قمة الحيرة و قمة الطموح

[الباشدكتور]

بسم الله الرحمن الرحيم

لا خاب من استشار

انا مسجل في المنتدي من زمان و موجود علطول في قسم الهجرة الي كندا لكن انا داخل باسم تاني علشان هاقول معلومات شخصية

انا بحب كل اللي فالمنتدي وبثق في رأيهم.

وبالثقة دي انا بطلب نصيحتكم في الدوشة اللي انا عايش فيها و انا متأكد ان البركة فيكو.

واسمحولي اني اكتب بالعامي واحكي حكايتي.

انا طالب في سنة خامسة طب اسكندرية ( هابدأ سنة 6 شهر 10 بعد 5 ما تخلص باسبوع)

وليا قصة طويلة وغريبة اوي.

دخلت كلية طب علي غير رغبتي وعلي عكس طريقة تفكيري.

بابا مهندس و مش مستريح في شغله وعمي جراح ومستريح اوي في شغله.

وبالتالي كان قرارهم اني ادخل طب... يجماعة بحب الهندسة .... لالا الطب احسن خصوصا اني الدكتور رقم 14 في العيلة ودخل بعدي 3 هما فعلا كانوا عايزين مصلحتي وانا مش زعلان منهم.

ا

خدت احياء في تاية ثانوي وبالتالي مكنش قدامي غير سكة علمي علوم.

واعترضت كتير بعدها بس ماكنش في حاجة تتعمل مأداميش غير مجال طبي.

عصرت علي نفسي لمونة ومشيت في طب بتقدير جيد لغاية سنة تالتة بابا جاله جلطة في المخ عملت شلل نصفي وصعوبة في الكلام

بابا كبير اخصائي تخطيط عمراني و كان عنده وقتها 3 مشاريع تقسيم ارض ( كانت فترة رخاء مشروع واحد كان بيفتح البيت سنة – سنة و نص)

وهو كان بيشتغل بالقلم والمسطرة ولما نزل برنامج الاتوكاد ( برنامج رسم هندسي بيسهل الموضوع مليون مرة) ولأن الكبار صعب يتعلموا حاجة جديدة فكان الحل اني اخد دورات و اقرا كتب في الاوتوكاد في اجازة 2 ثانوي واشتغل معاه لمدة 3 سنين كرسام بس لغاية ماهوا اتعلم الاوتوكاد وانا اتعلمت الهندسة ( تعلمها بالخبرة) طبعا انا كنت باعمل كدة كمساعدة وكمان علشان بعشق الهندسة .

-فلما تعب ولانه كان واخد عربون و الناس مستنية شغل .

-ولان بابا ماكنش بيعمل حساب المستقبل.

-ولان علاجه خلص معظم الفلوس السائلة عندنا في اول 15 يوم.

-ولاني الولد الوحيد ( ليا اخت اكبر في طب واخت اصغر ايامها كانت في اولي ثانوي).

-ولان ماما تعتبر عاجزة.

-ولاني بفهم كويس في شغل بابا ( تقسيم الارض مالوش قواعد هندسية كتير وبيعتمد في اغلبه علي الرياضة و ادارة المساحين و الفنيين و التوفيق بين اطراف في الارض).

فقررت ان اكمل الشغل انا لغاية بابا ما يشفيه ربنا لكن ربنا لم يشأ إلا بشفاء جزئي (لله الحمد علي كل شئ)

ولغاية دلوقت(بعد سنتين ونص) وبابا مش قادر يرجع شغله

خلصت ال3 مشاريع بفضل الله بنجاح وربنا رزق السنة دي بس ب 4 مشاريع

والحمد لله الشغل ماشي كويس و البيت بيصرف احسن من الاول (ما شاء الله) ففي مشروع من الاربعة الاخيريين اتفقت مع الناس علي 40 الف بعد ما خلصتوا وباعجابهم بالشغل واحساسهم بالمجهود رفعوا المبلغ ل80( قولوا ما شاء الله)

المعني اني الحمد لله ناجح في شغلي كمهندس ( طبعا باسم بابا و ببركته)

لكن كل يوم بيعدي بحلم اكتر اني ادرس هندسة

لغاية ما اتيحت ليا فرصة

اكتشفت اني ممكن ادرس دبلومة امريكية ( تعادل الثانوي ) لمدة سنة وبعدها اقدر ادخل هندسة

وحلمي اني ادخل هندسة طبية علشان استغل الطب اللي اتعلمته

وطبعا مفيش تعارض بين السكة دي و بين الطب

امتحان الدبلومة في شهر 5 الجاي وامتحانات البكالريوس في 10 اللي بعده

وهابدأ في هندسة في امتياز وهخلصه بعده بتلت سنين اللي انا فيهم ما مبعرفش اعمل حاجة في الطب ( مستني الماجيستير)

و بعدين اخد الشهادتين دول و طيران علي كندا وهناك اشتغل في مجال الابحاث وطبعا الطب هيخليني عارف الانسان بيشتغل ازاي و الدكاترة عايزين ايه وبالهندسة هاعرف ازاي اصنعه

والسؤال : هل الحلم ده خيالي ولا واقعي

ولو كان خيالي فمين نجح و ومكانش بيحلم

وهو ايه الواقع في اني طالب طب و شغال مهندس

هل المفروض ابقي تقليدي و لا احارب علشان حلمي

انا مشيت في الطب كويس و ان شاء هكمل فيه كويس رغم اني مش بس ما بحبهوش لا انا بزهق منه

