عايز اتجوز....... عايزه عريس

[عبير يونس]

أحكيلكم بقى عن القعدة اللي كان فيها زوجي الغالي

و زي ما قلتلكم زواج صالونات مية في المية

قبلها بشهرين

كنت رايح لمرات أخويا أنا وأختى

لأنها كانت عمالة تتحايل لي أروح أقعد معاها شوية

خصوصا بعد ما سيبت الشغل و بقيت فاضية الصبح

المهم رحنا لها فجأة

كنا في مشاوير و قلنا نعدي عليها

قعدنا نخبط

و مفيش حد

طبعا ما كانتش الموبايلات منتشرة زي دلوقت

المهم كان في جارة قدامها و جارة فوقيها

بس هي متصاحبة اوي على اللي فوقيها

أنا بقى كنت مدغدغة و مش قادرة أطلع سلمة واحدة

قلت لأختي تعالي نخبط على اللي قدامها

يمكن تعرف هي فين

المهم خبطنا

و طبعا اتفضلنا عندها

لأن اختي تعرفها

المهم دخلنا

بيتها كان بسيط

بس في راحة كبيرة اوي

و انا المكان بيفرق معايا اوي زي ما انتوا عارفين

المهم طلبت منها اتوضأ عشان ألحق صلاة الظهر لأني لو روحت مش حألحق أصليها

طول ما أنا بأتوضأ و لما صليت

كنت حاسة براحة كبيرة جدا للمكان

المهم المقابلة انتهت

بعد ما أختي اتصلت بمرات أخويا و عرفت أنها عند مامتها

طبعا استأذنا و مشينا

طبعا الجارة دي معرفش عنها اي حاجة

المهم بعد شهرين تقريبا

لقيت مرات أخويا بتكلمني و بتقولي في عريس

قلتلها هااااااا

ايه المرة دي؟؟

أصلها كانت حاطني في دماغها و عايزة تجوزني بأي طريقة

و كانت هرياني عرسان

المهم قالت لي هو أخو جارتي

و هو بيشتغل في السعودية

و جاي أجازة يختار عروسة

و أخته رشحتك

قلت لها طيب نشوفه

المهم قالت لي حأبلغها بموافقتك على زيارتهم

مفيش يومين

كانوا حددوا موعد للزيارة

و لاحظوا التواريخ

كان الاتنين 5/7

طبعا اصدرت توجيهاتي لماما الله يرحمها

ما تقعديش تمدحيني كتير قدامهم

و اتفقنا على الإشارة إياها

دي كانت إشارة متفقة مع ماما عليها

لما ابص في السقف و أشبك صوابعي

تعرف ان العريس معجبنيش

و أننا حنخلص القعدة بشياكة وخلاص

جاء اليوم الموعود

أقول لكم على حاجة غريبة

كنت من الظهر عمالة أعيط من غير سبب

وما عملتش اي حاجة في شكلي

و لا حطيت حاجة في وشي

و لبست لبس كئيب و طرحة سوداء مغطية نص وشي

المهم أخته ومرات أخويا وصلوا الأول

و هو اتأخر شوية

و لما وصل

قعد على الكنبة وكان معاه أخوه

طبعا هو كان منتظر يقابل أخويا مع ماما

بس أخويا جت له سفرية شغل غير متوقعة

و اتفق مع ماما ان الموعد زي ما هو

و انها الخير و البركة

و نخلي الزيارة دي بس نشوف القبول

و هو يقعد معاه بعد كده للاتفاقات

المهم

أول ما قعد تجاهلني تماما

و قعد يكلم مرات أخويا و ماما

و بعدين غاظني

انه فاكر ان مرات أخويا هي العروسة

طبعا كان بيغيظني

:)

المهم

انا قاعدة اتفرج

لحد ما أخته بدأت تفتح كلام

المهم انا عملت الإشارة

فماما طبعا خاب أملها

المهم قلت بقى نخلص القعدة

و طلع مني سؤال غلس جدا

قلتله و حضرتك شهادتك ايه؟؟

طبعا هو قال تحبي انهي شهادة فيهم؟؟

و قعد يعد شهادته و دراساته العليا العلمية المعملية الفذة

فاتغاظت منه أكتر

:sad:

المهم قعدنا نغتت على بعض

المهم ماما و رغم الاتفاق

بدأت اسطوانة المدح إياها

و بعدين في وسط المدح ده

قالت له تصوركنا في طنطا عند أختي

و مصرية كانت رايحة تشتري من القاهرة لبس مع بنت خالتها

و شافت مكتبة

راحت صارفة الفلوس على مجموعة كتب

أخوه قال ما شاء

هو بقى غتت

و قالها سافرت من طنطا للقاهرة بدون محرم؟؟

أنا بقى ساعتها

رحت مغتتة بقى

ما دام الحكاية فيها محرم

طب جايب أخوك يتفرج معاك عليا

هو مش برضه

الحمو الموت

أخوه ياعيني ارتبك

و قال لي انا متجوز و عندي ولاد

قلت له و ده يمنع الحديث

راح أخينا رد

قال لي

هو لسه بقى حمو

معنى كده انك موافقة

طبعا فرقعت من الغيظ

:sad:

لأن كلهم ضحكوا

المهم شوية واستأذنوا

على أمل انهم يقابلوا أخويا

و هو على الباب

و لاحظوا الحتة الرومانسية دي

قدم لي بونبوناية

قلت له شكرا

قال لي ماتكسفينيش

خدتها

و اول ما خرجوا واتقفل الباب

معرفش ايه اللي حصل لي

ماما قالت لي ها

قلت لها على خيرة الله

:)

يا خبر

بالبساطة دي؟؟

كل حاجة بعد كده حصلت بسرعة

الشبكة و كتب الكتاب 11/7

و الزفاف 5/8

و اتكلبشت بقى لي 10سنين وداخلة على ال 11 ما شاء الله

clp::

النصيب سبحان الله

على فكرة انا مكنتش مركزة في شكله

لأني باتكسف ابص في الوشوش

:sad:

بس الحمد لله طلع أمور

الواحد بس

بيعمل حساب الولاد يطلعوا حلوين

يعني

:lol:

ربنا يوعدكم يا عزاب و آنسات المنتدى

آمين

[قلب ابيض]

الشبكة و كتب الكتاب 11/7

و الزفاف 5/8

سبحان الله يا مصريه تصدقى انا كمان زفافى نفس التاريخ بس السنه طبعا مختلفه

وونفس اليوم بعينه بعدها بسنتين كان مولد ابنتى التانيه

خمس اغسطس ده مبروووك

انا ماكنتش قريت الموضوع ده بس دخلت وراك

هاقراه واعقب ان شاء الله

اما نشوف اخرتها مع عزاب المنتدى ده ؟؟؟ :lol:

[hamedebrahim]

السلام عليكم

تسجيل متابعة للموضوعات ..........................

تحياتى للجميع

[سهيلة]

ما دام الحكاية فيها محرم

طب جايب أخوك يتفرج معاك عليا

هو مش برضه

الحمو الموت

أخوه ياعيني ارتبك

و قال لي انا متجوز و عندي ولاد

قلت له و ده يمنع الحديث

راح أخينا رد

قال لي

هو لسه بقى حمو

جامد اوى ردك يا مصريه وذكى كمان

بس ههوة كمان احرجك برده

:egyflag:

بس شوفتى النصيب سبحان الله

[عبير يونس]

ما دام الحكاية فيها محرم

طب جايب أخوك يتفرج معاك عليا

هو مش برضه

الحمو الموت

أخوه ياعيني ارتبك

و قال لي انا متجوز و عندي ولاد

قلت له و ده يمنع الحديث

راح أخينا رد

قال لي

هو لسه بقى حمو

جامد اوى ردك يا مصريه وذكى كمان

بس ههوة كمان احرجك برده

:egyflag: :egyflag:

بس شوفتى النصيب سبحان الله

طبعا النصيب غلاب

سبحان الله

تصوري لما بأحكي له النهاردة

على اللي كتبته

في الموضوع

عارفة قال ايه لما فكرته بالبونبوناية الي ادهالي قبل ما يخرج

؟؟

قال لي أصلي مابحبش البونبون

و قلت حرام بدل ما أرميها

قلت اما اديهالك

[سهيلة]

عارفة قال ايه لما فكرته بالبونبوناية الي ادهالي قبل ما يخرج

؟؟

قال لي أصلي مابحبش البونبون

و قلت حرام بدل ما أرميها

قلت اما اديهالك

هههههههههههههههه

يا ريتك ما سالتيه

على الاقل كنت فاكرة الحركه دى ف خيالك قمة الرومانسيه

[om marawan]

ما شاء الله يارب يحفظكم من كل سوء ويبارك لك فى اسرتك واولادك

صحيح النصيب سبحان الله

انا باقعد اقول لعزاب المنتدى بلاش ياجماعة الحفلطة فى الاختيار دى دوروا على البيت والاسرة ولو فيه قبول خلاص توكلوا على الله

بلاش اختبارات وقصص وكده مش هتفيد والله هنقعد ندور على القطط الفطسة فى كل واحدة وفى كل عريس مش هنخلص

[عبير يونس]

الشبكة و كتب الكتاب 11/7

و الزفاف 5/8

سبحان الله يا مصريه تصدقى انا كمان زفافى نفس التاريخ بس السنه طبعا مختلفه

وونفس اليوم بعينه بعدها بسنتين كان مولد ابنتى التانيه

خمس اغسطس ده مبروووك

انا ماكنتش قريت الموضوع ده بس دخلت وراك

هاقراه واعقب ان شاء الله

اما نشوف اخرتها مع عزاب المنتدى ده ؟؟؟

مفارقة حلوة اوي

أنا بحب شهر أغسطس جدا

و عندي بنت من بناتي مولودة 16/8

في عز الصيف

بصرة

:blink:

[رضوي]

السلام عليكم ورحمة الله وبركاته

الاخت العزيزة مصرية مغتربة

ربنا يوفقك ويكرمك ان شاء الله

بجد حكايتك عجبتني جداً وسبحان الله فعلا المثل الي بيقول النصيب غلاب صحيح

فعلا الموضوع دة أصبح مفيد جداً الواحد بيتعلم برضه

[عبير يونس]

ما شاء الله يارب يحفظكم من كل سوء ويبارك لك فى اسرتك واولادك

صحيح النصيب سبحان الله

انا باقعد اقول لعزاب المنتدى بلاش ياجماعة الحفلطة فى الاختيار دى دوروا على البيت والاسرة ولو فيه قبول خلاص توكلوا على الله

بلاش اختبارات وقصص وكده مش هتفيد والله هنقعد ندور على القطط الفطسة فى كل واحدة وفى كل عريس مش هنخلص

الله يحفظك يا قمر

ويبارك لك في اسرتك و أولادك

معلش مخدتش بالي من مداخلتك قبل كده

:closedeyes:

[عبير يونس]

السلام عليكم ورحمة الله وبركاته

الاخت العزيزة مصرية مغتربة

ربنا يوفقك ويكرمك ان شاء الله

بجد حكايتك عجبتني جداً وسبحان الله فعلا المثل الي بيقول النصيب غلاب صحيح

فعلا الموضوع دة أصبح مفيد جداً الواحد بيتعلم برضه

ميرسي يا جميل

عقبالك يا عسل بحكاية حلوة زيك

و تحكيها لنا قريبا جدا ان شاء الله

:closedeyes:

[لماضة مصرية جدا]

السلام عليكم و رحمة الله و بركاته

استاذة بونبوناية متغربة (هو انا قولت مش الجدع اللي طبق ايده و إدالك و احدةو هو خارج)

سؤال طاير حاير

حضرتك قولتلي انك كنتي صليتي استخارة بس كان عندك حالة من البكاء قبلها هي اللي عملت لخبطة في جغرافية الملامح

