لحظة من حياة شعنونة...

[بنت شعنونة]

حبيت ابكي وما قدرتش

حبيت اجري وما هربتش؟

حبيت اتكلم وما عرفتش!!

كتبت المشاعر حروف

ضحك ..حزن.. شجن و خوف

وانا في الدنيا دي شفت صنوف

بس الظاهر اني ما اتعلمتش حاجا من الظروف..

جرحوني وقالوا انتي الطبيب؟

وهوا الطبيب يا ناس عن عالم البشر بعيد؟

والا جرحه عن الألام بيغيب؟؟

انا انسانة بسيطة وبتعافر

تايهة ومش لاقياني ونفسي مني بتسافر

ومن كتر المعافرة حاسا صوابعي بقت حوافر

طب استسلم؟

ما انتوا قلتوا لا؟؟ وقلتوا لازم احاول؟

طب احاول؟

رجعتوا قلتوا هو في غير الطب في الجداول!!

تعبت وتعبتوني معاكم؟

لا ساكتة نافعه.. ولا بتكلم راضياكم؟؟

لا حابسة نفسي في حالي سيبتوني..

ولا لما نزلت اعارفر سيبتوني؟

طب والحل؟

شعنونة وقلمي حزين

وضحكتي مرسومة على قلب مسكين

ضحكة عفوية بريئة لكن والله من القلب الحزين

وكلمة واحدة صريحة مش بوشين

واللي في قلبي على لساني من غير دواوين

انا كده غلط؟

كده بقيت وحشة؟

يعني لازم ابقى بوشين؟؟

كل ما تطلعلي جناحات وارفرف

تدبحوني بسكاكينكم وارجع من الدبح ارفرف

وفي وسط الرفرفة الاقي ايدين ناس حضناني

ناس غريبة عني لكن حباني

قالولي خليكي انتي زي ما انتي

تعبت وتعبوني

وفي نفسي شككتوني

طب اكمل والا اقف

اقعد والا اروح

ابقى انا والا مش انا

تعبت.......

[sos]

الاجت الدكتوره: شانا........بصراحة انت عندك موهبة فى الكتابة ليست بالقليلة .......لن اعلق على مضمون ما كتبت.....فقط هل تتذكرى قصة جحا وابنه والحمار..... لم يرضى الناس ركوب جحا ولا ابنه الحمار...... فحملا الحمار لارضاء الناس.......الا ان الناس لم يرضوا .... كونى كما انت.... خذى من القصة العبرة ......

[Lancelot]

تعبت ......

كانت توقيعك من فترة ... دلوقتي فهمت ....

جميلة جدا القصيدة يا شانا ...... إنتي مش رسامة بس لا و شاعرة كمان ....

[بنت شعنونة]

اخي sos

طب واذا كنت زي ما انا كدا مش راضيا حد نهااااااائي

لا اهلي ولا اقاريبي ولا الغرباء حتى

يبقى ايه الحل!!!! "وش مقهور"

لانس...

والله هيا كدا تمام زي ما انت قلت

تعبببببت ...

بس الأمر لله من قبل ومن بعد..

وربنا يخليك على كلامك يا لانس

بس انا لا رسامة ولا نيلة

انا بقول "شوية" من اللي جوايا

امال انكد على ميييييييين يعني "وش بيضحك "

[sos]

اسألك شانا سؤالين.......لا تجاوبينى ..... بل جاوبى نفسك.....

الاول

هل تحاولى ارضاء الله تعالى(لاحظى انى لم اسأل هل ترضى الله تعالى)؟؟؟؟؟؟؟؟؟؟؟؟؟

الثانى

هل ترضى عن نفسك احيانا(لاحظى انى اقول احيانا)؟؟؟؟؟؟

[بنت شعنونة]

والله يا سوس بسالهم كل يوووووم لعى الله لنفسي

الاولاني ايوا و جدااااا بحاول والله

والتاني..

انا عدوة نفسي..باختصار شديد

شايف توقيعك يا اخي سوس؟؟

اهوا انا الأبسط دا...:(

[crossfield]

الطبع يغلب التطبع يا شنشن

مهما تحاولى تتظاهرى بعكس اللى جواكى هييجى وقت تتعبى و مش هتقدرى تمثلى أكتر من كده

خليكى على طبيعتك لكن حاولى تكونى موضوعية شوية ؛يعنى لو فى حاجة انتى نفسك مش عاجباكى فى نفسك يبقى حاولى تغيريها بجد

لكن طالما انتى عاجبة نفسك كده يبقى تكبرى دماغك

نصيحة أخوية :فى ناس مريضة ما وراهاش غير نقد اللى حواليها وبس و دول لو سلمتيهم ودانك مش هتخلصى و خصوصاً طول ما انتى محسساهم ان رأيهم يهمك .

[بنت شعنونة]

قيود واغلال

سلاسل واحمال

تسلسلت بها ولم يعد في الأمكان

ان اتحمل اكثر مما كان..

قولبوني و وضعوني في هذا القالب

ولكني انا لست انا...فبماذا اطالب؟

ااطلب العدل ام الرحمة.. ام النجدة من هذا الظلم الغالب؟

لم اعد انا كما كنت

حتى لقد ضعت عن نفسي وهنت

اريد ان ارضي والدي ليرتاح

واريد ان ارضي المجتمع وارتاح

ولكن انا....مش مهم انا ..المهم الكل مرتاح!!!

ااااااااااااااااااه

صرخة مكتومة جوايا

لا عارفا ارخ ولا عارفا احكي اللي جوايا

احكي لمين وابويا بيتعب ويايا

واخواتي كل واحد في واد..وماحدش فاضي ل بكايا

8 سنين واكتر يا عالم يا هو وانا مجبوووورة

دا لو كنت مسجونة.. كنت خرجت بالخاطر مجبورة

انما اخرج من سجن لسجن اكبر ودنيا مغرورة

ماسكت القلم بايد

والسكين بالايد التانية

بيدبحوني والحجة مصلحتي

8 سنين دبح.......ياااااااه .. دا كتير يا ناس والله

عمالة اكتب اي حاجا وكل حاجا عن اي حاجا

بحاول الهي نفسي لآني خلالالالالالالاص ما بقتش مستحملة حاجا

مش ها احكي لحد

حاضر..

مش ها اشكي لحد

ماااااااشي

بس مش من حق حد يعذبني

وتحرموني من حق عذابي

تخاااااااااااااااااريف انسانة مخنوووووووووقة

[masry]

ان لم تعمل ما تحب....فاحبب ما تعمل

النجاح لا يأتى فى يوم و ليلة

[بنت شعنونة]

ان لم تعمل ما تحب....فاحبب ما تعمل 

النجاح لا يأتى فى يوم و ليلة

ها ابقى ادوس على الزر اللي يخليني احبه!!!!

"النجاح لا ياتي في يوم وليلة"

بقاله 8 سنين ماجاش

مش اتاخر شوية؟؟؟!!!!!!!

:(