اذهب إلى المحتوى
محاورات المصريين

عايز اتجوز....... عايزه عريس

الباشمهندس ياسر

بواسطة الباشمهندس ياسر
في موضوعات شخصية

 مشاركة

Recommended Posts

justme عضو جديد

justme

بتاريخ:
بتاريخ:

طيب يا جماعة الخير هو الواحد لما يضرب مثل مبيبقاش قصده صفر في الاخلاق لان دول مش محتاجين يتجوزوا اساسا

انا ضربت مثل علشان اقولكم حاجة

المظهر هو المعيار في اغلب الاحوال ومش قصدي الفلوس بس في ناس بتبص للمكانة الاجتماعية

يعني ظابط مثلا شرطة او وكيل نيابة ومحدش يقول ان دول اغنى ناس والمعيار برضوا مش الفلوس

عموما بالنسبة لموضوع جواز الصالونات خليكوا معايا وبعدين قولوا رأيكم

واحد مكنش بيلعب ولا ليه علاقات في الجامعة اتخرج وبعدين سافر وملوش اقرباء بنات في سنه او في مستوى قريب سنيا

مسافر بره في مكان معزول او على الاقل ملوش اختلاط قوي

هيتعرف بفتاة احلامه ازاي عن طريق الشات مثلا

هي بتحصل بس ده معناها برضه هو وحظه

يبقى مفيش غير انو يكلم اصدقائه او اقربائه

يعني صالونات برضه مهو مش معقول هيتعرف عليها من بره لبره الا في ظروف صعبة

يأما ينزل بقى في الاجازة ويقف في المولات والنوادي ليبحث عن فتاة احلامه

او انو ينسى موضوع الجواز ده اساسا

ويقعد في ركن ويركز في شغله لغاية اما يموت احسن

ياريت حد يفيدنا باقتراح عملي

انا بدأت تثبت قناعة عندي ان هذا الزمن قد تكون فرص نجاح الشاب ...... افضل فيه من المستقيم

تحياتي

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
  • الردود 249
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

طبيبة مصرية عضو جديد

طبيبة مصرية

بتاريخ:
بتاريخ: (معدل)

هو ليه فيه هجوم جامد جدا على جواز الصالونات؟؟؟؟؟؟؟

أنا إتجوزت جواز صالونات وأغلبية قرايبى وأصحابى برضه إتجوزوا جواز صالونات والحمد لله جوازات ناجحة ومستقرة...........

وبعدين هو فى جواز الصالونات ماحدش بيقول هنتجوز بكرة..........

بتبقى فيه فترة خطوبة المفروض الطرفين بيتعرفوا فيها على بعض وبيدرسوا شخصيات وطباع بعض وحتى قبل الموافقة على الخطوبة العريس بييجى اكتر من مرة الاول علشان الطرفين يتاكدوا إن فى درجة معقولة من القبول تسمح ليهم انهم يكملوا مع بعض..........

يعنى اول زيارة بتبقى القبول المبدئى وان مافيش نفور بين الطرفين ..........

وبعدين بيتبعها كام زيارة والعريس فى الزيارات دى بيقعد مع البنت على انفراد وبيتكلم معاها وبيعرف افكارها وهى بالمثل..........

وبالتالى بيحددوا هل ممكن نكمل ونوصل لمرحلة الخطوبة ولا لا؟؟؟

وبعدها بقى بتبقى زيارة الإتفاقات وفى بعض العرسان بيلمحوا فى الزيارات الاولى لإمكانياتهم بطريقة غير مباشرة واسرة العروسة بتفكر وتشوف ده مناسب لبنتهم ولا لا وكمان البنت بتكون كونت فكرة عامة عن العريس وفى بنات لو وجدوا قبول وارتياح للطرف الاخر ممكن يتنازلوا عن بعض الامور المادية وبيقنعوا اهاليهم بده والامور بتمشى عادى جدا والعكس صحيح يعنى برضه الولد لو اقتنع بالبنت ممكن مثلا يضغط على نفسه ويحاول تلبية رغبات اهل العروس على قد ما يقدر ......

يبقى ايه الفرق بينه وبين مثلا انى بتعرف على زميل ليا فى العمل ويعجب بيا ونبتدى نتعرف على بعض اكتر بمرور الايام وبعدين لما بيقتنعوا ببعض بيتقدم ويبدا برضه نفس مشوار جواز الصالونات .........

يعنى الفرق فى البداية فقط ...........

انا مش شايفة فرق كبير.........

اما الارتباط بقى فى فترة الكلية فده بصراحة فى اغلب الاحيان بيفشل والطرفين ما بيكملوش مع بعض.........

لان فى الفترة دى بتبقى لسه مرحلة المراهقة والتقلبات المزاجية وما بيكونش ولا الولد ولا البنت قدر يحدد هو عايز ايه بالضبط فى شريك الحياة؟؟

وكل القصص اللى كانت فى دفعتى وبدات من سنة اولى ........على سنة رابعة الغالبية فركش

ولم تستمر إلا القصص إللى بدأت فى سنة الإمتياز هما دول اللى كملوا مع بعض وده طبعا لانهم بيكونوا وصلوا لمرحلة معقولة فى السن والنضج...........

تم تعديل بواسطة طبيبة مصرية
an1cqgUFg2B0010Mjk0bHN8NTk4MDM5N3NhfFdlIGFyZSBpbiBsb3ZlIHNpbmNl.gif
رابط هذا التعليق
شارك
president عضو جديد

president

بتاريخ:
بتاريخ:

واحد مكنش بيلعب ولا ليه علاقات في الجامعة .

يعني صالونات برضه مهو مش معقول هيتعرف عليها من بره لبره الا في ظروف صعبة

يأما ينزل بقى في الاجازة ويقف في المولات والنوادي ليبحث عن فتاة احلامه

او انو ينسى موضوع الجواز ده اساسا

ويقعد في ركن ويركز في شغله لغاية اما يموت احسن

ياريت حد يفيدنا باقتراح عملي

انا بدأت تثبت قناعة عندي ان هذا الزمن قد تكون فرص نجاح الشاب ...... افضل فيه من المستقيم

تحياتي

مش عارف ليه حسيت من كلامك انك فهمت ان جواز الصالونات . حاجه فاشله او مش كويسه .

