إنت لسه بتحب مصر؟

[احمد هادي]

بالامس شاهدت علي احدي المحطات اللبنانية برنامج عن اللبنانيين الذين لجئوا الي اسرائيل بعد انسحابها من الجنوب عام 2000

كان هؤلاء اعضاء في مليشيا انطوان لحد قائد جيش لبنان الجنوبي المتحالف مع اسرائيل

طبعا لست في حاجة ان اقول ان هؤلاء الخونة ....بعدما لجأوا الي اسرائيل ...عاملتهم الدولة العبرية بما يستحقون من وفاء .....فلم تكافئهم علي التحالف معها ضد اهلهم واخوانهم ....واليوم يعيشون داخل اسرائيل كلاجئين لا وطن لهم.

سمعت أحد هؤلاء الكلاب ( والاعتذار هنا للكلاب - لانها طبعا معروفة بالوفاء) يبرر تلك الجريمة بأن الدولة في لبنان لم تقدم له أي حقوق مواطنة ....فلا أمن ولا تعليم ولا رعاية ولا شيء

وبالتالي ....بما ان البلد لم تقدم لي شيئا ...فلماذا تأتي اليوم وتحاسبني علي التحالف مع عدوها؟

منطق رائع ....لو اقتنع به بعضنا ...لوجدنا عشرات الآلاف من شبابنا متطوعا في الجيش الاسرائيلي الذي يمنح جنوده راتبا ورعاية صحية وتعليم و....و .

كراهية وطننا هي أول الطريق في خطة الغرب التي بدأت في فلسطين مرورا بالعراق وانتهاءا بمصر لتحقيق حلم الدولة العبرية من النيل للفرات

وساعتها لن نجد أحد لديه استعداد للدفاع عن مصر ضد غاز او محتل .. ....او عن شرف أو عرض امه أو أخته أو زوجته وما جري في ابو غريب ليس ببعيد.

لماذا ادافع عن بلد أكرهة؟ فليذهب إلي الجحيم

انا هنا لا اعفي من تسببوا في تلك الحالة من مسئوليتهم سواء في الدنيا أو الآخرة

لكني اتعجب ممن يستعد للموت في قوراب السفر الي اوروبا

لكنه لا يقبل نفس المصير دفاعا عن حريته وكرامته في وجه الطغاة والمستبدين

تحياتي

[الطائر الحر]

الاخوة الاعزاء.. يبدو ان ردي قد اثار حنق و غضب الكثيريين. و انا مقدر تماما الانفعال العاطفي و رغبه كل فرد في الرد عن وطنه حتى و ان كان كلامه ينقصه الاقناع. و انا شخصيا اتبنى هذا المبدا عند الحديث عن مصر في وجود غير المصريين.. فمصر حينئذ افضل بلاد الدنيا و المصريين افضل البشر و اكثرهم انجازا !! اما بيننا و بين بعض فيجب ان نتخلص من النرجسية و نحلل واقعنا و تاريخنا بدون تحيز و بعيدا عن العاطفة فارجو لو حد عايز يرد على هذا التعليق ان يبتعد عن الكلام العاطفي الرنان و يخاطبنى بالعقل:

1- عندما سالت اذا كنت تتمنى ان تولد مصريا ام اوربيا ... اعتقد ان الاجابة واضحة من خلال معدلات الهجرة من مصر.. و متقوليش المهاجر بيشيل مصر في قلبه لانه عارف كويس ان الاحتمال كبير ان تنقطع صله اولاده او احفاده عن مصر و حتى عن اللغة العربية.. و الكثيرين ممن سالتهم عن سبب الهجرة كان ردهم ان يولد ابنائي كنديين !!! و هناك من يذهبون الى كندا فقط للانجاب و العودة.. راجع نفسك قبل ان تجيب بوضوح و صراحة عن هذا السؤال.

2- قلت ان مصر احتلت من طوب الارض. و كان الرد ان المحتلين رحلو بعد ذلك. فهل هذا ردا نفتخر به. اسمحلى ان اسالك سؤال بطريقة سوقيه شويه. لو واحد ضربك على قفاك و فضل يضرب فيك و ياخد فلوسك لمده 100 سنة مثلا و بعدين رحل .. و بعدين جه واحد تانى و تالت و عمل نفس الشئ .... حتقدر تيجي بعد كده و تقول ياجماعة ده انا احسن واحد في الدنيا بدليل انهم بعد ما ضربونى و بهدلونى رحلوا و غاروا في داهية !!!! ايه المنطق الغريب ده... التاريخ عباره عن حقائق لا تقبل الجدل و الكلام العاطفي لن يغير من الواقع شئ...

3- قلت ان مصر مهزومة من 800 سنة باستثناء حرب اكتوبر و بعض معارك محمد على ... مرة اخرى .. اليست هذه حقائق تاريخية لا تقبل الجدل سواء قبلتها عاطفتنا القومية ام رفضتها.

التاريخ المصري يحمل الكثير من الانجازات و لكن ايضا يحمل الكثير و الكثير من الاحباطات و خاصة في ال 800 سنة الماضية..

مع الشكر لكم جميعا

[الطائر الحر]

الاخ احمد سعد... اسمح لي ان اقتبس هذه الابيات منك و اعتقد انها تلخص كل شئ من البداية للنهاية ولا حاجة لاي كلام بعدها

احنا ورثنا كلام ..

احنا تاريخنا كلام ..[/b]

علشان ده لما تقول

على طول أقول : (وبكام؟ )

ماهو حب؟ دبّرني..

وتاريخ ؟ فكرني

وطريق؟ نورني..

ومصير؟ بصّرني..

ده أنا بقيت عربي ..

من قبل ما ألقى اللي يمصرني..

انا انتمائي لأمتي .. ممسخرني!

محسوبة في الأحزان علىّ

وفي الفرح تنكرني!

ياللي انتي لا أمّه ولا انتي أم ..

فيه أم ماتعرفش ساعة الألم .. تضم!

[نانا]

.

بنحب مصر عشان فيها أهلنا وحبايبنا وذكرياتنا الجميله والناس ... الناس اللي لسه طيبه وماتعدتش بالفيروس - فيروس الكره والأنانية والجشع والطمع والفساد ،

وفى المقابل بنكره كل اللي وصلوا مصر لهذه الدرجة من السوء والفساد والتخلف ، بنكره كل رئيس طاغي و مسؤول فاسد

بنكره كل واحد ماقدرش عالمسؤلية ومش عاوز يتنازل عنها ، بنكره كل اللي باعوا البلد بالرخيص وعملوا لأحفاد أحفادهم ثروات بالمليارات جوه مصر وبراها علي حساب الشعب الغلبان

ونفسي بقه ييجي اليوم اللي أشمت فيه من الطغيان والفساد ، ياترى هييجي اليوم ده واحنا لسه عايشين ؟؟؟

أنا مع حضرتك في كل كلمة

ارجو من الجميع قبل الاجابه

ان نفرق بين مصر البلد الوطن

ومصر الحكومه ........والحكااااام

عندك حق وطبعا اجابتي بحب مصر كبلدي وطني وبكره حكامها

عايز ارد باختصار على السؤال.... و الرد هو ....."" لا ""

و السبب باختصار برضه : مصر لم تترك لنا ما يجعلنا نفتخر بالانتماء لها.

اما عن الكلام العاطفي بتاع نيلها و هواها و ترابها فيرد عليه ملايين الشباب الراغبين في ترك مصر و لو عن طريق قارب احتمال الغرق فيه اكبر من احتمال الوصول. و الالاف الراغبين في الهجرة و العمل باسرائيل برغم انها العدو التاريخي لمصر و العرب و الاسلام...

