حلم أنقلب لكابوس............

[houssin abo habaga]

..

حلم أنقلب لكابوس

زى كل الناس ما بتحلم ..

قلت احلم

زهر وردى

وزرع أخضر

وليل ونجوم وقمر

وشيخ بقبه

سره باتع

وناس ولمه

بتقول مدد

على طول المدد

ده اللى كنت فاكرة قبل ما أنام

واللى كنت رسمه فى المنام

حلمى أنقلب

كل يوم

فى المنام

أشوف كابوس

شفت صورته فى الجرايد

وع الحيطان

نفس صورته اللى جاية

ف المنام

خلى حلمى زفت اسود

قمت أصرخ

صوتى راح

شفت أيده متلوسه

بدم ناس متسلسلة

وصوت السلاسل

جه فى ودنى

صراخ وألم

شفت ناس متصابين

بأمراض غريبه متوطنه

فى أرضنا

متسرطنه

متسلطنه

ملقتش غير جسمنا

شفت ناس

صابها الجفاف

قلة غذا م ألأكل حاف

لابسين هدوم متهربده

من تحتها جسد نحيل

مليان هموم

وكل ما أحاول أقوم

أشوف صورة صنم

جوه المنام

بتدوس على رقاب

عباد م البشر لا مش بشر

من كل اللى شفته

م ألألم

قمت أصرخ م المنام

من بعدها

بطلت أحلم وبطلت أنام

------------------------

كتابات / أرابيسك

phn: bv:- :P

.</H1> تم تعديل 14 أغسطس 2008 بواسطة houssin abo habaga