بالعكس جواز الصالونات فى اكتر الحالات بيعيش عن الجواز عن علاقه عاطفيه .

جواز الصالونات بيكون معتمد تماما على اختيارات العقل وغالبا بعد كده بتنشأ العاطغه فيبكون جواز ناجح ان شاء الله حتى لو حصل فتور بعد كده ماهو كان اختيار عقلى من البدايه .

انما جواز العاطفه غالبا بيتجاهل اعمال العقل وعشان كده لما بيحصل فتور وملل فى العاطفه العيوب الصغيره تظهر كأنها كوارث عشان كده بيفشل أسرع .

عشان بس الأمور ماتخلطتش .

احنا كنا بنتكلم عن معايير القبول والرفض فى جواز الصالونات . بس ماتكلمناش خالص عن مزايا وعيوب الجواز سواء عن علاقه عاطفيه او صالونات .

ملحوظه صغنطوطه

(اللعب والعلاقات الجامعيه مالوش علاقه بجواز العلاقه العاطفيه . اللعب والشقاوه حاجه والعلاقات والصداقه حاجه . بس الجواز العاطفى حاجه تالته خالص :blink: )

ربنا يوفقك

وإن بليت بشخص لا خلاق له... فكن كأنك لم تسمع ... ولم يقل

رابط هذا التعليق
شارك
justme عضو جديد

justme

بتاريخ:
بتاريخ: (معدل)

الفاضل بريزدنت

لأ طبعا انا مقصدتش ان جواز الصالونات حاجة فاشلة بس لقيت التعليقات بتشبهه بالصفقة يعني بيعة وشروة فقلت اسمع اراء تنورني

وتنور غيري

وبعدين انا مقلتش اللعب في الجامعة انا كان قصدي حاجة تانية قصدي ان البنات بتدور على الشاب اللي يحسسها بالكلام باللي هي عايزاه وللأسف مكنش في المقرر في الجامعة ولا ورد علينا قبل كده

وده طبعا طلع محتاج training

والجامعة افضل مكان للتدريب للأسف

وانا متأكد ان معظم العلاقات بتاعت الجامعة بتنتهي بعد الجامعة الا في حالات خاصة

عموما اشكرك على كلامك وتحياتي

تم تعديل بواسطة justme

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
طبيبة مصرية عضو جديد

طبيبة مصرية

بتاريخ:
بتاريخ:

الاخ JUST ME

انا رايى ان انت مشكلتك هو ضيق الوقت لانك طبعا بتبقى نازل اجازة صغيرة وفى الفترة دى بيكون الاهل مثلا مجهزين كام عروسة فيهم المواصفات المبدئية اللى انت عايزها ........

المطلوب منك انك تبدا تشوف ولو صادف انك خلاص ارتحت لواحدة بتبدا زيارات التعارف الاولى والاتفاقات والخطوبة وتحديد ميعاد الزواج وكل ده فى فترة صغيرة جدا ممكن تكون شهر مثلا........

بيتهيالى ده بيكون ضاغط على اعصابك ومخليك مش قادر تركز وتاخد القرار الصح.......

لان في قصة من القصص اللى حضرتك ذكرتها قلت انا ماكنتش مقتنع اوى بالبنت بس كملت فى الموضوع.........

بس اطمنك ان النصيب غلاب وانك ساعة ما بتلاقى بنت الحلال ربنا بيذلل الامور كلها وبتيجى على اهون سبب زى ما بيقولوا

وانا اتجوزت بنفس ظروفك دى بالضبط زوجى كان بيشتغل فى الخليج وفاضل من اجازته 3 اسابيع وفعلا شافنى واتعرفنا وارتبطنا فى التلات اسابيع دول بس هو كان حريص انه يكثف الزيارات يعنى ما ينفعش فى الحالات دى زياة كل اسبوع بل بالعكس ان شا الله تروح كل يوم لحد ما الطرفين يتاكدوا انهم فعلا مقتنعين ببعض وعايزين يكملوا مع بعض وطبعا لازم اسرة العروسة يكون عندهم مرونة ويوافقوا ان العريس ييجى بصورة مكثفة وده لمصلحة بنتهم اولا واخيرا........

وكمان زوجى حرص انه ينزل مصر فى فترة الخطوبة الى استمرت 10 شهور اكتر من مرة يعنى مثلا لو فيه اجازة عيد صغير او عيد كبير كان بياخد عليهم ايام من رصيده او حتى على حسابه وينزل مصر علشان نقرب من بعض اكتر..........

وطبعا فيه بقى النت والموبايلات بس طبعا دى لوحدها مش طريقة كافية للتعارف.........

النقطة التانية وهى مهنتك مهنة التدريس...........

الموضوع ده اكيد بيعطلك ويخلى اسر ترفض اصلا لمجرد انك مدرس...........

لان للاسف المجتمع فعلا بينظر للمهنة دى نظرة دونية مع انها مهنة مقدسة...........

وساهم فى الموضوع ده الى حد كبير الدراما المصرية اللى دايما بتحقر من شان المدرس وتطلعه انسان مستغل عايز يدى دروس وبس وعايز يستغل الطلبة باى شكل المهم يكسب فلوس واللى معاه ستوب واتش علشان اول ما الساعة تخلص يبقى خلاص انتهى الدرس وهكذا............

لا يسعنى هنا الا ان اذكر بيت الشعر الرئع

قم للمعلم وفه التبجيلا كاد المعلم ان يكون رسولا

an1cqgUFg2B0010Mjk0bHN8NTk4MDM5N3NhfFdlIGFyZSBpbiBsb3ZlIHNpbmNl.gif
رابط هذا التعليق
شارك
Princesse عضو جديد

Princesse

بتاريخ:
بتاريخ: (معدل)

اصبح الاتقان خارج حساباتنا فالكل يبحث عن الربح السريع والسلطة يعني في الاخر برضه المال وعندما يتحقق له ذلك فانه ينسى الاصل الذي جاء منه ويبدأ يقولك مستوايا ومستواك طبعا ليس الجميع وانما هناك من يفكرونبهذه الطريقة

والمثالية او التواضع في مجتمعنا اصبحت عيب وليست ميزة فعندما تدخل احد البيوت ولا تسرف في الحديث عن امكاناتك مثلا بيعتبروك عريس غلبان وهذا حصل واتقالي اكتر من مرة لازم تبهر من امامك وبالذات لو البنت كويسة ومتمسك بيها فلازم تقعد تحكي وتطلع بنفسك القلعة زي مابيقولوا المعيار بقى مدي

عموما لن اتحدث عن نفسي فانا دائما افهم خطأ ولكن المجتمع يعييش صراعا داخليا فكل منا يعرف الصواب والخطأ او على الاقل معظمنا لكنه لا يلتزم ولذلك البحث عن المظهر وليس الجوهر

وللتقريب لو تقدم لمعظم البنات شخص مثلا في ثراء احمد عز بتاع الحديد مثلا مش الممثل في فكركم كام عيلة او بنت هترفض او تفكر في الرفض حتى بس عايز رد موضوعي مش عاطفي

طالما حضرتك طلبت رد موضوعى . هاقولك رأى . نبعد خالص عن الزواج الناشئ عن قصه حب . احنا بتكلم في جواز الصالونات مظبوط .

جواز الصالونات ياسيدى دا بالظبط عامل زى المناقصات . هيئه او مكان ما عايزه تعمل مشروع بتتقدم اكتر من شركه وكل شركه بتقدم

العرض المالى والعرض الفنى وسابقة الأعمال ويمكن في حاجات تانيه .

طب لو شركه كان العرض المالى بتاعها أحسن العروض وبقيت الحاجات التانيه مفيش ياترى عرض الشركه هيتقبل ؟ اكيد لا .

يبقى اساس قبول العرض انه يكون في توازن بين كل المتطلبات ومينفعش حاجه تطغى على الأخرى . تمام كده .

خد ياسيدى المثل اللى فات وقيسه على الزواج . او افترضنا ان فيه بنت كويسه واكتر من واحدعايز يتقدملها طب ياترى هيا هتختار على اساس ايه ؟

ابدا كل عريس بيبقى عباره عن (package )كامله فيها (السمعه الشخصيه من اخلاق ودين – الحاله الماديه – الناحيه الشكليه – و حاجات

تانيه وظيفته وعمره و هوا مطلق ولا ارمل ولا عيلته نظامها ايه كده يعنى) .

تفتكر انت لو واحد عنده في العرض بتاعه كل حاجه عاليه بس الأخلاق صفر . تفتكر حد ممكن يرضى بيه . لو حد رضى بيه يبقى دا الوضع

الشاذ مش الطبيعى . بس احنا بنتكلم في الطبيعى . يعنى في الطبيعى الناحيه الماديه مش هيا المعيار بس . متفقين ؟

طيب انت المفروض كعريس بتحاول تطلع العرض بتاعك في ازهى صوره بلا مبالغات . وماتفترضش فى اللى قدامك انه بيبص على

المظاهر بس لأنه ميعرفش انت جواك ايه. هوا ليه اللى قدامه . يعنى افترضنا انك عندك شقه بس قلت للعروسه معنديش كانوع من الأختبار

مفترض ليه انها هتتنازل عن شقه عشانك الا اذا كان حاجات تانيه في العرض بتاعك ممكن تعملك دعم . بس لو في عروض تانيه احسن منك اكيد

هترفض عرضك .

انا مكنتش عايز اجيب مثل مادى . لأن اللى مسيطر على تفكيرك ان الجواز بيتم وبيفشل لأسباب ماديه بحته ؟ .

جواز الصالونات ياسيدى –في رأى - هوا صفقه بس مش صفقه ماديه فقط - وحط تحت فقط خطوط زى مانت عايز- هوا صفقه

بتشمل حاجات كتير وبتنجح لما بيوافق عليها الطرفين. وخلى بالك لما الطرفين بيحبوا يمشوا الصفقه ساعات بيغيروا في الشروط .

(دورت على كلمه تانيه غير صفقه –حاسس انها تجاريه شويه – بس ملقتش حاجه تحمل نفس المعنى ) .

عز بقى او غير عز اتقدم لحد بيطبق عليه نفس الكلام ده . في نقطه بس احنا اختلافنا مع عز اختلاف سياسى انا ماسمعش عنه انه اخلاقه وحشه مثلا.

حاجه اخيره

انت لما بتقدم في شغلانه جديده بتعمل ايه ؟ مش بتسوق نفسك عشان تاخد احسن عرض ؟ مش الناس بتاخد كورسات في كتابة السيره الذاتيه ؟

برده جواز الصالونات كده سوق نفسك . بس خلى بالك في الشغل اللى بيسوق نفسه كدب بيبان وبينكشف وبينطرد تانى يوم .

في الجواز بقى الله اعلم .

ربنا يوفقك

ياااااااااااااااااااااااااه كلمة صفقة دي جامدة اوي

في العصور الوسطي كان الرجال يشترون النساء من سوق الرقيق

اليوم الحل لم يتغير فالعريس يعقد صفقة للحصول على عروسة مناسبة

بجد حاجة تحزن

بس هو فعلا صفقة و دي الحقيقة المرة، العريس كمان بيفاصل و هو وشطرته

في حاجات انا نفسي مش موافقة عليها ولكنها اصبحت عادات و تقاليد مجتمعنا و ليست من الإسلام في شئ

ليه مجتمعنا بيصمم على العادات دي ؟

الشبكة مثلا: اول الكلام يقولوا : دي هدية العريس للعروسة و انت و مقدرتك يا ابني .