ع فكرة انا دايما بتحصلي الحالة دي.....مش عارفة افسرها بايه

يعني فكرة العياط الهستيري....طب انا لسه مشفتوش... يمكن قلبي حاسس....مع اني في الغالب مبحبش العياط....عشان بضطر اعيط.... و مناخيري تتمدد... و الاقي نفسي بضحك ع المنظر.... و ده طبعا بيطلع عليه ان شاء الله

لو عند حضرتك تفسير...يا ريت تنقذي مناخيري المعذبة

نمممممممماضة (طبعا هنا الخنفان وااااااااضح)

[سهيلة]

عياااااا ط هستيرى

ومناخيرك بتتمدد

امممممممممممم

اظن يا لماضه دى اعراض حساسيه بالانف

[قلب ابيض]

السلام عليكم و رحمة الله و بركاته

استاذة بونبوناية متغربة (هو انا قولت مش الجدع اللي طبق ايده و إدالك و احدةو هو خارج)

سؤال طاير حاير

حضرتك قولتلي انك كنتي صليتي استخارة بس كان عندك حالة من البكاء قبلها هي اللي عملت لخبطة في جغرافية الملامح

ع فكرة انا دايما بتحصلي الحالة دي.....مش عارفة افسرها بايه

يعني فكرة العياط الهستيري....طب انا لسه مشفتوش... يمكن قلبي حاسس....مع اني في الغالب مبحبش العياط....عشان بضطر اعيط.... و مناخيري تتمدد... و الاقي نفسي بضحك ع المنظر.... و ده طبعا بيطلع عليه ان شاء الله

لو عند حضرتك تفسير...يا ريت تنقذي مناخيري المعذبة

نمممممممماضة (طبعا هنا الخنفان وااااااااضح)

شوفى بقى يا لمضمض يا اوختى حاجه من اتنين :

يا اما بتعيطى من الفرحه " هيه هيه عريييييييس يا ماااى "

يا أما بتعيطى تحسبا لما بعد رؤيه العريس

وفى الحالتين انصحك يا لماضه بالتركييز احسن من التوقعات والميه تكدب الغطاس

"تسجيل اعجاب بروحك الحلوه يا لمضمض"

[مزاميزو]

السلام عليكم

أنا كنت قريت من أول ما فتح التوبيك كل المداخلات .... بس قلت يا واد لازم تسيب بصمتك برضه

أنا طبعا مش فاكر قوي تفاصيل الصالونات اللي دخلتها ... بس أقدر اقول إني شوفت 26 عروسة دا غير الطياري اللي مش فاكر عددهم

واتكعبلت في 27 ... وكانت ونعم الكعبلة bv:-

هاحول افتكر ذكريات ال 26 واكتبها في مداخلات تانية

تواريخ لهذه للموقعة 27 الخاسرة والأحداث المصاحبة لها

شهر مارس 2008 مش فاكر اليوم.... تليفون من صاحبة أختي أخواتي:

الصاحبة:آلو

أختي: آلو

والاتنين .... لوك لوك

الصاحبة: في عروسة ومامتها كانت شغالة معايا في المستشفى

أختي: طيب ازاي اخويا يشوفها

الصاحبة: ممكن يشوفها في صيدلية باباها م الساعة كذا للساعة كذا

الكلام ينتقل من أختي لأمي والاتنين لازم تروح تشوفها

وأنا من كتر ما زهقت وفقدت الأمل قلتلهم طيب

بعد يومين ... قلت شوفتها ومش عجباني (لم يحدث ... كدبة صغنونة :egyflag: )

ماما: يا ابني شوفها تاني دا صاحبة اختك بتقول ناس كويسيين

وطبعا لأن الزن على الودان أمر من السحر

قلتلهم بعد اسبوعين من المحاولة وعدم وجود عرايس تتشاف قلتلهم حددوا لي ميعاد أروح لوحدي أشوف النظام

تحددت أول مقابلة يوم 5 أبريل 2008

العبد لله راح وكنت داخل مستبيع حتى هم قالولي بعد كده كنا فكرينك جاي تهزر وماشي

وأنا كل اللي عليا بعد ساعة اني عايز امشي والناس تمسك فيا (المشي بدري عشان ما ابقاش تقيل لأن فرح اختها الكبير كان يوم 11 أبريل 2008)

تكررت الزيارات ....

