عالم .. اشاعات ..اشاعات

[هشام عبد الوهاب]

يدق جرس التليفون فترفع السماعة وتسمع احد اصدقاءك يقول لك الحق بسرعة خد العيال وروح على المصل واللقاح طعمهم لحسن الكوليرا منتشرة وفيه خمسين تلميذ ماتوا .

تهرول على المصل واللقاح واول ماتوصل تلاقى مليون واحد هناك وكل واحد ماسك عياله فى ايده وخناقة على الدور .

تكتشف ان وباء الكوليرا تم القضاء عليه من زمان ولا وجود له فى مصر . الحمد لله ........طلعت اشاعة

وانت فى السيارة فجاة زحمة وناس بتجرى وانت مش فاهم حاجه

تسأل احد الأشخاص اللى بيجروا .. يا أستاذ هو فيه ايه .

يرد عليك : بيقولوا فيه ارهابيين فجروا عربيةوزير وطبعا تتصور انك حصلت على سبق صحفى وخبر خطير وبدل من التأكد تسرع للمنزل وهات ياتليفونات وفى النهاية شكلك بقى وحش قوى ...الموضوع كله حاجه تانيه .

مشكلة مروجى الشائعات انهم يصدقون كذبتهم واحيانا اضافتهم لفقرة صغيرة على خبر حقيقى وهم يعلمون تماما بأن من سيخبروهم سيضيفوا او يبدلوا جزء اخر من القصة حتى يصل الأمر للضحايا،،

وهكذا حتى يختفى الخبر الحقيقى ويحل محله قصة ملفقة . وعلنا جميعا شاهدنا فيلم أشاعة حب وكيف يتحول الأمر من تلفيقه داخل منزل لأشاعة ضخمة داخل مدينة كاملة .

وعلى المستوى الشخصى او الأسرى وداخل مكان العمل تنتشر الأشاعات بصورة اكبر وكلنا تعرض او شاهد انتشار شائعة ما .

فلتحكى لنا ماعرفته من شائعات وماذا كان تأثيرها عليك وماهى الأسباب التى تؤدى لأنتشار الشائعة ولماذا يقوم مروجيها بأطلاقها

أسئلة كثيرة وفى الأجابات والقصص الحل .فدعونا نناقشها لنتعرف على هذا العالم الغريب .

[Cleo]

أكتر إشاعة أثرت فى هى إشاعة سفاح مدينة النصر التى انطلقت العام الماضى... خصوصا أننى أسكن فى المنطقة التى تردد أن الجرائم تدور فيها... وقد زاد من تأثرنا بالإشاعة أن المنطقة التى أسكن فيها تعتبر منتطرفة و هادئة و مظلمة إلى حد ما... و محاطة بمنطقة مبانى تحت الإنشاء... يعنى الطبيعى هى تردد اللصوص على منطقتنا...

كانت فترة نكد....

أما ثانى أكثر أشاعة أثرت فى هى إشاعة الحمى الشوكية المنتشرة اليومين دول...

[ragab2]

أكبر اشاعة

لما ضحكوا علينا فى أواخر السبعينات وأوائل الثمانينات وقالوا مصر بقت ديموقراطية وفيها أحزاب

وعملت انفتاح ورخاء اقتصادى وصفينا أعمالنا بالخليج للعودة لبلادنا

واكتشفنا بعدها انه كله كان كلام كذب وتهويل

[بنت شعنونة]

اشاعة انهم ها يلغوا تكليف الأطباء بدءا من السنة دي

ويبقى اختياري

ودي بقالها شهرين كدا

"وش مفروووووس"

اشاعة الدولار قبل حرب العراق اللي خلت الكللللللل يغير فلوسه لدولارات وينزلوا يشتروا اكل في نفس اليوم زي ما نكون ها نموت بكرا!!!!!

[mnman]

أغرب اشاعة كانت من زمااااان لما كنت طفل... وقالوا ان فية كنز تحت البحر و علية حارس من الجن و علشان يفتحة عايز 100 جمجمة طفل.. والعصابة بتخطف الاطفال علشان الجماجم.... ولك ان تتخيل الحبسة في البيت والمعاناة من عدم الخروج واللعب و يالهوي لو أتاخرت شوية بعد المدرسة أولياء الامور يجووووووووو جري .......... دي كانت اغرب أشاعة في الاسكندرية من وجهة نظري....

واخر أشاعة ان السارس دخل مصر وهناك 25 حالة في القصر العيني.... طبعا اصلي في اسكندرية دلوقتي فلازم يقولوا القصر العيني لزوم الحبكة....

[Cleo]

أغرب اشاعة كانت من زمااااان لما كنت طفل... وقالوا ان فية كنز تحت البحر و علية حارس من الجن و علشان يفتحة عايز 100 جمجمة طفل.. والعصابة بتخطف الاطفال علشان الجماجم.... ولك ان تتخيل الحبسة في البيت والمعاناة من عدم الخروج واللعب و يالهوي لو أتاخرت شوية بعد المدرسة أولياء الامور يجووووووووو جري .......... دي كانت اغرب أشاعة في الاسكندرية من وجهة نظري....

...

أنا فاكرة أيام الإشاهة دى... بس عندنا فى مصر كانوا بيقولوا إن الكنز ده فى بحيرة قارون و إن العصابة اللى بتخطف الأطفال أفارقة....

[بنت شعنونة]

اشاعة انتشرت في الشهور الأخيرة عن فتاة كانت تركب ميكروباص بملابس خليعة

وجلس جنبها رجل كبير

فكلمها عن ملابسها وانها لا تجوز وكدا وفتنه

وانها حرام

وانها ها تحاسب

وان ربنا ها يحساسبها على لبسها دا بالنار

فراحت اديته الموبايل بتاعها وقالتله

اتصل لي بربك خليه يحجزلي مكان في جهنم

وعندما وصلت الى المكان اللي كان لازم تنزل فيه

بمجرد نزولها من العربية طبت ساكتة وماتت!!!!!!!

اشاعة مرعبة

لكن في الحقيقة

بتعجبني الاشاعات اللي من النوع دا حتى لو كانت كدب

عشان في ناس ما بتتعظش الا بالرعب كدا

مش عارفا دي حلال والا حرام صراحا ؟!؟!