إلى أخونا الأكبر سي السيد - طلب مشورة

[waaaf]

قرأت لك مشاركة كان كتبها أحد الزملاء في المنتدى يطلب مشورة الأعضاء وهو عمره 20 سنة ومعه الف جنيه

وأنت قلت له لو كان المبلغ 25 ألف جنيه كنت ممكن أدلك تعمل إيه .

كلام جميل . .

أنا موجود بالقاهرة والحمد لله عندي مبلغ 40 ألف جنيه وسيارة موديل 2008 وأطلب مشورتك حيث أنني أكاد أفقد الأمل في أن يكون في مصر عمل ناجح .

بالمناسبة أنا عمري 39 سنة وحاصل على ليسانس حقوق وعملت بالسعودية فترة كمدير تسويق

في إنتظار مشاركتك ومشاركة جميع الزملاء بالمنتدى

ولكم تحياتي . .[/size]

[النيل حبيبي]

عزيزي المتر/وائل

هو انت لسه مفتحتش مكتب ليه انسب حاجه تخصصك

[waaaf]

شكراً للزميل النيل حبيبي لكني أنتظر المزيد من المشاركات

الزميل سي السيد ألا تريد أن تشارك ؟؟ ! !

[waaaf]

فين مشاركاتكم

يااااااااااااااااااااااااااااإخواني

[Amr Radwan]

السلام عليكم و رحمة الله و بركاته ..

اخي الكريم waaaf

التجارة في مصر الان من اخطر النشاطات و اللي ممكن تضيع فلوسك اللي قعدت تحوشها طول عمرك في السعودية .. انا مش بقولك كده عشان اخوفك او اخليك ما تفتحش نشاط .. بالعكس .. افضل الانشطة التجارة .. بس لازم اقولك كده عشان تكون واخد بالك و محرص .. و عشان فعلا تكسب منها لازم :

1- صلي لله ركعتين عشان ربنا يوفقك لما يحبة و يرضاه .

2- اعمل دراسة للسوق عشان تشوف اية احسن المجالات اللي ممكن تفتح فيها .. و تكون دراسة فعليه مش اشاعات او كلام و خلاص ..

3- حاول تستعين باصحابك او معارفك و اللي لهم خبرة في التجارة و تستشيرهم و تاخد رايهم ..

4- من رايي تشوف لك حد كويس تستامنه علي مالك و يكون خبير بنشاط معين و تديه جزء من الفلوس (رأس مال) و تتابع معاه من بعيد نشاطه كل اخر شهر .. و انت خليك في مجال المحاماه ..

و ادعو الله لك التوفيق ان شاء الله ..

فيه اقتراح قد يكون مكلف بعض الشيء .. يوجد بعض المكاتب المختصة بدراسة الجدوي او الدراسات التسويقية .. ممكن الناس دي تاخد فلوس و تساعدك ..

فيه اقتراح كمان ..

فيه مؤسسة في مصر اسمها تقريبا .. "الصندوق الاجتماعي" و دي بتدي قروض ربوية بس مش لازم تاخد منهم فلوس احضر الدورات اللي بيعملوها لانهم بيجيبوا ناس متخصصة و بيعرضوا افكار ممتاااااااازة للشباب عشان يعملوها و ياخدوا منهم قروض .. بالاضافة الي الي انهم بيتابعوا الشباب بعد القرض .. هذا و الله اعلم ..

و احب اقولك علي اخر حاجة ..

طريق التجارة مش سهل .. يعني لازم تعب و سهر و خسارة و مكسب .. يعني عاوز مثابرة .. و ثبات عزيمة .. و كل اما تقع .. لازم تقف ..

و في النهاية .. ادعو الله لك التوفيق و طول ما انت بتتعب ربنا هيجازيك خير ..

تم تعديل 17 أغسطس 2008 بواسطة Amr Radwan

[waaaf]

أشكر الأستاذ عمرو رضوان