و بعدين لما العريس يقول هجيب شبكة مثلا ب كذااااا

تلاقي الكلام يتغير و ان الشبكة دي مش من قيمة بنتنا

طيب لو البنت مش بتحب الذهب اصلا، ولا الالماظ

برضه الاهل يقولوا لازم شبكة ، اشمعنى انتي؟ هو انتي اقل من البنات في ايه؟

و بعدين الاهل يقولوا : لو العريس تعثر ممكن نبيع الشبكة و نديله ثمنها علشان يكمل فرش الشقة

طيب كان ليه التعنت من الاول و الاصرار ان الشبكة تكون بمبلغ معين طالما هي في الاخر هتتباع؟ و ليه الشبكة اصلا؟؟؟؟ و ليه تبوظ الجوازة علشان الشبكة مش اد كدة؟

الرسول صلى الله غليه و سلم قال: تزوجوا و لو بخاتم من حديد

(هو الحديث دا ليه مش بنطبقه؟؟؟)

و حديث تاني: اقلهم مهرا اكثرهم بركة

السيدة فاطمة ابنة سيدنا محمد صلى الله عليه وسلم ايه كان مهرها؟ و ايه كانت عيشتها؟

يا جماعة احنا بنتقتضي بيهم في مظهرهم بس ،هو احنا بنختار من دينا الي على مزجنا؟

موضوع القايمة دا كمان يغيظ، يعني اتنين لسة هيجوزوا ليه نفكر في الطلاق كدة من اولها؟

و ليه الولد لو حصل طلاق (بعد الشر) يخرج كما ولدته مه من هذه الزيجة و يبدأ من الصفر ، حراااام

و البنت هتأخد العفش تعمل بيه ايه؟ هتحطه في فيترينا مثلا؟

العقل يقول لو الزواج فشل (بعد الشر) كل واحد يكون عنده المقومات الي تخليه يبدأ من جديد ، سواء البنت او الولد

لو انسان بحبه اهدي لي عقد من الياسمين هكون اسعد انسانة في الوجود

الانسان ليس بالشبكة و لا بالمهر

الانسان بقلبه

و انا ابحث عن قلب من ذهب

طبعا الكلام دا لو وقفت قدام بابا و مش عارفة ايه هيكون رد فعله !!!! :blink:

الي واثقة منه ان ماما هتقعد تندب حظها و تقول: انتي يا بنتي هبلة!!!!! mc: :roseop:

ايه رأيكم هو انا بجد هبلة؟

تم تعديل بواسطة Princesse

Que de routes prend et que de raisons se donne le cœur pour en arriver à ce qu’il veut

أشياء تؤلم : أن تصل يوماً إلى قناعة أن كل من مر بك أخذ جزاءً منك ومضي...أن تجد نفسك مع الوقت قد بدأت تتنازل عن احلامك واحداً تلو الاخر....أن تفتح عينيك يوماً على واقع لا تريده

رابط هذا التعليق
شارك
justme عضو جديد

justme

بتاريخ:
بتاريخ:

الاخ JUST ME

بيتهيالى ده بيكون ضاغط على اعصابك ومخليك مش قادر تركز وتاخد القرار الصح.......

لان في قصة من القصص اللى حضرتك ذكرتها قلت انا ماكنتش مقتنع اوى بالبنت بس كملت فى الموضوع.........

شوفي بالنسبة للقصوة الأولى هو اللي حصل ان بعد الزيارات الاولية ولما قعدنا وحسيت اني مش مقتنع كنت عرفت ان والدها عامل عملية خطيرة في القلب ولسه هيعمل واحد تانية وفي وحدة العناية المركز باختصار انا كدبت نفسي ومرضيتش اتصرف وقتها خوفا ان يكون ذنبه في رقبتي بس ده مكنش الدافع الوحيد كمان انا قلت اني بما اني مليش تجارب سابقة يمكن ده يكون شعور مؤقت لكن للاسف اتأكد مع الايام من خلال استجابات البنت وبعض المواقف والمصيبة ان والدتي واختي كانوا حاسين بده فكانوا بيضغطوا وانا كنت بستجيب لكن الموضوع ده فعلا انا كنت تحت ضغط الوقت والظروف لكن خطأ الاختيار كان علي بالدرجة الأولى اما اهل البنت فطبعا ردوا بخطأ اكبر

الاخ JUST ME

النقطة التانية وهى مهنتك مهنة التدريس...........

الموضوع ده اكيد بيعطلك ويخلى اسر ترفض اصلا لمجرد انك مدرس...........

لان للاسف المجتمع فعلا بينظر للمهنة دى نظرة دونية مع انها مهنة مقدسة...........

وساهم فى الموضوع ده الى حد كبير الدراما المصرية اللى دايما بتحقر من شان المدرس وتطلعه انسان مستغل عايز يدى دروس وبس وعايز يستغل الطلبة باى شكل المهم يكسب فلوس واللى معاه ستوب واتش علشان اول ما الساعة تخلص يبقى خلاص انتهى الدرس وهكذا............

لا يسعنى هنا الا ان اذكر بيت الشعر الرئع

قم للمعلم وفه التبجيلا كاد المعلم ان يكون رسولا

اه مهنة التدريس

احب اعرفك بنفسي اكتر انا متخصص في تدريب ذوي الاعاقة على التقنيات المساعدة وحاليا في الماجستير ومش عايز اقولك ان الحمد لله الوضع مميز جدا ليس مقارنة بالمعلمين ولكن حتى بالتخصصات الاخرى وايضا اعمل في مجال الأي تي وخلافه بس هو انا لازم اروح اقدم السيفي بتاعتي علشان الناس تقتنع

بس انا معاكي ان الاعلام المصري وراء تدمير معظم المهن واهمها التعليمية منها والتي كانت السبب وراء فشل المجتمع بأسره لأن المعلم مسئول عن غرس القيم وهذا ليس كلام شعارات بل بالفعل اكثر ما يقدم من معرفة من خلال المدرسة والباقي هامشي

عموما زي ما قلتي كله بيشوف نصيبه بس بصراحة لما بقعد افكر مع نفسي بزعلى على حالتي وحالة غيري اللي زيي وعلى فكرة في كتير قريبين من حالتي بس فيهم اللي بيضطر للتنازل في مقابل الزواج بأي فتاة مهما كانت قناعته

بالنسبة للاخت الكريمة princess

كلامك مظبوط ميه في الميه

بس ابشرك اول الغيث قطره

والمجتمع عمال بيغالي

بس اخرة المغالة والعجرفة والتكبر ده

ان مناخيرنا هتبقى ف الارض ونضطر للقبول بأي شيء والاستسلام

بس ياريت مش بعد فوات الأوان

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
لماضة مصرية جدا عضو جديد

لماضة مصرية جدا

بتاريخ:
بتاريخ:

السلام عليكم و رحمة الله و بركاته

برينسس...... شكلنا هنبقي اصحاب علي فكرة.... تعالي اركبي ورايا ع العجلة

بصي يا برنسيس....أنا مؤيداكي مية في المية في موضوعات شكلية كتير بقت بتكتف الجواز و بتبعده كتير عن مضمونه

انتي جيتي ع الجرح.... ف موضوع القايمة ده مثلا...

