عايز اتجوز....... عايزه عريس

[جيمي]

التوبك اسمه عايز اتجوز .... عاوزه عريس

وانا شايف ان احنا ماسكين فى عاوزه عريس .... زي مايكون ماحدش عاوز يتجوز ...

فين اللي عاوز يتجوز ... وما اكثرهم ....................

هوه ليه صحيح محدش عمل مدونه اسمها عاوز اتجوز :happy:

انا كنت فاكر ان العائق ادام العريس مادي وبس ... والعائق ادام البنت .. نصيب وبس ... طلع الموضوع كبير ....... وبس

[لماضة مصرية جدا]

الله يسامحك يا باشمهندس

طب فين نصايح الرجالة ولا هما مغلوب على امرهم

يتقرطسوا وخلاص

السلام عليكم و رحمة الله و بركاته

ايه ده التوبيك ده لسه علي قيد الحياة ..... انا فاكرة ان اول مداخلة ليا في المنتدي غير موضوع المغتربين... كانت ع التوبيك ده و سبتكوا و انتوا قاعدين بتحكوا و برضه رجعت لقيتكم لسه قاعدية ع الشلتة... لا ربنا يوفقكم الصراحة

بس يا اخ قسط مي.....حلو اوي فعل "يتقرطسوا ده"..... هل هو من اسم الفاعل قرطاس؟؟؟

انا هعتبر دي مزحة.....فلنضحك اذن.... :blush2:

و عشان حضرتك سالت و محدش من الرجالة العترة رد علي حضرتك.....احب الملك الليلة في 3 كلمات و دول قالهم اخوكم الكبير سبع الليل عبد الوهاب السبيعي اللي انتو معلقين اليافطة بتاعته فوق

بص يا سيدي.....(صلي علي رسول الله... عليه افضل الصلاة و السلام)

سي عبده قالك.....انه بينصح البنوتة عداه العيب

بس خبط يا معلم.... 3 كلمات في الجون......و انا رايي المتواضع ان لو الشوباب عملوا بيهم يبقوا استحالة تحصل قرطسة

قالك ايه بقي

الرجال

دبان

اتوبيس

مطبات

فيه واحد قاعد في مدرجات الدرجة التالتة ....و انا شايفاه من مكاني هنا....و شكله كده هيحدف طوبة.... اقوله استني شوية

1- علاقة الرجل و الدبان.........

ليه دبان.....الدبان بيقف علي حاجتين..... يا زبالة لمؤاخذة..... يا حاجة حلوة.....و انا شايفة ان الراجل ده وسام علي صدره انه يبقي شبه الدبان... ليه لانه هيعرف يميز امتي يمشي مع البنت اللي هي ..... كده......و امتي يختار طبق الفاكهة اللي هيقف عليه

و لو معملشي كده.... لو مكنشي قادر يميز بقي.... يبقي برضه مبروك عليه القرطاس

2- الراجل و الاتوبيس...... حد بقي هيقولي اه عشان الرجالة جتة و عضلات....و مجانص..... اقوله لا خاااالص.....

لان الاتوبيس يا معلم ده محطات......يعني لازم يبقي برضه عارف ان هنا في محطة.....هنملي منها زباين كتير.....و دي محطة.....مافيش و لا حد هيعبرنا......و دي محطة.....تشحييم و تزييت و تعديل افكار....و في الاخر... يا تري هيركن التوبيس بتاعه في انهي جراج؟؟؟؟؟؟

3- نيجي بقي عند الرجل و الحفرة..... قصدي المطب.......

لما انت تبقي عارف ان البنت بتعااملك انك مجرد مطب...... فيه ناس ممكن تاخدك ع الهادي كده...و فيه ناس مجنونة ممكن تطيرك و تطير العربية و تنزل تهدبك ع الارض..... يبقي انت بقي بصفتك بقي مطب تفكر ازاي.......(شيا ايدك من راسك متهرشي كده.......... :lol: )

تفكر انك تحط لوحة ايضاح......

ايون عشان قائدة المركبة و هي مقربة من المطب تبقي عارفة هتسوق العربية ازاي......

تقولي نعملها نيون...... ماشي....

تقولي تمسك عيل صغير بردا شاي يقف عند المطب اقولك ماشي.....

تقولي....تحط عصاية و تعلق عليها انشاله فانلة بيضا (آه راية الاستسلام.... :lol: )... اقولك برضه ماشي...

بس المهم تحط يافطة......اصل اسخف مطب ده اللي بيتاخد كده علي خوانة....و في الضلمة.

و دي يا شوباب الجيل

اقدر اقولك الوصفة الذهبية..... ازاي متبقاش قرطاس يا عباس

فوتكم بعافية

نفسي اعدي عليكم اليوم التامن م الاسبوع الاقيكم بطلتوا بقي كلااااااااااااااااااااااااااااااااااااااااااااااااااااااااام

[الباشمهندس ياسر]

التوبك اسمه عايز اتجوز .... عاوزه عريس

وانا شايف ان احنا ماسكين فى عاوزه عريس .... زي مايكون ماحدش عاوز يتجوز ...

فين اللي عاوز يتجوز ... وما اكثرهم ....................

هوه ليه صحيح محدش عمل مدونه اسمها عاوز اتجوز :blush2:

انا كنت فاكر ان العائق ادام العريس مادي وبس ... والعائق ادام البنت .. نصيب وبس ... طلع الموضوع كبير ....... وبس

لابن: بابا انا عايز اتجوز..خلاص مش قادر قربت ( اهنج).

الابن: يابني مانت عارف ان الموضوع ( بلانك ) علي الاخر.

الابن: معايش يابابا بكره (Repair) الحال.

الاب: افهم من كدا ان انت لاقيت الانسانه اللي هاتملي ال ( free space ) اللي في حياتك.

الابن: طبعا..دي حته انسانه (Pentium IIII ) انما ايه ( original ) .

الاب: بانتيوم فور مره واحده..لا يابني دي اكيد هاتعمل معاك (conflicted ).

الابن: لا يابا اعتقد نقدر يعمل(Scan ) لي اي (Error ) في حياتنا.

الاب: معاك يابني بس انتي الاول لازم تعمل (defragmenter ) لي حياتك.

الابن: مش هاينفع علشان حياتي مليانه (Bad sector ) .

الاب: يانهار ابيض عندك بادسيكتور وعايز تتجوز و تخلف انتي عايز الواد يطلع (demo).

الابن: ماتخافش يابابا منا الاول هاعمل(f.disk )

الاب: طيب يابني ماتاخد واحده (Pentium III ) ولما ربنا (open) عليك تبقي تعملها (up grate) .

الابن: مش هاينفع يابابا علشان العروسه اللي في دماغي (build in) .

الاب: طيب يابني بدل تعب الدماغ اللي انـت فيه ده ماتشوفلك واحده(used ) وخلص.

[الباشمهندس ياسر]

قبل الزواج

مامتك: رايح فين يا ولا

الواد:اااااااااااااااااااااايه خارج

مامتك:بالسلامه يابنى يا حبيبى عاوز فلوس

الواد: ااااااااااااااااااااااااااه هاااااااااااااااااااتى

الواد نازل وفرحان ومبسوط بيعاكس فى دى ويهظر مع دا

يدخل سينما يلعب كورا ياكل يسهر برا

الواد كبر ويا ريته ما كان كبر

الواد:ماما عاوز اتجوز

مامته:يا دى الهنى يادى المنى خلاص ياابنى البت (بتعه) بت محترمه ومؤدبه

الواد:وماله

هب كاد فى ايمت شهر اتجوز الواد حصلت الجوازه

الزوج الواد سابقا:نازل ...........1

بتعه: خد الباب فى ايدك ......... بقولك هاتلى اتنين كيلو بتنجان وتلاته خيار .... وهاتلى عيش سن عشان بعمل رجيم .......وبطيخه ومتكنش قرعه خبط عليها قبل

ماتشتريها

الزوج: حاضر اوووووووووووووووف

بتعه:متردش عليا

بعد تسع اشهر خلفت واد (عطوه) ياااااااااه جيه الفرج

الزوج :سكتيه مش عارف انام حراااااام عليكى

بتعه :ما تتنيل تنام حد مسكك

الزوج :عندى شغل بكره الصبح

الزوج: نازل رايح الشغل

بتعه:هات معاك بامبرز وسيرالك وارجع بدرى عشان تاخده وتطعمه وتفسحه شويه

الزوج: طويب طاااااااااااااااخ (الباب)0

بتعه: داهيه تشيلك

الزوج ماشى فى الشارع بيكلم نفسه مش عارف ارتاح من صوت الواد ومن الغرابه اللى فى البيت

منا كنت مرتاح كنت باخد المصروف وحالى ميه ميه كان ايه اللى رمانى على المر

المصدر : http://100fm6.com/vb/showthread.php?t=1580 - 100fm6.com

[myusername]

الاب: طيب يابني بدل تعب الدماغ اللي انـت فيه ده ماتشوفلك واحده(used ) وخلص.

مين؟ :lol: يوزد ازاى يعنى :blush2:

هو صحيح اليوزد تمنه فيه wst:: بس برضه ساعات مبيبقاش الوضع stable... و ممكن نحتاج setup من اول و جديد :lol:

[جيمي]

الاب: طيب يابني بدل تعب الدماغ اللي انـت فيه ده ماتشوفلك واحده(used ) وخلص.

مين؟ :lol: يوزد ازاى يعنى :blush2:

هو صحيح اليوزد تمنه فيه wst:: بس برضه ساعات مبيبقاش الوضع stable... و ممكن نحتاج setup من اول و جديد wst::

عزيزي يوزر نيم / تعرف انك لفت نظري لنظرة المجتمع للمطلقه او الارمله ونعتها بالفاظ زي السكند هاند واليوزد زي مايكون اللي فشلت فى تجربته المفروض يتعملها حجر صحي :lol: مع اني شايف ان العمليه قدريه بحته ...

وبناء عليه اقترح طرح باب المناقشه ...

يعني انت كشاب لم يسبق له الزواج هل لو وجدت المواصفات التي تبحث عنها .. او مواصفات الشخصيه التي تتماشي مع شخصية سعادتك كشاب لم يسبق له الزواج ..فى امراه ارمله او مطلقه ..... هل هناك ما يمنع من اتمام الارتباط سواء عرف اجتماعي او خلافه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وهل ده يعتبر تنازل من الشاب ؟؟

ونفس السؤال للبنت ... هل ترضي بان يكون عريسها مطلق او ارمل ؟؟ بافتراض ان السن متوافق فى كل الحالات اعلاه

تم تعديل 27 مارس 2010 بواسطة جيمي

[الباشمهندس ياسر]

الاب: طيب يابني بدل تعب الدماغ اللي انـت فيه ده ماتشوفلك واحده(used ) وخلص.

مين؟ :wub: يوزد ازاى يعنى

هو صحيح اليوزد تمنه فيه :lol: بس برضه ساعات مبيبقاش الوضع stable... و ممكن نحتاج setup من اول و جديد :P

يا ابني يا حبيبي

اليوزد بتبقي حاجة خبرة بالحلال و الدنيا واضحة اوي

مش احسن م الفرست هاند و هي لا فرست و لا حتي هيمالايا

و بعدين التجربة القديمة .. بتخليها اكثر صقلا و وعيا و حفاظا علي البيت

و ربنا يكرمك باللي تصونك .. و انا و انت

[عنبو]

الاب: طيب يابني بدل تعب الدماغ اللي انـت فيه ده ماتشوفلك واحده(used ) وخلص.

مين؟ :wub: يوزد ازاى يعنى

هو صحيح اليوزد تمنه فيه :lol: بس برضه ساعات مبيبقاش الوضع stable... و ممكن نحتاج setup من اول و جديد :P

يا ابني يا حبيبي

اليوزد بتبقي حاجة خبرة بالحلال و الدنيا واضحة اوي

مش احسن م الفرست هاند و هي لا فرست و لا حتي هيمالايا

و بعدين التجربة القديمة .. بتخليها اكثر صقلا و وعيا و حفاظا علي البيت

و ربنا يكرمك باللي تصونك .. و انا و انت

يعنى فاهم من كده ياسر انك ممكن يكون اول زواجك واحده مطلقه او ارمله ؟

انا بقيت اشوف الستات كلهم حلووين اه والله

[الباشمهندس ياسر]

يعنى فاهم من كده ياسر انك ممكن يكون اول زواجك واحده مطلقه او ارمله ؟

انا بقيت اشوف الستات كلهم حلووين اه والله

و فين المشكلة...؟؟؟

سيدنا النبي تزوج من ستنا خديجة و كانت ارملة و كان فارق السن لصالحها كمان

و بطل تكتب بالحبر السري

الحريم كلها حلوة .. بس فيه حريم مبتعرفش تظهر ده :lol:

[الباشمهندس ياسر]

عنبو

انا لسه واخد بالي من كلمة اول زواجك

دات ناوي تعدد بجد بقي

يا قلبك يا اخي؟