لكن مش عايز ابقي بس كويس

لكن انا مشيت مشوار طويل في الطب و خسارة تضييع وقت زيادة و مصاريف الدبلومة 18 الف انا ممكن اتلهي في الطب وانسي الموضوع ده وممكن يكون حلم يقظة , هروب , حماس زائد

مستني ارائكم واقتراحاتكم

واسف للتطويل

تم تعديل 7 أغسطس 2008 بواسطة الباشدكتور

[الأهلاوي الأصيل]

أول حاجة

أسأل الله العظيم رب العرش العظيم إنه يشفي والدك ويرجعه شغله بألف سلامة...إنه ولي ذلك والقادر عليه وهو على كل شيء قدير

ثانياً : أنا بأيدك في طموح ده بشدة ، توكل على الله وخد الخطوة دي

خليني أحكليك على نموذجين واحد قديم وواحد حديث

القديم موسى بن نصير القائد الإسلامي اللي فتح شمال أفريقيا والأندلس

القائد ده لما كان عنده 75 سنة لما فتح الأندلس ، كان طموحه إنه يواصل فتوحاته ويفتح أوروبا بالكامل من الغرب لغاية ما يوصل القسطنطينية في أقصى الشرق

الكلام ده وإيه ، وهو عنده 75 سنة، طبعاً ربنا توفاه قبل ما يحقق حلمه، بس تخيل الإدارة والعزم قد إيه

المثال التاني، رئيس القسم بتاعي في الكلية ، على فكرة أنا خريج هندسة طبية سنة 98 ، المهم رئيس القسم ده كان أستاذ في طب وأستاذ في هندسة في نفس الوقت

خلص هندسة ودخل طب بعد الهندسة وكمل لغاية ما أخد ماجستير ودكتوراه هنا وهنا - والله العظيم الكلام ده بجد - وبقى رئيس قسم الهندسة الطبية في جامعة القاهرة وفاتح عيادة مسالك بولية ورئيس إدارة البحث والتطوير للأجهزة الطبية عند أحمد بهجت...إيه رأيك بقى في الكلام ده؟

توكل الله وخلي طموحك وأحلامك ملهاش حدود وإن شاء الله تقدر تحققها

ونتقابل في كندا بإذن الله

[Dr Ayman Kamel]

بسم الله الرحمن الرحيم

لا خاب من استشار

انا مسجل في المنتدي من زمان و موجود علطول في قسم الهجرة الي كندا لكن انا داخل باسم تاني علشان هاقول معلومات شخصية

انا بحب كل اللي فالمنتدي وبثق في رأيهم.

وبالثقة دي انا بطلب نصيحتكم في الدوشة اللي انا عايش فيها و انا متأكد ان البركة فيكو.

واسمحولي اني اكتب بالعامي واحكي حكايتي.

انا طالب في سنة خامسة طب اسكندرية ( هابدأ سنة 6 شهر 10 بعد 5 ما تخلص باسبوع)

وليا قصة طويلة وغريبة اوي.

دخلت كلية طب علي غير رغبتي وعلي عكس طريقة تفكيري.

بابا مهندس و مش مستريح في شغله وعمي جراح ومستريح اوي في شغله.

وبالتالي كان قرارهم اني ادخل طب... يجماعة بحب الهندسة .... لالا الطب احسن خصوصا اني الدكتور رقم 14 في العيلة ودخل بعدي 3 هما فعلا كانوا عايزين مصلحتي وانا مش زعلان منهم.

ا

خدت احياء في تاية ثانوي وبالتالي مكنش قدامي غير سكة علمي علوم.

واعترضت كتير بعدها بس ماكنش في حاجة تتعمل مأداميش غير مجال طبي.

عصرت علي نفسي لمونة ومشيت في طب بتقدير جيد لغاية سنة تالتة بابا جاله جلطة في المخ عملت شلل نصفي وصعوبة في الكلام

بابا كبير اخصائي تخطيط عمراني و كان عنده وقتها 3 مشاريع تقسيم ارض ( كانت فترة رخاء مشروع واحد كان بيفتح البيت سنة – سنة و نص)

وهو كان بيشتغل بالقلم والمسطرة ولما نزل برنامج الاتوكاد ( برنامج رسم هندسي بيسهل الموضوع مليون مرة) ولأن الكبار صعب يتعلموا حاجة جديدة فكان الحل اني اخد دورات و اقرا كتب في الاوتوكاد في اجازة 2 ثانوي واشتغل معاه لمدة 3 سنين كرسام بس لغاية ماهوا اتعلم الاوتوكاد وانا اتعلمت الهندسة ( تعلمها بالخبرة) طبعا انا كنت باعمل كدة كمساعدة وكمان علشان بعشق الهندسة .

-فلما تعب ولانه كان واخد عربون و الناس مستنية شغل .

-ولان بابا ماكنش بيعمل حساب المستقبل.

-ولان علاجه خلص معظم الفلوس السائلة عندنا في اول 15 يوم.

-ولاني الولد الوحيد ( ليا اخت اكبر في طب واخت اصغر ايامها كانت في اولي ثانوي).

-ولان ماما تعتبر عاجزة.

-ولاني بفهم كويس في شغل بابا ( تقسيم الارض مالوش قواعد هندسية كتير وبيعتمد في اغلبه علي الرياضة و ادارة المساحين و الفنيين و التوفيق بين اطراف في الارض).

