لطفك يـــــــا رب...؟؟!!!!!

[Proud Muslim]

حد جاب سيرة خلوة؟؟؟؟؟ 

يعني لو هما سابوهم في الصالون و الباب مفتوح والاهل برا 

دي خلووووة؟؟؟؟؟؟؟

ماشي ..

سايبينهم في الصالون و الباب مفتوح و الاثنين تحت النظر و هي محتشمة و لا تخضع بالقول .. الكلام رسمي يعني .. مفيش مشاكل ..

لكن الأهل يروحوا هنا و لا هنا .. تبقى خلوة !!

و بعدين لازم ما تكنش هذه القاءات كل يوم و لا كل اسبوع .. يعني مش داخل طالع كل يوم !!

لو خرجوا في الشاااااااااارع قدام امة محمد 

دي خلوة؟؟؟؟

هنا بقى مش مسألة خلوة ..

هنا مسألة ايه العلاقة ما بينهم ؟؟

هي مجرد خطيبته و هو مجرد خطيبها ..

يعني لما لما ..يبقى يبقى !!

و بعدين قدام الناس ..

يعني لما يسيبوا بعض .. يبقى ايه الموقف ؟؟

طيب لو ركبت معاه العربية ؟؟

دي بقى تبقى خلوة !!

صح ؟؟

من حق البنت تسال العريس اساله اكيييييييد تتحرج تسالها قدام اهلها يعني!!!!!!!

ما احنا قلنا .. يبقوا قاعدين في الصالون و الأهل عينهم عليهم .. بس ودنهم مش معاهم يعني !!

مش دا حقها والا اييييييييييييييييييه!!!!!!!! 

"وش مفروس" 

حقها في ايه ؟؟

ما احنا اتكلمنا في الموضوع ده ..

تتكلم في أي حاجة هي حرة و من حقها تعرف شخصيته ..

لكن بضوابط الشرع !!

و بعدين ليه وش مفروس بس يا أختي الكريمة .. هو أنا قتل حاجة غلط ؟؟

( وش حزين )

في ناس تانية بتقول .. لا تشوفه و لا يشوفها و لا يكلموا بعض و لا أي علاقة أصلا من أي نوع .. لا قدام الأهل و لا وراهم و لا جنبهم !!

يعني ده الرأي الوسطي المعتدل ..

[بنت شعنونة]

والله يا براود انا عارفا ان كلامك صح

وتصدق بالله

اوقات بتمنى اهلي يعملوا معايا كدا

او مش اوقات

لالا

من قلبي جوا كدا بتمنى الموضوع دا بجد والله

لكن وقت التنفيذ تلاقي غصب عني لازم امسك العريس انا شخصيا اعصرررره

واحب اخده برا عشان اشوف تفاعله مع الناس ازاي

عينه زايغا والا لا؟

بخيل والا لا؟

زوق والا لا

الحاجات دي صعب والله تبان جوا البيت

دا غير ان الموقف بيكون خانق جداااااا انه وشك في وشه لمدة ساعا او اكتررررر

واواقات بتبقى كلها سكااااات

اه والله

ساعتها ببقى عاوزا اطرررررده عشان قاعد ساكت؟

زي ما يكون مستنيني انا الل ياتكلم بسلالالالامته!!!!!!!!!

مع اني رغااااااايا

بس في المواقف دي ببقى خرسة

ربنا يهديييييييني :(

اه ع السيرة

واحد اعرفه ودا دكتور اكبر مني بكتيييير

خطب واحدا دكتورة برضه

وخلوا بالكم خطوووووووبة بس

وهوا ساكن في بيت لوحده ومعتزل بيت اهله من فترة طووووويلة

عارف كان بيحصل ايه؟؟

قعد شهرين

اكل شارب بايت نايم قاعد عند خطيبته

!!!!!!!!!!!

والله زي ما بقولك

اقاااااااامة كااااااااملة في بيت خطيبته وامها معاها واخوها وساكتيييين؟؟؟؟

وبعدها بفترة

اتفركشت الخطوبة

ايه رايك بقىىىىىىى في دول؟؟؟؟؟؟؟

[الطفشان]

الاخوة الاعزاء

حواركم شيق و ممتع

و لكنه خرج عن الموضوع الاصلي قليلا

لذلك اقترح ان تفتحوا موضوع جديد في نفس باب الاسرة و الطفل

اسمه "عادات و آداب الخطوبة" و تناقشوا فيه هذا الموضوع الحيوي المهم

[بنت شعنونة]

عم الطفشان

الكلام مسلسل وكله نفس الموضوع

والنبيييييييييي خليه هنااااااااااا

انا قربت اتوووووووه من كتر ما بنفتح مواضيع "وش محرج"

خلينا ماسكين في خناق بعض هنا

عشان اركز في الخناقة بس "وش بيضحك "

[Proud Muslim]

طيب نصيحة لك من أخ في الله ..