و اي واحد مش عاجبه كلامي فانا ارجوه انه يجاوب و بصراحة على السؤال ده:

لو افترضنا ان لك حق الاختيار انك تتولد مصري او تتولد اوربي او امريكي مسلم و من اسرة مسلمة يا ترى حتختار ايه؟؟؟

و شكرا

أستاذ الطائر الحر أشك إنك مصري بجد أنا استغربت من كلام حضرتك

وتحية خاصة لردود الأستاذ مهيب بجد انت وافيت بكل الرودو اللي نفسي أقولها

أنا فخورة إني مصرية واني اخت لكل مصري اللي عنده حمية وغيرة على أي كلمة تخص بلده وفخورة بكلام حضرتك يا أستاذ مهيب بجد

أولا انا شايفة انه الموضوع مش بيشوف مين بيحب مصر ومين بيكرهها لأ الموضوع ده المفروض يعرض اتحادنا بفخرنا بمصر واننا مصريين

يعني المفروض يعرض فينا ويثير فينا بجد معاني حب الوطن

مش بكل برود ندخل نقول لا مش بحبها ولا حتى ببحها واخرج

لأ المفروض استعرض كل معاني الحب وكل الأحداث اللي تخليني أفخر بكوني مصري أو مصرية

[ابو محمود]

الفرق شاسع بين مصر وطن وبين ما يقطنون بها صحيح المصريين اللى عايشين فى مصر اغلبهم طيبين وما بيعملوش مشاكل مع حكامهم يعنى طول عمرهم كدة بس الغريب ان يكون هناك ناس من مصر لمجرد انهم تعبو شوية من الحاكم يقومو يتهموها بأنها ........ يا أهل مصر اسألو كل من تعملون عندهم او أسألو ابائهم او اجدادهم ما هى مصر انتم فى الغربة ومغتربين ان كنتم فى بلاد الغرب او بلاد العرب فصدقونى مصر فضلها على اهلها كبير وعلى ضيوفها اكبر وياريت تقارنو بين مصر وبين الدول التى تعملون بها ستجدون ان مصر احن بلد على اهلها بس انتو مش شايفين كويس من غير نظارة تقرب لكم الفوارق . مصر مهما حصل مبتمنعش الخير عن اى حد صحيح هى مريضة اليومين دول ويمكن تكون فقيرة شوية بس واللة بكرة تخف وتقف على رجليها وتشوف ولادها وتندة عليهم ودول هيبقو ولدنا وعمرها ما هتعاير حد بفقرة ولا تبخل علية من خيرها

الكل اليوم نسى وتناسى ان يذكر دور مصر فيما ينعمون بة من خيرات وغدآ ستتحول العجلة الى الأتجاة المعاكس وتتغير وتتبدل المواقع فأصبرو ان اللة مع الصابرين بلاش نخلى النعمة نقمة وننسى اننا بنحب مصر كلنا رغم عننا لانى اشك ان يكون بيننا من يكرهها رغم ظلمنا لها بأيدينا وبرضو بتسامحنا

[محمد عبدالعزيز]

لكني اتعجب ممن يستعد للموت في قوراب السفر الي اوروبا

لكنه لا يقبل نفس المصير دفاعا عن حريته وكرامته في وجه الطغاة والمستبدين

تحياتي

أشاركك التعجب يا أخى الفاضل أحمد هادى, ولكن هذا هو الواقع الذى نأمل أن نغيره.

تحياتى لك أيضاً.

الطائر الحر: لا أجد رداً أفضل من اقتباس مداخلات الأخ الفاضل مهيب رداً على كلامك المكرر, لأنه باختصار لا يوجد جديد فى كلامك, وأنا لن أكرر كلام مهيب مرة أخرى.

أتعجب فقط من وصفك لرأيه بالعاطفى!!!

واسمح لى حضرتك أقول إن اقتباسك لجزء من قصيدة للشاعر عبد الرحمن الأبنودى, يتحدث فيها عن الأمة العربية ودعوة عبد الناصر للقومية العربية - واخد لى بالك- ليس له علاقة بهذا الموضوع, وأنت حضرتك بتقول إنه بيلخص كل شئ من البداية للنهاية ولا حاجة لأى كلام بعده, وإليك القصيدة بالكامل:

الله يجازيك يا عم عبدالناصر

الليل مليّل

والألم عاصر

لسه اللي بيبيع أمته كسبان

وكل يوم

أطلع أنا الخاسر

******

أما انت خميت مصر دي خمة

يوم ما ناديت بالعشق للأمة

ورطتنا نعشق خريطة عبيطة

وبشر ما نعرفهاش

وبلاد.. ما بنزورهاش

إلا.. فواعلية وبنايين وسواقين

وخدامين.. وطباخين.. وكناسين

بلاد أسافرها سعيد

ارجع حزين

حبيتها زي ما قلت لي.. واكتر

ع الأجنبي ما استكترتش عليا تستكتر

ع الأجنبي ما اتنقورتْش عليا تتنقور.

تطمع في دمعي

وف تعاسة راتبي.

مُلهم أنا.. واعمل غبي

وادي الألم يا عم عبدالناصر

زاحف وبيحاصر

وآدي الجميع خاسر

وآدي فجر أمتنا الجميل مغلوب

وآدي انتحار الأمة بالمقلوب

وأنا... غريب الدار..

لابسني توب العار

ساكن في وطني بالإيجار

***

قاعد أنا ع الجسر في القيَّالة

من قلب اللهيب مِنشالة

وقلبي.. ساقية حزن سَيالة

باغني..

ما اعرف مغني والاّ عديد

زي افتكار الميتين.. في العيد.

باعاني وحداني

شياطيني لابساني

والأمة قدامي.. مفارقاني

يا رب...

ما تحببني في الناس الملاح تاني

يا رب

ما ترجعني أعشق

ضحكة اخواني

يا رب

كرهني في أوطاني

***

ما أخيبك أمَّة

ما أتعسك أمة

لا عقل... ولا همة...

لا مصدقه فعلك

ولا تحفظي كلمة.

أمة.. تدور وتلف..

تقيلة.. مش حتخف

حماسية... وحماسها

بكتيرُه ساعة.. يجف.

أمة بتتخابِط

أمة بتتعابط

أمة ومالهاش

لا زابط ولا رابط

ولا كبير عيلة

ولا قرابةْ دم

وفكرة وهمية

ما تورث إلاّ الهمّ...

ما تحل عني يا عم..

إحنا ورثنا كلام

إحنا تاريخنا كلام

علشان كده لما تقول..

علي طول أقول:

وبكام؟؟

ما هو حب؟؟ دبرني

وتاريخ؟.. فكرني

وطريق؟.. نورني

ومصير؟.. بصرني

ده انا بقيت عربي

من قبل ما القي

اللي يمصرني.

أنا انتمائي لأمتي...

ممسخرني.

محسوبة في الأحزان عليّ

في الفرح تنكرني

ياللي انتي لا أمة

ولا انتي أم..

فيه أم

ما تعرفش ساعة الألم..

تضم؟..

****

قد ما ننورها

هيه مضلمة

قد ما نعلمها..

مش متعلمة.

كل ليلة بايتة مظلومة

وهيه الظالمة!!

آخرة السكك الوعار

مجد.. متلطخ.. بعار.

قد ما نحجمها...

تفلت م الإطار!!

السلاح من صنع بره

والكلام من صنع بره

المآكل

الملابس

والهوا البارد في بيتي..

صنع بره.

لا نسجْت الهدمة..

لا زرعْت.. ولا اكتفيت

شفتها.. جريت اشتريت.

جلاّبيتي.. عمامتي.. سجادتي

وحواديت الصغار

والحلاوة: حلوة.. مرة

شغل بره.

إيه يهم

إن مت من أجل البشر

ولا سبت الديب يصرَّخ

واتغابيت؟...

أو نسيتها؟ أو اتناسيت؟؟..

الشهادة مجانية...

والبطولات...

نفحات استعراضية

والليل مليّل

والألم... عاصر

لسه اللي بيبيع أمته

كسبان..

وكل يوم..

أطلع أنا الخاسر...

الله يجازيك

يا عم عبدالناصر!!

[iloveegypt]

ا محمد عبد العزيز

حب الوطن فى دم اى انسان طبيعى :wub:

[الطائر الحر]

الاخ الكريم محمد عبد العزيز.. كنت اتمنى ان تكون الردود على كلامي تتضمن حقائق تاريخية تناقض ما ذكرته. لكن للاسف كل الردود كانت بالفعل "عاطفية".

اخي الكريم.. اذا تعمقت في قراءة التاريخ المصري سوف تشعر بالفعل ان "في حاجة غلط"!! يمكن الغلط فينا احنا كمصريين الله اعلم. من الطبيعي ان تشهد الامم دورة حياة تبدا بالصعود ثم الوصول للقمة ثم الانحدار ثم الوصول للقاع قبل الصعود من جديد. من قراءة التاريخ سوف تعرف ان القمة التي شهدتها مصر كاعظم دولة في المنطقة و ربما في العالم كانت في العهد الايوبي و بداية العهد المملوكى حيث توجت انجازاتها بطرد الصليبيين نهائيا من الشرق في القرن الثالث عشر . ثم بدا الانحدار بعد ذلك الى يومنا هذا حيث و صلنا الى القاع. الا توافق معي ان ثمانية قروون من الانحدار المتواصل شئ لا يشرف اي دولة ولا اي شعب.

الشئ الاخر الغريب ان بالفعل مصر طول عمرها دوله محتلة من قبل الغير.. حتى ايام عظمتها كانت تحت حكم الغير.. طيب الشعب المصري كان فين ساعتها و للا هو فاتح الباب و اللى عايز يدخل يدخل !!! الشعب المستكين المستسلم دائما.. هي دي الحقيقة اللي بنعاني منها حتى اليوم. الاخ مهيب كان رده ان هؤلاء الغزاه اصبحوا مصريين بحكم اقامتهم في مصر و انصهارهم فيها. طيب فين الشعب المصري اللي كان عايش فيها قبل الغراه دول؟؟؟ !! اقوللك كان فين ... كان بياكل عيش و يربي العيال و يمشي جنب الحيط و كانه مالوش دعوة باللي بيحصل.. هو و حظه بأه لو كان الحاكم الللي جاي من بره ده كويس و عنده همة زي صلاح الدين الايوبي او محمد على مصر حتبقى كويسة و لو ماكنش (و ده الغالب) مصر حتبقي في القاع.. يا عم انا مالى ... المهم اكل عيش و اربي العيال... !!!

و اخيرا نيجي لموضوع الانتماء .. يا اخي الكريم الارض ارض الله... و ربنا لم يختم على جباهنا هذا مصري و هذا سوري و هذا بريطاني .. انما البشر هم اللي عملوا التفرقه دي.... الانسان انسان عالمي خلقه الله ليعيش في الارض فهي كلها وطنه و اذا وجد انه يظلم في مكان اصبح واجب عليه ان يغادره ,,, قال تعالى "إن الذين توفاهم الملائكة ظالمي أنفسهم قالوا فيم كنتم قالوا كنا مستضعفين في الأرض قالوا ألم تكن أرض الله واسعة فتهاجروا فيها"....... ارض الله يا اخي... ارض الله.. لم يقل وطنك.. اذا الارض التى تجعلك مستضعفا .. كما في مصر .. وجب عليك مغادرتها ... اي ان الانتماء ليس لوطن معين عشت فيه .. حيث ان الارض كلها وطنك.

اما القصيدة الرائعة للابنودي و التى تنتقد مفهوم القومية العربية فاجدها تنطبق على مفهوم الوطن ايضا...