فقررت ان اكمل الشغل انا لغاية بابا ما يشفيه ربنا لكن ربنا لم يشأ إلا بشفاء جزئي (لله الحمد علي كل شئ)

ولغاية دلوقت(بعد سنتين ونص) وبابا مش قادر يرجع شغله

خلصت ال3 مشاريع بفضل الله بنجاح وربنا رزق السنة دي بس ب 4 مشاريع

والحمد لله الشغل ماشي كويس و البيت بيصرف احسن من الاول (ما شاء الله) ففي مشروع من الاربعة الاخيريين اتفقت مع الناس علي 40 الف بعد ما خلصتوا وباعجابهم بالشغل واحساسهم بالمجهود رفعوا المبلغ ل80( قولوا ما شاء الله)

المعني اني الحمد لله ناجح في شغلي كمهندس ( طبعا باسم بابا و ببركته)

لكن كل يوم بيعدي بحلم اكتر اني ادرس هندسة

لغاية ما اتيحت ليا فرصة

اكتشفت اني ممكن ادرس دبلومة امريكية ( تعادل الثانوي ) لمدة سنة وبعدها اقدر ادخل هندسة

وحلمي اني ادخل هندسة طبية علشان استغل الطب اللي اتعلمته

وطبعا مفيش تعارض بين السكة دي و بين الطب

امتحان الدبلومة في شهر 5 الجاي وامتحانات البكالريوس في 10 اللي بعده

وهابدأ في هندسة في امتياز وهخلصه بعده بتلت سنين اللي انا فيهم ما مبعرفش اعمل حاجة في الطب ( مستني الماجيستير)

و بعدين اخد الشهادتين دول و طيران علي كندا وهناك اشتغل في مجال الابحاث وطبعا الطب هيخليني عارف الانسان بيشتغل ازاي و الدكاترة عايزين ايه وبالهندسة هاعرف ازاي اصنعه

والسؤال : هل الحلم ده خيالي ولا واقعي

ولو كان خيالي فمين نجح و ومكانش بيحلم

وهو ايه الواقع في اني طالب طب و شغال مهندس

هل المفروض ابقي تقليدي و لا احارب علشان حلمي

انا مشيت في الطب كويس و ان شاء هكمل فيه كويس رغم اني مش بس ما بحبهوش لا انا بزهق منه

لكن مش عايز ابقي بس كويس

لكن انا مشيت مشوار طويل في الطب و خسارة تضييع وقت زيادة و مصاريف الدبلومة 18 الف انا ممكن اتلهي في الطب وانسي الموضوع ده وممكن يكون حلم يقظة , هروب , حماس زائد

مستني ارائكم واقتراحاتكم

واسف للتطويل

h

اخى العزيز

والله انا كنت زيك لكن باختلاف التخصصات والنصيحة اللى دايما باقولها مش المهم انك تكون دكتور من مليون دكتور لكن ممكن تكون افضل مهندس على المهندسين واسال مجرب اتجه للى انت شاطر فيه على بركة الله

[ابو الخير]

لو عايز رأيي علي السريع كده كمل في طب و هاجر و هناك قدم في كندا و امريكا في كليات الهندسه و خد شهاده من هناك في التخصص اللي يعجبك كده كده لو خدت شهاده من هنا سواء طب او هندسه مش هيكون معترف بيهم في كندا

علي فكره حلمك هنا في مصر مش هينفع الناس هيقولوا عليك - سوري يعني - معتوه لكن في كندا الناس كلها هتشجعك اعرف واحد كان معاه ماجيستير علوم بيولوجي كان رايح عشان ياخد دكتوراه من هناك راح كمل هناك في طب و ما شاء الله عليه دلوقتي .. تخيل ان فيه ناس بتقول ازاي يسيب الجامعه هنا و يروح يشتغل دكتور في امريكا !!!!!!!

تم تعديل 8 أغسطس 2008 بواسطة ابو الخير

[أحمدأمين]

اسمحلي اني اشارك في الموضوع ده

عموما انا بحيك علي الاراده اللي عندك ويارب تزيد ما تقل

انا بقي مع استاذ ابو الخير في اللي بيقوله كده كده محتاج معادله في الطب وهتحتاج معامله في الهندسه لو ان شاء الله اخدتها فا انا بردو بقترح عليك تكمل طب وبما انك وحيد علي بنتين فده طبعا بعيط ميذه انك ملكش جيش فا تقدر تقدم في الهجره طبعا من غير ما الجيش يعطلك

وهناك تدخل كليه الهندسه وتعادل طب بتاعتك

(لو انتا مستريح هنا الغربه ملهاش لزمه يعني لو ضامن ان شغل تقسيم الاراضي ده هيبقي علي طول نصيحه خليك هنا احسن من وسط اهلك وناسك احسم من الف كندا)

بالتوفيق

[MZohairy]

موضوعك ده غريب جدااااااااا يا باشدكتور!!!!

