عايز اتجوز....... عايزه عريس

[قلب ابيض]

عاوزه ارد عليك يا لماضه بموقف مشابه

بس هناااام والصبح اول ما اصحى هاحكيلكم على طول

تصبحوا على خير

[عنبو]

عاوزه ارد عليك يا لماضه بموقف مشابه

بس هناااام والصبح اول ما اصحى هاحكيلكم على طول

تصبحوا على خير

اصحى بقى بقينا الظهر وعاوزين نفطر وش محمد سعد فى فيلم اللمبى

[الباشمهندس ياسر]

لا تنْتظرِي امتِنانًا من حبيبٍ ،.. ... فقدْ تُفاجئينَ بِعكسِ ما تتوقعينْ ... ، قد يشكُّ فيكِ من أخلصتِ لهُ كَ عمياءْ ...

و قدْ يثقُ آخر فِي امرأةٍ خائنة بِ ذكاءْ الوفاءْ على أيَّامنا " شطارة " ،.!!!

احلام مستغانمي

[قلب ابيض]

عاوزه ارد عليك يا لماضه بموقف مشابه

بس هناااام والصبح اول ما اصحى هاحكيلكم على طول

تصبحوا على خير

اصحى بقى بقينا الظهر وعاوزين نفطر وش محمد سعد فى فيلم اللمبى

صباح الخيييير يا محمد

ها قيل شويه وارجع ارد :lol:

الموضوع بقى ان فى واحد كان خاطب واحده قريبتى اوى وكان دايما يحب يلفت الانتباه فى اى مكان باى شكل ولما جه فى فتره والموضع بقى عادى قال لما اعمل فرقعه جامده ترجع لى جاذبيتى وانجذاب الناس حواليا

قام جه رابط ايده والشاش ملطخ بالميكركروم تقريبا او يقصد دم حاجه زى كده 00وقال حادثه بسيطه بس صباعه اتقطع فيها

سلامات لاءلاءلاء الف سلامه 00الحمد لله انها جت على كده 00حااااسب على ايدك 000ارفع دراعك لفوق 00وحركات من دى بعد يومين بالتماااام جه فاكك الشاش وايده بخمس صوابع وزى الفل

الله ؟؟ ايه يا فلان ؟ اومال ايه حكايه صوباعك دى؟ وفين اللى اتقطع والجرح والحركات دى ؟؟

قال لالالا ما اصل انا اعرف جراح شاااااطر جداا هو غالى حبتين بس يستاهل 00شايفين ولا كأن صباعى اتقطع ولا حاجه ؟ عمل لى جراحه وتجميل فى يوم واحد wst::

سبحاااااااان الله قادر على كل شىء

مش هاعلق خلاص

وصلت ؟؟؟ :lol:

[الباشمهندس ياسر]

صباح الخيييير يا محمد

ها قيل شويه وارجع ارد bv:-

الموضوع بقى ان فى واحد كان خاطب واحده قريبتى اوى وكان دايما يحب يلفت الانتباه فى اى مكان باى شكل ولما جه فى فتره والموضع بقى عادى قال لما اعمل فرقعه جامده ترجع لى جاذبيتى وانجذاب الناس حواليا

خير يا دوك ... حضرتك سهرتي او كده

خي بالك ... قة النوم وحشة ع الصحة و الله

بمناسبة القصة اللي حضرتك ذكرتيها

كنا ف الجامعه و كان معانا واحد زميلنا مرتبط ببنت و بالمصادفة البحتة .. البنت كانت ساكنة ف شقة طالبات ف العمارة المقابة لشقته مباشرة

و ف يوم م الايام ... الاتنين قفشوا علي بعض و فركشوا

البيه بقي راح رابط دراعه و عمله كله احمر ميكركروم ده و عمل ان سيارة خبطته

روحناله الشقة بتاعته و اطمنا عليه ... راح حكالي الحوار

طبعا البنت اتشحتفت و سلامتك يا قلبي و رجعوا لبعض تاني

قلتله و انت شايف ان ده صح او حتي ينفع انك ترجع العلاقة بالشكل ده

قالي : غلط ... بس انا فعلا مش قادر علي بعادها و كمان انا غلطت غلطة شنيعة ده فيه حديث بيقول

لا تمارضوا فتمرضوا فتموتوا .. او كما قال صلي الله عليه و سلم

و كانت اول مرة اسمع الحديث و قلتله ربنا يسترها معانا و معاك

قسما بالله العظيم ... ما فات التيرم الا و هو مصاب بالتهاب ف عصب من اعصاب الدماغ و كانت صرخته تجيب اخر الشارع

و ف الاخر روحناه بيتهم يكمل علاج هناك

تم تعديل 22 نوفمبر 2009 بواسطة الباشمهندس ياسر

[justme]

اولا السلام عليكم

انا جديد كعضو بس من زمان كنت بشوف المنتدى المهم مش ده المكان للتعريف بس احب اشترك معاكم

انا بقى بقالي 5 سنين بدور بس مش لاقي بس خطبت تلات مرات والحمد لله فركش

عموما القصة مش للضحك مع اننا بقيت ابص لتجربتي على انها فيلم كوميدي من بتوع زمان

انا شوفت حوالي 50 بنت وبجد ده مش مبالغة وهحكيلكم الظروف

المهم

خلونا نتعرف على العبد لله

السن 30 سنة

المهنة اعمل في قطر مدرس

مش هقول وسيم بس الحمد لله شكلي مقبول

مليان شوية

من خارج القاهرة

المهم

بعد تفكير طويل في صيف العام 2005 تقريبا في احد الليالي المقمرة وانا قاعد تحت التكييف وبكلم الجماعة في مصر امي ربنا يخليها بتقولي عبر الأثير

مش ناوي يابني تهدى وتسمع الكلام وتكمل نص دينك وتفرحني وتتجوز علشان تجيب لنا حتة عيل اقرح بيه قبل ما موت

ماشي يا حاجة بس بشرط تكون حلوة وبنت ناس كويسين وتكون عاقلة

المهم قد كان ونزلت مصر وقالولي في عندنا فلانة وفلانة وفلانة (معرفش ولا واحدة)

المهم واحد ست معرفة الحاجة قالتلها عندي بنت اختي انما ايه مفيش احسن من كده

المهم كلمنا اهلها فوالدتي اللي تصدت للمكالمة الهاتفية على اساس تكلم ممامتها فرد علينا ابوها بس مش هقولوكم المكالمة استمرت حوالي ساعتين وامي عمالة تحكي كل التفاصيل اللي بيسألوا عليها الخلاصة ابوها قال احنا نتقابل بره علشان لو الموضوع باظ متتحسبش خطوبة على البنت

المهم اتفقنا على اني اجي ومعايا الوالدة وهو معاه المدام والبنت ونقعد في ارض محايدة

المهم الحاجة السكر رفع عليها رحت لوحدي والمفاجأة لقيت الاب فقط

فقالي انه جه علشان يتعرف عليا الأول علشان يبقا يحاول يقنع البنت بيا (مش اما تشوفني الأول)

المهم بدأ الاستجواب

الاسم والبيانات العائلية الوظيفة (مدرس )

المهم فين مين وبعدين فجأة

سؤال غريب

هوه المحل اللي بتشتغل فيه نظامه ايه

محل مين يا حج انا مدرس

المهم انت مسافر امته

كمان تلات اسابيع

طيب مش هتحس بمشكلة انك مدرس وهي دكتوره (بيطرية)

مش فاهم

يعني الفرق في المؤهلات

ماعلينا عديها

طيب بعد 3 ساعات

انا اقتنعت بيك مبدئيا ان شاء الله تيجوا عندنا كمان 10 ايام لأني رايح بعد يومين اصيف اسبوع

وعل فكرة انا معنديش خطوبة قبل 6 اشهر

مش فاهم

المهم الراجل حسيت انه بيبصلي بنظرة استعلائية شوية خلاصة القول

فركش

المهم قررنا اننا نشوف حاجة تانية بناء على وصفهم كاملة من مجاميعو زي ما بيقولوا

المهم رحنا والصراحة البنت كانت مؤدبة وشكلها بنت حلال بس مكنتش حاسس انها عجباني (مفيش القبول الشكلي)

فيه ناس ممكن تفتكر اننا مش عاجبني حاجة المهم الاحداث هتبين

المهم خطبت البنت خلال ايام

بس مش عارف يوم الخطوبة قعدت اتكلم مع البنت ودي كانت تالت مرة نتكلم

كل حاجة مفيش اي رأي واي موضوع نتكلم فيه تسأل مامتها

المهم حسيت اني مش مستريح

سافرت وبعدين قضيت الفترة اللي بعد كده تليفونات اجدع مكالمة كانت 10 دقائق ومفيش اي نوع من التواصل

حاولت كتير اني ابحث عن اي مواضيع مشتركة مش لاقي

المهم الناس فجأة بدأت احس ان اسلوبهم في التعامل غريب وعايزينا نقطع علاقتنا بالناس اللي كانوا متوسطين في الموضوع او يعرفوهم وحسيت ان منظر العائلة من بره حب لكن من جوه حاجة تانية ده طبعا انطباع مبني على ما اسمعه واراه من اشياء

المهم قررت انهاء الموضوع اتكلمنا مع الناس قالولنا احنا عندنا البنت ان مجيتوش ملكوش عندنا حاجة يعني ايه يا جماعة

يعني الشبكة راحت بخ bv:-

ما علينا عدنا لخانة الصفر

عايز عروسة

وهنا بدأت الاحظ قصة غريبة وهي قصة بنت اختي

يعني الاولى بنت اخت جارة لنا والثانية وهكذا

اللي حسيته انه الجماعة اللي عندي كانو بيدوروا على عروسة اهم شرط فيها انها تكون مش جميلة لأن وجه نظرهم ان الجميلة هتكون مغرورة والزمن ده وحش يابني وانت مش هتأمن عليها ودي من الأخر مش هتربي عيال

طب يا حجة تكون مقبولة شوية

المهم كل ما نروح لواحدة نلاقي حاجة غلط

مثلا واحدة طولها تقريبا 140 وانا 195 تخيلوا الفرق البنت نفسها رفضت

واللي تقول من قبل ما نروح انا مش مستعدة اسافر

واحدة تقول انا مش هتجوز غير دكتور او مهندس اوظابط (هي مدرسة برضه)

المه احلى حاجة في الموضوع السنتين اللي فاتوا

كل ما نكلم ومنعرفهومش الرد كالتالي

دي كانت خطوبتها الخميس اللي فات

دي اتقرا فتحتها امبارح

دي شبكتها بعد بكرة

وده بجد مش تطفيش لينا

ودي مش واحدة ولا اتنين ولا تلاته دول كتير

واحلى حاجة

علشن اختصر

روحت لبنت بصراحة متوسطة بس قلت اهو اخلص بقى

المهم بعد ما خطبتها بشهر ابوها اتصل بيا وقالي يابني مفيش نصيب

خير ليه مين

المهم عرفت بعد كده انها مرة طلبت مني الخروج وانا اجلت الموضوع بسبب اني اتحرجت نخرج لوحدنا

المهم اللي بعده

انا مش عايز اقولكم ان معظم محلات الحلويات عرفوني من كتر ما اخدت زيارات لناس للموضوع ده

واحده مش عايز اقولكم انا تخين شوية بس جنبها كنت عصفورة لما قلت لا الست اللي كانت وسيطة في الموضوع قالت طب مانتا تخين واذا كان عاجبك

طبعا لأ

اصحابي مش عايز اقولكم

انت معمولك عمل

انت متعلم عليك

انت اقعد عازب

للحديث بقية فيما بعد

[مزاميزو]

إقتباس(مزاميزو @ Nov 21 2009, 03:09 AM)

المهندس مزاميزو تحيه طيبه وبعد

بركاااااااتك ياكندا

على العموم كأنك بتحكى قصة واحد جارنا بس التانى اكتشف موضوع المرض ده من ثانى يوم زواج لانها كان عندها مرض نفسى وطبعاً ودها لكذا دكتور قله يابنى ده عندنها من زمان وهى بتتعالج منه من زمان

طبعاً الراجل طلقها مش علشان المرض ولكن علشان انهم ضحكوا عليه وقال لو كانوا صارحونى من الاول مكنش هيبقى فيه مشاكل بس نعمل ايه بقى فى الناس

هي الفكرة في كده ... الغش هو دا السبب ... بمعنى آخر لم يعد هناك ثقة ... إزاي تعيش مع حد تحت سقف واحد طول عمرك بدون ثقة متبادلة

[مزاميزو]

السلام عليكم و رحمة الله و بركاته

استاذ مزاميزو (مش عارفة ازاي استاذ تركب علي مزاميزو.... ما علينا)

بالنسبة للحلقة 17 بتاعت الشهد و الدموع اللي حافظ و دولت ضحكوا بيهم علي عفاف شعيب (و محدش يقولي اسمها ايه عشان مش فاكراه دلوقتي)

طبعا هي الدنيا مليانة حاجات زي كده كتير و ان شاء الله ربنا يعوضك خيرا منها

بس عندي سؤال نط كده في دماغي

لو حضرتك كانت بتجمعك بزوجتك السابقة مشاعر ممكن نقول تجاوزا ارتباطا قبل الزواج هل السيناريو كان هيمشي بنفس تسلسل الحلقات...... و سيبك بقي من الكهربا اللي ضربت و المأذون اللي نام؟؟؟

ما اتى اسم مزاميزو إلا من كتر المزمزة .... ما علينا

اسم عفاف شعيب في الشهد والدموع (زينب)

بالنسبة للسؤال اللي نط

نفس السينايو كان هيحصل حتى لو كان في ارتباط قبل الجواز وسببي انعدام الثقة ... لأني أحب من عقلي أولا ومن قلبي ثانيا

موضوع الكهربا والمأذون ... حبيت أضيف شوية فرفشة قبل العكننة وعلى فكرة أنا افتكرت كده بعد الطلاق حيث إني مش من الناس اللي بتتشائم أو تتفائل بحوادث زي كده

[عنبو]

اولا السلام عليكم

انا جديد كعضو بس من زمان كنت بشوف المنتدى المهم مش ده المكان للتعريف بس احب اشترك معاكم

انا بقى بقالي 5 سنين بدور بس مش لاقي بس خطبت تلات مرات والحمد لله فركش

عموما القصة مش للضحك مع اننا بقيت ابص لتجربتي على انها فيلم كوميدي من بتوع زمان

انا شوفت حوالي 50 بنت وبجد ده مش مبالغة وهحكيلكم الظروف

المهم

خلونا نتعرف على العبد لله

السن 30 سنة

المهنة اعمل في قطر مدرس

مش هقول وسيم بس الحمد لله شكلي مقبول

مليان شوية

من خارج القاهرة

المهم

بعد تفكير طويل في صيف العام 2005 تقريبا في احد الليالي المقمرة وانا قاعد تحت التكييف وبكلم الجماعة في مصر امي ربنا يخليها بتقولي عبر الأثير

مش ناوي يابني تهدى وتسمع الكلام وتكمل نص دينك وتفرحني وتتجوز علشان تجيب لنا حتة عيل اقرح بيه قبل ما موت

ماشي يا حاجة بس بشرط تكون حلوة وبنت ناس كويسين وتكون عاقلة

المهم قد كان ونزلت مصر وقالولي في عندنا فلانة وفلانة وفلانة (معرفش ولا واحدة)

المهم واحد ست معرفة الحاجة قالتلها عندي بنت اختي انما ايه مفيش احسن من كده

المهم كلمنا اهلها فوالدتي اللي تصدت للمكالمة الهاتفية على اساس تكلم ممامتها فرد علينا ابوها بس مش هقولوكم المكالمة استمرت حوالي ساعتين وامي عمالة تحكي كل التفاصيل اللي بيسألوا عليها الخلاصة ابوها قال احنا نتقابل بره علشان لو الموضوع باظ متتحسبش خطوبة على البنت

المهم اتفقنا على اني اجي ومعايا الوالدة وهو معاه المدام والبنت ونقعد في ارض محايدة

المهم الحاجة السكر رفع عليها رحت لوحدي والمفاجأة لقيت الاب فقط

فقالي انه جه علشان يتعرف عليا الأول علشان يبقا يحاول يقنع البنت بيا (مش اما تشوفني الأول)

المهم بدأ الاستجواب

الاسم والبيانات العائلية الوظيفة (مدرس )

المهم فين مين وبعدين فجأة

سؤال غريب

هوه المحل اللي بتشتغل فيه نظامه ايه

محل مين يا حج انا مدرس

المهم انت مسافر امته

كمان تلات اسابيع

طيب مش هتحس بمشكلة انك مدرس وهي دكتوره (بيطرية)

مش فاهم

يعني الفرق في المؤهلات

ماعلينا عديها

طيب بعد 3 ساعات

انا اقتنعت بيك مبدئيا ان شاء الله تيجوا عندنا كمان 10 ايام لأني رايح بعد يومين اصيف اسبوع

وعل فكرة انا معنديش خطوبة قبل 6 اشهر

مش فاهم

المهم الراجل حسيت انه بيبصلي بنظرة استعلائية شوية خلاصة القول

فركش

المهم قررنا اننا نشوف حاجة تانية بناء على وصفهم كاملة من مجاميعو زي ما بيقولوا

المهم رحنا والصراحة البنت كانت مؤدبة وشكلها بنت حلال بس مكنتش حاسس انها عجباني (مفيش القبول الشكلي)

فيه ناس ممكن تفتكر اننا مش عاجبني حاجة المهم الاحداث هتبين

المهم خطبت البنت خلال ايام

بس مش عارف يوم الخطوبة قعدت اتكلم مع البنت ودي كانت تالت مرة نتكلم

كل حاجة مفيش اي رأي واي موضوع نتكلم فيه تسأل مامتها

المهم حسيت اني مش مستريح

سافرت وبعدين قضيت الفترة اللي بعد كده تليفونات اجدع مكالمة كانت 10 دقائق ومفيش اي نوع من التواصل

حاولت كتير اني ابحث عن اي مواضيع مشتركة مش لاقي

المهم الناس فجأة بدأت احس ان اسلوبهم في التعامل غريب وعايزينا نقطع علاقتنا بالناس اللي كانوا متوسطين في الموضوع او يعرفوهم وحسيت ان منظر العائلة من بره حب لكن من جوه حاجة تانية ده طبعا انطباع مبني على ما اسمعه واراه من اشياء

المهم قررت انهاء الموضوع اتكلمنا مع الناس قالولنا احنا عندنا البنت ان مجيتوش ملكوش عندنا حاجة يعني ايه يا جماعة

يعني الشبكة راحت بخ :happy:

ما علينا عدنا لخانة الصفر

عايز عروسة

وهنا بدأت الاحظ قصة غريبة وهي قصة بنت اختي

يعني الاولى بنت اخت جارة لنا والثانية وهكذا

اللي حسيته انه الجماعة اللي عندي كانو بيدوروا على عروسة اهم شرط فيها انها تكون مش جميلة لأن وجه نظرهم ان الجميلة هتكون مغرورة والزمن ده وحش يابني وانت مش هتأمن عليها ودي من الأخر مش هتربي عيال

طب يا حجة تكون مقبولة شوية

المهم كل ما نروح لواحدة نلاقي حاجة غلط

مثلا واحدة طولها تقريبا 140 وانا 195 تخيلوا الفرق البنت نفسها رفضت

واللي تقول من قبل ما نروح انا مش مستعدة اسافر

واحدة تقول انا مش هتجوز غير دكتور او مهندس اوظابط (هي مدرسة برضه)

المه احلى حاجة في الموضوع السنتين اللي فاتوا

كل ما نكلم ومنعرفهومش الرد كالتالي

دي كانت خطوبتها الخميس اللي فات

دي اتقرا فتحتها امبارح

دي شبكتها بعد بكرة

وده بجد مش تطفيش لينا

ودي مش واحدة ولا اتنين ولا تلاته دول كتير

واحلى حاجة

علشن اختصر

روحت لبنت بصراحة متوسطة بس قلت اهو اخلص بقى

المهم بعد ما خطبتها بشهر ابوها اتصل بيا وقالي يابني مفيش نصيب

خير ليه مين

المهم عرفت بعد كده انها مرة طلبت مني الخروج وانا اجلت الموضوع بسبب اني اتحرجت نخرج لوحدنا

المهم اللي بعده

انا مش عايز اقولكم ان معظم محلات الحلويات عرفوني من كتر ما اخدت زيارات لناس للموضوع ده

واحده مش عايز اقولكم انا تخين شوية بس جنبها كنت عصفورة لما قلت لا الست اللي كانت وسيطة في الموضوع قالت طب مانتا تخين واذا كان عاجبك

طبعا لأ

اصحابي مش عايز اقولكم

انت معمولك عمل

انت متعلم عليك

انت اقعد عازب

للحديث بقية فيما بعد

بجد انا معرفش قولك غير حاجه واحده انت فيه واحد باصص ليك فى الزواج بجد

بجد انا ممسكتش نفسى من الضحك انا بحيك على روحك الرياضيه ولا يزال جاااااااارى البحث على عروسه

بس طالما ربنا هداك وسجلت هنا فى المنتدى وتحولت من زائر الى عضو احب احب قولك ابقى قابلنى لو لقيت عروسه ؟؟

فيه لعنه فى المنتدى بتصيب اى عاااااااااااااازب يدخل المنتدى وأسأل حتى الناس العزاب الى هنا ؟؟

[الباشمهندس ياسر]

بس طالما ربنا هداك وسجلت هنا فى المنتدى وتحولت من زائر الى عضو احب احب قولك ابقى قابلنى لو لقيت عروسه ؟؟

فيه لعنه فى المنتدى بتصيب اى عاااااااااااااازب يدخل المنتدى وأسأل حتى الناس العزاب الى هنا ؟؟

:happy: :lol: :D

الله يصلح حالك يا عنبو

جبتها ازاي دي

[الباشمهندس ياسر]

اصحابي مش عايز اقولكم

انت معمولك عمل

انت متعلم عليك

انت اقعد عازب

للحديث بقية فيما بعد

الاولي : اهلا بيك ف المنتدي و نورتنا ( رغم انك احتمال تسحب لقب نقيب العذابيه بسبب السن)

التانية : عاوزك تصلي بينا ع النبي .. عشان يحلي بينا الكلام

انت م الاخر تحمد ربنا ان ولا جوازة من اللي حكيتهم نفعت

يا راجل بلا هم ... بقي دي اشكال تتعامل معاها

واحد باصصلك من فوق و فرحان بسعادة الدكتورة بتاعة البهايم ... اومال لو بتاعة بني ادمين كان عمل ايه فيك .. كان جابلك الكرباج مثلا

و التانيين باصيين لشوية الدهب و دي حاجة منتهي قلة الادب

و التالتة اللي جايبالك واحدة مش علي هواك ... تبقي اصلا مش معتبراك

بص

انت متحرمش نفسك من حاجة و سيبك م الهبل بتاع ان الحلوة شايفة نفسها و ان الوحشة تصونك

اسمح لي ... ده هبل ف هبل و ملوش اي مصداقية

البنت مؤدبة ... مؤدبة من بيت ابوها و ده ملوش علاقة بحلاوتها و لا بوحاشتها

الفكرة كلها ان الحلوة ... دلعها بيبقي بزيادة حبتين ...( شخصيا بموت ف ده... انت اخبارك ايه )

م الاخر

دور علي واحدة مأصلة و تكون ست الحسن كمان

و متتجوزش الا لما تحس انها حبتك و حبتك انت لنفسك ... مش عشان شغلك اللي بره و لا فلوسك و لا طولك و عرضك