أنا ناقشت اهلي في الموضوع ده فعلا...... و ع الرغم انهم حاولوا يربوني بشكل مختلف.... بس جم في حتت الجواز دي و لقيت كل نظريات التمرد تحطمت

و هو في الحقيقة مش تمرد (دي وجهة نظرهم هم).... يعني انا لو زوجي لا قدر الله زعلني.... و لا راح اتجوز عليا.... أجيب انا بقي القايمة و انام عليها

انا بستغرب كمان لما بشوف الناس بتعمل قعدة القايمة دي قعدة عسكرية... يعني ناس تجيب م الفريق الاول.... و ناس تجيب المدءدءين للفريق التاني.... هو فيه ايه؟؟؟

و تلاقي الحوار.....المعالق أم فراشة من فوة اتكتبت 12 حتة و لا ستة.....(طبعا انا كنت واقفة بره الباب و رامية ودن.....)

خدي عندك دي بقي...... مرة من ذات المرات.... فعلا فكرت اعمل فرحي بسيط جدا.....أنا و هو و مجموعة م الاهل... (مش فاهمة ايه حكمة اني اعزم ناس معرفهاش فرحي... و يفضلوا يجوا يبوسوا فيا و يزقوني هم و عيالهم م ع الكوشة)

فكرت اعمله ع البحر... خيمة صغيرة....و في الصبح....(هو ليه لازم يبقي الفرح بالليل يعني.....) طب ما نبتدي حياتنا بنسمة الصبح الجميلة

و قوقولت نوفر فلوس الفرح و نعمل مثلا عمرة....

طبعا يا بنتي انا قولت الاقتراحات دي.....بونية أيه..... فردة شبشب ايه.....انا لقيت عيلتي بتقولي احنا بنديلك الحرية في كل حاجة بس في الجواز....ده بتاعنا احنا؟؟؟

هو يعني ايه بتاعنا احنا؟؟؟

عشان يعني فيه شق بتحكمه الاعراف.... و التقاليد.... طب ما هي الافكار اللي بقولها هتبسطني انا.... و يا رب هو كمان.... الاعراف بقي ايه اللي يزعلها؟؟؟

بصي انا حاسة اني مقتنعة بأفكاري دي....و ان شاء الله بدعي ربنا كتير يرزقني حد يستوعب الافكار دي كمان.... يبقي ع نفس الموجة...

أما اهالينا متهيالي لو اقنعناهم ان احنا هنبقي مبسوطين.... هيتغيروا.... و لا ايه؟؟؟

انزلي بقي م ع العجلة..... انا نفسي اتقطعت....

فوتكم بعافية

رابط هذا التعليق
شارك
myusername عضو جديد

myusername

بتاريخ:
بتاريخ: (معدل)

السلام عليكم,

بالنسبة لموضوع القايمة.. انا اعرف ناس كتير اتخانقوا عالستاير مين اللى هيدفع تمنها :sprucy:

و فى الغالب بتنتهى ان مفيش حد هيجيبها اصلا.. يعنى مبيشتروهاش عشان محدش راضى يدفع تمنها.. :threat:

و ليه واحد صاحبى مراته (طليقته دلوقتى) حبسته بسبب تبديد القايمة.. و من ساعتها و انا متعقد من الموضوع ده :roseop:

بس الصراحة... ارجع و اقول ولاد الحرام مخالوش لولاد الحلال حاجة... و انعدام الثقة بين الطرفين هو اساس المشكلة.

و كمان لان الانفصال ما زال حتى هذه اللحظة عيب فى مجتمعنا.

تم تعديل بواسطة myusername

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
  • كاتب الموضوع
بتاريخ:

طبعا الكلام دا لو وقفت قدام بابا و مش عارفة ايه هيكون رد فعله !!!! :roseop:

الي واثقة منه ان ماما هتقعد تندب حظها و تقول: انتي يا بنتي هبلة!!!!! :sprucy::threat:

ايه رأيكم هو انا بجد هبلة؟

قولي لماما ان فيه بيفكر بنفس الطريقة

بس هي الايام اللي جايه عكس هوانا

افتكر ان والدي رحمه الله كان بيفكر بنفس الطريقة

و كان يري ان الحل الامثل هو عدم الاثقال ع الشباب

طالما الولد محترم و من عائلة و عنده شغل يكفله حياة كريمة يبقي المفروض

يبدأوا و لو شقة ايجار جديد

يبداوا و لو الفرش مش كامل

يبداوا و الناقص هيكمل مع الوقت

يبداوا و الشقة الايجار الجديد هتبقي حتة ارض و تتحول الي بيت خاص

يبداوا عشان ربنا يبعت رزقه و رزقها و رزق الاطفال اللي ف الطريق

رحم الله ابي و اسكنه فسيح جناته و سائر موتي المسلمين

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
justme عضو جديد

justme

بتاريخ:
بتاريخ:

خدي عندك دي بقي...... مرة من ذات المرات.... فعلا فكرت اعمل فرحي بسيط جدا.....أنا و هو و مجموعة م الاهل... (مش فاهمة ايه حكمة اني اعزم ناس معرفهاش فرحي... و يفضلوا يجوا يبوسوا فيا و يزقوني هم و عيالهم م ع الكوشة)

فكرت اعمله ع البحر... خيمة صغيرة....و في الصبح....(هو ليه لازم يبقي الفرح بالليل يعني.....) طب ما نبتدي حياتنا بنسمة الصبح الجميلة

و قوقولت نوفر فلوس الفرح و نعمل مثلا عمرة....