بس الشهاده لله انت انسان محترم و مكافح و ربنا حيوفقك بإذن الله

نييجي للجد بقى

و حاول تركز و تسمع النصيحه من أخ يكبرك سنا و ليس مقاما

دائما و ابدا ركز في الهدف القريب و متضيعوش من ايدك عشان هدف ابعد منه

انت فاضلك سنه و تخلص طب و تاخد الشهاده

بينما لسه فاضلك 5 سنين عشان تاخد شهادة الهندسه (اللي انت فعليا بتشتغل بيها و بتجيبلك دخل فعليا)

اوعى ترقص على السلم و تهمل الطب و لا قدر الله يحصل اي ظروف و متعرفش تاخد شهادة الهندسه كمان ...تبقى ضيعت من عمرك 5 سنين طب هدر و زيهم كمان في الهندسه و تبقى لا كلت بلح الشام و لا عنب اليمن

الصح انك تاخد شهادة الطب اولا اللي خلاص هانت و تبقى ضمنت شهاده في ايدك

و بعد كده اعمل اللي انت عايزه ان شالله حتى تدخل فنون جميله

طالما الدخل مستقر و الأمور ماشيه

و ربنا يشفيلك والديك و يحسن ختامهم و يوفقك للصح دايما

[لولا]

حقيقه لم استطع ان امنع نفسي من المداخله فى موضوعك

لشده اعجابى بشخصيتك ،الطموحه، واحساسك العالى بالمسؤليه

وهو ما يظهر من استغلالك الأمثل للوقت من صغر سنك، والسعى

الدائم والشغف للتعلم.

وفقك الله ، وحفظ لك والديك ، وانار طريقك.

واجد كما قال استاذ زهيرى ان التركيز على الهدف القريب

هو عين العقل ، لعدم التشتت،او المخاطره بكل ما بذلته من جهد.

ولأنك فى كل الأحوال تنوى الهجره ،فنصيحه الأستاذ ابو الخير

من دراسه الهندسه فى كندا كانت عين الصواب لأنك اخيرا

وفى كل الأحوال ستحتاج لإجراء المعادله.

واذا كانت هناك اعتبارات اخرى فى الموضوع، فاثق انك بشخصيتك

المتزنه ستقرر القرار الصائب.

هناك نقطه عذرا اذا سألت عندها .. انت تقول انك حاليا القائم

بأعمال والدك (شفاه الله) ومن هذا العمل يتحقق دخل ممتاز

(مشاء الله ) للأسره ، وانت ايضا الإبن الوحيد لهذه الأسره

مما يعنى العائل الوحيد . فكيف ستكون امور هجرتك ؟

من سيتولى هذه الأسره ؟

هذه النقاط المهمه من المؤكد ، لها دور فى قرار الهجره

وبالتالى فى قرار الدراسه للهندسه هنا او كندا.

واخيرا انت شخص متزن ، واقدر الجميع على تقييم

الوضع ، واتخاذ القرار الأمثل، والإستفاده من كل النصائح هنا.

وفقك الله.

[ELSHAMY]

أخى الباشدكتور

أنا مبسوط جدا من طموحك و ارادتك و فبل كل ذلك ببرك لوالدك ربنا يشفيه...

الحقيقة انا مؤيد لرأى أخى زهيرى و أختى لولا و أستطيع أن استشف من كلامك انك شخصية طموحة مثابرة حتى لو رحت كلية الأئار.....

توكل على الله.... و أوعى تنسى صلاة الاستخارة و حتلاقى ربنا بيدلك على طريق الخير و يفتح لك أبوابه...

أنا كمان أسكندرانى زيك.....شفتوا بقى يا أهل المنتدى....الباشدكتور ده عينة من حاجات حلوة كتير عندنا.... :happy:

تحياتى للجميع

[الباشدكتور]

(من لا يشكر الناس لا يشكر الله) حديث شريف

فعلا شكرا علي مداخلاتكم ونصائحكم

لغاية دلوقت في اجماع علي اني امشي في المشوار بتاعي مع تحفظات

د/ ابو الخير بيقول اني ادرس هندسة في كندا احسن

وا/ احمد امين بيوافقه لكن بيقترح اني لو مستريح في مصر اكمل فيها

و استاذي الكبير اوي زوهيري بيقول اكمل طب الاول وبعدين اعمل أي حاجة

والاخت لولا بتتكلم عن اني صعب اسافر و اسيب اهلي

و دكتورنا الغالي الفاتح لكندا و الغازي لقلوب اهل المنتدي بيوافق ا/ زوهيري و ا/ لولا

وانا هابدأ من تحت لفوق

فعلا ربنا اداني مسئولية البيت

بابا وماما مرضي

وليا اختين بنات

الحمد لله مفيش مشكلة من ناحية البنات

اختي الكبيرة طبيبة امتياز خلاص

والصغيرة اللي هيا بنتي اكتر من كونها اختي ( هيا تربيتي انا حتي لما بابا كان سليم )

الحمد لله اخدت منحة دراسية في الجامعة الامريكية في القاهرة شاملة السكن و كل حاجة تانية يعني هترجع خميس وجمعة بس

اما بابا و ماما فمينعش اسيبهم خالص و علشان كده فانا قاعد في مصر لغاية ما الوضع يتغير ( يبدل الله من حال الي حال)

وطالما اني قاعد في مصر فانا هادرس هندسة فيها

وطالما اني في 5 طب فيبقي لازم اخلصه طبعا

لانه هيفدني كتير ولان بابا ممكن يجيله جلطة في الناحية التانية لو سبته

وعلي فكرة اغلب ظني ان بابا هيكون رافض اني ادرس هندسة حتي بعد طب ف ايه رأيكم

مستني نصائحكم بعد الdata الجديدة

[somayasaleh]

أول حاجة

أسأل الله العظيم رب العرش العظيم إنه يشفي والدك ويرجعه شغله بألف سلامة...إنه ولي ذلك والقادر عليه وهو على كل شيء قدير

