استفسار عن تاشيرة عمل الى الامارات

[محمد عيسى]

اخوانى عذرا انا عندى سؤال هل ممكن اسافر مباشرة و عى الاولاد و لا لازم اسافر قبلهم و اعمل استقدام

تمت الاجابه هنا http://www.egyptiantalks.org/invb/index.ph...mp;#entry440932

لو الواحد معه رخصة خليجى يمتحن برضة و لا استبدال

بتمتحن نظري و شارع بس .. و ده علشان تتمكن من شراء عربيه لإنك مينفعش تسجلها و مفيش معاك رخصة إماراتية .. انما انك تسوق بيها مجرد قياده اعتقد ممكن

[raniaelashry]

السلام عليكم ورحمة الله وبركاته

انا عندى استفسار بالنسبه للتأشيره

انا امتحنت تبع القوى العامله تبع شركة اسمها ابوظبي للخدمات الصحيه

ولسه بس جاتنى التاشيره من اسبوعين

هيا صورة التاشيره بس مختومه من القوى العامله والمستشار اعمالى

المشكله بقى انا لما جيت اطلع تصريح العمل فى مكتب التصاريح اخدوا منى الصورة اللى عليها اختام واعطونى صورة منها

مش عارفه بقى دي فيها مشاكل ولا ايه

انا كنت قرات رددودكم انه التاشيره الاصليه بنستلمها فى المطار ودا اللى قالهولى موظف مكتب التصاريح

بس انا خايفه لان فى ناس زمايلي سحبت التاشيره على اسكانر وسلمتها وفضلت محتفظه بالصورة طبقى الاصل اللى استلمناها من القوى العامله

ولما سالت القوى العامله ماافادونيش بحاجه

بالله عليكم طمنونى لانى خايف جدا

[محمد عيسى]

تمت الاجابة في موضوع مغتربي الامارات و ملخصها انه مفيش مشكله الصورة تكفي

[raniaelashry]

شكرا ربنا يبارك فيك

[MAKER]

لو سمحت ياجماعه عندى استفسار انا صديق اماراتى طالب منى ارسله الباسبور بتاعى عشان يبعتلى صوره من عقد العمل وعقد العمل المهنه المطلوبه فيه مشرف

وانا مش عارف هو شرط للحصول على التأشيره ان تكون المهنه الى فى الباسبور هى نفسها الى فى عقد العمل ولا يه بالضبط؟؟؟؟؟؟؟؟؟؟؟ علما انى حاصل على ليسانس ....... ؟

[Guest وائل حطب]

عاوز استفسر عن تاشيره عمل الامارات برقم الجواز

[Guest EISSA AHMED]

السلام عليكم اخوانى بالله عليكم حد يفهمنى انا معايا اذن دخول عمل الى الامارات - دبى وها ينتهى يوم 19-5-2017 ولحد انهاردة لسة الشركة ما بعتتش التذكرة وباقى يومين بس ممكن المساعده

[Guest محمد]

لو انا فى مصر وعايز احصل على تأشيرة عمل فى الامارات ولكن انا معرفش حد هناك ولا عارف اعمل يا ريت حد يقولى مع جزيل الشكر

 

[طه الحبيب]

انا اخوك معي صورة عقد كيف اوثقه من هنا في مصر هو ما عليهوش غير ختم الشركة 

[Guest عامل]

دفعت فلوس فى مكتب توظيف على اساس العمل فى شركة مقاولات صينية بالإمارات csecولى أكثر من أربعة أشهر وكل ما اسال يقولوا أصل العدد كبير وببخلصوا مرحلة مرحلة أمانة عليك عايز اعرف راسى من رجلى

[Guest اسامه]

ياجماعه انا كنت مقدم ع تاشيره عمل للامارات المهم استنيت شهريين وبعد كده عرفت ان التلشيره اترفضت . السبب ايه طيب قالك استعلام امني . انا من مصر وانا هنا مش عليا اي شبهه جنائيه اعمل ايه هو اكيد تشابه اسماء مش عارف اعمل ايه 

[Guest ندي محمد]

طيب ممكن اسأل بالنسبة للبنات ، انا ڤيزا العمل جتلي امبارح و روحت عشان استخرج تصريح العمل و لأكن طلبوا مني حاجات كتير قوي 

[mh2840253]

سلام عليكم يا جماعة انا قدمت علي سفر الامارات من شهرين والمكتب اللي انا مقدم عن طريقة كلمني وقالي تعالي اعمل البصمة . البصمة دي نظامها اية واية اللي المفروض انة يحصل بعد البصمة

[Mostafa kashlan]

انا جايلي فيزا الامارات 

ومكتب تصاريح العمل مش طلعلي التصريح لان بيقولي لازم ختم من التمثيل العمالي في الامارات والقوي العامله في القاهرة 

الحل ايه 

[Sameh elshemy]

السلام عليكم والله يا حضارات كان عنى استفسار فى شخص مصرى عرفته عن طريق شخص اماراتي فى كلمنى على موضوع شغل فى دبى وقال لى انى ها اجيب لك فيزا عمل فى مجال كاميرات المراقبة وقال لى انى مش هادفع اى فلوس غير قيمه إرسال الاوراق عبر HDL وفعلا دفعت وتم ارسالهم من فتره عن طريقه هو وبعدها قال لى ان لازم ادفع مبلغ ٥٠٠ درهم قيمة تأمين الفيزا وبعتهم فى حواله بنكيه عن طريق ويسترن وفهمنى انا المبلغ ده بيرجع لى تانى مجرد وصولى دبى وبعدها  ب ١٥ يوم قالى ان الفيزا وصلت مصر بس بتاخد وقت وإجراءات فى السفاره وفى المركز الثقافى وفى وزارة الداخليه والموضوع ده طول شويه ....ومش عارف ايه نهايته وهل فعلا ده صح ام لا  واستحلفكم بالله حد يفدنى يكون عمل فيزا من قريب 

[Sameh elshemy]

السلام عليكم والله يا حضارات كان عنى استفسار فى شخص مصرى عرفته عن طريق شخص اماراتي فى كلمنى على موضوع شغل فى دبى وقال لى انى ها اجيب لك فيزا عمل فى مجال كاميرات المراقبة وقال لى انى مش هادفع اى فلوس غير قيمه إرسال الاوراق عبر HDL وفعلا دفعت وتم ارسالهم من فتره عن طريقه هو وبعدها قال لى ان لازم ادفع مبلغ ٥٠٠ درهم قيمة تأمين الفيزا وبعتهم فى حواله بنكيه عن طريق ويسترن وفهمنى انا المبلغ ده بيرجع لى تانى مجرد وصولى دبى وبعدها  ب ١٥ يوم قالى ان الفيزا وصلت مصر بس بتاخد وقت وإجراءات فى السفاره وفى المركز الثقافى وفى وزارة الداخليه والموضوع ده طول شويه ....ومش عارف ايه نهايته وهل فعلا ده صح ام لا  واستحلفكم بالله حد يفدنى يكون عمل فيزا من قريب 

[amanyesam245]

يا جماعه لو سمحتم انا جوزي عاوز يشتري فيزه عمل حكومي للامارات هو مهندس ميكانيكا ...دي بتبقي مدتها كام وبكام ...وفين يسال عنها هل في السفاره ولا في مكاتب عمل معينه ودي بتبقي بحاولي كام سعرها ..وهل لو كانت بفتره محدده يحصل بعد الفتره علي اقامه ولا يلزموه بالمغادره

وجزاكم كل خير 

في ١٥‏/٢‏/٢٠٠٩ at 18:40, الكريم said: