حوارات لا ننساها

[iloveegypt]

هذا الحوار دار بينى وبين عم زوجتى فى جلسة الاتفاق على المهر والشبكة(ملحوظة انا كنت شغال فى شركة الكهرباء)

العم: ايوة يا بنى غرفة النوم عليك والسفرة

انا: اكيد ياعمى

العم : والكهربا

انا : اكيد على يا ياعمى انا كدة كدة هاركب العداد على حسابى

العم : عدا د ايه

انا : عداد الكهربا بتاع الشقة(طبعا كنت مغفل)

العم: يا بنى انا بتكلم على الاجهزة الكهربية

انا : معرفتش ارد حسيت انى تايه وكنت فى نص هدومى وضجت الجلسة بالضحك طبعا على ذكائى ودى كانت اول واخر جوازة فى حياتى

تم تعديل 12 أغسطس 2008 بواسطة iloveegypt

[shahd]

انا وبابا في المطبخ

بابا ماسك اسمها ايه دي اللي بيسخنو فيها اللبن بأيده من غير اي حاجة واللبن سخن

انا : بابااااااا حاااااسب اللبن يحرق ايدك

بابا ييييييييييييه ولا يهمك .. ده احنا ناس تاكل الديناميت

*****************************************

انا وبابا في العربيه ايام الكلية

انا: بابا: عايزة شيكولاته

بابا : عايزاها ايه؟؟

انا : ايه حاجة بس ما يكونش عليها تطريز

بابا: نعممممممممممم

انا: قصدي من غير اي حاجة محشية جواها سادة يعني

بابا : ان ما قلت لأخوكي .. وانتِ عماله تتريقي عليه لو غلط في كلمة :wub:

انا: :wub:

مهيب بجد موضوعك هااااااااااايل ... فكرتني بالذي مضى.. النهاردة افتكرت حاجات خفيفة ببتسم لما افتكرها

جايز بكره افتكر اكثر وجايز لأ ؟؟

ودللوقتي سلام بابا قرب يوصل

تم تعديل 13 أغسطس 2008 بواسطة شهد

[Scorpion]

اقتباس

يومآ ما حلمت بأن أبتعد بحياتي .. مخالفآ كل كلمة قالها ... مخالفآ كل أمر أنتظر مني أن أقوم به... فقط لأفتتاني بشبابي ...

و الآن .. و أنا بعيد عنه .. عندما أنظر لوجه طفلي الصغير... أريد أن أرجع للوراء لأبقي بجانبه...

الآن ... و هو في هذه السن .. لا أستطيع أن أشعره بفائدة وجودي في الحياة....

الآن .. و هو في هذ السن التي تجعل منه هو أبني ... و أنا أبوه... هربت من مسئوليتي..

و رغم هذا .. كانت أبتسامته الحانية آخر مرة تقابلنا.. و قوله لي بحكمة الشيوخ...

أعتبر ما فعلته معك و ما بذلته من أجلك .. دين ...

أوفيه مع أبنك انت ...

[ELSHAMY]

المكان المدرسه

فصل رابعه ابتدائي.ابله الدين.

-يا بنات لا زم تعرفوا ان ربنا بيحبكم،وزى ما هو بيحبكم لازم كمان تحبوه

زى ما هو بيديكم لا زم كمان تدوه عشان كده كلنا لازم نصلى.

فصل سادسه ابتدائي.ابله الرياضيات.

-يا بنات انتوا عارفين فى علامات شهريه للنشاط فى الفصل

انا الشهر دا عايزه اخليها على نشاط خارج نطاق الماده..

كل واحد يحفظ سوره الكرسي وانا حديله علامه النشاط كامله.

* ومن ساعتها وانا حافظه سوره الكرسي زى اسمى ولا يمكن انسي

الأبلتين دول طول عمرى.

اسف يا جماعة على قطع حبل أفكاركم....قصدك يا لولا " أية " الكرسى

[لولا]

المكان المدرسه

فصل رابعه ابتدائي.ابله الدين.

-يا بنات لا زم تعرفوا ان ربنا بيحبكم،وزى ما هو بيحبكم لازم كمان تحبوه

زى ما هو بيديكم لا زم كمان تدوه عشان كده كلنا لازم نصلى.

فصل سادسه ابتدائي.ابله الرياضيات.

-يا بنات انتوا عارفين فى علامات شهريه للنشاط فى الفصل

انا الشهر دا عايزه اخليها على نشاط خارج نطاق الماده..

كل واحد يحفظ سوره الكرسي وانا حديله علامه النشاط كامله.

* ومن ساعتها وانا حافظه سوره الكرسي زى اسمى ولا يمكن انسي

الأبلتين دول طول عمرى.

اسف يا جماعة على قطع حبل أفكاركم....قصدك يا لولا " أية " الكرسى

فعلا وانا صححتها خلاص. وشكرا يا دكتور.والله انا بقيت بلخبط خالص.بس الحمد الله ربنا

بيوقفلى اولاد الحلال بينقذونى من ال سهو اللى انا فيه.

الف شكر. :wub:

[لولا]

-هو" فى مواقف كتير بتتكرر فى حياتنا،بس احساسنا عمره ما يتكرر،ديما الإحساس بيبقى

احساس جديد،حتى لو كان الموقف حصل قبل كده.

-هى "تبتسم.. ايه ده بس ..انت بقيت بتفلسف الحاجات زى ؟!

-هو"افلسفها!! انا بس بقيت بحسها!!

-هو :اللحظه زى البصمه..وكل بصمه لا يمكن تكون زى التانيه.

-هى: سرحااااااااااااااانه.

[Scorpion]

المكان المدرسه

فصل سادسه ابتدائي.ابله الرياضيات.

-يا بنات انتوا عارفين فى علامات شهريه للنشاط فى الفصل

انا الشهر دا عايزه اخليها على نشاط خارج نطاق الماده..

كل واحد يحفظ ايه الكرسي وانا حديله علامه النشاط كامله.

* ومن ساعتها وانا حافظه ايه الكرسي

الفاضلة لولا العزيزة ..

هو مجرد فضول اثاره ما كتبتيه في تلك المداخلة.. مما دفعني لهذا السؤال.. هل مدرستك تلك كانت في دولة عربية ام في مصر ؟

[لولا]

-هو "انا خايف عليكى

-هى "من ايه؟

-هو "من نفسك، من مشاعرك،من حساسيتك الزايده دى من الناس حواليك!

-هى"انا عارفه ان مش كل الناس حتخاف عليه زيك . بس تعرف.

احلى حاجه انك موجود.. لما حد يأذينى حجرى عليك.بس..بعد ما اجيب حقى!

[لولا]

المكان المدرسه

فصل سادسه ابتدائي.ابله الرياضيات.

-يا بنات انتوا عارفين فى علامات شهريه للنشاط فى الفصل

انا الشهر دا عايزه اخليها على نشاط خارج نطاق الماده..

كل واحد يحفظ ايه الكرسي وانا حديله علامه النشاط كامله.

* ومن ساعتها وانا حافظه ايه الكرسي

الفاضلة لولا العزيزة ..

هو مجرد فضول اثاره ما كتبتيه في تلك المداخلة.. مما دفعني لهذا السؤال.. هل مدرستك تلك كانت في دولة عربية ام في مصر ؟

فى السعوديه..انا اتولدت فى جده وعشت كل سنين الدراسه فيها

والمدرستين دول كانوا سعوديات.

[لولا]

أنا فى جدة و "على" ابنى الصغير (4 سنوات) فى الأسكندرية

دار الحوار الأتى:

أنا: ازيك يا علوش

على: بس أنا مش لاقى الساعة بتاعتى

أنا: خلى ماما تشوفهالك فين

على: لأ تعالى انت شوفها فين

أنا: ولا حتى قلت لى وحشتنى يا بابى

على: أصل أنا مش لاقى الساعة

أنا: طب ممكن بوسة صغيرة

على: صوت بوسة...

أنا: صغيرة دى و لا كبيرة ؟

على: صغيرة و كبيرة ايه ؟ باقولك مش لاقى الساعة...

بجد بجد حوار لذيذ..الأطفال دول احلى حاجه فى الدنيا.

ربنا يخلهولك. موتنى من الضحك.

[Salwa]

موضوعك ده يامهيب بيفكرنى بموضوعك ....مؤثرات .

يعنى بتخلينا غصب عننا نرجع لكل اللى فات و..نفتكر بقى ...ربنا يستر ..على الحنين .

والحنين المرة دى لمكان الاحداث اللى حصلت ...

هو ده تخصصك ؟؟...اكيد يعنى .