ثانياً : أنا بأيدك في طموح ده بشدة ، توكل على الله وخد الخطوة دي

خليني أحكليك على نموذجين واحد قديم وواحد حديث

القديم موسى بن نصير القائد الإسلامي اللي فتح شمال أفريقيا والأندلس

القائد ده لما كان عنده 75 سنة لما فتح الأندلس ، كان طموحه إنه يواصل فتوحاته ويفتح أوروبا بالكامل من الغرب لغاية ما يوصل القسطنطينية في أقصى الشرق

الكلام ده وإيه ، وهو عنده 75 سنة، طبعاً ربنا توفاه قبل ما يحقق حلمه، بس تخيل الإدارة والعزم قد إيه

المثال التاني، رئيس القسم بتاعي في الكلية ، على فكرة أنا خريج هندسة طبية سنة 98 ، المهم رئيس القسم ده كان أستاذ في طب وأستاذ في هندسة في نفس الوقت

خلص هندسة ودخل طب بعد الهندسة وكمل لغاية ما أخد ماجستير ودكتوراه هنا وهنا - والله العظيم الكلام ده بجد - وبقى رئيس قسم الهندسة الطبية في جامعة القاهرة وفاتح عيادة مسالك بولية ورئيس إدارة البحث والتطوير للأجهزة الطبية عند أحمد بهجت...إيه رأيك بقى في الكلام ده؟

توكل الله وخلي طموحك وأحلامك ملهاش حدود وإن شاء الله تقدر تحققها

ونتقابل في كندا بإذن الله

---------------------------------

انا مع الاخ الاهلاوي في كل كلامه

توكل علي الله وقدم الدبلومة......وان شاء الله ربنا ح يوفقك

انا علي فكرة خريجة نفس الكليه...... والدكتور ابوبكر هو اللي كان مشرف علي المشروع بتاعي

هو بقي رئيس القسم؟؟؟؟ ما شاء الله

انا عكس الاخ السائل..... طول عمري نفسي ادخل طب.......

بس دخلت هندسه علي فرق نمره واحده :sad:

اخترت هندسة طبيه بالذات علشان يبقي فيها شويه من الطب

وبعدين تزوجت طبيب وبقت حياتي طب في طب :lol:

ناصحه مش كده angl::

[الباشمهندس ياسر]

بسم الله الرحمن الرحيم

انا طالب في سنة خامسة طب اسكندرية ( هابدأ سنة 6 شهر 10 بعد 5 ما تخلص باسبوع)

وليا قصة طويلة وغريبة اوي.

دخلت كلية طب علي غير رغبتي وعلي عكس طريقة تفكيري.

بابا مهندس و مش مستريح في شغله وعمي جراح ومستريح اوي في شغله.

وبالتالي كان قرارهم اني ادخل طب... يجماعة بحب الهندسة .... لالا الطب احسن خصوصا اني الدكتور رقم 14 في العيلة ودخل بعدي 3 هما فعلا كانوا عايزين مصلحتي وانا مش زعلان منهم.

ا

خدت احياء في تاية ثانوي وبالتالي مكنش قدامي غير سكة علمي علوم.

واعترضت كتير بعدها بس ماكنش في حاجة تتعمل مأداميش غير مجال طبي.

عصرت علي نفسي لمونة ومشيت في طب بتقدير جيد لغاية سنة تالتة بابا جاله جلطة في المخ عملت شلل نصفي وصعوبة في الكلام

بابا كبير اخصائي تخطيط عمراني و كان عنده وقتها 3 مشاريع تقسيم ارض ( كانت فترة رخاء مشروع واحد كان بيفتح البيت سنة – سنة و نص)

وهو كان بيشتغل بالقلم والمسطرة ولما نزل برنامج الاتوكاد ( برنامج رسم هندسي بيسهل الموضوع مليون مرة) ولأن الكبار صعب يتعلموا حاجة جديدة فكان الحل اني اخد دورات و اقرا كتب في الاوتوكاد في اجازة 2 ثانوي واشتغل معاه لمدة 3 سنين كرسام بس لغاية ماهوا اتعلم الاوتوكاد وانا اتعلمت الهندسة ( تعلمها بالخبرة) طبعا انا كنت باعمل كدة كمساعدة وكمان علشان بعشق الهندسة .

-فلما تعب ولانه كان واخد عربون و الناس مستنية شغل .

-ولان بابا ماكنش بيعمل حساب المستقبل.

-ولان علاجه خلص معظم الفلوس السائلة عندنا في اول 15 يوم.

-ولاني الولد الوحيد ( ليا اخت اكبر في طب واخت اصغر ايامها كانت في اولي ثانوي).

-ولان ماما تعتبر عاجزة.

-ولاني بفهم كويس في شغل بابا ( تقسيم الارض مالوش قواعد هندسية كتير وبيعتمد في اغلبه علي الرياضة و ادارة المساحين و الفنيين و التوفيق بين اطراف في الارض).