الخطوبة 11 يوليو 2008 ..... أول علامات التحذير (الكهربا قطعت عندهم في البيت قبل ما اوصل بعشر دقايق :) ... لبست الشبكة الساعة حداشر ونص ) ولم تمر الخطوبة بسلام لأسباب تحتاج لوقت طويل للشرح

أول دفعة من العفش توصل 1 يناير 2009 حالة وفاة بالعيلة

كتب الكتاب 30 يناير 2009 (الشيخ اللي كان هيقول الكلمة ماجاش ... واحد تاني قعد يخطب يجي ساعة لحد ما الناس زهقت وبقى في ناس تيجي توشوشني هو الشيخ هيخلص امتى .... تقريبا كان بيقولي يا ابني انفد بجلدك)

طبعا مباركات الشباب ... اتحننت خلاص ... اعقل يا مجنون .... نزلت من رتبة البشوية للبهوية خلاص وبعد الجواز تبقى افندي وبعد العيال هتبقى مرمطون

الفرح 27 مارس 2009 كتير من معازيمنا لم يأتوا لحالة وفاة جديدة وولادة وسفر

نهاية مايو 2009 اكتشاف سر خطير عن حالة الزوجة الصحية ولم تكشف عنها bv:- ... ولكن ربنا كشف المستور وهي بتعمل الكشف الطبي عشان تيجي معايا كندا

ذهابها لبيت أبوها 3 يونيو 2009 :egyflag:

الطلاق 11 يونيو 2009 bv:-

وعشان التوضيح شوية هو مرض مزمن معاها من الصغر وقد ينتقل لي وكان أحد ادويته الدائمة..... الكورتيزون

يعني مفيش عيال ولو فيه كانوا يبقوا مشوهين

[عبير يونس]

السلام عليكم و رحمة الله و بركاته

استاذة بونبوناية متغربة (هو انا قولت مش الجدع اللي طبق ايده و إدالك و احدةو هو خارج)

bv:-

ماكذبش اللي سماكي لماضة

ماشي حنعديها

سؤال طاير حاير

حضرتك قولتلي انك كنتي صليتي استخارة بس كان عندك حالة من البكاء قبلها هي اللي عملت لخبطة في جغرافية الملامح

ع فكرة انا دايما بتحصلي الحالة دي.....مش عارفة افسرها بايه

يعني فكرة العياط الهستيري....طب انا لسه مشفتوش... يمكن قلبي حاسس....مع اني في الغالب مبحبش العياط....عشان بضطر اعيط.... و مناخيري تتمدد... و الاقي نفسي بضحك ع المنظر.... و ده طبعا بيطلع عليه ان شاء الله

لو عند حضرتك تفسير...يا ريت تنقذي مناخيري المعذبة

نمممممممماضة (طبعا هنا الخنفان وااااااااضح)

شوفي ياستي

أنا عمري ما عيطت كده على زيارة عريس إلا اليوم اياه ده

افتكركان قلبي حاسس باللي حيحصللي

بس بجد عمره ماحصل مع حد قبله

على فكرة انا مكنتش لسه شفت خياله حتى

أما عن مناخيرك المعذبة

فممكن تاخدي نقط بريزولين

:)

[عبير يونس]

السلام عليكم

أنا كنت قريت من أول ما فتح التوبيك كل المداخلات .... بس قلت يا واد لازم تسيب بصمتك برضه

أنا طبعا مش فاكر قوي تفاصيل الصالونات اللي دخلتها ... بس أقدر اقول إني شوفت 26 عروسة دا غير الطياري اللي مش فاكر عددهم

واتكعبلت في 27 ... وكانت ونعم الكعبلة :egyflag:

هاحول افتكر ذكريات ال 26 واكتبها في مداخلات تانية

تواريخ لهذه للموقعة 27 الخاسرة والأحداث المصاحبة لها

شهر مارس 2008 مش فاكر اليوم.... تليفون من صاحبة أختي أخواتي:

الصاحبة:آلو

أختي: آلو

والاتنين .... لوك لوك

الصاحبة: في عروسة ومامتها كانت شغالة معايا في المستشفى

أختي: طيب ازاي اخويا يشوفها

الصاحبة: ممكن يشوفها في صيدلية باباها م الساعة كذا للساعة كذا

الكلام ينتقل من أختي لأمي والاتنين لازم تروح تشوفها

وأنا من كتر ما زهقت وفقدت الأمل قلتلهم طيب

بعد يومين ... قلت شوفتها ومش عجباني (لم يحدث ... كدبة صغنونة :hang: )

ماما: يا ابني شوفها تاني دا صاحبة اختك بتقول ناس كويسيين

وطبعا لأن الزن على الودان أمر من السحر

قلتلهم بعد اسبوعين من المحاولة وعدم وجود عرايس تتشاف قلتلهم حددوا لي ميعاد أروح لوحدي أشوف النظام

تحددت أول مقابلة يوم 5 أبريل 2008

العبد لله راح وكنت داخل مستبيع حتى هم قالولي بعد كده كنا فكرينك جاي تهزر وماشي

وأنا كل اللي عليا بعد ساعة اني عايز امشي والناس تمسك فيا (المشي بدري عشان ما ابقاش تقيل لأن فرح اختها الكبير كان يوم 11 أبريل 2008)

تكررت الزيارات ....

الخطوبة 11 يوليو 2008 ..... أول علامات التحذير (الكهربا قطعت عندهم في البيت قبل ما اوصل بعشر دقايق bv:- ... لبست الشبكة الساعة حداشر ونص ) ولم تمر الخطوبة بسلام لأسباب تحتاج لوقت طويل للشرح

أول دفعة من العفش توصل 1 يناير 2009 حالة وفاة بالعيلة

كتب الكتاب 30 يناير 2009 (الشيخ اللي كان هيقول الكلمة ماجاش ... واحد تاني قعد يخطب يجي ساعة لحد ما الناس زهقت وبقى في ناس تيجي توشوشني هو الشيخ هيخلص امتى .... تقريبا كان بيقولي يا ابني انفد بجلدك)

طبعا مباركات الشباب ... اتحننت خلاص ... اعقل يا مجنون .... نزلت من رتبة البشوية للبهوية خلاص وبعد الجواز تبقى افندي وبعد العيال هتبقى مرمطون

الفرح 27 مارس 2009 كتير من معازيمنا لم يأتوا لحالة وفاة جديدة وولادة وسفر

نهاية مايو 2009 اكتشاف سر خطير عن حالة الزوجة الصحية ولم تكشف عنها bv:- ... ولكن ربنا كشف المستور وهي بتعمل الكشف الطبي عشان تيجي معايا كندا

ذهابها لبيت أبوها 3 يونيو 2009 :egyflag:

الطلاق 11 يونيو 2009 bv:-

وعشان التوضيح شوية هو مرض مزمن معاها من الصغر وقد ينتقل لي وكان أحد ادويته الدائمة..... الكورتيزون

يعني مفيش عيال ولو فيه كانوا يبقوا مشوهين

ده ايه النكد الأزلي ده

هو احنا ناقصين

:)

معلش

ربنا يعوض عليك يا فندم

[عنبو]

إقتباس(مزاميزو @ Nov 21 2009, 03:09 AM)

السلام عليكم

أنا كنت قريت من أول ما فتح التوبيك كل المداخلات .... بس قلت يا واد لازم تسيب بصمتك برضه

أنا طبعا مش فاكر قوي تفاصيل الصالونات اللي دخلتها ... بس أقدر اقول إني شوفت 26 عروسة دا غير الطياري اللي مش فاكر عددهم

واتكعبلت في 27 ... وكانت ونعم الكعبلة

هاحول افتكر ذكريات ال 26 واكتبها في مداخلات تانية

تواريخ لهذه للموقعة 27 الخاسرة والأحداث المصاحبة لها

شهر مارس 2008 مش فاكر اليوم.... تليفون من صاحبة أختي أخواتي:

الصاحبة:آلو

أختي: آلو

والاتنين .... لوك لوك

الصاحبة: في عروسة ومامتها كانت شغالة معايا في المستشفى

أختي: طيب ازاي اخويا يشوفها

الصاحبة: ممكن يشوفها في صيدلية باباها م الساعة كذا للساعة كذا

الكلام ينتقل من أختي لأمي والاتنين لازم تروح تشوفها

وأنا من كتر ما زهقت وفقدت الأمل قلتلهم طيب

بعد يومين ... قلت شوفتها ومش عجباني (لم يحدث ... كدبة صغنونة )

ماما: يا ابني شوفها تاني دا صاحبة اختك بتقول ناس كويسيين

وطبعا لأن الزن على الودان أمر من السحر

قلتلهم بعد اسبوعين من المحاولة وعدم وجود عرايس تتشاف قلتلهم حددوا لي ميعاد أروح لوحدي أشوف النظام

تحددت أول مقابلة يوم 5 أبريل 2008

العبد لله راح وكنت داخل مستبيع حتى هم قالولي بعد كده كنا فكرينك جاي تهزر وماشي

وأنا كل اللي عليا بعد ساعة اني عايز امشي والناس تمسك فيا (المشي بدري عشان ما ابقاش تقيل لأن فرح اختها الكبير كان يوم 11 أبريل 2008)

تكررت الزيارات ....

الخطوبة 11 يوليو 2008 ..... أول علامات التحذير (الكهربا قطعت عندهم في البيت قبل ما اوصل بعشر دقايق ... لبست الشبكة الساعة حداشر ونص ) ولم تمر الخطوبة بسلام لأسباب تحتاج لوقت طويل للشرح

أول دفعة من العفش توصل 1 يناير 2009 حالة وفاة بالعيلة

كتب الكتاب 30 يناير 2009 (الشيخ اللي كان هيقول الكلمة ماجاش ... واحد تاني قعد يخطب يجي ساعة لحد ما الناس زهقت وبقى في ناس تيجي توشوشني هو الشيخ هيخلص امتى .... تقريبا كان بيقولي يا ابني انفد بجلدك)

طبعا مباركات الشباب ... اتحننت خلاص ... اعقل يا مجنون .... نزلت من رتبة البشوية للبهوية خلاص وبعد الجواز تبقى افندي وبعد العيال هتبقى مرمطون

الفرح 27 مارس 2009 كتير من معازيمنا لم يأتوا لحالة وفاة جديدة وولادة وسفر

نهاية مايو 2009 اكتشاف سر خطير عن حالة الزوجة الصحية ولم تكشف عنها ... ولكن ربنا كشف المستور وهي بتعمل الكشف الطبي عشان تيجي معايا كندا

ذهابها لبيت أبوها 3 يونيو 2009

الطلاق 11 يونيو 2009

وعشان التوضيح شوية هو مرض مزمن معاها من الصغر وقد ينتقل لي وكان أحد ادويته الدائمة..... الكورتيزون

يعني مفيش عيال ولو فيه كانوا يبقوا مشوهين

المهندس مزاميزو تحيه طيبه وبعد

بركاااااااتك ياكندا

على العموم كأنك بتحكى قصة واحد جارنا بس التانى اكتشف موضوع المرض ده من ثانى يوم زواج لانها كان عندها مرض نفسى وطبعاً ودها لكذا دكتور قله يابنى ده عندنها من زمان وهى بتتعالج منه من زمان

طبعاً الراجل طلقها مش علشان المرض ولكن علشان انهم ضحكوا عليه وقال لو كانوا صارحونى من الاول مكنش هيبقى فيه مشاكل بس نعمل ايه بقى فى الناس

[الباشمهندس ياسر]

فعلا الموضوع دة أصبح مفيد جداً الواحد بيتعلم برضه

طب الحمد لله

ع فكرة انا دايما بتحصلي الحالة دي.....مش عارفة افسرها بايه

يعني فكرة العياط الهستيري....طب انا لسه مشفتوش... يمكن قلبي حاسس....مع اني في الغالب مبحبش العياط....عشان بضطر اعيط.... و مناخيري تتمدد... و الاقي نفسي بضحك ع المنظر.... و ده طبعا بيطلع عليه ان شاء الله

لو عند حضرتك تفسير...يا ريت تنقذي مناخيري المعذبة

نمممممممماضة (طبعا هنا الخنفان وااااااااضح)

اول مرة اعرف ان البنات بتعيط قبل لقاء العريس

التصور اللي ف دماغي كان مختلف خاااااااااالص

[لماضة مصرية جدا]

السلام عليكم و رحمة الله و بركاته

استاذ مزاميزو (مش عارفة ازاي استاذ تركب علي مزاميزو.... ما علينا)

بالنسبة للحلقة 17 بتاعت الشهد و الدموع اللي حافظ و دولت ضحكوا بيهم علي عفاف شعيب (و محدش يقولي اسمها ايه عشان مش فاكراه دلوقتي)

طبعا هي الدنيا مليانة حاجات زي كده كتير و ان شاء الله ربنا يعوضك خيرا منها

بس عندي سؤال نط كده في دماغي

لو حضرتك كانت بتجمعك بزوجتك السابقة مشاعر ممكن نقول تجاوزا ارتباطا قبل الزواج هل السيناريو كان هيمشي بنفس تسلسل الحلقات...... و سيبك بقي من الكهربا اللي ضربت و المأذون اللي نام؟؟؟

اليكم القصة التالية

هو كان ارتباط صالونات....الشاب فضل يتردد علي بيت الضحية قول عندك يا مواطن حوالي 4 شهور.... كويس.... و بعدين حصل الارتباط..... و ايه بقي جت حلقة "الحياة بقي لونها بمبي و انا جانبك و انت جنبي.... و علمني العوم و النبي يا أحمد....بيئة اوي... :closedeyes:

المهم البنت و اللي انا بشوفها الضحية الحقيقة لانها مكنتش بتمر باي قصة حب في حياتها و كانت عايزة الامور تمشي صح من خلال البيت

المهم اخينا في قمة ارتباطها بيه..... قالها ايه....ان عنده مرض خطير

طبعا شفاعة راحت ضربت علي صدرها و هو راح كتم بوقها و بحركة تثبيت اكتاف بقي شالل حركتها

المهم قالها انه مريض و العياذ بالله بالسرطان

و خالتكم شفاعة بقي يا ولداه بقت مش عارفة تعمل ايه..... لا هو قصة حب و لا يحزنون....و كانت خطوبة

المهم قالتله هقف جنبك و مش مهم هنكمل مع بعض....اصلها حسبتها انه اختبار من ربنا و كلنا عندنا ابتلاءات

و عارفين الحلقة بتاعت فالكون كريست "اللي هي هنعمل معجزات.....و المريض فجأة بيبص في عينين مليسيا و يخف"

هي كانت فاكرة كده

و اتاريه اخونا المواطن لا عنده حاجةو لا يحزنون..... و خلاها لمدة شهر تلف حوالين نفسها تقارير طبية و زيارات دكاترة و مذاكرة ع النت و ليلة طويلة

و ف ليلة م الليالي يا زيد احمد

هي قررت فعلا تسيبه..... لان كذبه بقي لا يطاق

بس هو السؤال

شفاعة وقفت جنب مخيمر....... مخيمر كان عايز ايه بالظبط؟؟؟؟

تكسبوا فيا ثواب حد يكمل المسلسل احسن انا خلاص زهقت من الناس و كذبهم

مع تحياتي

المرحومة شفاعة

مدافن المجاورين.....مقبرة 10