تحبك انت .... بتركيبتك انت ... زي مانت

تشوف فيك كل رجال الدنيا

و صدقني النصيب هيجي

بس انت متأثرش ف حق نفسك خااااااالص من اي اتجاه

و حاول تظبط طريقتك ف الكلام ... بيموتوا هما ف الكلام الناعم ( الودن تعشق قبل العين ... احيانا)

و حاولل تبقي واد حمش ... الحريم بتدوب من جواها ع الراجل الحمش ... سيبك م كلامهن بتاع يكون متفهم و متعاون و يغسل المواعين احيانا

و ربنا المعبود ....البنت بتبقي مستأنقصة الواد اللي شبهها

و افكرك بالجنتله... ما احلي الجنتله كده و انت بتفتحلها باب العربية و انتوا خارجيين سوا

و يا سلام بقي يا نجم علي شوية رومانسية ... بيتجننوا هما م الحاجات دي

تصحي علي رسالة من سعادتك و تنام علي صوت سعادتك ... ((غالبا انت اللي هتنام منها بسبب السهوكة بتاعتها))

لو عرفت توصل للي فات ده كله ... هتحبك و تدوب في ترابك علي راي اصالة حبيبتي

و اخيرا

التقل صنعة .. اتقل عليها تحبك ... حاول انك توحشها و تدور عليك من وقت للتاني

مين بقي الواد الجاااااااااامد :waving: اللي هيعرق يجمع بين كمية التناقضات دي كلها .......؟

ملحوظة

ما سبق كتبته و انا ف الهاي استيت

و اتكشفنا و اللي كان ...كــــــــــــــــــــــــــــــــــــــــــــــــــان

تحياتي

[قلب ابيض]

بجد انا معرفش قولك غير حاجه واحده انت فيه واحد باصص ليك فى الزواج بجد

فيه لعنه فى المنتدى بتصيب اى عاااااااااااااازب يدخل المنتدى وأسأل حتى الناس العزاب الى هنا ؟؟

بس طالما ربنا هداك وسجلت هنا فى المنتدى وتحولت من زائر الى عضو احب احب قولك ابقى قابلنى لو لقيت عروسه ؟؟

فيه لعنه فى المنتدى بتصيب اى عاااااااااااااازب يدخل المنتدى وأسأل حتى الناس العزاب الى هنا ؟؟

:waving: :yahoo:

الله يصلح حالك يا عنبو

جبتها ازاي دي

مددددد يا سيدى العزبنجى مدد

عنبى قالها حكمه خلااااص

صف واحد والنبى يا خونا gra:- مش عاوزين لخبطه كل عازب يمسك فى ايد اخوه لحد ما يجى النصيب

:Laie: dtcv: :110: cld:

الله يسعدك ياعنوب ضحكتنى 00بركاتك يا هندزه ;)

[رضوي]

بجد انا معرفش قولك غير حاجه واحده انت فيه واحد باصص ليك فى الزواج بجد

فيه لعنه فى المنتدى بتصيب اى عاااااااااااااازب يدخل المنتدى وأسأل حتى الناس العزاب الى هنا ؟؟

يادي الموسيقي ..........

ايه حكاية اللعنة دي ؟؟؟؟؟؟؟؟؟؟؟؟؟ وياتري دي بتصيب الشباب بس ولا البنات كمان !!!!!!!!!!!!!!؟؟؟؟؟؟؟؟؟؟

لالالالالالا مااتفقناش علي كدة .............

النبي حد يدور علي طريقة نحل بيها اللعنة دي

احسن الموضوع كدة مش كويس

[لماضة مصرية جدا]

السلام عليكم و رحمة الله و بركاته

جووووووووووووووووووووون...... حلوة أوي يا قلب ابيض حكاية طابور العزاب دي..... ايون و نوقف القصيرين من قدام و الطوال من ورا.... و يا سلام لو نوزع عليهم شريطة حمرا لو اللعنة ظهرت في اكتر من موقف و شريطة صفرا لو اللعنة هلت كده من بعيد بس فيه احتمال تعاود الظهور

واااااااااااااااااااد يا

[عنبو]

انا بقول علشان نقضى على اللعنه دى لازم نعمل تلات حاجات

الحاجه الرابعه ان كل واحد عاااااااااااازب يحول على حسااااااابى 2750 ريال وده كله من اجلكم ومن اجل سعادتكم وانا مش هااخد حاجه واحطها فى جيبى

كله ليكم انا بقى هعمل بالفلوس دى ايه ؟؟

هاخد الفلوس وانزل على بلاد الفرنجه اتجوز من هناااااااااااك 4 مره واحده بس اربعه ايه اربعه بجد مش لعب عيال من الحاجات الى بتقيد فى الظلمه دى

اه والله فيه حاجات حلوه هنااااااااااااك بيقولوا كده ؟؟؟

على العموم ان شاء الله كل واحد اشترك معانا ودفع الفلوس عروسته او عريسها عندى ان شاء الله

وشوفوا بقى ملامح مصريه على ملامح فرنجيه اتخيلوا انتوا بقى ؟؟

يلا قولتوا ايه وانا كده كمان هبقى مضحى ؟؟ بس ابعدوا عنى الناس بتوع حموم المرأه الله يخليكم !!!!!!!!!!!

فكروا وانا تحت امركم يلااااااااا هعمل ايه "" وش عادل الامام فى رمضان فوق البركان شااااى يالى بره ""

[الباشمهندس ياسر]

ايوه يا حتة... :lol:

[مزاميزو]

بس طالما ربنا هداك وسجلت هنا فى المنتدى وتحولت من زائر الى عضو احب احب قولك ابقى قابلنى لو لقيت عروسه ؟؟

فيه لعنه فى المنتدى بتصيب اى عاااااااااااااازب يدخل المنتدى وأسأل حتى الناس العزاب الى هنا ؟؟

:sad: :happy: :sofa:

الله يصلح حالك يا عنبو

جبتها ازاي دي

مش محتاجة فتاكة كل عزاب المنتدى لسه عزاب

واللي اتجنن زي حالاتي وغير الحالة رجع تاني كما كنت :cry:

wst:: md2:

[justme]

السلام عليكم

اولا انا قلت في اول الحكاية اني بقيت ببص للموضوع بنظرة كوميدية مضحكة :lol: مع ان بجد في ايام بقعد افكر مع نفسي واقول ليه كده بس ارجع اقول الحمد لله

انا ما اضايقتش من حد طبعا ولا حاجة بالعكس انا اتبسطت جدا من ان الناس مهتمة بس الحكاية انا كنت بجهز لأني نازل مصر بكره وطبعا انتو عارفين بقى

انا طبعا بحكي القصة بهدف ان غيري يمكن يستفيد وياخد باله علشان ميضعش وقته زي حالاتي

المهم انا قلتلكم حكايتي طويلة وانا رغاي شوية بس بحاول اختصر

بعدة عدة محاولات

اتفقت مع الحاجة على وضع لسته من الشروط والمعايير والمواصفات القياسية علشان من الأخر اقرب الصورة لذهنهم وهما بقى يدوروا براحتهم على الأخر لغاية اما انزل

وتلافيا للأخطاء السابقة اتفقت معاهم ان اول مكالمة لازم يقولوا فيها على غرار اتفاقية الترخيص

اني اعمل بالخارج وان شاء الله بعد الزواج ساصطحب زوجتي (اللي ما أعرفش هي مين لغاية دلوقتي) معي الى الخارج

وكذلك انا اعمل مدرس كمبوتر مش مهندس مع اني معايها mcse ccna a+ ده غير دورات تانية كتير في الكمبيوتر بس انا مش مهندس ومحبش اني ادعي صفة مش حقيقية مع العلم ان كل اللي اعرفهم في المجال ده بيحبوا يتقال لهم يا بش مهندس بس دي الحقيقة

وده مش معناه اني اقل منهم او احسن منهم بس انا قالولي اني اقول اني مهندس في الأول لغاية اما الجماعة يقتنعوا وبيعدين لما نزورهم ونيجي نتقدم رسمي قول كل حاجة يعني على سبيل جر الرجل زي ما بيقولوا

مش قلتلكم رغاي

بس وبدأت رحلة البحث

المهم فجأة كده خير اللهم اجعله خير اخويا اللي اصغر مني بسنتين ومش متجوز برضه قالي ما تيجي نروح فرح واحد صاحبه انا اعرفه يمكن تلاقي فيه حاجة وربنا يكرم

انا بصراحة كنت ضد الموضوع ده زمان بس بيقولوا المضطر يركب الصعب

شددنا الرحال وانطلقنا الى الفرح وهو قالي في واحدة مناسبة ليك لأنها اصغر منك بحاجات بسيطة اخت مرات العريس ايه رأيك

بصراحة هي كانت احسن بكتير من اللي قبل كده قلت مش غلط واهي كلية اداب يعني من توبك :lol: يعني مش هتقولك انا احسن منك

حلوة من توبك دي زي المسلاسلات القديمة

المهم قلت بس قبل ما نحج نفسنا احنا نتصل بصورة غير مباشرة الأول لأنهم جيراننا في المنطقة

المهم تم عمل اتصالات مكثفة اسمرت عدة ساعات اسفرت عن الكلام مع البنت نفسها عن طريق اختي وصديقتها وقالت لهم مبدئيا انا تعرفني وموافقة بس حابة نيجي رسمي

المهم رحت على محل الحلويات المتعهد الرسمي والراعي الرئيسي لحملة ابحث عن عروسة

واخدنا الطلب المعتاد ولبست الحتة الزفرة واخدت الحاجة واختي وطلعنا على البيت

المهم نص ساعة يا معلم واحنا تحت البيت ولا حد بيعبرنا فين اما ناس كانو نازلين بالصفة المهم

دخلنا وقعدنا وبعد التعريف الرسمي وما إلى ذلك

امال فين العروسة

شوية جاية

الجو العام مكنش مريح

الجماعة عارفين انه عريس جاي وما ادراكم لما الكلمة دي بتتقال في بيت كل حاجة بتتلمع والناس بتتشيك وحاجة تحسسك ان الريس جاي (على الأقل دي تجربتي مع معظم الناس)

المهم البيوت اسرار

الخلاصة

الاب جه واول ما قعد بعد كلمتين مش فاكر اتصل ولا جاله تليفون

ايوه يا فلان متنمش الا اما اجيلك لأ انا حاجة بسيطة وجاي

سألنا بقلق خير ان شاء الله

الرد اصل لان ابن فلانة نجح ومجموعة جاب مرحلة أولى فرايحين جايبلنوا استمارت التنسيق وعايزين يدوهالوا

طب الموضوع مش ضروري للدرجة

الرسالة وصلت يعني قصروا علشان طالعين

مش هقولكم المعاملة كانت عجيبة

الخلاصة نزلت وانا عارف اللي فيها

وجاء الاتصال من صديقة اختي وسيط عملية الزواج في الشرق الأوسط

معلش اصلها مترددة

وقعدت تحكي ده جاله مين منين ومعجبهاش وجالها كذا ومعجبهاش دي مبيعجبهاش حد

المهم قلتلهم طب عارفين كده رحنا ليه القصد

انا هنام شوية وان شاء الله نستكمل الحوار من مصر في العيد

اه فكرة كده اخيرة

انا بعد تفكير طويل في الموضوع لقيت اني اذا حبيت استقر في مصر هفتح محل حلويات

لأن بصراح انا فكرت في الموضوع لقيت ان من اكتر الحاجات اللي دفعت فيها فلوس الحلويات مش ةهبالغ اذا قلت عدة الآف

وعلى فكرة موضوع الحلويات ده سبب فسخ خطوبة اخويا ودي احكيهالكم بعدين

إلى اللقاء مؤقتا

[قلب ابيض]

السلام عليكماه فكرة كده اخيرة

انا بعد تفكير طويل في الموضوع لقيت اني اذا حبيت استقر في مصر هفتح محل حلويات

لأن بصراح انا فكرت في الموضوع لقيت ان من اكتر الحاجات اللي دفعت فيها فلوس الحلويات مش ةهبالغ اذا قلت عدة الآف

وعلى فكرة موضوع الحلويات ده سبب فسخ خطوبة اخويا ودي احكيهالكم بعدين

إلى اللقاء مؤقتا

احسن ياراجل بلا جواز بلا دياولوا

شوف بقى لما يبقى عندك محل مفتخر وتيجى ست الحسن والجمال تجيب تورته عيدميلاد ابن صاحبتها من عندك وهوب نسيت كيس الفلوس

خللى عنك الفلوس وصلت 0000وهكذا

بقولك ايه عيد سعيد وتروح وتيجى بالسلامه مفرد او مجوز :lol:

بس والله انا احييك على روحك الحلوه ربنا يديمها عليك

تم تعديل 24 نوفمبر 2009 بواسطة قلب ابيض

[لماضة مصرية جدا]

السلام عليكم و رحمة الله و بركاته

كده احلوت خااااااااااااااااااااااااااااااالص

عنبي هيلم فلوس عشان يعمل شركة توظيف اموال للعزاب و العزبتة..... و أستاذ justme هيفتح محل حلويات......قشطة يا ماااااااااااااااااااان

استاذ "أنا فقط" و دي ترجمة رديئ عارفة بس مش احسن ما اقول استاذ "انا و انت....و الحبايب و الجدعاااااااااااااااااااان...و رقصنا يا جدع"

انا مش قادرة استني عشان اسمع بقية الحكاية.....طب نازل مصر امتي... طب انا عند ترانزيت في الكويت...طب سيبلي الحلقة ال 3 من مسلسل "عروسة حلاوة" عند الجوازات؟؟؟

سبحان الله.....كده ثبتت موضوع اللعنة يا جدعاااااااااااااااااان كله ينفد بجلده....

أربعة أربعة اربعة..... علي كل جنية مربعة

و رغم كل شيء ...... احب اقولك انت صح.... و بتعمل التصرف الصح.....بس كمان استمر في الدعاء و ربنا ان شاء الله هيسبب لك سبب غير تقليدي خاااااااااااااااالص و بكرة تقول البت لمضمض قالت..

مستنية الحلقة عند الجوازات

سلام يا رياسة