- ..انتى ليه مصممة تفضلى بعيد ..طيب سبينى نكلمك شوية عن نفسى ....طيب جربى تكلمينى ..احنا قاعدين مع بعض بس انتى دايما مطنشانى ليه ؟؟ انى حنتجوزك يعنى حنتجوزك ...العيلة كلها موافقة ..قالولى اقنعها انت ....طيب بلاش تتكلمى حنتكلم انا ..نكون مش عاجبك ؟؟ مركزى زى مانتى عارفة ميتعيبش وانتى ادرى .....ههههه.....يمكن علشان اسمر شوية ؟؟ ده من الشمس والبحر ... بس انتى عاجبانى ...و بكرة تشوفى ...حاتحبينى ...اصل انى نتحب بجد يعنى ....طيب لو انتى جدعة متضحكيش ...طيب بتدورى وشك ليه ؟؟ انا بقى راجل عصامى وابويا كمان راجل عصامى .. ...عندنا بيت ملك .. .و.عندنا جنينة صغيرة ..وعندى كلب روسى ..بحبه قوى ..وهو بيحب العسل ...بتضحكى ليه ؟؟ طيب والله الكلب بتاعى غاوى العسل الاسود ...كلب بقى ...غريب زى صاحبه ..!!!بتضحكى على ايه ؟؟ ههههه طيب اضحكى اضحكى ....طيب نعلن الخطوبة امتى ؟؟ ...انى اول ما شفتك قلت دى بتاعتى ..طيب والله العظيم انى حلمت بيكى قبل ما نشوفك ...انى شفتك فى احلامى ..بكرة تشوفى ؟؟ انى عايزك وبكرة تشوفى ....تتجوزينى بقى ؟؟..صحيح الكلام اللى قاله اخوكى ؟؟ واحدة صاحبتك سابت خطيبها علشان معجبتهاش الكرافتة بتاعته ؟؟ افهم بس ؟؟ صاحبتك دى زينا كدة ؟؟ هم اصحابك دول عايشين معانا على الارض يعنى ؟؟ طيب بتضحكى ليه ؟؟ طيب اضحكى اضحكى ؟؟ اوعى تكونى زى صاحبتك ؟؟ ...انى لو واحدة تقوللى ان مش عاجبها الكرافتة بتاعتى ...(( اقلع الكرافتة على طول )) ..ههههه..انا مبنحبش الكرافتات ...زى مانتى شايفة كدة ...اوعى تفتكرى ان علشان احنا على الشط ...انا بنقضى الصيف كله كدة ...الشورت والفانلة وآخد فردة الراكت ...احتياطى ...على اى شاطئ العب مع اصحابى والمهم بالراكت بتاعى ...عارفة بندمر كام كورة فى الماتش ؟؟ .هههههههه...باين عليا صح؟؟

بتلعبى راكت ؟؟ بس مش راكت فافى من بتاعكم ...لما نكتب الكتاب حاتبقى اجدع واحدة فى الراكت ....

...طيب بذمتك ...بصى فى عينية ؟؟ مش انى عينية فرحانة لانها شايفاكى ؟؟..طيب لما نتجوز حانسمى الولاد ايه ؟؟ مش كان شرطك يكون العريس اسكندرانى ؟؟ اخوكى قاللى ..هو راهننى ...قاللى لو انت جدع اقنعها ...واراهنك انها مش حاتوافق ... طيب انى اسكندرانى للجد العشرتاشر ..وجدع قوى ..ومش حاتلاقى حد فى الدنيا يحبك ادى ..

وبكرة نفكرك ؟؟ ..الضحكة بقت ابتسامة ...يعنى موافقة ؟؟ طيب اتكسفتى ليه ؟؟

شهرين بنتحايل عليكى ..قولى حاجة ...!!!..مكسوفة ..!!..اتكسفتى صح ؟؟

- متكسفتش ...بنستغرب ...انت بتتكلم كتير قوى ..انت خطبتنى وكتبت الكتاب وكله ..ولو كنت اعرف انك هنا مكنتش جيت ...

- والله انا خجول .. هو انا قلت حاجة ....حاتتجوزينى بقى ؟؟

طيب جربى ....طيب نعمل خطوبة وبكرة نفكرك ...حاتجرى ورايا ومتقدريش على بعادى ..

- الاحلام متضرش .

- طيب جربينى ووافقى ....ايوة كدة اضحكى .. ؟؟

- انا عارفة انك انسان صادق ...لكن ؟؟ سيبنى افكر ..

- بلاش ...بلاش تفكرى ...خلينا كدة كويس ..ولو بعد تسعين سنة مش حانتغير وحنفضل نحبك زى دلوقت ..نقول لنفسى مبروك ؟؟ قصدى لنا ..؟؟....مبروك علينا .

- ههههههه..

[مهيب]

مدام سلوى .. أنا بجد مش لاقى كلام .. انتى حلوة قوى .. قوى .. ربنا يوهبك السعادة .. و كل الخير .. انى بقى اللى بنحبك قوى .. ايه رأيك ؟

أنا مش قادر أعلق .. ايه الكلام اللى ممكن الواحد يقوله فيدخل على قلبك شوية انبساط ولو قليلين .. مش عارف .

