بريدي الخاص

[بقشيش]

ذي منتو عارفين ان انا عضو جديد والعضو الجديد ملفه فاضي ابيض يا ورد

وكل ما اخش على لوحة التحكم بتعتي واخش على صندوق البريد الرسائل الواردة الاقيه معبي رسايل

اخش اقرا الايقهم

تم ارسال موضوعك كذا الي الارشيف

تم ارسال موضوعك كذا الي الارشيف

تم ارسال موضوعك كذا الي الارشيف

تم ارسال موضوعك كذا الي الارشيف

يمكن اكتر من 15 رسالة

احساس غريب احسه ذي ميكون مش مرغوب فيه مع ان لسة جديد نوفي يا جماعة

انا بتكلم عن احساسي الشخصي من باب موضوعات شخصية

[عصام]

تم نقل الموضوع إلى باب شئون المحاورات

الإدارة

[عصام]

الزميل العزيز ..

بالتحديد تم نقل ثلاثة موضوعات فقط إلى الأرشيف اتصفت معظمها بالسطحية (واعذرنى فى الوصف)

ونصيحة من أخ .. فإن محاورات المصريين مختلفة تماما عن أى منتدى قد تكون انتسبت إليه من قبل .. فهى كما نطلق عليها "صالون ثقافى" نهتم فيه بشئون مصر والمصريين ..

حتى باب دعوة للابتسام .. ستجد الابتسام الراقى الغير مبتذل

أدعوك لتصفح الموقع قبل أن تقرر المشاركة بنوعية معينة من الموضوعات .. قد تراها أنت ظريفة أو مسلية .. فى حين أنها قد لا تكون كذلك من وجهة نظر أغلب المتواجدين بالموقع .. كما أدعوك لقراءة قواعد الكتابة بالموقع فى هذا الرابط :

http://www.egyptiantalks.org/invb/index.php?act=boardrules

دمت بكل خير

[بقشيش]

اشكرك انك جاوبت على استفساراتي واشكرك عشان حفاظك على المكان بجد

يمكن اسلوب الكتابة مش على مستوى الناس اللي موجودة وانا اعترف اني اقل منهم

عشان كدة انا مردتش اقول مؤهلي ايه

انا بحاول وربنا يوفقني

قولوا امين

[عصام]

أخى العزيز ..

ما حدش هنا أحسن من حد .. والمسألة مش مسألة مؤهل إطلاقا.. الفكرة بس إنك تقرأ موضوعات موجودة بالفعل ولا داعى للاستعجال فى الرد فالمسألة ليست بعدد الردود .. وإنما بقيمتها

بعد قدر معين من القراءة والمتابعة ستمثل ردودك وموضوعاتك إضافات حقيقية للمكان

وبين زملائنا الأعضاء هنا الكثيرون ممن بدأوا بداية متهورة (زيك كدا :P) لكن وبمرور الوقت وزيادة الاطلاع بقوا من الناس الذين تحب أن تتحاور معهم ..

تحياتى وأعتذر إن كلامى سابقا قد أسائك ..

[مهيب]

يمكن اسلوب الكتابة مش على مستوى الناس اللي موجودة وانا اعترف اني اقل منهم

أنت لست أقل من أينا مطلقا .. المسألة و ما فيها أنك تحتاج الى بعض القراءة هنا و التعود قليلا على أسلوب المحاورات .. بعدها أنا واثق أنك ستكتشف فى نفسك أشياءا و أفكارا لم تكن تتخيل أنها تدور بداخلك .. و ستعبر عنها بأسلوب قد يدهشك أنت نفسك .. فقط بعض الوقت .. و بعض التعود .

مهيب

[iloveegypt]

اشكرك انك جاوبت على استفساراتي واشكرك عشان حفاظك على المكان بجد

يمكن اسلوب الكتابة مش على مستوى الناس اللي موجودة وانا اعترف اني اقل منهم

عشان كدة انا مردتش اقول مؤهلي ايه

انا بحاول وربنا يوفقني

قولوا امين

الاخ الجميل بقشيش

انا شايف فيك حماس مش عادى

كل مواضيعك قرأتها وفى موضوع رديت عليك فيه

طبعا مع تفهمى واحترامى لاى قرار للادارة

بس انت مواضيعك جديدة ومع الوقت هتكون كاتب مميز لذا لا تتوقف عن الكتابة ومع الوقت هتكتسب الخبرة وعايزين مواضيع جديد واكتب علشان بجد مواضيعك فيه خفة دمة لذيذة جدا كل اللى فى المنتدى هنا اخوات محدش افضل او احسن من حد مستنى مواضيعك :P :lol:

[بقشيش]

يا جماعة اشكركم اوي لانكم اخدتم كلامة بجدية وصدقية بعد مكنت محبط

ربنا يوفقكم