بصي بقى يا حاجة لماضة

موضوع الفرح ده من المحرمات عند البعض ايه انت عايز الناس تاكل وشنا

انا في مرة مع خطيبتي قبل السابقة عرضت عليها موضوع العمرة ده مكان الفرح لقيت وشهها بقى الوان قولتلها علشان ميروحش دماغك لبعيد فلوس الفرح وزيادة خديهم هدية حطيهم في البنك وسيبك من الفرح

قعدت قول اصل .... مش ...طب...

قولتلها فكري وبراحتك

بعدها بكام يوم الخطوبة اتفسخت

مش عارف هو انا كده عكيت طب في ايه

بس انا عارف ناس كان اخرهم الزفة من الجامع للبيت

هي بتبقى قناعات مش عارف اساسها ايه

وموضوع القايمة ده والحماية من غدر الزمن هو لو الواد كان صايع حبتين مش ممكن يبهدل البنت واهلها لغاية اما تقول حقي برقبتي وتسيبله كل حاجة ليه الساس ان الفلوس هي الامان

وبعدين تلاقي الناس بتطلب حاجات غريبة في الجهاز والبنات كمان يعني يقعدوا يقولوا

لازم نجيب 6 اطقم كاسات واربع بطاطين ومفرشين ومش عارف كام لحاف وطقمين حلل (ال يعني البت بتعرف تطبخ) وعليهم كمان طقم صيني وطقمين معالف قصدي معالق

تحسي انهم بجهزوا فندق مش عروسة

ويقولوا اصل الناس هتاكل وشنا

والقصة دي حصلت مع اختي ايام الجوازايام ما فرشت الشقة واحدة خادمة بتساعدها الفرش قالتلها ايه ده 4 اطقم كاسات لأ مينفعش والبت الغلبانة راحت اشترتهم جري

لأ وكلو كوم ويوم الفرح مش هاقولكم حسيت ان الناس جاية تاكل (اصل العريس كان حاطط في البوفيه سندوتشات هبر قصدي لحمة)

والفرح دخل في 20 الف جنيه وكان راسه والف سيف يعمله في القاهرة في فندق خمس نجوم بس الحاجة عندي رفضت لظروفها الصحية وشافت ان ده ملوش لزمة بس الناس التانيين (اهل العريس ) كانوا زعلانين

بجد مواضيع الجواز دي لازم يعملولها نماذج والواحد يعبي النموذج ويسجله في الشهر العقاري

انا مرة قعدت احسب بس الشاب علشان يتجوز في العادي يعني عايزله 50 الف جنيه وهتبقى كده على ما اوسوم

ربنا يكون في عون الشباب والبنات وربنا يصبر الجميع

تصبحوا على خير

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
president عضو جديد

president

بتاريخ:
بتاريخ:
طبعا الكلام دا لو وقفت قدام بابا و مش عارفة ايه هيكون رد فعله !!!! :roseop:

الي واثقة منه ان ماما هتقعد تندب حظها و تقول: انتي يا بنتي هبلة!!!!! :sprucy::threat:

ايه رأيكم هو انا بجد هبلة؟

انت مش هبله ولا حاجه .

بصى ياستى .انا اتجوزت مراتى من غير لا شبكه ولا فرح والقايمه كتبناها لما ا افتكرنا ان فيه قايمه يعنى بعد الجواز

بسنه كده . ويوم الفرح او المفروض يبقى يوم الفرح . خدتها بفستانها من الكوافير ورحنا اتصورنا للذكرى

ورحنا شقتنا غيرنا ونزلنا نتعشى وندخل سينما. وبعدها بيومين سافرنا نتفسح . طب حد يصدق الكلام ده ؟

مكانتش الفكره فلوس الشبكه والفرح بس طقت فى دماغنا ان احنا هنتجوز على مزاجنا مش على مزاج الناس .

على الفكره احنا اهالينا مكانوش موافقين على كلامنا بس احنا (اشتغلناهم اشتغالات ) بصراحه الأشتغالات دى كانت

اجمل ايام الخطوبه .

لما تيجى فرصه هاحكلكوا الحكايه بالتفصيل .

ربنا يوفقك

وإن بليت بشخص لا خلاق له... فكن كأنك لم تسمع ... ولم يقل

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
  • كاتب الموضوع
بتاريخ:

انا من حقي شرعا و قانونا اني ارجع البيت الاقي واحدة امورة مستنياني ...

اللي بيحصل ده حرااااااااااام يا جماعه

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
myusername عضو جديد

myusername

بتاريخ:
بتاريخ:
انا من حقي شرعا و قانونا اني ارجع البيت الاقي واحدة امورة مستنياني ...

اللي بيحصل ده حرااااااااااام يا جماعه

صلى عالنبى متعملش فى نفسك كده :happy:

وبعدين انتا اللى جبته لنفسك بصراحة :blink:

عموما.. انا مش فاهم فيه ايه بالظبط... بس انتا بعد ما اتجوزت, جى تفتكر تقول الكلام ده؟

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
  • كاتب الموضوع
بتاريخ:

صلى عالنبى متعملش فى نفسك كده :happy:

وبعدين انتا اللى جبته لنفسك بصراحة :lol:

عموما.. انا مش فاهم فيه ايه بالظبط... بس انتا بعد ما اتجوزت, جى تفتكر تقول الكلام ده؟

اللهم صلي و سلم و بارك عليه

انت يا عمنا جاي توقف المراكي السايرة

انا لا اتجوزت و لا شوفته اساسا .

انا حتي من اخر فركشة مش مرتبط اصلا :blink:

يعني الحياة ناشفة تماما

و انت فاهم قطعا قبل طبعا ان الراجل فينا من غير حورية ف حياته بيبقي عامل ازاي

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
myusername عضو جديد

myusername

بتاريخ:
بتاريخ: (معدل)

صلى عالنبى متعملش فى نفسك كده md2:

وبعدين انتا اللى جبته لنفسك بصراحة

عموما.. انا مش فاهم فيه ايه بالظبط... بس انتا بعد ما اتجوزت, جى تفتكر تقول الكلام ده؟

اللهم صلي و سلم و بارك عليه

انت يا عمنا جاي توقف المراكي السايرة

انا لا اتجوزت و لا شوفته اساسا .

انا حتي من اخر فركشة مش مرتبط اصلا :D

يعني الحياة ناشفة تماما

و انت فاهم قطعا قبل طبعا ان الراجل فينا من غير حورية ف حياته بيبقي عامل ازاي

هههههههههههههههههههههههههههه ده انا طلعت مسخرة :D

اصل انا افتكرتك متجوز واحدة وحشة... و مش طايق العيشة معاها :blink:

البنات على قفا من يشيل... بس فين الروح :lol:

بس هل تعتقد ان حياتك لما تتجوز هتبقى كده: :happy: :D ..... ولا هتبقى كده: :D :P :P ؟؟؟؟؟

تم تعديل بواسطة myusername

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
  • كاتب الموضوع
بتاريخ:

انا الحمد لله حياتي حلوة جدا و ده بفضل الله اولا و اخيرا

انما بصراحة يا ابو اسم مستخدم بتاعك :happy: .. الجواز ده مطلوب يا جدع

اه و الله

انا عمالي افكر ايه اللي ناقصني .. لقيت الموضوع ساتسفايد اوي ف معظم الواحي

انما ناقصني الشمعه اللي تنور حياتي ...

الشيكولاتاية اللي تدوب قلبك قبل عينك و تنسيك الدنيا بكل ما فيها

انت عارف..

ولا ع ايه

كفاية كده احس الادارة تعملها معايا

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
أم مروان عضو جديد

أم مروان

بتاريخ:
بتاريخ:
طبعا الكلام دا لو وقفت قدام بابا و مش عارفة ايه هيكون رد فعله !!!! :happy:

الي واثقة منه ان ماما هتقعد تندب حظها و تقول: انتي يا بنتي هبلة!!!!! :blink: :lol:

ايه رأيكم هو انا بجد هبلة؟

انت مش هبله ولا حاجه .

بصى ياستى .انا اتجوزت مراتى من غير لا شبكه ولا فرح والقايمه كتبناها لما ا افتكرنا ان فيه قايمه يعنى بعد الجواز

بسنه كده . ويوم الفرح او المفروض يبقى يوم الفرح . خدتها بفستانها من الكوافير ورحنا اتصورنا للذكرى

ورحنا شقتنا غيرنا ونزلنا نتعشى وندخل سينما. وبعدها بيومين سافرنا نتفسح . طب حد يصدق الكلام ده ؟

مكانتش الفكره فلوس الشبكه والفرح بس طقت فى دماغنا ان احنا هنتجوز على مزاجنا مش على مزاج الناس .

على الفكره احنا اهالينا مكانوش موافقين على كلامنا بس احنا (اشتغلناهم اشتغالات ) بصراحه الأشتغالات دى كانت

اجمل ايام الخطوبه .

لما تيجى فرصه هاحكلكوا الحكايه بالتفصيل .

ربنا يوفقك

السلام عليكو

انا كمان تقريبا عملت كده بس مع فرق بسيط كالاتى

اولا اتجوزت جواز صالونات بعد تجربة مرة من الارتباط بشخص كنت عرفاه قبل الخطوبة وكان مقطع السمكة وديلها

اما زوجى كان قريبى من بعيد وزميلى فى العمل وعمرى مشوفته ابدا ولا هوه يعرفنى خالص

وكنت مش مقتنعة ساعتها بجواز الصالونات بس وافقت عليه لانى ملقتش حاجة فيه مش كويسة وكنت صليت استخارة ييجى 100 مرة

بس بعد معرفته ندمت على كل يوم عدى عليا وهوه مش معايا

ثانيا الشبكة كانت هدية

ثالثا الفرح كان محدود من الكوافير الى المصوراتى الي عندى فى البيت كنا جايبين زفة مزمار وخيل تحت البيت وبعدين سافرت انا وزوجى على بيتنا فى القاهرة وحدنا لاننا من الارياف وبعد 4 ايام سافرنا اسكندرية لمدة اسبوع

اما القايمة فكانت عبارة عن خمسة سطور تقريبا لانى مشفتهاش

وانا متجوزة بقالى 3 سنين وربنا رزقنا بمروان وعايشة سعيدة والحمد لله

واهم حاجة للعاوز يجوز انه يدعى ربنا قوى ويصلى استخارة كتير واكيد ربنا هيهديه وينور له بصيرته

رابط هذا التعليق
شارك
justme عضو جديد

justme

بتاريخ:
بتاريخ:

ايه ده ياباشمهاندس ياسر كده برده يا صديكي

دانت طلعت معايا في الهوا سوا

دا يظهر موضوع اللعنة بتاع عنبو ده عايز دراسة بجد

سبحان الله مهي المشكلة اللي انت بتتكلم عليها دي هي مشكلة الجميع

ربنا معاك ومعانا ويفرجها عليك وعلينا قادر يا كريم

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
قلب ابيض عضو جديد

قلب ابيض

بتاريخ:
بتاريخ: (معدل)

طبعا الكلام دا لو وقفت قدام بابا و مش عارفة ايه هيكون رد فعله !!!! :lol:

الي واثقة منه ان ماما هتقعد تندب حظها و تقول: انتي يا بنتي هبلة!!!!!

ايه رأيكم هو انا بجد هبلة؟

قولي لماما ان فيه بيفكر بنفس الطريقة

بس هي الايام اللي جايه عكس هوانا

افتكر ان والدي رحمه الله كان بيفكر بنفس الطريقة

و كان يري ان الحل الامثل هو عدم الاثقال ع الشباب

طالما الولد محترم و من عائلة و عنده شغل يكفله حياة كريمة يبقي المفروض

يبدأوا و لو شقة ايجار جديد

يبداوا و لو الفرش مش كامل

يبداوا و الناقص هيكمل مع الوقت

يبداوا و الشقة الايجار الجديد هتبقي حتة ارض و تتحول الي بيت خاص

يبداوا عشان ربنا يبعت رزقه و رزقها و رزق الاطفال اللي ف الطريق

رحم الله ابي و اسكنه فسيح جناته و سائر موتي المسلمين

صباح الفل عالكل

بصوا بقى انا واقفه من ورا البال متابعه فى صمت تااااام وحطه ايدى على بؤى ومفنجله عنيه ومطرطئه ودانى

وكل ما اجى ارد احذف الرد واقول نسيب الشباب يفك مع بعضهم شويه بس بصراحه بقى فى كلام لازم ارد عليه مش قادره اسكت وفى كلمتين هاقولهم اخر المداخله ورزقى على الله 0000

برنسيس اولا تحيه اعجاب لشخصك 00 :blink:

بالنسبه لكلام الوادين بارك الله لك فيهما انا معاهم قلبا وقالبا 00بصى بقى انا مش قديمه اوى 000بمعنى سنا وفكرا متحضره جدا ووقت جوازى كنت متساهله فى طلباتى وكنت مع خطيبى مش مع اهلى فيما يطلبوه بصفتى الابنه الكبرى من ابنتين هما اللى حيلتهم من الدنيا 000بس لسبب هو انى كنت انا وزوجى تربطنا عاطفه قويه بدأت وتوجت بالزواج خلال شهور00

ولما جه الدور على اكون مكان والداي00لاقيت نفسى لبست وش بابا وماما زمان 000انا عاوزه شبكه لبنتى ماتقلش عن 20000 وشقه جنبى فى المعادى00تمليييك وفرح احلى من بتاع مش عارف مين

ولكن لما الخطيب كان على هوانا بمعنى موافقين عليه وحبينا واطمئنيت لبنتى معاه والله ما نطقت بكلمه 00الشبكه اللى يقدر عليها احنا موافقين 00الشقه اللى عنده صغيره ونائيه قلت مش مهم بكره تعمر 00الفرح ده بقى ؟؟؟ فيه كلام000وغالبا هاهديهم بيه او بقيمته رحله عسل لهم احسن

اللى عاوزه اقوله اللى هايخلينى ادى بنتى اللى هى حته منى ومن عمرى ومن احلامى وتعبى سنين لوواحد حتى الان غريب عنا واسيبها العمر معاه مش هاتفرق بقى لو بشبكه الماظ ولا دبله ومحبس انا هاديله عمرى ولو عمرى راح هايفدنى ايه شويه فلوس

اذا جاءكم من ترضون دينه فزوجوه 000

كلامك صح يا ياسر 00انا بدات شقه اوضتين00ولله الحمد ربنا يوسع علينا وعليكم شقينا وكافحنا كفاح خلى للحياه طعم ومذاق خاص حتى الان بنكافح وبعلم ولادى ده اللى بيجى سهل بيروح سهل

موضوع القايمه ده بقى والله والدى اصر عليه وكتبه واحنا بنستعد للنزول للفرح يعنى يوم زفافى000وقسما بالله اتقطعت القايمه اى اول اسبوع من زواجى لانها كانت هاتسبب مشاكل للاحساس بعدم الثقه فى زوجى 0000مجرد اراء مابين مؤيد ومختلف

مش عارفه هاكتب لبنتى ولا لاء؟؟؟؟

الله اعلم

طبعا الكلام دا لو وقفت قدام بابا و مش عارفة ايه هيكون رد فعله !!!! md2:

الي واثقة منه ان ماما هتقعد تندب حظها و تقول: انتي يا بنتي هبلة!!!!!

ايه رأيكم هو انا بجد هبلة؟

لما تيجى فرصه هاحكلكوا الحكايه بالتفصيل .

ربنا يوفقك

انا مستنيه التفاصيل 0000متهيالى زوجه حضرتك مش مصريه ؟؟؟فلسطينيه تقريبا ؟؟ ولا انا هنجت :D

انا الحمد لله حياتي حلوة جدا و ده بفضل الله اولا و اخيرا

انما بصراحة يا ابو اسم مستخدم بتاعك :P .. الجواز ده مطلوب يا جدع

اه و الله

انا عمالي افكر ايه اللي ناقصني .. لقيت الموضوع ساتسفايد اوي ف معظم الواحي

انما ناقصني الشمعه اللي تنور حياتي ...

الشيكولاتاية اللي تدوب قلبك قبل عينك و تنسيك الدنيا بكل ما فيها

انت عارف..

ولا ع ايه

كفاية كده احس الادارة تعملها معايا

ياعم الشكولاته والشمعه والكلام الجامد ده 0000انا بفكر اعمل لكم مركب فى شومبونجو " اللى ما يعرفش شومبونجو دى دوله من اختراعى 000تابعوا موضوعات خفيفه توبيكات سابقه " اعمل مركب فى شومبونجو احطك فيها انت وجست مى وعنبو مزاميزو والله اعلم مين كمان 0000000واطلقها فى بحر 000لاء اقولك انا هاروح شومبونجو واعقب هناك احسن 0000تابعونااااااااااااا

كنت هانسى الكلمتين اللى خانقنى من فتره وقلت هاكتبهم فى الاخر ورزقى عالله

يا خونا انا شايفه كوكبه من العقول المستنيره والمتفائله و الناضجه فى آن واحد والكل متحد وباصم بالعشره ان التانى على صواب والكل ظروفه الى حدما مشتركه ما بين الغربه او قلت التجارب او الاحساس بقله الحظ او التمرد على المجتمع

طيب يا خونا ماتحطوا زيتنا فى دقيقنا 00000 :happy:

فكرت اعمل مكتب المحاورين لزواج المغتربين 0000بسرعه قبل ما الاداره تحذفه انا بعمل اعلان اهو

فكروا فى الموضوع اتفقوا كعقول متحضره ناس بتدور على شريك لحياتهم بالعقل ماهو محدش يقولى بالحب ؟؟؟ هنا صعب الا اذا حصل تطور خااااص جدا

المهم شكلى بعك ولا حاجه ؟؟؟ :D

اعمل ايه بقى ما انا اللى فى قلبى على كيبوردى 000بس والله قلبى ابيض

تم تعديل بواسطة قلب ابيض
294043709.gif
رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...