عرض علي وظيفة براتب 4000ريال بجدة ومميزات هي

[أبو أماني]

عرض علي وظيفة براتب 4000ريال بجدة ومميزات هي كالتالي

تأمين طبي شامل للموظف واسرته

تأمين اجتماعي بحسب نظام العمل والعمال السعودي

بدل سكن = ثلاث رواتب كل عام

بدل انتقال 500 ريال

ترقيات سريعة لمن يثبت جدارته

علاوة سنوية حسب الاداء

شهر اجازة كل عام مدفوعة الاجر

تذاكر طيران كل عام للموظف واسرته او قيمة التذكرة

_________________________________

والسؤال الآن أنا اعمل حاليا في المدينة المنورة بالمميزات التالية

راتب 2000 ريال

بدل سكن 5000 ريال

الانتقال من السكن للشركة على حساب الشركة

تأمين اجتماعي

اجازة شهر كل عام غير مدفوعة الاجر (لم يتحدد الى الان مدفوعة الاجر ام لا بس اكيد هتكون مش مدفوعة لاننا لم نكتبها في العقد)

تذكرة طيران كل عامين للموظف

________________________________________

والان العقد الذي بيني وبين كفيلي غير محدد المدة فكيف اتركه

وكيف اضمن اذا تركته ان الشركة التي بجدة لن تتلاعب بي واخسر الأثنين

أو بعد ما اترك الكفيل الاول يستغلوني ويخفضوا الراتب او يلغوا اي

من المميزات

وهل يمكنني ان اكتب عقد موثق معهم الان قبل ان انهي عقدي الاول

وهل العقد هذا يضمن لي حقوقي أم لا

وهل اذا قدمت استقالتي ولم يقبلها الكفيل الاول خاصة انني لم اعمل لديه الا شهرين تلاته

هل هناك حل لانهاء التعاقد معه

الشركة التي بجدة وعدتني أن لديها تأشيرة إذا تم انهاء العقد ولكنهم قالوا

الافضل ان احول كفالة عليهم لكي نكسب وقت ولكني واثق ان الكفيل لن يسمح

لي بان انقل كفالة او حتى اعمل لديهم وانا على كفالته لن يسمح بذلك

فما العمل لكي انهي تعاقدي وكذلك كيف اضمن ألا تتلاعب بي الشركة التي بجدة

بعد ان انهي تعاقدي

وهل الراتب هذا جيد في جدة ام ان الاسعار في جدة مرتفعة بحيث لن اشعر بزيادة الراتب

مع العلم اني متزوج ولدي طفل ولم استقدم زوجتي بعد

جزى الله خيرا من دلني والمستشار مؤتمن

تم تعديل 11 أغسطس 2008 بواسطة أبو أماني

[أبو أماني]

منتظر ردكم

[melhamy]

السلام عليكم ورحمه الله

الأخ أبو أمانى عارف كلامك مخلينى حاسس بمدى ترددك فى الموقف اللى انت فيه بمعنى المثل اللى بيقول اللى رقصوا على السلالم :wub: لا اللى فوق شافوهم ولا اللى تحت سمعوهم

و على فكرة كفيلك لو خد خبر بموضوعك ده شكلك هيكون مش لطيف و بالذات انك حسب كلامك ما اشتغلت معاه غير 3 شهور

خلاصة الكلام و ده من واقع تجربة شخصية خليك فى شركتك وأعمل التالى :

1- بلاش تجيب سيره نهائياً لحد من اللى معاك فى الشركة عن الكلام ده.

2- أطلب من الشركة الثانية اللى فى جدة عرض عمل و صورة التأشيرة اللى كانوا ناوين يبعتوها لك و قولهم انك قدامك على الاقل شهر علشان تترك العمل عند شركتك وتسلم الشغل اللى معاك

3- بمجرد استلامك عرض العمل و التأشيرة و اوراق القدوم من الشركة الجديدة انسى تماما فكرة الغدر من ناحيتهم الناس هنا من فاضية للكلام الفاضى ده وافتكر انك تقدر تقيم مستوى الناس اللى بتتعامل معاهم

4- كدة مبقاش قدامك غير النزول مصر ومعاك طريقتين

الطريقة السحرية اجازة اضطرارية لظروف وهمية

الطريقة الصعبة و هى مش عايز اكمل معاكم يا جماعة الخير و ساعتها هتلاقى رد مش لطيف و كلمتين فى العظم و شوية معايرررره على فكرة نفس الكلام كننت هتسمعة لو طلبت نقل كفالة هيقولك ده انت اقامتك لسة طالعة سخنة من الجوزات وجاى تقولى عايز انزل

وربنا يوفقك وعلى فكرة التنقل من وظيفة لوظيفة هنا فى السعودية عاملة زى السباحة عكس التيار مش كل السمك بيقدر يعملها

خد شم دى :wub:

[محمد عيسى]

وهل اذا قدمت استقالتي ولم يقبلها الكفيل الاول خاصة انني لم اعمل لديه الا شهرين تلاته

هل هناك حل لانهاء التعاقد معه

من حقك اول تلات او ست شهور انك ترفض تكمل معاهم و دي بتكون فترة اختبار للطرفين، بس اكيد هايطالبك باللي صرفه عليك في التاشيرة و الاقامة و خلافه و كمان مش هايصرفلك مستحاقتك، بس ولا يهمك تتعوض في شغلك الجديد

[أبو أماني]

جزاكما الله عني خيرا

أسأل الله العظيم رب العرش الكريم أن يوفقني وإياكم ويرزقني وإياكم من فضله العظيم وأن يصب علينا من الخير

صبا صبا ولا يجعل عيشنا كدا كدا

لي استفسار ايه موضوع أوراق القدوم ده

تم تعديل 14 أغسطس 2008 بواسطة أبو أماني

[melhamy]

السلام عليكم ورحمه الله

أوراق القدوم هى نفس الأوراق اللى عملتها علشان تيجى أول مرة ... صورة التأشيرة ... ويفضل تتأكد من صلاحيتها من سفارة السعودية فى مصر عن طريق رقم التاشيرة و التفويض .....افتكر انت بس عملت اية أول مرة هتعرف قصدى على أوراق القدوم ....

وماتحرمناش من دعائك الجميل phn: