراتهم...

ولا عزاء للي نفسه في شقة تستره!!

[se_ Elsyed]

آخر خبر ان هيئة المجتمعات العمرانية ستنزل أراض في مدن السادات والعاشر و برج العرب الجديدة بدون قرعة يعني من يريد يأخذ لأن الأراضي في هذه المدن كثيرة.

لذلك أفضل أن نتجه إلى هذه المدن ونقوم بتعميرها بأنفسنا

والله يا أخي الكريم .. الكلام حلو وما أسهله

لكن لو أنا شغلي وعملي وحياتي ومدارس وجامعات أولادي في القاهرة ... يبقى إيه اللي هايوديني برج العرب ولا مدينة السادات ولا تلك المُدن الناشئة التي مازالت تفتقر إلى الكثير من الخدمات وأبسط شيء متطلباتها الأساسية كالمياة والصرف الصحي والرعاية الطبية والمدارس ؟

[se_ Elsyed]

أهو خبر حلو في أول يوم رمضان بعد ما مصير البلد بقى في إيد عزو باشا وبيلعب بالإقتصاد زي اليويو

تخفيض أسعار "حديد عز" 820 جنيها للطن

وكالة أنباء الشرق الأوسط

الاثنين 1 سبتمبر 2008 9:06 ص

روابط متعلقة

العز لصناعة حديد التسليح

اعلنت شركة "حديد عز" بالأمس عن تخفيض اسعار حديد التسليح خلال شهر سبتمبر بمقدار 820 جنيها للطن ليصل السعر بعد التخفيض الى 6150 جنيها للطن كحد اقصى للمستهلك /شامل ضريبة المبيعات/ لكافة المقاسات وسعر بيع الشركة للموزعين 5950 جنيها للطن/شامل ضريبة المبيعات/ تسليم أرض المصنع.

وذكرت الشركة فى بيان لها اليوم ان هذا الانخفاض الكبير فى الاسعار يأتى تماشيا مع اتجاه الاسعار العالمية بالاضافة لكونه يتسق مع سياسة "حديد عز" باعطاء اقصى منفعة للمتسهلك المصرى وضمان حصوله على السلعة بالاسعار المناسبة، والمتنافسة مع الاخرين وهو ما ظهر جليا خلال الاشهر الماضية، حيث استمرت اسعار حديد عز هى الاقل بين باقى المنتجين.

والمعروف ان "حديد عز" تعلن اسعارها مع بداية كل شهر ويستمر الالتزام بها خلال الشهر، مما يدعم استقرار السوق ويساعد كبار المستهلكين من شركات المقاولات على تخطيط مشترواتها بأسعار محددة دون التعرض لتقلبات سعرية ويغطى حديد عز اكثر من 60% من احتياجات السوق المحلى بينما تغطى الشركات الاستثمارية النسبة الباقية ولذا فان هذه الشركات لاتعلن اسعارها فى بداية كل شهر الا بعد ان يعلن حديد عز اسعاره.

[معماري]

وتسود شريعه الغاب في مصر الغلبه للاقوي مالا ونفوذا وضاع العلم والتخطيط والضحايا هم ابناء الشعب البسطاء اسف للاطاله علي حضراتكم وكل عام وانتم بخير

عزيزي معماري

تحياتي لك على تحليلك الدقيق..مع أنك ذكرتني بمرارة هذا الامعقول الذي عشته في مصر!!

وأسمحلي أركز على الجملة الأخيرةوأقتنبس من كلامك

نعم نحن ضحايا...ضحايا لكل من هب ودب..

ضحايا لطمع الحكومة...

ضحايا لطمع أحمد عز...

ضحايا لطمع السماسرة في المدن الجديدة...

ضحايا لطمع الشركات العقارية الخليجية.. اللي جت تبيعلنا تصميمات بس وولعت الأسعار...

ضحايا لطمع الشركات العقارية المصرية.. اللي قالت اشمعنى أنا..هو يعني صعب نعمل كومباوند بالبسين!! إديها ياريس

ضحايا لطمع كتير مننا اللي بيشتروا العقار للمضاربة أو كوسيلة لحفظ قيمة مدخراتهم...

ولا عزاء للي نفسه في شقة تستره!![/colo

السلام عليكم\ شكرا فيروس اسف لو كتبت الاسم غلط لكن معلوماتك عن سوق العقار اثناء اجازتك ممتازه ولو كنت نزلت اجازه كنت حاعمل زيك بالاضافه للبحث في سوق السماسره ومسقعي الارض لكن من خلال الاعلاات في الوسيط ومصراوي و هيئه المجتمعات لاحظت ان الاسعار بدات تثبت الاوفر في اكتوبر مازدش من سنه ونص بس اللي زاد اسعار الشقق والمباني بسبب زياده الحديد وافضل شئ عملته انك ماشترتش لان الاسعار حتنزل ويمكن تنزل كتير خاصه الغير مميز

اما الفاخر وشاليهات البحر والفيلات ليها ناسها اللي مابيهمهمش الغلا عموما في حال تقلبات الاسعار الافضل التريث ونفتكر هوجه الدولار والبورصه الناس كانت بتشتري باي تمن وفي النهايه انهار سعر الدولار واسعار الاسهم نفس الشئ في العقارات الحديد قالو حيزيد ل 10 الاف ج والنهارده نزل حوالي 1500 ج ولسه

بس للاسف نزول الاسعار حيصب لمصلحه شركات العقارات والمقاولين فقط كان نفسي في ارض زراعيه في مكان قريب من القاهره ولكن مسقعي الاسعار ضاربين الاسعار في العالي والاسعار الرخيصه اغلبها اراضي وضع يد ومشاكل ومن غير ميه ولا مرافق وبعيده وجرداء

اتمني ان نتواصل لتبادل المعلومات والاراء وشكر