مهيب

[لولا]

- حاسس انى بسأل كتير مش كده؟

- بالعكس. انا بحب كل اسئلتك..كل كلامك.

-عارف الحياه اصلا كلها أسئله! صدقنى.. أسئله كتير بتتخانق جوانا..

بتطلع وساعتها نبدأ نجاوب..نبدأ رحل الإختيار،بين اللى عايزينه، واللى بنرفضه.

تم تعديل 12 أغسطس 2008 بواسطة لولا

[لولا]

- بابا: لما تقرى الكتاب لازم تقريه بلذه..بنشوه! اتعاملى مع الكتاب بحب،عشان هو كمان يحبك!

القرايه دى مش وظيفه يالولو عشان بس توصلنا للى عايزينه.. القرايه علاقه مقدسه جميله..

صداقه من نوع فريد جدا.

-انا: مردتش ساعتها..كنت بخزن الكلام جوايا عشان مكنتش عايزه انساه طول عمرى.

[لولا]

- بابا : بصوا ياولاد ابويا مكنش انسان متعلم زى ورغم كده اوعوا تفتكروا ان دا خلاه يربينى

بطريقه غير اللى بربيكم عليها. المسأله مش انت اتعلمت كام سنه..لكن المسأله انتوا جوا دماغكم ايه.

توفيق الحكيم كان بيقول"اعمل عقلك أكثر من وعيك لأن إعمال العقل أكثر أهميه من إعمال الوعى)

يعنى فكروا..استوعبوا ان بتعملوا ايه..بتقولو ايه..جوا كل واحد فيكم حاجات مميزه..

انتم كلكم مميزين فى نظرى..دورو جواكم..حتلاقوا حاجات كتير. انتوا بس اللى تقدرو تكتشفوها.

كلام بابا كان كتير..نفسي بس اعرف اقوله بنفس طريقته.وان كنت بحاول.

[bentmasria]

ماما هو ربنا موجود

طبعا

طيب موش بيكلمنى ليه

انا كل يوم بكلمه واقوله حاجات كتير

بتقوله ايه

بقوله يجيب لى بابايا حبة صغننة بس

وموش يخليكى تموتى انتى جميلة وانا حقوله انك تخفى وهو حيسمع كلامى

بس ربنا بيحبنا ومعانا دايما يا حبيبى ودايما بيسمع كلامك لو بس طلبت منه

يعنى ايه طلبت

يعنى قلت

ماما هو فين عنيه

موجودين بس انت ماتقدرش تشوفهم

طب بيسمع ازاى هو عنده ودان

لا ياحبيبى هو بيسمعك وبيشوفك بس انت ماتقدرش تشوفه

انا عاوز اشوفه

حاضر لما تكبر شوية

يعنى انتى بتشوفيه

طبعا

طيب بتشوفى بابا

ايوه

طيب قوليله يجيلى شوية ويجيب لى بيت النينجا

[galaxy]

الفاضل دكتور الشامي :wub: ..............ربنايبارك لك فيه ........بجد منتهي البراءة ..براءة اضحكتني من قلبي فعلا. :happy:

ماما سلوي. :wub: .............احلي حاجه في الدنيا.........ياااااااه.........اجمل احساس ...........بجد ربنا يخليكوا لبعض وانا كمان بنحبوكي .......انا مش اسكندرانيه صحيح بس بجد بجد بنحبوكي اوي اوي اوي ........بس اكييييد مش قده

الغاليه بنت مصريه ...........لا املك امام هذم البراءة والعبارات الطفوليه الصادقه الا الابتسام بأعين دامعه.......تقبلي تحياتي وتقديري .

[الباشدكتور]

ماما: كل يا حبيبي انت ماكلتش حاجة

لا والله يا ماما الحمد لله

يابني انت اكلتك قلت خالص

انا برضة ده انتي اللي مكلتيش حاجة

انا باشبع لما انت بتاكل

حوار مكرر 3 مرات في اليوم

[الباشدكتور]

انا: بنتعب 10 و بنكسب 1 ولو تعبنا 11 هنكسب 20

الخطوة اللي زيادة عن العادي هي التفوق

هو : بس يالاااااااا

[الباشدكتور]

بعد مرض والدي

انا : ممكن يا عمو تيجي معايا للسمسار علشان نبيع الارض احسن ده مستصغرني

هو : انا فدماغي موضوعين دلوقتي متخليهمش يبقوا 3

مع انه كان عمو