النسر والغراب - فى سماء الخراب

[achnaton]

خلاص .. الأسلاك كلها ضربت عندى .. ومش شايف الطريق قدامى .. أمبارح لما قريت فى جريدة الأخبار خبر كتبه رئيس تحريرها .. وده له قصة شائقة مع عزبة ريان للطيران إن شاء الله الله اقصها عليكم فيما بعد صعب على حضرته يكتب إقالة جدو فهيم فكتب التالى : " ريان يترك رئاسة مصر للطيران " وكأن جدو فهيم زهق منا ومن تعيين طيار رئيس له وهو المهندس المتمكن يلجأ اليه الطيارون الحربيون بعد الإحالة الى الأستيداع بحثا عن وظيفة فى العزبة .. المهم خرج ريان ورجعت العزبة لأصحابها .. ولسان حاله يقول لما نشوف الطيار حيعمل إيه ؟؟

والطيار المقصود بهذا الكلام هو وزير الطيران الجديد ومن أول يوم ظهرت بصمات رئيس الوزراء على قرارات الوزير وده شئ طبيعى .. اللى مش طبيعى والى انا مش متصوره أن الغراب يغلب النسر .. اللهم الا فى سرك عاكف .. آسف فى سرك عاطف .. !! الباشا الوزير الجديد  - وده شغلته اللى اتعلمها الطيران - ما سمعش عن الموجه الجديدة فى الأقتصاد العالمى اللى بيقولوا عليها التكتلات الإقتصادية وفى أوربا مثلا بتتكتل المؤسسات المتشابه .. والشركات المتشابه لمواجهة المنافسة العالمية .. وفى المانيا على سبيل المثال لا الحصر نلاقى شركة سياحة تستقطب الشركات الممثالة .. ثم تشترى شركات طيران .. ثم تشترى جزءا من المطار ترفع عليه علمها وتخصصه لزبائنها .. ويوم ما تعثرت الشركة الوطنية السويسرية للطيران " سويس إير " ورفضت الدولة تمويل عثرتها إشترتها ابنتها " كروس اير " وابقت على كل شئ كما هو حتى الأسم التجارى شطبت فقط كلمة " إير " وعينت رئيسا لها وابقت على كل الكوادر الا من تسبب فى القيادات فى خسارة الشركة الأصلية  ..ولكن يبدو أن غراب الخراب خبير الكساد القومى اوصى وزيره بتفتيت العملاق المريض بدلا من علاجه ؟؟ وفكرنى ذلك بالنكته اللى كنا بنتداولها عن ذلك المريض اللى كانت ضرسه بيؤلمه راح لطبيب الأسنان خلعة .. فلما عينه آلمته راح لطبيب العيون ليخلعها ؟؟ ودى طريقة الدكتور عاطف .. عملها قبل كده فى مجمع المسابك عندما فككة برضه بنفس الطريقة تمهيدا لبيع شركة النصر انجح شركة فى المجمع والقصة معروفة ومعروضه على القضاء .. أوحى غراب الخراب لوزيره الجديد بتفتيت هذا العملاق حتى تنهار الأجزاء واحد وراء الآخر بالذمة فيه حد يقول شركة للطيران تشترى الأكل من شركة أخرى وتشترى الصيانة من شركة اخرى وتكلف شركة اخرى بالدعاية .. وشركة رابعة للخدمات الأرضية واخرى للشحن الجوى .. الخ ..الخ .. للأسف الشديد أمى ماتت من زمن كنت طلبت منها تغطينى وتصوت !! فيه حد يقول أن مستشفى مصر للطيران اللى مول بنائها إشتراكات العاملين وبسخاء يعنى دى ملك العاملين إزاى آخذها واحولها الى مستشفى استثمارى .. بأمارة إيه يا معالى الوزير ؟؟ لقد بنى هذه المستشفى وأثثها وعين أطبائها - وأسألوا الدكتور محيى حماد - جموع العاملين بمؤسسة مصر للطيران اللى فتتوتها طب قول لنا يروحوا يتعالجوا فين ؟؟ وكانو بيتعالجوا فيها مجانا !! مقابل الأشتراك الشهرى اللى اتخصم ويخصم من مرتبه ؟؟

يا معالى الوزير خليك جدع .. وليس عيبا ان نعترف بالخطأ ولكن العيب أن نستمر فيه .. لا تسمع كلام غراب الخراب وخذ قرار الطيار الحق النابع عن فكره هو .. كل الشركات اللى أعلنت عنها ممكن بقائها فى اطار المؤسسة الكبرى ووفر اجور ومرتبات ومصروفات متعدده وكل من تريد الإعتماد عليهم كرؤساء للشركات المقترحة يكونوا مجلس إدارة لمؤسسة مصر للطيران برئاسة من سيتولى رئاسة الشركة القابضة ..

يامعالى الوزير .. صحيح لست خبيرا فى الإقتصاد ,, ولكن خبرتك فى القيادة لا شك فيها فأستعن بأهل الذكر من العلماء فلن تجدى سياسة تقطيع اوصال هذا العملاق بحجة علاجه فما وصلت من روشته خايبه معناها شئ واحد الحكم بالإعدام على هذا العملاق بتقطيع اوصاله

وتعالى شوف أمثال هذه المؤسسة فى أوربا عملت إيه .. وبنفسك ولا تسمع كلام المنافقين  ..

اللهم قد أبلغت .. اللهم فأشهد

اخناتون            ;)

[عادل أبوزيد]

[b:post_uid0] الأستاذ الفاضل اخناتون

الذى قد لاتعرفه ان نفس الشئ و اكثر منه يحدث فى وزارة البترول و هيئة البترول  .. نفس عملية  تقسيم الكيان المتكامل الى اشلاء  لى  كثير من الأصدقاء يعملون بقطاع البترول  و عن هذا القطاع و ادارته حدث و لا حرج

كم من القرارات الإدارية التى لا تمثل سوى  المراهقة الإدارية اذا صح هذا التعبير كل ذلك مصحوبا بطنطنة ادارية تجعل من الرجل ايرهارد زمانه

سابذل جهدى لتجميع مجموعة من الحقائق و اعرضها عليكم هنا  ... لعل و عسى[/b:post_uid0]

[achnaton]

سمعت اليوم ان مندوبى الوزير الجديد راحوا يستولوا على مستشفى العاملين فاعترضهم العاملين بها وكادت تحدث معركة وبعد تدخل الأمن المركزى .. سحب الوزير قرارة بتحوليها الى مستشفى استثمارى والأبقاء عليها لخدمة العاملين وضمها كشركة للوزارة .. متناسيا ان المستشفى ملك خاص للعاملين ومن فلوسهم .. يكونشى التحاد الأشتراكى رجع تانى وحتبدأ حملة استيلاء على المرافق والشركات الخاصة  ماهم زمان استولوا على مستشفى العاملين بالسكة الحديد وباظت والحمد لله ومستشفى العاملين بمؤسسة صدناوى وباظت برضه والحمد لله وغيرها وغيرها .. مين يقول لهذا الطيار.. الوزير الجديد خلى بالك من نصائح غراب الخراب رئيس وزارة الكساد لأنك انت اللى حتشيل الموضوع تاريخيا .. وشوف خبير اقتصادى شبعان وشايف اللى بيحصل فى كل الدنيا وخذ بنصيحيته .. وزى ما قلت سابقا تفتيت المؤسسة الى شركات سيسهل الأمر لمزيد من الفساد ومزيد من الأعباء المالية ويفتح الباب امام غراب الخراب لبيع املاك الشعب فى مزاد علنى وسرى

دول بيقولوا الطيارين ناصحين ويفعموها وهى طايرة .. إنت نسيت الطيران ولا إيه ؟؟

اخناتون   ;)  :D  :cry:  :D