فقررت ان اكمل الشغل انا لغاية بابا ما يشفيه ربنا لكن ربنا لم يشأ إلا بشفاء جزئي (لله الحمد علي كل شئ)

ولغاية دلوقت(بعد سنتين ونص) وبابا مش قادر يرجع شغله

خلصت ال3 مشاريع بفضل الله بنجاح وربنا رزق السنة دي بس ب 4 مشاريع

والحمد لله الشغل ماشي كويس و البيت بيصرف احسن من الاول (ما شاء الله) ففي مشروع من الاربعة الاخيريين اتفقت مع الناس علي 40 الف بعد ما خلصتوا وباعجابهم بالشغل واحساسهم بالمجهود رفعوا المبلغ ل80( قولوا ما شاء الله)

المعني اني الحمد لله ناجح في شغلي كمهندس ( طبعا باسم بابا و ببركته)

لكن كل يوم بيعدي بحلم اكتر اني ادرس هندسة

لغاية ما اتيحت ليا فرصة

اكتشفت اني ممكن ادرس دبلومة امريكية ( تعادل الثانوي ) لمدة سنة وبعدها اقدر ادخل هندسة

وحلمي اني ادخل هندسة طبية علشان استغل الطب اللي اتعلمته

وطبعا مفيش تعارض بين السكة دي و بين الطب

امتحان الدبلومة في شهر 5 الجاي وامتحانات البكالريوس في 10 اللي بعده

وهابدأ في هندسة في امتياز وهخلصه بعده بتلت سنين اللي انا فيهم ما مبعرفش اعمل حاجة في الطب ( مستني الماجيستير)

و بعدين اخد الشهادتين دول و طيران علي كندا وهناك اشتغل في مجال الابحاث وطبعا الطب هيخليني عارف الانسان بيشتغل ازاي و الدكاترة عايزين ايه وبالهندسة هاعرف ازاي اصنعه

والسؤال : هل الحلم ده خيالي ولا واقعي

ولو كان خيالي فمين نجح و ومكانش بيحلم

وهو ايه الواقع في اني طالب طب و شغال مهندس

هل المفروض ابقي تقليدي و لا احارب علشان حلمي

انا مشيت في الطب كويس و ان شاء هكمل فيه كويس رغم اني مش بس ما بحبهوش لا انا بزهق منه

لكن مش عايز ابقي بس كويس

لكن انا مشيت مشوار طويل في الطب و خسارة تضييع وقت زيادة و مصاريف الدبلومة 18 الف انا ممكن اتلهي في الطب وانسي الموضوع ده وممكن يكون حلم يقظة , هروب , حماس زائد

مستني ارائكم واقتراحاتكم

واسف للتطويل

السلام عليكم

مش عارف اقول ايه بالضبط

بس تعالى نحسبها بالراحة مع بعض

اولا انت الحمد لله فاتح البيت ميت فل واربعتاشر ... جميييييل

يعنى انت نجحت فى تحقيق اهم نقطة فى القصيدة كلها

ثانيا انت فى سنة خامسة و كلها سنة وتخلص بس انت مبتحبش الطب من اساسه

يعنى نقدر نقول كلها سنة وتاخد البكالوريوس ان شاء الله و تبقى ساعتها معاك الشهادة الجامعية الاولى يبقى

الطبيعى والله اعلم انك متضيعش الخمس سنين اللى فاتوا اونطه و يا عم بجملة الخساير سنة كمان

يعنى بالمختصر المفيد

كمل فى شغلك علشان البيت يفضل مفتوح

كمل كليتك علشان تاخد الشهادة وابقى ولع فيها بعد كده

و معلش لما تخلص ابقى اعمل دراسات اون لاين مع اى جامعه اجنبيه وخد بكالوريوس هندسه يا سيدى بسيطة مش هتتعبك يعنى

انما انا فى موضوع عايز اكلمك فيه بصراااااااااااااااااااحة

انت طلبت الاستشارة وانما المستشار مؤتمن

انت عايز تهاجر وتروح كندا ...

الوالد مين هيشرف على علاجه لغاية ما يقوم بالسلامة ؟!!!!!!!!!!

و طب ماما مين يساعدها وياخد بايديها ويراعيها ؟!!!!!!!!!!!

و الدكتورة اختك مين يحافظ عليها و يشوف طلباتها و يقف جنبها سند فى الايام الجميلة دى

و ياترى مين هيقابل عريسها و مين هيديله ايديها و مين هيوفر جهازها

و الامورة الصغنتوته فى الثانوى مين يحافظ عليها من غدر الايام مين يخرجها ويفسحها

مين هيوديها الجامعه و يتابعها

و سامحنى على اللى هقوله

لما ينزل امر الله للحاج او الحاجه

مين يكرمهم و مين ياخد عزاهم ومين ومين ....

اكيد مفيش حد غيرك لانك انت الوحيد

انت شكلك ابن ناس و اصلك كويس فياريت تكمل واجبك و مش هقول جميلك للاخر

و استعيذ بالله من الشيطان الرجيم

و لا تنسانى من دعائك

[الباشدكتور]

الباشمهندس ياسر عندنا يا مرحبا يا مرحبا

انا اسف اني مأقدرتش اوصل لحضرتك فكرتي مظبوط يا ريت حضرتك تقرا المداخلة التانية ليا ودي كتبتها قبل مداخلة حضرتك دي

وانا هاعيدها زي ما هيا

(من لا يشكر الناس لا يشكر الله) حديث شريف

فعلا شكرا علي مداخلاتكم ونصائحكم

لغاية دلوقت في اجماع علي اني امشي في المشوار بتاعي مع تحفظات

د/ ابو الخير بيقول اني ادرس هندسة في كندا احسن

وا/ احمد امين بيوافقه لكن بيقترح اني لو مستريح في مصر اكمل فيها

و استاذي الكبير اوي زوهيري بيقول اكمل طب الاول وبعدين اعمل أي حاجة

والاخت لولا بتتكلم عن اني صعب اسافر و اسيب اهلي

و دكتورنا الغالي الفاتح لكندا و الغازي لقلوب اهل المنتدي بيوافق ا/ زوهيري و ا/ لولا