جربي واحد متدين كويس .. متدين بجد ..

عينه زايغا والا لا؟

لو متدين فعلا .. يبقى اطمني ان شاء الله ..

بخيل والا لا؟

دي هتبان من الهدايا أكيد و من لبسه و منظره العام .. و كمان لو متدين بجد ..يبقى اطمني برده ..

زوق والا لا

نفس الكلام ..

بجد و الله أنا بقول كلام واقعي جدا ..

جربيه و اخلصي النية .. و ان شاء الله لن تندمي يوما ..

و الاستخارة .. الاستخارة .. الاستخارة ..

ساعتها ببقى عاوزا اطرررررده عشان قاعد ساكت؟ 

زي ما يكون مستنيني انا الل ياتكلم بسلالالالامته!!!!!!!!!

راجل ماشاء الله .. حيي ( عنده حياء ) .. و قليل الكلام دليل الحكمة !!

:)

أما الدكتور و الدكتورة ..

ربنا يهديهم و يهدي اهاليهم ..

بس و الله لو جت على الخطوبة مبلوعة ..

أنا كنت أعرف واحدة ..

و كان صاحبها .. صاحبها .. يعدي عليها ياخدها من البيت و أبوها يقوله .. خلي بالك منها .. و بلاش تأخير .. عندها جامعة بكره بدري ..

و الله العظيم قدامي !!

أنا كنت بضرب كف على كف .. و أقول .. احنا في مصر !!

و عادي جدا !!

و أمهات كثير جدا جدا .. تسمح لبنتها يكون لها صاحب .. علشان الأمور تتسهل و تنزاح و تتستر !!

مش عارف .. كنت أستغرب جدا !!

يعني قبل ما ألتزم كنت أعرف ناس عندها مبدأ ..

لو يعرف أي بنت و يكون له علاقة بها .. لازم يكون من وراء أهلها .. علشان لو قدام أهلها .. بصراحة بيحتقروهم جدا !!

و يبقى عايزين يضربوهم كلهم !!

هو صحيح مبدأ منيل و ربنا يغفر لهم و للمسلمين جميعا ..

بس يعني في حصوة ملح !!

ربنا يهدي نساء و رجال المسلمين ..

اللهم امين

[بنت شعنونة]

راجل ماشاء الله .. حيي ( عنده حياء ) .. و قليل الكلام دليل الحكمة !! 

يا لهوووووووووووووي

يعني والمفروض ابقى انا ساعتها اللي مش حيية!!!!!!!

واتكلم انا بقى والا ايه؟؟؟؟

دا ايه الرجوووووووولة دي بسسسسسسسسس

"وش مفرووووووووووووووسسسسسس بجد"

والا ها نفضل حيين يا براود انا هوا كدا لحد ما نتجوز بطريقة الصم البكم؟؟؟؟؟

:)

في كلمة بتقول

تكلم حتى اعرف من انت

دا حتى ربنا حللنا دا

تقوم انت تقولي حيي

مش قووووووووووي كد يعني "وش بيضحك"

[Proud Muslim]

يا لهوووووووووووووي 

يعني والمفروض ابقى انا ساعتها اللي مش حيية!!!!!!! 

واتكلم انا بقى والا ايه؟؟؟؟ 

دا ايه الرجوووووووولة دي بسسسسسسسسس 

"وش مفرووووووووووووووسسسسسس بجد"

لأ لأ .. و الله مش قصدي بجد .. :)

أنا قلت ألتمس للرجل العذر يعني .. يمكن خجول حبتين زيادة ..

بس لما يتكلم و يكون متكلم لبق و محاور جيد و رجل مثقف و فاهم .. يبقى 10/10 .. حد يكره !!

بس أصل أنا أكره الرجال الغاية بصراحة !!

يعني أنا كنت بشوف ناسيبنا و كان في منهم رجالة .. رغي عمال على بطال .. لما بيخلوني .. أبقى عايز أقوم أروح أو أضربهم !!

أحسن شيء .. الوسط .. الوسطية ..

كما يقال أن الفضيلة هي وسط بين سيئتين !!

يعني المتكلم الموزون العاقل .. هو الوسط بين الذي لا يتكلم و لا يعرف ما يقول و بين الثرثار الذي يزعج من حوله !!

لا افراط و لا تفريط !!