لطفك يـــــــا رب...؟؟!!!!!

[بنت شعنونة]

المكان المنصورة

حديث دار بيني وبين احد اولاد عمامي

كنا بنتكلم عن انه لازم يتجوز وكدا عشان مامته بتدورله على عروسة وهوا مش راضي بتاااااااتا يتجوز اصلا

وبعدين قالي

يا بنتي الجواز اسسسسسهل شيء في البلد دي

!!!!!

ازاي يا ابني

قام حكالي القصة دي عن 2 اصحابه

واحد منهم اهله في الخليج وبيبعتوله فلوس كتييييير عشان هوا الحيلة

وعايش هنا في شقة ملك لوحده

وهااااااااايص,,,,,,,,

ازاي بقى

كل ما تعجبه بنت

يروح يتقدملها رسمي

اهل البنت يقولوه طب هات اهلك

يقوم يقلهم اهلي في الخليج ومش ها يجيوا قبل سنة

بس اخويا الكبير موجود

يقولوله ماشي

يروح جايب صاحبه التاني دا ورايحين على انه اخوا الكبير ويتقدموا للبنت ويلبسوا دبل مؤقتا على بال ما اهل الولد يرجعوا من الخليج يقوموا يعملوا خطوبة رسمي

وما فيش مانع من هدية دهب حلوة كدا بالمناسبة دي

ويبتدي يدخل ويخرج معاها على حس الدبلة دي

ويجرب حظه معاها

استاجابت له تحت مسمى الحب او انه "هــــــــــــا" يبقى "جوزهااااا"

او اي مسمى

ووقعت الفاس في الراس وخد منها اللي عايزة

يروح سايبها بحجة انه ما يقبلش انه يتجوز بنت سلمت نفسها مرة!!!!!!!

وطبعا البنت بتسكت وماتجيبش سيرة عشان اهلها ما يقتلوهاش

اما لو ما استاجابتش ليه

بيسبها بعدها تحت اي حجة او خناقة مفتعلة

والله انا سمعت الكلام دا وكان برج من نافوخي ها يطييييييييير؟؟؟؟؟

في كداااا في الدنيا

ابن عمي قطع علاقتة بالولدين دول من القرف اللي هما فيه دا

بس انا لسا لحد دلوقتي مصعووووووقه من الكلام دا

وتقولولنا خااااااايفييييييين لييييييييييييييييييييه؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!؟؟!!!!!!!

[Proud Muslim]

لا حول و لا قوة الا بالله العلي العظيم !!

لا أصدق أن هذه النوعية من الشباب موجودة !!

كنت أظن أن تلك القصص نوع من التلفيق و لكن يبدو أنها موجودة فعلا !!!

بس هؤلاء الشباب ينسون شيء مهم جدا .. أنه كما تدين تدان .. و الأيام دول ..

بكرة لما يلاقي زوجته أو بنته أو أخته تفعل نفس الشيء و يغرر بها شاب ..سيبكي دما .. و الله دما ..

بس كلمة حق .. اللي تستيجب لشاب مثل هذا .. يبقى تستاهل اللي يحصل لها ..

لأن المشكلة الحقيقية أن بعض الناس لم يعودا يعرفون حدود الخطوبة و العلاقة بين الخاطب و خطيبته .. لا من ناحية دين و لا عرف و لا تقاليد و لا أي حاجة ..

و الأهل .. معلش معلش الدنيا اتغيرت .. خليها تتجوز و تتستر !!

تتستر !! طيب أهي هاتتستر أحسن سترة !!

سبحان الله ..

ربنا يهدينا جميعا .

[الطفشان]

صدق

الدنيا فيها بلاوي

بس نسبتها ايه؟

مش دة الغالب

دة زي ما نسمع عن سفاح او رية و سكينة او غيرهم

ظاهرة محدودة جدا لكن تهويل الناس و تداول اخبارهم بيديهم حجم اكبر من حجمهم الحقيقي

الغلط على مين؟

على الناس اللي يقبلوا بنتهم تتخطب لواحد ما يعرفوش عنه حاجة

مافيش اي سابق معرفة

و لا سمعة

و لا صديق مشترك

و لا اي شئ

و بعدين تخرج معاه؟

الغلط غلطهم طبعا

واحد من الشارع

و معاه واحد بيقول اخوه

لا لا لا

اللي يقبل بكدة يبقى واقع بقى و خايف البنت تبور يبقى يجوزها اي واحد

فين حساب العواقب؟

اي واحد كدة تديه البنت؟

[Masrawy Abroad]

استغفر الله العظيم

انتي يا شانا ماعندكيش غير أمثلة والعياذ بالله تصيب باكتئاب مزمن !! الدنيا مش كده أبداً...وزي ما فيه الوحش برضه فيه الكويس وهو الأكثر.... ولكن جرت العادة ان الشيء الوحش دائما هو الملحوظ واللي الناس بتاخد بالها منه....

طول مانتي خايفة كده...وبتنظري إلى الجانب المظلم من القمر فلن تتحركي أنملة.... فلنأخد هذه الأمور عبرة وعظة....ولا نجعلها تعطل المسيرة وليكن تفكيرنا ايجابي positive thinking ..

ماشيطان إلا بني آدم وهذا البني آدم شيطان...وكمان البنات اللي بتطاوعه على أمر ذي ده...بنات ضعيفات النفوس واتبعوا أهواء الشيطان (أنا لا أراهم ضحايا أو مغدور بهم بل هم شيطانات أيضا)...

وإذا كان الشيء بالشيء يذكر (فهناك بنات ألعن من ذلك الشقي التعيس).....لي اصدقاء دكاترة وبيحكوا لي على ما وصلت اليه بعض البنات من قلة حياء ووقاحة وانحراف ومن تحايل على جوازات تمت وأخد فيها العريس (وما أكثرهم) أكبر مقلب في حياته...

يكفي ان أقول أن زميل لي كان يتدرب عند دكتور وكان للأسف ليه في سكة العمليات إياها وكان يقول ان هناك فتيات كانت تحضر للعيادة وتطلب اجراء العملية بكل وقاحة وعين باردة كأنها رايحة كوافير تعمل شعرها...ومنهم من أجرى الجراحة أكثر من مرة وتأتي كل مرة وهي تقول للدكتور...(معلش يا دكتور أخر مرة خلاص حرمت)!!

(الصراحة مش لاقي وشوش معبرة خالص بقى)

[بنت شعنونة]

انت مستقصدني ليه بس يا مصراوي "وش عنده اكتئاب بجد"

انا بكتب النماذج دي مش عشان اكئب حد

وانما عشان نحرص

اكيد الناس اللي اتبلت البلوة دي ماكانوش متوقعين كدا وكانوا على نياتهم جدااااااااا

وتلاقيهم يا عيني قالوا ان الواد داخل من الباب وكدا يبقى غرضة شريف

بيني وبينك

انا لو ام

بجد والله كان ممكن اقع في المقلب دا بمنتهى السهوووولة

عشان كدا قلت اكتبها

اعرفكم واعرف نفسي معاكم نتفادي حاجا زي كدا ازاي...

اما موضوع البنات والعمليات اللي قلت عليها

ف بحكم عملي اعرف قصص عجب فعلا

"وش من غير وش من كتر الأكتئاب "

[بنت شعنونة]

الغلط على مين؟  

على الناس اللي يقبلوا بنتهم تتخطب لواحد ما يعرفوش عنه حاجة  

مافيش اي سابق معرفة  

و لا سمعة  

و لا صديق مشترك  

و لا اي شئ  

و بعدين تخرج معاه؟  

استاذ طفشان انا قلت كدا زيك تمااااااام

وكان رده ان الولد عنده شقة وعربية وفي كلية كويسة وسمعته وسط الناس انه في حاله وانه بيخطب كتييييير لكن مافيش نصييييييييب

طب الناس ها تعمل ايه اكتر من كدا بقى؟؟

ينجموا انه بيعمل كدا؟؟

[Masrawy Abroad]

مش قصدي والله يا شانا...هي جت كده....امسحيها فيا

(وش محروق)

معلش...وانتي عارف ان الكلام أخد من غير عطا..

(وش بيطلع لسانه)

إنما الشباب ما شاء الله مصهلل في مصر يعني...دا الساعة داخلة على 6 الصبح عندكم...

(وش فيه حب شباب)

[بنت شعنونة]

هههههههههههههه

اااااااه ياني :)

والله انت مشكلة يا اخ مصراوي

من غير رممممممممي كلالالالام

عندي شغل الساعا 7 ولازم افضل صاحياااااااله

ف مجبر اخاك لا بطلللل يعني "وش محرج" " وش بيحدف طووووب ع الناس"

:)

[الطفشان]

وكان رده ان الولد عنده شقة وعربية وفي كلية كويسة وسمعته وسط الناس انه في حاله وانه بيخطب كتييييير لكن   مافيش نصييييييييب

مش عذر

ادي بنتي لواحد ماعرفش عنه حاجة؟

واحد مجهول؟

مافيش مثلا اهل له؟

صحاب العيلة فين؟

شغل ابوه (قبل ما يسافر مثلا)؟

سمعته في الكلية؟

هل فعلا له اخ اكبر لما نسال عليه؟

و بصيت للماديات بس (شقة و عربية)؟

و مابيشتغلش كمان و لسه طالب؟

لا لا لا لا

الموضوع غلط من اوله

و ما بني على غلط فهو غلط

[crossfield]

بيخطب كتييييير لكن مافيش نصييييييييب

و ده أدعى للقلق .واضح ان الناس فلوسها كتيرة و مش عارفة تعمل بيها ايه بدليل اللى لسه طالب فى الجامعة ده و رايح يخطب مرة و اتنين و للأسف فى ناس كتير عايزة تزيح بناتها و خلاص و أهو ضل راجل و لا ضل حيطة

وش واحد مرارته ورمت و بعدين اتفقعت .

[Cleo]

جزاك الله خير يا شانا على تحذيرك...

يا ريت فعلا الناس تاخذ حذرها ..ز مش أى واحد يقول "أنا قصدى شريف" يبقى عمر الشريف... "وش سمج"

حكاية بيخطب كتير و مافيش نصيب دى فعلا تقلق لأن ممكن يكون معناها إنه مستهتر و مش مقدر لمسئولية خطوبة و جواز.. أو يكون أهل البنات دول اكتشفوا عنه حاجة وحشة...

لكن الظاهر فعلا أهالى البنات دول عنيهم زغللت على الفلوس فقالوا يبيعوا مادام الدفع فورى....

أهى جاتلهم فى المرتجع...

[se_ Elsyed]

مشكلة شعنونة .. انها عاشت فترة طويلة بره مصر .. وفى مجتمع مغلق زى السعودية .. وعلى هذا الأساس هي معتقده أن كل الناس طيبين زيها .

يا شعنونيتنا .. الدنيا مليانه نماذج مختلفة من البشر .. ولو جينا للمجتمع المصري هنلاقي إن الحمد لله الخير لسه موجود والناس الطيبين ماليين الدنيا .... ولا ننكر أن هناك نماذج فاسدة زى اللى قولتيلنا عليه ده ... وهنا بأه لا بد أن تنذكر المقولة الشهيرة " سوء الظن من حسن الفطن " يعني بالبلدي كده إن فى مسائل الزواج والعلاقات الأسرية اللى زي دى الواحد مايفتحش بيته لك من هب ودب وواحد ييجي يقولي ده أخويا وأنا اهلي عايشين فى الخليج نقوم نقول له أنعم وأكرم وأتفضل أدخل يا حاج ، لأ لازم نسأل عنه مره وأتنين ونوعي بنتنا إزاى تتعامل معاه - فى حالة الشروع فى الخطوبة - وهذا كله فى إطار ديننا الأسلامي الحنيف الذى لم يترك شارده ولا وارده من أمور الحياه إلا علمها لنا.

واللى يشذ عن ذلك يبقى يستاهل اللى يجرى له علشان يكون عبره ونموذج حي للآخرين .

[Cleo]

يا بنتي الجواز اسسسسسهل شيء في البلد دي

!!!!!

ازاي يا ابني

قام حكالي القصة دي عن 2 اصحابه

واحد منهم اهله في الخليج وبيبعتوله فلوس كتييييير عشان هوا الحيلة

وعايش هنا في شقة ملك لوحده

وهااااااااايص,,,,,,,,

ازاي بقى

كل ما تعجبه بنت

يروح يتقدملها رسمي

اهل البنت يقولوه طب هات اهلك

يقوم يقلهم اهلي في الخليج ومش ها يجيوا قبل سنة

بس اخويا الكبير موجود

يقولوله ماشي

يروح جايب صاحبه التاني دا ورايحين على انه اخوا الكبير ويتقدموا للبنت ويلبسوا دبل مؤقتا على بال ما اهل الولد يرجعوا من الخليج يقوموا يعملوا خطوبة رسمي

وما فيش مانع من هدية دهب حلوة كدا بالمناسبة دي

ويبتدي يدخل ويخرج معاها على حس الدبلة دي

ويجرب حظه معاها

استاجابت له تحت مسمى الحب او انه "هــــــــــــا" يبقى "جوزهااااا"

او اي مسمى

ووقعت الفاس في الراس وخد منها اللي عايزة

يروح سايبها بحجة انه ما يقبلش انه يتجوز بنت سلمت نفسها مرة!!!!!!!

وطبعا البنت بتسكت وماتجيبش سيرة عشان اهلها ما يقتلوهاش

اما لو ما استاجابتش ليه

بيسبها بعدها تحت اي حجة او خناقة مفتعلة

!!!!

فاكرين فيلم فاطمة و ماريكا و راشيل بتاع محمد فوزى لما كان حاطط فى جيبه 28 دبله بال 28 جرف هجائى و كل ما تعجبه واحدة يلبسها الدبلة إللى عليها أول حرف من اسمها؟؟؟

المشكلة إن الناس بتتعامل مع الأفلام على إنها تسلية... رغم إن بيبقى فيها رسالات تحذيرية و إشارات زى الحالة دى...

حسبى الله و نعم الوكيل..!!!!

[Salwa]

الغلطة غلطة الاهل...اهل الولد اللى معندهوش اخلاق...واهل

الب نت السذج..الطماعين.

احاول البحث عن كلمة اقل حدة..فلا أجد.

مش ممكن انهيار القيم..بالبساطة دى.

موضوع البنات والدكاترة والعملبات...اتكلمنا فيه..تقريبا..قبل كدة.

ومابنى على باطل...فهو باطل.

استهتار...استهتار...استهتار.

غياب القدوة...الرمز.

طالما الأب بعيد...الابن يفعل مابداله بلا رقيب ولا حسيب.

والفقر..؟؟؟؟...يجعل الناس تفتح الباب لأى طارق..

لابد من اصلاح...واستصلاح...الكثير.

لك الله يامصر.

ولاحول ولاقوة الا لالله.

سلامى.

[DARWEEN]

فيه نقطه مهمه ياجماعه ...

هو اللي يخطب بدبله يكون له حق الخروج والدخول زي ماهو عايز ؟؟

أولا : الخطوبة ليست مبرر حتى لمجرد الأنفراد داخل منزل الخطيبه

ثانيا : الخروج من المنزل لابد من وجود مرافق ويحبذ عدمه من الأساس

ثالثا : هل البنت بمجرد مايقول لها نروح عندي البيت تقول له ماشي ؟

المشكلة في القيم الأسرية نفسها وفي تساهل الوالدين ...

أنا لا أعتقد أني من الممكن أن أوافق لأبنتي أن تخرج مع خطيبها أو أن تجلس حتى معه لوحدهم ولو في الصالون والباب مغلق

مش هي دي الأصول ؟؟؟؟؟؟؟؟؟

[se_ Elsyed]

معليش يا عم داروين .... خلينا واقعيين ... هو ده اللى بيحصل ، فى مصر القاعدة ( بعيد عن السامعين ... إمشي يا قاعدة ) إن فى فترة الخطوبة الشاب والفتاة بيخرجوا زى ماهما عايزين ... بس فى أماكن عامة مش نظام شقق وكلام فاضي .

[بنت شعنونة]

استاذ داروين

انا بس عاوزا استفسر على حاجا

طب لو عملنا كدا فعلا وحد قاعد معاهم طول الوقت

طووووووووول الوقت

ها تعرف البنت شخصيته الفعليييية منييييين؟؟؟؟؟!!!!!

سي السيد

يمكن والله زي ما انت قلت عشان كدا كل ما اشوف حاجا مرعبة زي كدااااا بتهز جدا من جوايا

بس والله انا لما فكرت فيها وجدت انه بعد كللللل الحاجات اللي شفتها وسمعتها في حياتي

ممكن بجد اكل المقلب دا بمنتهىىىىىىى السلاسسسسة

"وش محروق ببنزييييييين"

[Masrawy Abroad]

عاوزة رأيي؟ ...شوفي فيلم روبرتو دي نيرو اللي اسمه

Meet the Parents

هو كوميدي اجتماعي

أبو العروسة (روبرتو دي نيرو ) كان ضابط سابق بالمخابرات الامريكية واتقدم لبنته واحد بيحبها..هي دكتورة وهو ممرض يهودي في نفس المستشفى....المهم أبوها طلع عينه لدرجة انه حطه على جهاز كشف الكذب...وسأله: شفت أفلام خليعة قبل كده؟...فالعريس قال: لأ

راح الجهاز كان ها يفرقع...

(وش بيضحك)

انصحك تشوفيه

[Proud Muslim]

لأخ الفاضل DARWEEN

كلام عشرة على عشرة .. جزاك الله خيرا

أنا لا أعتقد أني من الممكن أن أوافق لأبنتي أن تخرج مع خطيبها أو أن تجلس حتى معه لوحدهم ولو في الصالون والباب مغلق 

مش هي دي الأصول ؟؟؟؟؟؟؟؟؟

هذا هو ديننا و منه أتت الأصول و التقاليد فعلا ..

الأخت الفاضلة شعنونة

ها تعرف البنت شخصيته الفعليييية منييييين؟؟؟؟؟!!!!!

يا جماعة هو لازم يكون فيه خلوة علشان تعرف شخصيته ؟؟

و هي خلوة علشان يبقى كلامنا سليم .. و لا يمكن أن نسميها غير ذلك .

يعني على مدار التاريخ الاسلامي أو حتى المصري .. كيف كتب لملايين الزيجات السعادة و لم يكن هناك كلام عن الشخصية و معرفة الشخصية ..

و حتى لا يقال ولاد الحرام كثروا .. ولاد الحرام في كل مكان و في كل زمان ..

يعني دائما توجد تلك الشخصية المنحرفة التي تريد اللعب و اللهو .. و هناك دائما الممثلون الذين يحاولون أن يبدوا في صورة الحمل الوديع و هم ذئاب ضارية ..

طيب .. أين الاستخارة في اختيار الزوجة . و أين الاستخارة في رفض أو قبول العريس ؟؟

لماذا نهمل الجوانب الغيبية و نتعلق بالأسباب المادية فقط ؟؟

التوازن مطلوب ..

نسأل على العريس .. نعرف دينه و خلقه و أصله و فصله و تعليمه و ظروفه المادية .. و بعدين نعمل استخارة ..

مش كده و لا ايه ؟؟

و ربنا يوفق الجميع .

[بنت شعنونة]

اخ مصراوي

شففففففففت الفيلم :D

ومش ها اعمل زيييييييييييه هيه "وش بيطلع لسانه"

اخ براود

حد جاب سيرة خلوة؟؟؟؟؟

يعني لو هما سابوهم في الصالون و الباب مفتوح والاهل برا

دي خلووووة؟؟؟؟؟؟؟

بلاش

لو خرجوا في الشاااااااااارع قدام امة محمد

دي خلوة؟؟؟؟

من حق البنت تسال العريس اساله اكيييييييد تتحرج تسالها قدام اهلها يعني!!!!!!!

مش دا حقها والا اييييييييييييييييييه!!!!!!!!

"وش مفروس"