حوارات لا ننساها

[shahd]

طفلة ضلت الطريق الى المنزل يجدها شاب في الطريق

الشاب: بيتكم فين؟؟

الطفلة= بيتنا باب كبير

الشاب : ده

الطفلة: لأ

الشاب : ولا هنا

الطفلة = لأ

الطفلة: انت بتشتغل ايه

الشاب= انا بشتغل طيار وانت في سنة كام

الطفله= انا عايزة اطلع دكتور جراحة قلب

الشاب والطفلة مش لأقين البيت

الشاب = طيب ايه رأيك اخدك بيتنا لحاد ما نلاقي اهلك

الطفله = تعييييييييييييط .. لألأ عايزة اروح بيتنا

الشاب= ما تعيطيش ماتخافيش

[مصرى لم يندثر أثره]

إبنى (كان عمره 3 سنين) وهو يشير إلى رجله خلف ركبته اليمنى ويتألم: بابى إلحقنى

أنا: مالك يا يوسف؟

يوسف: الحتة دى بتوجعنى أوى

أنا: إسمها إيه الحتة دى؟

يوسف (بعد تفكير): باط رجلى !!

فيها نسبه عاليه من الذكااااء والله لما قرأتها طلعتنى من حاله صعبه

ورسمت على ثغرى ابتسامه لتلقائية هذا الطفل ماشاء الله لاقوة الا بالله

ربنا يحفظه

[السويفي]

في المستشفي من عشرتاشر سنه

الدكتور :عندك ايه يا حبيبي؟؟؟؟

انا : :rolleyes:

الدكتور :مش عارف عندك ايه ؟؟؟؟ طب انت حاسس بأيه؟؟

الاب : هو عندو...... الدكتور يقاطعه ...انا عاوزه هو الى يقول

انا : انا عندي تحليل wst::

الدكتور : :blink: :blink: ايه ياحبيبي

انا : بقلك عندي تحليل

الاب يتدارك الموقف اخيرا......معلش هو عنده اسهال :wub: :wub:

[الباشدكتور]

هي طفلة في اولي ابتدائي :ماما ينفع احضر الشنطة قبل ما انام علشان ما أتأخرش بكرة عن المدرسة

مامتها: ماشي

هي : طيب ممكن تعمليلي السندويتشات

مامتها : حاضر

هي : وممكن البس لبس المدرسة وانام بيه

مامتها : لا

هي : والنبي والنبي

مامتها : طيب ماشي

هي : طيب ينفع اصلي الصبح

[لولا]

-بخاف احلم انى بطير افتح عنيه اسمع صوت الواقع.. انت عارف ممكن يحصل ايه لو فتحت عنيك وانت بتطير.. ممكن تقع.. تتكسر رقبتك وتتفتفت مليوووووووون حته.

-مكنش بقى حلم ! الحلم احنا بس اللى بنتحكم فيه. بنحدد كل لحظه فيه، اللحظة اللى تيجى واللحظة الى متجيش. دا مملكة احنا بس اللى بنعيش فيها .

-على فكرة انت مجنون بجد.

- وانت كنت فاكره ايه من الأول ؟!!

[لولا]

-بيقولو الشتا ليه لون والصيف ليه لون

-وبيقولو كمان الشتا ليه مزيكا والصيف ليه مزيكا

- بس انا بحب الشتا اكتر .. لأ انا بحب الشتا بس وبستنى انزل مصر فى الشتا.

-فاكرة النيل بيبقى عامل ازاى فى الشتا..

-فاكرة حاجات كتير بتبقى ازاى فى الشتا

كل حاجه بيبقالها طعم تانى حتى طبق شوربه فى كفتريا صغيره بيحسسك انك

اغنى واحد فى الدنيا.

[لولا]

-ازاى بتفتكرى كل الحاجات دى؟

-انا مبفتكرش حاجه .. انا اصلا منستش حاجه !

الذكريات بتعيش جوانا..ممكن تبقى ساعات غرقانه وسط الضباب

بس عارف الضباب دا مفيد جدا ..ساعات بيوحى بالسلام.

[لولا]

-ساعات الواحد مبيعرفش هو بيحب نفسه ولا بيكرهها ؟!!

-سدقينى حتتعبى لو ديما حتفكرى كدا.

-يعنى لو مفكرتش كدا حرتاح ؟

-نوعا ما .. سيبى نفسك للحياه.. لما الحياة توقعك سيبى نفسك ..

-ولما اسيب نفسي حيحصل ايه؟

-حترجعى تقفى تانى..

-بس ححس بألم صح ؟؟

-ممكن ..

-طب كويس يبقى ممكن اكرر الموضوع كذا مره.. اصل ساعات مش كفايه

نحس بالألم مرة وحده.. مبتبقاش كفايه !

[لولا]

-على فكرة عرفت الأغنية الى بتقول الدنيا ريشه فى هوا بتقول كده ليه.

-طب بتقول كده ليه ؟

- عشان فعلا الدنيا ريشه فى هوا ... !!!!!!

[لولا]

-على فكرة احنا مش عايشين عشان بنتنفس وبس.

-امال ايه يا فيلسوفه؟؟!!

-احنا عايشين عشان لما بنحتاج نتنفس بنتنفس!

[لولا]

-لا اعرف ما ذنب هؤلاء الأبرياء ليموتو بهذه الطريقة ؟اى عصر هذا الذى نحياه؟!

- هذا عصر جديد يا عزيزى 00 اسمه عصر الريس مبارك00 عصر الغابه

وكلنا سنقتل يوما 00المسألة اننا فقط نقف فى الطابور ننتظر دورنا فى التصفيه

الجسديه0

هذا رغم اننا مقتولين من داخلنا0

قتلو كل المعانى واصبحنا برخص العدم اللاشيئ وليس حتى التراب!!!

[قمرين]

موضوع جميل اوي وخصوصا محادثة الاستاذ الشامي مع والدته(الله يرحمها)اثرت فيا اوي وخلت عنيا دمعت اوي..

اما انا عن نفسي ففي حوارات كتييييييييييييييييييييييييييير مش بنساها احاول اجمع شويه واكتبهم

[قمرين]

هي طفلة في اولي ابتدائي :ماما ينفع احضر الشنطة قبل ما انام علشان ما أتأخرش بكرة عن المدرسة

مامتها: ماشي

هي : طيب ممكن تعمليلي السندويتشات

مامتها : حاضر

هي : وممكن البس لبس المدرسة وانام بيه

مامتها : لا

هي : والنبي والنبي

مامتها : طيب ماشي

هي : طيب ينفع اصلي الصبح

ضحكني الحوار العسل ده الاطفال فعلا عالم تاني من البراءه

[قمرين]

موقف من 4 سنين عمري ماهنساه لبابا حبيبي وهو تعبان اوي وفي المستشفى نايم في السرير

بابا:اسمعي الكلام يابنتي ياحبيبتي روحي مع مامتك وحماتك وحماكي وهاتوا الشبكه انا حاسس اني هبقى كويس لما اشوف شبكتك

انا:يابابا مينفعش انا مش هقدر اروح ولا افرح وانت تعبان

بابا:عشان خاطري لو بتحبيني

وبعد الحاح منه رحنا جبنهاها ورجعنا بيها على المستشفى عشان نوريها لبابا

بابا بيفتح العلبه وبيتفرج

بابا:مبروك ياحبيبة بابا(وعنيه كلها دموع)

ربنا يخليك ليا يااجمل واحن اب في الدنيا ويديك الصحه يااااااااااااااااارب

[الباشمهندس ياسر]

-هى : شفت تهامى بيقول عليا ايه فى الموضوع بتاع الحوارات

-هو : تهامى مين ؟

-هى:دكتور تهامى بتاعى كنداااااااااااااااااا

-هو: ايوه عرفته .. انتى محسسانى ان الناس دى زى ما يكونوا الجيران مثلا!!

-هو : بيقول ايه بقى ؟

-هى : بيقول عليا عيانه بالمنتدى .. وياريت كده وخلاص ، دا بيقولى انى سبت قهوه

حسام وانى كنت صبى قهوجى هنا ودلوقت غيرت القهوه لهنا

.. تخيل بيقول كده وانا اللى كنت شريكه فيها على راى حسام الله يذكره بالخير

-هو : بصى يا بنتى .. انتى حتاخدى على كلام تهامى .. ما انتى عارفه دا راجل

شغال فى البحر وفى بريمه يعنى ربنا يكون فى عونه ..الناس دى من كتر عزلتها

وابتعادها عن الناس بيبقى كلامها كده دبش شويه

بس اكيد مش قصده اذا كان هو نفسه فاتح قهوه هناك فى توبيك كندا وشغال خدمه

على الزباين

-هى : والله ليك حق .. انا حروح اقوله اللى بيته من قزاز ميحدفش الناس بالطوب :closedeyes:

-هو: وانت فكره حيسكت .. دا لسانه متبرى منه

-هى : انت حتقولى ما انا عارفه ..اول حاجه حينط يقولى انا على الأقل بخدم فى القهوه

بتاعتى مش عند الناس.

بس انا طبعا مش حسكت حرد عليه وأقوله.. قهوه ايه يا بو قهوه..القهاوى هنا ملك الحكومه

ولا انت عشان حاطط اسمك على الباب سدقت نفسك .

اللهم لا شماااااااااته يالى فى بااااااااااااالى

وعموما يا لولا

مش كل بتوع البترول مسقطين يعنى

[لولا]

-هى : شفت تهامى بيقول عليا ايه فى الموضوع بتاع الحوارات

-هو : تهامى مين ؟

-هى:دكتور تهامى بتاعى كنداااااااااااااااااا

-هو: ايوه عرفته .. انتى محسسانى ان الناس دى زى ما يكونوا الجيران مثلا!!

-هو : بيقول ايه بقى ؟

-هى : بيقول عليا عيانه بالمنتدى .. وياريت كده وخلاص ، دا بيقولى انى سبت قهوه

حسام وانى كنت صبى قهوجى هنا ودلوقت غيرت القهوه لهنا

.. تخيل بيقول كده وانا اللى كنت شريكه فيها على راى حسام الله يذكره بالخير

-هو : بصى يا بنتى .. انتى حتاخدى على كلام تهامى .. ما انتى عارفه دا راجل

شغال فى البحر وفى بريمه يعنى ربنا يكون فى عونه ..الناس دى من كتر عزلتها

وابتعادها عن الناس بيبقى كلامها كده دبش شويه

بس اكيد مش قصده اذا كان هو نفسه فاتح قهوه هناك فى توبيك كندا وشغال خدمه

على الزباين

-هى : والله ليك حق .. انا حروح اقوله اللى بيته من قزاز ميحدفش الناس بالطوب :big_boss:

-هو: وانت فكره حيسكت .. دا لسانه متبرى منه mf_p:

-هى : انت حتقولى ما انا عارفه ..اول حاجه حينط يقولى انا على الأقل بخدم فى القهوه

بتاعتى مش عند الناس.

بس انا طبعا مش حسكت حرد عليه وأقوله.. قهوه ايه يا بو قهوه..القهاوى هنا ملك الحكومه

ولا انت عشان حاطط اسمك على الباب سدقت نفسك . bnd5::

اللهم لا شماااااااااته يالى فى بااااااااااااالى

وعموما يا لولا

مش كل بتوع البترول مسقطين يعنى

انا مش فاهمة حاجه smk:

[bentmasria]

وحشتينى

وانتى كمان يا اغلى الحبايب

عاملة ايه

بقاوح بجد وكلى رضا بقضاء الله

محتاجة اشوفك وف نفس الوقت موش قادرة اسيب حبيبى اللى هنا والوقت ضيق

خليكى جنبه وكفاية قلبك معايا بس اكيد باذن الله حشوفك قريب

اكيد وبوسيلى مادا

عنيا يا أغلى الناس

ما تنسينيش بدعواتك هناك

عمرى ما بنساكى

ربنا ما يحرمنيش منك ابدا

يا اغلى الاخوات

ترجعى لنا بالف سلامه :blink:

[لولا]

-خايف من المستقبل

-وخوفك حيغير حاجه؟

-الخوف بيخلينا حريصين فى كل كل حاجه..محدش عارف بكره مخبى ايه.

-الحرص ليه أشكال وانواع والوان.. تفتكر الحياة مستحمله نطبق عليها

كل دا ؟ نخنقها بكام شكل، ونوع ، ولون.

-الخوف ..الحرص بيخلينا نتقدم اكتر فى الحياة..شيئ ضرورى

-أقولك على حاجه.. طير .. افتح جناحينك وطير..خد نفس عميييييق وطير

طير فوق الحياة..خد منها اللى يعجبك.. لو طرت جواها حتتخنق!!

[~Heba~]

انا و سيلفيا sylvia

اليوم>>قبل رمضان الحالى بخمس ايام

الساعة>> حوالى 9 و خمس دقائق

المشهد>>هبه و سيلفيا - زميلة مسيحية - داخلين قاعة التدريب و كل واحدة قعدت على جهازها الشخصى

سيلفيا : صباح الخير يا هبه

هبه : صباح الخير يا سولى

سيلفيا : كل سنة و انتى طيبة

هبه : بمناسبة ايه

سيلفيا : رمضان قرب

هبه : ايوة صحيح دى الايام بتجرى بسرعة بس لسة فاضل خمسة ايام

سيلفيا : انا قلت اهنيكى بيه من دلوقتى عشان منساش

هبه: تسلمى يا حبيبتى كل سنة و انتى طيبة

سيلفيا : مش هتروّحى تاخديلك كام يوم من رمضان فى

هبه : هروح ان شاء الله فى آخر رمضان اخدلى ييجى 4 ايام منه فى بيتنا

سيفيا : يااااه فى آخره بعيد اوى

هبه : يا ستى الايام بتعدى بسرعة

هبه : المواعيد حتتغير فى رمضان مش كده

سيلفيا : اه فيه اعلان متعلق برة المواعيد حتبقى من 9 و نص ل 2 و نص

هبه : و البريك حيقل مش كده حيبقى عشر دقايق بدل ساعة

سيلفيا : لا مش معقول حيقل....عشر دقايق قليلة

هبه : يا ستى تلحقوا تاكلوا فيها شيبسى

سيلفيا : لا برضو مش كفاية انا بروح البيت احيانا

هبه : هو اصلا المفروض ميغيروش المواعيد فى رمضان لاننا بنخلص الساعة 3 و الواحد قدامه 4 ساعات بحالهم على ما ييجى وقت الفطار

سيلفيا : هو المغرب بيأذن الساعة كام

هبه : حوالى 7 و وشوية

سلفيا : ياااااه بعيد اوى

هبه : ده عشان التوقيت الصيفى و النهار بيبقى طويل فى الصيف

سيلفيا : على كده الصيام بيبقى صعب فى الصيف

هبه : آه بس مسموح بالافطار احيانا على حسب المقدرة

سيلفيا : و المسافر بيفطر كمان صح

هبه : آه بس مش اى مسافر منا اهوه مسافرة انما بقالى هنا اكثر من 3 ايام و بقيت زى اهل اسيوط و اصوم معاهم

[لولا]

- حسنا تظنين انى مجنون؟!

-لتقل انى اكتشفت انك مجنون!

-وان يكن ؟؟!!

-لو كنت اعرف لتجنبت الغرق فى بحر من الجنون!

يكفينى جنونى وحدى !

-المشكلة ليست فى الجنون.. المشكلة ان الجنون مظهر من مظاهر العقل!

-حسنا احاديث الفلسفة تتطور يوما عن يوما... احيانا اتعجب كيف نفهم بعضنا؟!