الأهلى أنهزم يا رجاله ....

[houssin abo habaga]

فى مباراة العمر للنادى المصرى

بقيادة نجم الأهلى السابق حسام حسن

وجمع من لعيبة الأهلى المنتقلين حديثا الى المصرى

لم يقوى الأهلى المصرى ابو البطولات على مجاراة حماس المصرى

وأنهزم 2/0

مبروك للمصرى الذى قدم مباراة رائعه وهارد لك للنادى الأهلى

تحياتى للجميع

روح رياضية

;) :)

[الطيار المصرى]

انا أهلاوي........بس فرحان من الحصل ده جدا....

قمة في الاداء الغريب من اللاعبين...و التشكيل الاغرب المستهين بالنادي المصري...

عكس المصري الذي كان الافضل فنيا و خططيا معظم فترات المباراة....

لكن اللي حصل من تجاوزات من حسام حسن لا يمكن السكوت عليه...و الشتائم البذيئة التي صدرت منه...

مش ممكن ما بيتعظش ابدا....قاعد متعافب في المقصورة...و برده قليل الادب...

علي الرغم من الطفرة التي حققها مع النادي المصري...لكن برده مش قادر يحسن نفسه شوية....

ياللا مش مشكلة...علي الله الاهلي يرحمنا من العكننة اللي بدأ بيها الدوري دي....

و الف مبروك للنادي المصري متصدر الدوري ;)

تحياتي...

الطيار المصري

[محمد عبدالعزيز]

أنا كمان أهلاوى ومش زعلان قوى من الهزيمة لأن مباراة واحدة مش حتأثر إن شاء الله والأهلى قادر إنه يعيد ترتيب أوراقه ويكمل المسيرة.

والمصرى فعلاً كان أحسن بكتير من الأهلى ويستحق الفوز, ألف مبروك للمصرى وجهازه وجماهيره, ويارب يفضل المستوى كده طول الموسم عشان نشوف منافسة فى الدورى.

أنا فرحان بقى عشان فى مدرب مصرى قدر يعمل فريق من مجموعة من اللاعبين أغلبهم مغمورين, لا وكمان يهزم جوزيه اللى عمل بطولات للنادى الأهلى فى مدة قصيرة جداً لم تتكرر من قبل مع أى مدرب آخر.

وده يدينا أمل إن المدرب ده ممكن يمسك منتخب مصر فى المستقبل ويحقق اللى مفيش مدرب تانى قدر يحققه.

بس متضايق جداً بصراحة من عصبية ونرفزة حسام, وقلة الأدب اللى صدرت منه, أعتقد إن العيوب دى ممكن تقضى عليه كمدرب بدرى بدرى.