وانا هابدأ من تحت لفوق

فعلا ربنا اداني مسئولية البيت

بابا وماما مرضي

وليا اختين بنات

الحمد لله مفيش مشكلة من ناحية البنات

اختي الكبيرة طبيبة امتياز خلاص

والصغيرة اللي هيا بنتي اكتر من كونها اختي ( هيا تربيتي انا حتي لما بابا كان سليم )

الحمد لله اخدت منحة دراسية في الجامعة الامريكية في القاهرة شاملة السكن و كل حاجة تانية يعني هترجع خميس وجمعة بس

اما بابا و ماما فمينعش اسيبهم خالص و علشان كده فانا قاعد في مصر لغاية ما الوضع يتغير ( يبدل الله من حال الي حال)

وطالما اني قاعد في مصر فانا هادرس هندسة فيها

وطالما اني في 5 طب فيبقي لازم اخلصه طبعا

لانه هيفدني كتير ولان بابا ممكن يجيله جلطة في الناحية التانية لو سبته

وعلي فكرة اغلب ظني ان بابا هيكون رافض اني ادرس هندسة حتي بعد طب ف ايه رأيكم

مستني نصائحكم بعد الdata الجديدة

[الأهلاوي الأصيل]

تم التعديل لحدوث خطأ جعلني ادخل الرد مرتين

تم تعديل 8 أغسطس 2008 بواسطة الأهلاوي الأصيل

[الأهلاوي الأصيل]

خليني أكتبلك رأيي في صورة نقاط:

1- لا خلاف على إنك ليك الحق وعندك المقدرة إنك تحقق طموحك المشروع مهما كان صعب.

2- الكل وأنا معاهم أجمع على إنك تكمل مشوارك في طب وانت برضه مش مختلف مع الرأي ده.

3- بعد التخرج من طب عندك حاجتين ممكن تعملهم لو قدرت تعملهم بالتوازي، اللي هما إنك تكمل العمل الخاص بالوالد اللي انت بدأت فيه واللي مخلي البيت مفتوح والثاني هو دراسة الهندسة في مصر، وقدرتك على تحقيق الأمرين معاً تعتمد على حسن تنظيم وقتك وقوة إرادتك في نفس الوقت.

4- يبقى موضوع الهجرة لكندا وده اللي الناس اختلفت عليه، انا متفق معاك في المبدأ مع عدم إمكانية التنفيذ في الوقت الحالي لإنك المسئول الوحيد عن والدك ووالدتك وأخواتك البنات حالياً، وده ممكن تتصرف إنك تمشي في إجراءات الهجرة وتبدأ فيها في الوقت المناسب، ومش شرط إنك أول ما تخلص تهاجر - خلي بالك هي بتاخد مدة طويلة جدا أصلاً - وممكن ساعتها تروح تعمل لاندنج وترجع يبقى إنت كده مسكت الكارت ده في إيدك وفي نفس الوقت إنت لسه مستقر في مصر للقيام بمسئولياتك تجاه أسرتك.

5- وقت ما تتغير الظروف وتقدر تنتقل لكندا تبقى تروح.

إنما نصيحتي بشكل عام لا تتخل عن حلمك وطموحاتك مهما كانت الظروف ، وثق تماما إن ربنا سيوفقك لتحقيقها طالما كانت عندك الإرادة لذلك.

أنا مختلف معاك في حاجة وحيدة هي حكاية الهندسة الطبية دي...ملقتش غير الهندسة الطبية ...ياراجل حرام...دي كانت غلطة عمري إني دخلت القسم ده angl::

تم تعديل 8 أغسطس 2008 بواسطة الأهلاوي الأصيل

[الباشمهندس ياسر]

و الله اخجلتمونا يا كريم الاصل

مش عارف اقول ايه بصراحة

[الباشدكتور]

شكرا مهندس الاهلاوي الاصيل علي نصيحتك

وهو ده نفس رأيي لكن انا سامع ان الهندسة الطبية دي عالية اوي وكمان هي قريبة من الطب اللي درسته يعني هيبقي عندي ميزة اضافية فيها

ياريت حضرتك و م/لولا تكلمنا عنها شوية ولو احنا كده بنسبق الاحداث

يعني قراري في الاساس هو دراسة الهندسة ايا كانت

م/ياسر ليه الخجل بس . ده انت كنت بتوصيني عل اهلي

انا عمري ما اسافر والوضع كده

واكتر من كده كمان اني مش هاخطب والوضع كده خالص

وده قرار اخدته بعد تفكير كتير وكان صعب

صعب لاني كشاب ليا حاجة عاطفية و جسدية مكبوتة باستمرار حتي استطيع الباءة

العفة هنا مبررة بأمل لإشباعها بطريقة ترضي الله

وعلي قد ما بتحكم نفسك علي قد بتمني نفسك بثواب فالدنيا والاخرة

سألت يعني ايه الباءة قالوا يعني قدرة عقلية و جسدية و مادية

و انا استطيع بس مش هينفع اتجوز واسيب ابويا و امي لازم اتجوز معاهم قالوا صعب تلاقي حد يوافق

وانا نفسي مش هوافق

وتم تأجيل الموضوع الي اجل غير مسمي

[iloveegypt]

شكرا مهندس الاهلاوي الاصيل علي نصيحتك

وهو ده نفس رأيي لكن انا سامع ان الهندسة الطبية دي عالية اوي وكمان هي قريبة من الطب اللي درسته يعني هيبقي عندي ميزة اضافية فيها

ياريت حضرتك و م/لولا تكلمنا عنها شوية ولو احنا كده بنسبق الاحداث

يعني قراري في الاساس هو دراسة الهندسة ايا كانت

م/ياسر ليه الخجل بس . ده انت كنت بتوصيني عل اهلي

انا عمري ما اسافر والوضع كده

واكتر من كده كمان اني مش هاخطب والوضع كده خالص

وده قرار اخدته بعد تفكير كتير وكان صعب

صعب لاني كشاب ليا حاجة عاطفية و جسدية مكبوتة باستمرار حتي استطيع الباءة

العفة هنا مبررة بأمل لإشباعها بطريقة ترضي الله

وعلي قد ما بتحكم نفسك علي قد بتمني نفسك بثواب فالدنيا والاخرة

سألت يعني ايه الباءة قالوا يعني قدرة عقلية و جسدية و مادية

و انا استطيع بس مش هينفع اتجوز واسيب ابويا و امي لازم اتجوز معاهم قالوا صعب تلاقي حد يوافق

وانا نفسي مش هوافق

وتم تأجيل الموضوع الي اجل غير مسمي

الاخ الفاضل الباشدكتور

اولا احييك على حبك وخوفك على اهلك وصدقنى ربنا هيكرمك ان شاء الله دنيا واخرة بس ابقى افتكرنى

ثانياموضوع الزواج وانت فى مصر انا مش شايف فيه اى مشكلة بس تدور على واحدة عارفة ظروفك واكيد هتلاقى واحدة تخاف الله فيك وفى والديك

ثالثا كونى مهندس نظم وهو تخصص قريب شوية من الاجهزة الطبية انا شايف انه هيكون بعيد عن حبك للهندسة لانه يختلف عن تخصص التخطيط العمرانى او العمارة اللى انت بتساعد والدك فيه فاظن انه من الافضل للك تخصص تخطيط عمرانى(موجود فى جامعتى القاهرة والازهر) او عمارة لان التخصص الاجهزة الطبية ليس له علاقة بالرسم من قريب او بعيد الا رسومات الدوائر الكهربية فقط الا اذا كنت مش غاوى الا الاجهزة الطبية

[الباشمهندس ياسر]

م/ياسر ليه الخجل بس . ده انت كنت بتوصيني عل اهلي

انا عمري ما اسافر والوضع كده

واكتر من كده كمان اني مش هاخطب والوضع كده خالص

وده قرار اخدته بعد تفكير كتير وكان صعب

صعب لاني كشاب ليا حاجة عاطفية و جسدية مكبوتة باستمرار حتي استطيع الباءة

العفة هنا مبررة بأمل لإشباعها بطريقة ترضي الله

وعلي قد ما بتحكم نفسك علي قد بتمني نفسك بثواب فالدنيا والاخرة

سألت يعني ايه الباءة قالوا يعني قدرة عقلية و جسدية و مادية

و انا استطيع بس مش هينفع اتجوز واسيب ابويا و امي لازم اتجوز معاهم قالوا صعب تلاقي حد يوافق

وانا نفسي مش هوافق

وتم تأجيل الموضوع الي اجل غير مسمي

السلام عليكم

الله ينور عليك فى مسألة عدم الهجرة والوضع بهذه الصورة

و طبعا انت ليك مطلق الحرية فى اتخاذ قرار الارتباط او تاجيله كما يحلو لك

و لكن هل تسمح لى انى اتكلم معاك شوية فى اللى انت كتبته؟

[الباشدكتور]

م/ياسر ليه الخجل بس . ده انت كنت بتوصيني عل اهلي

انا عمري ما اسافر والوضع كده

واكتر من كده كمان اني مش هاخطب والوضع كده خالص

وده قرار اخدته بعد تفكير كتير وكان صعب

صعب لاني كشاب ليا حاجة عاطفية و جسدية مكبوتة باستمرار حتي استطيع الباءة

العفة هنا مبررة بأمل لإشباعها بطريقة ترضي الله

وعلي قد ما بتحكم نفسك علي قد بتمني نفسك بثواب فالدنيا والاخرة

سألت يعني ايه الباءة قالوا يعني قدرة عقلية و جسدية و مادية

و انا استطيع بس مش هينفع اتجوز واسيب ابويا و امي لازم اتجوز معاهم قالوا صعب تلاقي حد يوافق

وانا نفسي مش هوافق

وتم تأجيل الموضوع الي اجل غير مسمي

السلام عليكم

الله ينور عليك فى مسألة عدم الهجرة والوضع بهذه الصورة

و طبعا انت ليك مطلق الحرية فى اتخاذ قرار الارتباط او تاجيله كما يحلو لك

و لكن هل تسمح لى انى اتكلم معاك شوية فى اللى انت كتبته؟

طبعا اسمح يا باشمهندس ما انا هنا في المنتدي علشان نتكلم كلنا

وكمان حضرتك منورني في الموضوع بتاعي

[الباشمهندس ياسر]

انا كنت ناوى اتكلم معاك فى موضوع الجواز

و بعدين حسبتها لقيته كلام مش مظبوط

و الصح ان ده قرارك وقرارك لوحدك

فخلاص بقى غيرت راى ومش هتكلم معاك فيه

و سلام عليكم